اطرشنا ....
ما سمعنا لينا بشهر فيهو 33 يوم ....
الشهر ده انتهى ليهو تلاته ايام .... ومرام ما جات ....
مرام ما جات .... مرام ما جات ...
33 يوم وما قادره تعلن عن الفائز بالعضو المميز الابتسامه ....
تحت تحت قالوا اكلت قروش الجائزه ....
ومصدر موثوق قال شافها فى السوق بتشترى حاجات باهظة الثمن ....
وفى المساء قالوا شافوها فى احدى وكالات السفر والسياحه تحمل جوازها ....
هيييييييييييييع ....
امانه ما دقست يالفائز ....
الفائز للاثاث .... هييييييى يكا .....
وماتنسوا ... فى واحده ساكنه جيرانهم قالت بنزلوا ليهم فى طقم جلوس بالبصلى ...
يا بت انتى يا بصلى .....
لكن البصلى ده ما وسييييييييييخ ....
كان تجيبيهو بالبنفسجى ........
هسه عليك الله لاقاك طقم بنفسجى ....
هو طقم جلوس ولا اسنان ....
انا فى المسافر حبيبى ده .... قال بثق فيها قام اداها قروش الجائزه ....
قال ما بثق فى ام رقبه .... قبل كده اكلتو قروش صندوق ....
دقست يا عمك .... انت اصلك تمرق من مشكله تقع فى التانيه ....
هسه كدى شوف ليك حل فى موضوع مرام ده ....
الموضوع ده لو حصل الادمن .... احتمال ارفدوك ....
اصلو انت عندك انزار شفهى ....
يا ود يا شفهى انت .....
قايتو عاطف الله مرقو .... نزار قص من القروش لكن اداهو منها حبه ....
المال تلتو ولا كتلتو ....
قالوا عم محجوب لهسه ما ادوه باقى قروشو ....
لما زعل .... وعدوه بزى رياضى ...
انت يا عمك كنت مشارك فى سيكافا ولا ايه .....؟!!
قايتو تجيبوا فى المحن ....
ده كلو هين ...
جنابو مدنيه دى تقول علينا شنو ....
وهى الايام دى قاعده فى النفاج ....
يعنى يا مرام ما عندك زوق كلو كلو ....
كان على الاقل تخلى مدنيه دى تمشى من الكركر وتعملى عمليتك المهببه دى ...
اضافرين ذاتو ما عندنا علشان نخش فيها .....
كدى قايتو نصبر لحد بكره ....
يا يوم بكره ما تسرع .... تشيل همى ....!!
عاجل :قالوا مرام قفلت تلفونا ......!!
سجمك يا المسافر ....!!!
رد مع اقتباس
المشاركة الأصلية كتبت بواسطة ود المطامير
المفضلات