بصراحه

[همسات]

بصرااااااااااااحه كده في موضوع حارقني من جوه قلبي
النسوان والبنات ديل في المستشفي جايبين لي الضغط والسكري
الوحده تجيك عيانه تقول دايره تموت هسه
تبدا تسال فيها تديك معظم المعلومات غلط عن نفسها
وتبني كل الفي راسك غلط اها في الحاله دي الدكاتره يعملو شنو
يعني مثلا كده تسالها من عمرها كم كان عمرها 45 تقول ليك 32
ده طبعا كان ماقالت 20 سنه ...................
يااخوانا والله في امراض وامراض خطيره جدا
كلها بتتعلق بالعمر يعني مثلا وحده جاتني حامل لاول مره
وكبيييييييييييييييره في بداية الاربعينيات
وتسالها عمرك كم تقول ليك 29 سنه لانها محافظه وماظاهر فيها
اها دي لمن تجي تولد وتخش في مشاكل مايعلم بيها الا الله
زي دي تعمل ليها شنو بس وبعدين بي تحت تحت لما تجي تعيد الاسئله
تقول ليك الحقيقه المره الاولي ماراجلها كان قاعد معاها
ده ناهيك عن متزوجه كم مره
ووووووووووووووووووو
وطبعا الدكتور مامفروض يفقد اعصابو بالعكس
يكون ريلاكس ومبتسم وفرحان بي نجاحو المبهر

[الملكة اسماء ( ام محمد )]

موضوع مهم جدا
ودي حقيقة للاسف منتشرة جدا في مجتمعنا السوداني خاصة
ويمكن يكون السبب عدم وجود معلومات كافية في سجلات المرضى تغني الاطباء عن السؤال الذي قد يكون محرجا احيانا كما يظنه بعض الجهلة

[تغريدا]

ست الدكتورة لفته جميلة وحقيقة حاصلة وشاهدتها بأم عينى كتتتتتتتتتتير لكن حابة أسالك بما أنك دكتورة السايكلوجية شنو فى أنه المرأة تخفى حقيقة عمرها تحديداً؟؟؟؟؟

[همسات]

موضوع مهم جدا
ودي حقيقة للاسف منتشرة جدا في مجتمعنا السوداني خاصة
ويمكن يكون السبب عدم وجود معلومات كافية في سجلات المرضى تغني الاطباء عن السؤال الذي قد يكون محرجا احيانا كما يظنه بعض الجهلة

اختي الملكه الغاليه
والله بالجد حاجه مزعجه جدا
والازعاج بجي في انها بتعرض نفسها لي مشاكل كتيره
في الدول المتقدمه لا توجد مثل هذا الاشياء
فقد نجد امراءه في غاية الجمال
ومن شكلها تقولي عمرها عشرين سنه ولما تساليها
تقول ليك عمرها 50 سنه ده لانهم مابعرفو يكذبو اصلا

[همسات]

ست الدكتورة لفته جميلة وحقيقة حاصلة وشاهدتها بأم عينى كتتتتتتتتتتير لكن حابة أسالك بما أنك دكتورة السايكلوجية شنو فى أنه المرأة تخفى حقيقة عمرها تحديداً؟؟؟؟؟

هلا بالغاليه والله
اول حاجه سيكلوجية المراءه تعني طبيعة المراءه النفسيه
يصعب فهم المراءه نفسيا
والطريق الوحيد لفهم المراءه نفسيا هو فهمها بيولوجيا
فعلي الرغم من غموض المراءه نفسيا فهي شديده الوضوح بيولوجيا
وهذا يعني ان التكوين البيولوجي فاضح لها
والمقصود بالتركيب او التكوين البيولوجي
هو تركيب المراءه الجسماني والتغيرات النفسيه والجسديه
التي تحدث لها منذ بلوغها.
وتميل المراءه الي التخفي والتستر
وهذا يعتبر رد فعل طبيعي لهذا الفضح البيولوجي
وهذه الصفه اعني التستر تعتبر قناعا للمراءه
الذي يخفي حقيقتها البيولوجيه ومشاعرها
عن العيون خاصه اذا بالغت المراءه في استخدامها
كما انه يصحب هذه الصفه صفه اخري ملازمه ومناقضه لهذه الصفه
ولكنها تكون في الحقيقه مكمله لها وهي صفة التظاهر
ففي هذه الحاله تميل المراءه الي التزين والتجمل واستخدام الروائح
حتي تبهر من يراها ولكنه لايعرف دواخلها بسهوله ويكون هذا هو هدفها
كما انه لايتوقف التظاهر علي حد المستوي الجسدي والمادي
انما يصل الي المستوي النفسي وفي هذه الحاله يظهر ميل المراءه الي الكذب المتجمل
وهذا مايعرف اختي بالكشف البيولوجي مقابل التستر النفسي


