السلام عليكم ورحمة الله وبركاته
طبعا لو اتأخرت شويه كان جيت لقيت البوست في قسم الاغاني 
دائما يملاني احساس مؤلم مزعج يصرخ جواي مقصرين مقصرين مقصرين
في واحده من الدراسات الاسلاميه لتبصير الناس السؤال في ماذا انفقت وقتك قال احد العلماء ان الوقت كما الساعه الرمليه طبعا كلنا بنعرف الساعه الرمليه تقلبها تسرب الرمل ونظره الزمن وحاجات كده فهمتها وحاجات جليتها
المهم في الختام الموضوع الزول دا قال ترتيب الوقت في الحياة الدنيا بيكون بثلاث محاور اساسيه وحسب الترتيب
دينك
وبيتك
ثم عملك
وبي كدا بتكون عملت لدنياك واخرتك
الموضوع بي صراحه ما وقع لي شديد في لحظتها ولمان شاكوش التقصير بداء يدق في راسي رجعت لي ساعة الزول دا وكيف قال يخليها تفضي رملها دا ونكون انجزنا.
اول ماتبادر لذهني اهلي الغبش في مدني خاصه ثم السودان عامه, بي كل الطرق مابنقدر نشيل الفقر ونجيب الروقه والترطيب لكن ......................
في حل قد يكون جزئي ومريح
اولا هل لو بقت مدني جميله ومنورة وشوارع ظلط وتخطيط صاح وعلي قول ابو حمودي هلم جرا هل اهلي الغبش حيستفيدوا شديد من النحنا بنعمل فيه ولا حتي البنادي بيه دا ؟
اوكي هل اهلي الغبش ممن يهتمون بليل المدينه وضجيجها وسهر وفسح ورومانسيات ؟
هل هم ملاك عربات يخافون عليها من الحفر والمطبات والوحل ؟
حتي الاوساخ ونظافة المدينه هل لديهم الكثير اكل وشرب عشان يدفقوه كمان؟
طيب تبقي دي هي مش المرحله الاولي في ساعتهم الرمليه
اهم مايهمهم الستر والستر مرتبط عندهم بتعففهم لايستجدون الناس اعطوهم او منعوهم.
الستر له فروعه الكثيييييييييرة
يمكن يعتقد اي منا اننا لو كنا مغتربين او في داخل البلد ومروقيين .لو مشينا لي اسرة فقيرة وشلنا ليهم شويه اغراض خلاص بنكون عملنا حاجه في الحقيقه بكون ارضينا انفسنا ولم نرضيهم الا بقدر قناعتهم اننا ما جبوريين .
لكن منو قال ماجبوريين مش قالوا الترتيب دينك اولا.
دينك دا مافيه ذكاة وتكافل وحاجات كتييييييييييييرة عارفينها
طيب بدل مانشيل للاسر دي هديه كل اجازة للسودان او الناس الفي السودان يدوهم هديه كل كم شهر.
ليه ماننظر للموضوع نظرة ابعد من السمكه.
كيف ابعد من السمك ؟ يعني السمكه دي ما حتكمل ولو كانت حوت لكن علمهم الصيد ونكون كفيناهم وجع الحوجه.
اسر كتيرة بتكون ترذح تحت عجلات الفقر والحوجه لكن تجابد وتلاوي عشان تقري الاولاد ولا البنات .ليه بدل كل كم شهر مانتفضل عليهم بي شويه مواد ولا قريشات مانسعي جاديين في اننا ناخد ولد من الاسرة اذا خلص الجامعه او يحترف حرفه يدويه ونلقي ليه شغل ؟
صدقوني الموضوع ماصعب.
دايما تجي اعلانات في الجرايد بالاخص ناس الخليج عن وظايف طالبين وظايف مدرسين مهنيين......الخ
الفكرة بسيطه جدا يمكن نستصعبها بالاتي : اجيب لي زول يبقي لي في رقبتي.
هسه اجيبه يعمل لي مشاكل .
اسكنه وين.
اصرف عليه كيف ومن وين.
اشيل الاعلان دا اوديه ليه يقول عاوز يوثق الشهاده عاوز حق التوثيق وحق مشوار الخرطوم وتاني يتلحني كل يوم تلفون عملت لي شنو في موضوعي
نخت كل العقبات دي كوم/ ونخت اسعاد اسرة تعبانه غبشه يمكن تكون سبب في تغيير مجري حياتها وتبقي ليك صدقه جاريه يوم لاينفع مال ولا بنون .
جااااااااااااااااااااااايه راجعه.
بالمناسبه يامعتز عملت لي شنو في موضوع اهلي الغبش الماشغاله دي
رد مع اقتباس
المشاركة الأصلية كتبت بواسطة ahmed algam
المفضلات