بريدك

[Bushra Elfaki]

ولسه برضو
بقول بريدك
رغم أنو خطايا
ما ممكن تلامس يوم طريقك
بقول بريدك
ونفس احساسي القبيل ساعة اللقا
بحسو لمان طيفك يزور
في عز لحظات الشقا
لسع برضو بقول
انتي الحقيقة المشرقة
وانتي الزمان وانتي المكان
وانتي الحكاية الشيقة
بهواك ما برضى بسواك
بهواك يا متألقة
ولسه برضو
بقول بريدك
رغم أنو خطايا
ما ممكن تلامس يوم طريقك
يا مدن
نديانة تبعث في المسافرين
واللسة في نية السفر
أملا مواعد ما بيخن
وريداً يفتق في الزهر
يا سفن
تفتش في المرافي
يا وطن مكلوم و لسع صدروا دافي
يا حبيب ساكن جوانا وهو مافي
يا حنين سهر الليل والمنافي
ولسه برضو
بقول بريدك
رغم أنو خطايا
ما ممكن تلامس يوم طريقك

[mahagoub]

العشق الممنوع
تتابع الخطا
تشبث بالامل
لتتلاقا الخطا

[همسات]

صديق الحرف صادق الكلم
كلمات معبره سلسه ....
جميله وتحمل بداخلها احساس المرهف الفنان
تحياتي واحترامي اخي بشري الفكي

[الجندي المجهول]

قول ليهو بريدك
لو بستاهل ريدك
لو انك تعرف حجم الريد البنريدو
ما فكر يوم عاشق في انو يفارق لي حبيبو
الخطوة بتسرع والجملة بتكتب بي ايدو
والفرحة تملا قلبو وتنور ليهو طريقو
الريد الريد البنريدو
لا كان بي ايدي ولا بي ايدو
خلينا نريد عمرها الريدا ما كتلت زول
الريد جميلة لو صادفت سيدا
وكونا ثنائ وجملة مفيدة
وغنينا غنانا وقلنا احلى قصيدة

وبس ،،،
شكراً يا سيد الريدة المعذبة سيدا

[تغريدا]

[QUOTE=Bushra Elfaki;617728]
بقول بريدك
ونفس احساسي القبيل ساعة اللقا
بحسو لمان طيفك يزور
في عز لحظات الشقا
لسع برضو بقول
انتي الحقيقة المشرقة
وانتي الزمان وانتي المكان
وانتي الحكاية الشيقة
بهواك ما برضى بسواك
بهواك يا متألقة
ولسه برضو
بقول بريدك

اتعلمنا من ريدة نحب الدنيا ونريدة
ونرحل في عيون الناس نشيل لى كل زول ريدة
*****************************
لما لقينا عينيها لقينا الدنيا وافراحا
وللامال فتحنا دروب لى احلامنا كم ساحة
غريبة الدنيا جمعتنا وبقولو عليها رواحة
***************************
وجانا الريد يعلمنا نعيش الدنيا بالاحساس
نسامح بي قليب طيب نشيل الريد لكل الناس
عرفنا الريدة في الطيبة وحلاوة الريدة في الاخلاص
**********************************
يا ريت كل زول تايه يلاقي الريدة في دربو
عشان الناس تحب الناس وذي عينينا يتحبو
وما اصلو البزورو الريد حب الناس بزور قلبو
******
بشرى الفكى مأصلوالبزور الريدحب الناس بزور قلبوا

[آلاء عبد الرحمن]

كلمات اكثر من جميلة
^_^

[احمد ابو امنة]

وجانا الريد يعلمنا نعيش الدنيا بالاحساس
نسامح بي قليب طيب نشيل الريد لكل الناس
و ...
مبدع يا بشرى
حفظك الله

[محمد الجزولى]

المبدع بشرى الفكي
اول حاجة بركه الشفناك ياخ
وعودا حميدا لتعطر قوافينا بجميل الحروف
كل الروعة انت استاذ بشرى الفكي

[بت أم درمان]

للريد في محاجر الليل موعد ومتكأ
وللحسناوات في قلب السحر
حجم بقعة الضوء في قلب العتمة
سطور جميلة ومشاعر فياضة

ود عاطر
اخي بشرى الفكي