هذا بصوره مبسطه اختي الغاليه
لك التحيه

[تغريدا]

يعنى ياحبيبة الموضوع بايلوجى بحت وسايكولوجية معقدة شدييييييييد للمرأة

[الاستاذة]

يعنى ياحبيبة الموضوع بايلوجى بحت وسايكولوجية معقدة شدييييييييد للمرأة

لان المرأة كائن يسعى دائما الى الكمال ويبحث عن المثالية
لذلك تحاول جاهدة إخفاء كل ما يمس شخصيتها من عيوب حتى لاتشعر بالنقص وتشعر الآخرين به
وتحاول ان تكون جميلة وجذابة ومثالية في كل الاوقات لذلك من الصعب معرفة مافي الدواخل
واعتبر هذه ميزة أختي تغريد عبد العظيم (هههههه)

[محب]

الاخت همسات لكي التحية
موضوع في غاية الاهمية
تسلم يدك

[همسات]

يعنى ياحبيبة الموضوع بايلوجى بحت وسايكولوجية معقدة شدييييييييد للمرأة

بالضبط كده اختي الغاليه
واكيد برجع تاني للموضوع ده
بصوره اوسع لتعم الفائده
تسلمي كتير

[همسات]

لان المرأة كائن يسعى دائما الى الكمال ويبحث عن المثالية
لذلك تحاول جاهدة إخفاء كل ما يمس شخصيتها من عيوب حتى لاتشعر بالنقص وتشعر الآخرين به
وتحاول ان تكون جميلة وجذابة ومثالية في كل الاوقات لذلك من الصعب معرفة مافي الدواخل
واعتبر هذه ميزة أختي تغريد عبد العظيم (هههههه)

اختي الغاليه الاستاذه
سعيده بطلتك ووجودك هنا
نعم انها ميزه جميله ولكنها لو زادت عن حدها
تكون مشكله ولكي تصل المراءه الي المثاليه وليس الكمال
لان الكمال لله وحده
يجب عليها ان تجمع بين الجمال
وصفات اخري تجعلها اكثر جمالا
تسلمي اختي ومرورك يفرح

[همسات]

[quote=محب;564952]الاخت همسات لكي التحية
موضوع في غاية الاهمية
تسلم يدك[/quote

اخي محب لك التحيه
اولا طال غيابك ان شاءالله المانع خير
او اكون انا الغايبه ههههههه
تسلم كتير علي المرور

[تغريدا]

لان المرأة كائن يسعى دائما الى الكمال ويبحث عن المثالية
لذلك تحاول جاهدة إخفاء كل ما يمس شخصيتها من عيوب حتى لاتشعر بالنقص وتشعر الآخرين به
وتحاول ان تكون جميلة وجذابة ومثالية في كل الاوقات لذلك من الصعب معرفة مافي الدواخل
واعتبر هذه ميزة أختي تغريد عبد العظيم (هههههه)

أختى الأستاذة تحية مسائية ندية أنثوية فرايحية سلمت يداك ويد الدكتورة الرقيقة همسات وحقيقة أختى يمكن أن تكون ميزة وكما أوضحت الدكتورة أنه هذه الميزة لوأستخدمت زيادة عن اللزوم بتجيب صاحبتها على أم وجهها وتنقلب ضدها:d:d:d:d

[تغريدا]

