نقزة ورمزة بنات حبشيات أمهن محسية وأبوهن حبشي
سكنن في الديوم الشرقية وكانن غنايات شديد بي لسان عربي فيهو لكنة
رمزة طويلة وشعرا سبيبي وقمحية
ونقزة متوسطة في طولا لكن لونا فاتح وعيونا كبار وتشبه أمها المحسية
بنات السجانة في الستينات قالوا كانن بغيرن منهن ومن سماحتن
أها كانن لامن يبدن الحفلة ببدوها بي غنية سونها براهن
تقوم رمزة تقول :
هي يانقزة
ونقزة تجاوبا:
الله لي رمزا
بنية من توتي
اتي تموتي
يانقزة
ونسوان الفريق في الديوم كانن بقولن:
المحسية دي عرست الحبشي عشان تلد البنوت السمحات ديل.
وحقيقة ان التصاهر بين السودانيين والحبش قديم جدا
والحقيقة الكبري هي ما أورده العالم العلامة د عبد الله الطيب
أثناء تفسيره للقران الكريم عبر برنامجه دراسات في القران الكريم
ان بلاد الاحباش التي هاجر اليها سيدنا جعفر بي أبي طالب هي بلاد السودان الحالية
وليست أثيوبيا بحدودها المعروفة الحالية.
وان الاعراب تزاوجوا وتصاهروا ونشأت قبايل أخذت النسب العربي وتزنجرت
كما سماها الاستاذ اسماعيل عبد المعين
بمعني انها أصبحت عربية ذات عرق زنجي.أو افروعربية.
وهناك سودانيون كثر تصاهروا مع الاحباش أو الاثيوبيين علي الاصح
مثل الشايقية والارتيقا وهم من أصل قبيلة البجا والارتيقا يعني الأشراف.
فاصـــــــــــــــــــــــــــــل... ونواصــــــــــــــــــــــــــل
.
رد مع اقتباس
المشاركة الأصلية كتبت بواسطة مصطفى هاتريك
المفضلات