نتيجة للضغوط الأقتصادية الضاغطة للسواد الأعظم من سكان السودان الذى كان .. فقد درجت العديد من الأسر الى بيع نصف منازلهم و استثمار قيمة البيت و يا للهول فى شراء سيارة نقل للمساعدة فى الصرف على الأسرة .. و كاااااااااااااااااااااااان الحل ماشى يادوبك حق الناس للناس ..
بالأمس أصدرت الدولة حزمة من " المعالجات " كلها تصب فى " مصلحة المواطن " :
( رفع سعر جالون البنزين من 6.5 جنيه (أكثر من دولارين) إلى 8.5 جنيه سوداني، والجازولين إلى 6.5 جنيه، وغاز الطبخ من 12 جنيها إلى 13 جنيها، وغاز الطائرات إلى 6.5 جنيه، وفرض رسوم 20 جنيها على جوال السكر المحلي ليتوازن مع السكر المستورد )
و عشان كده قرر المواطن أن يؤجر أو يبيع النص التانى من البيت لمقابلة الزيادات الجديدة ..
و كمان عشان تكون القصة حلوة قاموا قرروا حاجة تانية عشان ما يقولوا ما عصروا على رقبتهم .. قاموا عملوا شنو ؟؟؟
تخفيض مرتبات الدستوريين في المركز والولايات بنسبة 25%، وخفض موازنة البعثات الخارجية بنسبة 10% وخفض السفر الخارجي للدستوريين والتنفيذيين وموظفي الدولة بنسبة 30%
لكن عشان فى حاجات الناس ما عارفينها .. قاموا ما جابوا ليها خبر .. اللى هى شنووووووووو ؟؟؟
عندنا بت قريبتنا شغالة سكرتيرة مرتبها حولى 700 - 800 جنيه .. بانيه ليها زى 3 بيوت .. من ويييييين بقى !!!!!
مخكم ما يمشى بعيد .. أصلوا الناس ديل عندهم حاجة اسمها حوافز الأجتماعات .. و حوافز الأجتماعات دى بعد الأجتماع ما يتنهى بيدوك ظرف .. حسب مكانتك و حسب دسامة الأجتماع و الحاضرين فيهو .. أهااااااااااااااه .. البت دى بيدوها نهاية كل اجتماع ظرف حده الأدنى 500 جنيه و الأعلى 700 يزداد فى الأعياد و المناسبات و الأفتتاحات .. و طبعا بيجتمعوا زى 4 الى 5 مرات فى الأسبوع ..
بعد ده أنا الا أبيع بيت الجيران !!
رد مع اقتباس
المفضلات