همستى الغالية يستحضرنى الآن ونحن بذكر عمر المرأة المثل أو المقولة التى تقول أثنان لا تسأل عنهما:
المرأة عن عمرها والرجل عن كم فى جيبه
يعنى ياحبيبة كان تمشى المقابر أخير ليها ويقولوا سغيرة وجاهلة من تبقى كويسة زى الحصان ويقولوا عليها كبيرة

[همسات]

همستى الغالية يستحضرنى الآن ونحن بذكر عمر المرأة المثل أو المقولة التى تقول أثنان لا تسأل عنهما:
المرأة عن عمرها والرجل عن كم فى جيبه
يعنى ياحبيبة كان تمشى المقابر أخير ليها ويقولوا سغيرة وجاهلة من تبقى كويسة زى الحصان ويقولوا عليها كبيرة

صدقيني اختي الغاليه
الجهل مصيبه خصوصا في هذا الزمان
لان الكل يسعي لان يكون الأفضل
ربنا يهديهم ومايجهجهونا اكتر من كده

[تغريدا]

صدقيني اختي الغاليه
الجهل مصيبه خصوصا في هذا الزمان
لان الكل يسعي لان يكون الأفضل
ربنا يهديهم ومايجهجهونا اكتر من كده

بالتأكيد ياغالية وأنتو كما رنا يقدركم ويعينكم على ماتبذلونه من جهد لأنقاذ المرضى

[بحيرى]

الاخوات
همسات , تغريد , الملكه , الاستاذه
كلكن من الجنس اللطيف
وانتن اكثرنا علماً بجنسكم
وانتن اعلم بان النساء ومهما بلغن من العلم مكانتاً لا ينطقن بالإجابة الصحيحة عن هذا السؤال
الآ وهو سؤال العمر
مما يعرض حياتهن للخطر كما ذكرت همسات انفاً
وهى ثقافه قمن عليها لا يدركن مخاطرها
فاصبح تغيرها من الصعب ما امكن خاصةً فى ظل الحياء الذى هو من شيم النساء السودانيات
الموضوع يطول عنه الحديث
ولكنى اؤكد تماماً كما اقسم بان لاتجدوا لهو حل لا من رحم ربى
هذا ليس إحباطاً ولكن لعلمى من هن النساء فى بلدى !!

[آلاء عبد الرحمن]

والله ربنا يكون في العون
بس المفروض في حالت انو تتكلم مع طبيب بالذات مايكون في كذب بخصوص العمر لانو بتعلق باشيا كثيرا

[همسات]

الاخوات
همسات , تغريد , الملكه , الاستاذه
كلكن من الجنس اللطيف
وانتن اكثرنا علماً بجنسكم
وانتن اعلم بان النساء ومهما بلغن من العلم مكانتاً لا ينطقن بالإجابة الصحيحة عن هذا السؤال
الآ وهو سؤال العمر
مما يعرض حياتهن للخطر كما ذكرت همسات انفاً
وهى ثقافه قمن عليها لا يدركن مخاطرها
فاصبح تغيرها من الصعب ما امكن خاصةً فى ظل الحياء الذى هو من شيم النساء السودانيات
الموضوع يطول عنه الحديث
ولكنى اؤكد تماماً كما اقسم بان لاتجدوا لهو حل لا من رحم ربى
هذا ليس إحباطاً ولكن لعلمى من هن النساء فى بلدى !!

اخي بحيري تحياتي
نعم نحن من نفس جنس
وندري تماما بهذه المشكله
وهي تكاد تكون عامه
الا من رحم ربي كما تقول
ولكن اين في الدول العربيه فقط
اما في بلاد الغرب واوروبا لاتوجد هذه الاشياء
ولم اصادفها ولامره تخيل
حز في نفسي هذا الجهل
وحز اكتر الي اي درجه يمكن ان يصل بنا
الحياء اخي من اجمل الصفات في المراءه
ولكن ليس الكذب ............
فهنا في هذا البوست
احب ان استمع اكثر لاراء
الجنس الاخر في هذا الموضوع
بكل صراحه لان رأي الرجل
تحديدا قد يساعدنا في حل هذه المشكله
فالمراءه تكذب في اعطاء عمرها الحقيقي
بنسبه كبيره جدا بالنسبه لمسببات الكذب ...
من اجل الرجل اذا فماهو راي الرجل في هذا النوع من الكذب ؟
تسلم كتير علي المرور
وخليك قريب

