تواصل ارتفاع أسعار السلع الإستهلاكية
تزال اسواق الخرطوم للسلع والمواد الاستهلاكية تواصل ارتفاعها بالرغم من حالة الركود التي ظلت تخيم على السوق منذ فترة ليرتفع سعر جوال السكر الى (149) جنيهاً ليباع الرطل منه بواحد جنيه و(50) قرشاً ووصل سعر جركانة الزيت الفول الى (78) جنيهاً فيما سجل زيت السمسم نحو (88) جنيهاً ليصل سعر الرطل الى اربعة جنيهات مقارنة باسعار في حدود (3.5) جنيهات فيما استقر سعر جوال البصل في حدود (37) جنيه وتأرجحت اسعار الدقيق بين (71 - 85) جنيهاً لكافة انواعه لتباع الباكتة منه بـ (22) جنيهاً، وقفز سعر جوال العدس الى (120) جنيهاً بواقع (69) للكرتونة المستوردة، فيما سجل جوال البلح نوعية الجاو (107) جنيهات فيما وصلت لسعر نوعية البركاوي الى (217) جنيهاً بزيادة (12) جنيهاً عن الاسابيع الماضية. وارجع التجار تواصل ارتفاع الاسعار الى قلة الوارد من مناطق الانتاج مما ادى الى ندرة في السلع مقابل تزايد الطلب. ويقول السني جبر الله صاحب تجاري بسوق ام درمان «الاستاد» ان السوق ظل يسجل ارتفاعاً متواصلاً في الاسعار في الآونة الاخيرة خاصة في السلع الاساسية كالسكر والزيت. وعزا السني الزيادات الى سياسات الاحتكار التي يمارسها بعض التجار وتجفيف الأسواق بغية السيطرة عليه.
تخريمة : اها الحل شنو يا اهلنا ،،
لو كان الفقر رجلاً لقتلته ،،،،،،
من المسؤول عن فوضى الاسعار هذه !!!!
الناس تعمل شنو
1/ الاكل
2/ العلاج
3/ التعليم
4/ المواصلات
والله الـ 4 مع بعض صعبات ( واحدة ) يادوبك الناس تقدر عليها
تخريمة : عندي صاحبي ساكن تحديداً في الثورة الحارة العشرة محطة الصلاحابي وشغال ( في مغلق في الخرطوم ) تحديداً شرق الخور ( ودي بعرفوها ناس السجانة بس) ( ناس ود مدثر)
ووظيفته ادارية محاسبة + مبيعات
كل يوم بياخد من المحل 10 الف + راتب اخر الشهر مليون و 80 الف تصدقوا او ما تصدقوا الزول دا بيقول لي انا يوم 14 في الشهر بكون قطعت ( خالص ) وعندو سيارة ( اتوز) قرشها لانو عاوزة بنزين بالميت (2 جالون) في اليوم يعني 20 الف في الشهر بي 600 الف ( معقولة بس ) والان مع المواصلات بركب من العاشرة للشهداء ومن الشهداء للخرطوم ومن الخرطوم للسجانة ومرات بيكون (محظوظ) بركب من العاشرة طوالي للخرطوم ..
عاوز زول شفت يقسم لي 10 الف في اليوم + مليون و 800 الف في الشهر ويقسمها من غير اي رفاهية ( الحليب والسكر من الكماليات) ...
ابشركم ساكن مع ناس ابوهو ( وعندو 3 اطفال ) اكبرهم في 2 ابتدائي واحد في الروضة والاخيرة ( بنت رضيعة)
انا في انتظاركم !!!!
رد مع اقتباس
المشاركة الأصلية كتبت بواسطة مدنيّة
المفضلات