استاذنا .. ابونا .. ومركز تجمع كل احاسيسنا الجميله فى ابهى حله .. اروع اطار .. ولوحه جميله
استاذ بدرالدين .. يعلم الله مشتاقين .. ومقصرين فى حقك .. شغلتنا عنكم ظروف .. واليوم نعود .. ونجدك
انت ياهو انت كل الرحيق .. الخل الصديق .. ضىء الطريق .. والنبض البريق
لاتعليق لدى يكفينى احساسك العبايه اتوشحه .. وبداخلى كل السعاده
استاذنا مصطفى هاتيرك انتا ماياكا الحنين .. لسه بتذكر بوستيك الجميل وانت تشعل شمعه جديده
وتطفى اخرى ابتهاجا بلحظه تخصنى .. فرحه كانت واجمل فرحه .. بس خانى التعبير .. وخانى الباسويرد كذلك
واخيرا اتحلت مشكلتى بفضل مجهودات ام جمال المقدره
ودالعمده انت عارف عندى امنيه واحده وجميله ومامستحيله طبعا انو يجود علينا الزمان ونلتقى بكم لقاء السحاب انت وقرجه وودالطائف
مثلث خطير جدا .. ومليان حنيه .. ولحظه نديه
عمنا محجوب كالعهد بك دوما كل الالق .. ديمه سباق .. بتذكرنى بعمى على ودالبشير حبيب الكل الزول دا لو فى اى مناسبه بعيده او قريبه
بتلقاهو رابط شالو فى نصو وصاحى من قبل صلاه الصبح مع الضبيحه ولحدى اخر ضيف فى المناسبه .. ربنا يديك ويديك بقدر احساسك الجميل
البشمل كل الحبان بحنيه فريده .. ودواخل اجمل .. وانضر .. واندر
Array
Array
ضوابط المشاركة
رد مع اقتباس
المفضلات