[همسات]

والله ربنا يكون في العون
بس المفروض في حالت انو تتكلم مع طبيب بالذات مايكون في كذب بخصوص العمر لانو بتعلق باشيا كثيرا

اختي الغاليه الاء تحياتي
نعم هذا مايهمني كطبيبه
لانه يسبب لي ولها الكثير من المشاكل

[همسات]

الاخت همسات لكي التحية
موضوع في غاية الاهمية
تسلم يدك

أخي محب تحياتي
اريد معرفة رأيك بكل صراحه
اذا حدث هذا معك فماهو احساسك
وكيف تتعامل مع الموضوع
وهل هذا يقلل من مقامها عند الرجل
خصوصا لو انه علم عمرها الحقيقي

[صلاح ودالطاهر]

فشخرة نقيص عمرساي

[همسات]

يعني ماعندها معني
تحياتي وكل الاحترام اخي صلاح ود الطاهر

[بحيرى]

مثلاً
انا من الجنس الخشن
لو تحدثت مع الجنس اللطيف
وقامت البت او المراءه قالت لى عمرها -وما اظن- اول حاجه بقارن العمر مع الشكل
ولمن القى فى فرق بين العمر والشكل - الشكل اكبر من العمر - تتبادر فى ذهنى عدة اسئله
لماذا
بتصغر فى نفسها
هل هنالك شئ يدور فى بالها تجاهى
هل هى حست بانى اصغر منها فى العمر
ربما تكون خاشه على طمع (ما تصدقوا)
ولكن
كل هذه الاسباب ممكنه وغيرها
ولكن تؤدى الى نتائج سلبيه بالنسبة لها
فاذا صحت توقعاتى
فهى اذاً قد خسرت الجوله منذ بدايتها
لانها رسمت صوره سيئة عنها فى مخيلتها
وهى صفة الكذب
وقس على ذلك !!

الموضوع ده شكلو ح يجر
الونسه فيهو سمحه !!

[أمير عبداللطيف]

الاسبوع الماضي حضرت لمكتبي شابه بغرض استخراج جواز بدل فاقد ، وتحمل جنسيه حديثة الاصدار وشهادة تقدير عمر بمواليد 1983 ،، وبمراجعتي بالحاسوب لبيانات جوازها السابق وجدت ان تاريخ الميلاد 1968 ؟؟؟ النصيحه شكلها يقبل مواليد 1990 ذااااتو هههه ،، تحدثت معها فاقرت بانها مواليد 1968 وقالت بصراحه زواجي نهاية الشهر وعديل كده العريس لو عرفني مواليد 68 بفرتق ؟؟
علما بانها محتاجه للجواز لترتيبات شهر العسل ؟؟
اها دى كيف يادكتوره ؟؟ هههههه

[مدنيّة]

الاسبوع الماضي حضرت لمكتبي شابه بغرض استخراج جواز بدل فاقد ، وتحمل جنسيه حديثة الاصدار وشهادة تقدير عمر بمواليد 1983 ،، وبمراجعتي بالحاسوب لبيانات جوازها السابق وجدت ان تاريخ الميلاد 1968 ؟؟؟ النصيحه شكلها يقبل مواليد 1990 ذااااتو هههه ،، تحدثت معها فاقرت بانها مواليد 1968 وقالت بصراحه زواجي نهاية الشهر وعديل كده العريس لو عرفني مواليد 68 بفرتق ؟؟
علما بانها محتاجه للجواز لترتيبات شهر العسل ؟؟
اها دى كيف يادكتوره ؟؟ هههههه

والله دي بااااااااااااااالغت جنس بوليغ ياسعادتك!!
معقولة بث تدخل علي حياة جديدة بكضبة!!
وقدر كدا!!!!
يفرتق طوالي العريس لو عايز يفرتق
المهم تتعامل بصدق مع نفسها والاخرين
-------
اوع تكون ياسعادتك طلعت ليها الجواز بالتاريخ دا!!!