ياوطن مكتول بترحل من بيوتنا
لما تمرق من خشم باب بيتنا كورك
للوليدات في البيايدر
حزم الشنط التسافر والجوازت والمطارات والبواخر
شان
تشيلك
مني باكر
كان بتقدر
لوبتقدربالبنادق والطوابير العساكر
تقلع البلد المحكر فيني زاخر
كيف بتمرق
وكيف بترحل
وكيف تسافر
لو بتمرق تمرق الروح بالخناجر
ياوطن
خاتيك في جواي زهرة ووردة حمرة
وروح تعافر
ياتو لون لابس هدومك
ياتو نيل مليان مشاعر
دة الزمان البيني بينك
لوبيقدر كان بوقف وكان اجاهر
مابتمرق من بيوتنا
ياوطن مكتول عشانا
كم نحبك وكم نفاخر
ما بتمرق مابتمرق
بالبنادق والعساكر
لوبتمرق تمرق الروح بالخناجر
رد مع اقتباس
المشاركة الأصلية كتبت بواسطة انور النور محمد
المفضلات