كضاب انا وخواف انا

[التيمان]

ها يا ناس والله ليكم خرمه
من ماسوره شارع النيل ديك وعيك ..
اخباركم واموركم
والله اليومين دي مباري لي برلومه مجهجه باكاتي .. وزانقاني في خط سته ..
البعملو معاها تب غلبني ..
فلما زاد بي الشجن .. قعدتا ادندن وادوبي ..
اتزكرتا عمي محجوب .. واخوي ود المطامير ..
كدي ادوني رايكم ا ناس شاعر .. ولا شاعر بي ام برد ..

ضاب انا
كضاب انا وخواف انا
كل يوم يعدي علي اقول اكلما
...بليل اقول بكره جايك انا
واقيف قداما واقول ليها انت المناي
انت الحنان الجواي انا
واحلامي سوي نكملا
والسهر تقاسمي معاي انا
وتضوي علي ليل الضني
انا البحبك انا الشاريك انا
واتمني منك تضوقني الهنا
وتمسحي دموعي وتعطنا
واديك حنان وريده مقننه
وتديني احساس الانسان الفقدتو انا
واقيف قدامك انسي كل الوجوجه
اتبكم واتمتم زي الجني
واقيف مسافه واقول ياربي اكلما
القاك مشيتي و شبت نيران الضني
اعضي يدي واصر وشي
وارمي اللوم واقول ده حظي كده
اااااااااااه يا اجمل غرام راجيهو انا
وفالنهايه اخير لي الوجواج والعمي
من شاكوش يزيد الضني
اصلو الريده ما مقسومه لي انا
اخير اقطعوا في حشاني هنا
وانساك وارجي قسمه ربنا
وابشر ويدي محننه

كضاب وخواف انا

هيييييييييييع ماك هين يا اب راسن مدوقس
بلف وبجيكم بكره ..

[أحمد عبدالله]

والله خطيرين يا تيمان لكن خلينا نسمع راي الشعراء المنتدى في هذه القصيده

[ود المطامير]

هيييييييييييييييييع
والله يا رفيق السلاح عفيت منك تب

والله لكن كب حنان بالطريقه الصاح

أسمعنى ، أنا ح أشيلها أقشر بيها مره مره

( بالجد الشوق بحوووور )

[آلاء عبد الرحمن]

ماشاء الله مواهب

[mahagoub]

قبل ما تتكبكب
وتجرجر كرعينك وتتلفت
كان تاخد الكورس اول
خليك تقيل وما يشروك فى حبل الغسيل