النتائج 1 إلى 25 من 78

الموضوع: افطار جماعى ... وحبة ثقاله

أدوات الموضوع
- مشاهدة صفحة طباعة الموضوع


	21-08-2011 10:25 AM #1 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 افطار جماعى ... وحبة ثقاله هسه ابدأ ليكم من وين .... قاعدين لى كده ذى الطماطم البايره .... لكن والله الفطور فاتكم ... والله ما بتعوض .... دقستوا عدييييييل كده .... واو الجماعه ادى طبعاً للناس الما حضروا الفطور .... انا عارف معانا ناس الا تشرح ليهم كده .... العربى عندهم مشكله ... والجميل فى الموضوع لمة الناس وونستهم مع بعض .... والشئ الغريب انك بتكون بتعرف الناس دى كلها ... رغم انو بكون اول تلاقى ... ما علينا ... واكتر حاجه لفتت انتباهى ... طاقية ابو النور الحمراء ... والله يا بحيرى انت ثقيل ...هسه مافى حاجه تانى لفتت بالك ... انا طبعاً جاى احكى ليكم عن التفاصيل الصغيره ... وانقل ليكم ما دار خلف الكواليس بصفتى شاهد عيان ... وبقدم نصيحه للناس لو حضروا الفطور القادم بإذن الله انو اجو فاطرين ... ياخى الادمن فطرنا والشمس لسه فى نص السماء .... الفطور من الساعه 4 ... والله انتو تبارو الادمن ده .... تعيدو من 15 رمضان .... ودسمير طبعاً كويسه معاهو .... نايمه نوم .... اصلو اختو عملت ليهو ليمون كارب .... ضواقه سااااى الحفاظه كملت قبل الاذان ... والله تطيروا للزول الرحمن من قلبو ... طبعاً اول ما جيت خاشى ... لقيت ليك الادمن مكتف ايديهو ... وعمنا ود الصول لافى عمتو .... وبكرى فاروق بكرش فى دقنو ... ونبيل حمتو بتلفت ... واحمد علقم بصور ... وحاجه امال لابسه النضاره ... عرفت ليك الموضوع فيه كيس صائم وفرحة العيد ... اصلوا الجماعه ديل جنهم مواضيع جاده .... هاترك طبعاً استلم ليك البرنامج .... وبوزع ليك فى الفرص ذى المراره ... والله هيثم مصطفى بث .... العب ليك الباص وهو مغمض ... طبعاً ناس ابوالنور وود البلال والتيمان المواضيع الجاده دى ما بتنفع معاهم .... كل واحد ولع ليهو سجاره واخد ليهو كورنه .... وهاك يا تشليف ... التيمان ديل طبعاً معذورين .... برنامجهم عضه وبث ... والرهيفه التنقد ... والله بختكم ... ناس البيت طبعاً بكونوا بتمنوا الافطارات دى تكون يومياً ... علشان اقللوا من المنصرفات ... مع انو التيمان ديل كل واحد فيهم بصوم يوم وبفط يوم .... اصلو نيتهم واحده ... وخليكم شاهدين ... انا كان جاتنى حاجه .... ديل التيمان ... ودالماحى طبعاً عارف الموضوع ده .... جاء شايل معاهو سندوتش من البيت .... الظروف ما معروفه .... والله عاقل ... القاها من منو يعنى ... ودسمير ولا التيمان ولا الادمن ...ولا من البسبوسه الكملت بدرى ... البسبوسه والكنافه ديل حكايتهم حكايه ... اول مره اشوف لي بسبوسه بتكمل قبل المغرب ... اتخيل لى انا الوحيد الكنت صايم ... والله مسكين يا بحيرى ... الغريبه مدناويه ( ست البسبوسه ) جارتى ودفعتى ... اصلو الخيانه بقت تجى من اقرب الناس .... آخر الزمن نسوى شنو عاد ... ولا حنونه .... جابت الكنافه ... طلعت نص الصينيه والباقى جوه الشنطه ... نفسى ثم نفسى ثم نفسى .... عداك العيب ... البركه فى عز الدين ... اشيل واجيب لى فى الابرى ... لمان مرقت عندى مصران .... والله الاكل راقد هبطرش ... لكن احمد علقم ما بديك فرقه .... كان شلت ليك بلحه بوثقها ليك بالصوره .... كشف حالنا ... الواحد كان داير اشيل ليهو حاجه الا بالدس .... لكن الاخ ريمون طلع حريف ... لابده ليك جمب البسبوسه ....اول صحن على يدك الشمال .... وتانى لفه من الاء عبدالرحمن ... الويه طبعاً قاعده جمب حنونه .... يا بخت من جاور .... والكنافه جوه الشنطه .... سعيد ولاقى سعيد ...والعيد سعيد ... وما قلت ليكم ... طبعاً ابو لوزه طلع عمى .... اى والله ... المره الفاتت نبيل حمتو طلع قريبى ... انت يا بحيرى بتاع لصيق سااااى ... هسه الناس ديل بشبهوك .... اسكت ... مش خطبت لوزه ... بت عمى ... والله الفطور طلع معاك بى فايده ... لكن ابو النور طوالى غز عودو ... ابو النور ده ثقيل ثقاله ... عينه ... اخير منو المسافر ... المسافر عيشتو تطير ... هسه ذنبو شنو فى الموضوع ده ... انا عارف ما كلهم مغتربين ... قصدك منو يعنى ... قصدى المميز وودعبدالله ... الاتنين تقول قاطعين تزاكر .... ما بتفارقوا كلو كلو ... وبقول ليهم حمد لله على السلامه ومدنى منوره بوجودكم .... لكن ما شفنا منكم اى حاجه ...غير البسمات ... فنيله ساااى ما جابوها لينا ... ربنا ما احرمنا من لمتكم ... وشوفتكم ... وكل الذين حضروا للإفطار لهم منى كل التحايا والذين لم يحضروا والذين هاتفونا ... ومدنى ... افتخر بان اكون واحداً من ابنائها ...وان اكون اخ لإخوه كرام برره هم اهل المنتدى ... وربنا اديم التلاقى والموده والمحبه ... وسمعنى سلام صباح الخير مدرستى ... ولنا عوده ... ملحوظه : الكاتب غير مسؤل عن اى خدش او تغيير داخل البوست ... والزعلان له العتبى حتى يرضى ... مع تحيات شاهد عيان ثقيل ... وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	21-08-2011 10:39 AM #2 الجندي المجهول الملف الشخصي مشاهدة المشاركات عضو ماسي Array تاريخ التسجيل Apr 2006 الدولة من حته جميلة خلاص المشاركات 6,674 الحبيب دوما بحيري تحياتي .. ياخ الادمن فطركم على حسب توقيت امريكا وواصل بدون فواصل .... بصراحة نفسي كان اكون معاكم بس سعر الطماطم مرتفع جدا اللهم صلي وسلم على سيدنا محمد وعلى آله وصحبه وسلم تسليما رد مع اقتباس


	21-08-2011 10:41 AM #3 ود الجعلي الملف الشخصي مشاهدة المشاركات عضو فضي Array تاريخ التسجيل Jun 2007 الدولة Khartoum, Sudan, Sudan المشاركات 1,180 الاخ بحيري رمضان كريم ابداع في التصوير وخفة دم ممتعة يمكننا الإقلال من الكلام والإكثار من العمل اليومي البسيط يا محمد احمد همتك صوتك امانة في ذمتك ما تخلي سادن قمتك يا يابا ياسمح السلوك اوعا السماسره يضللوك صوتك وصوت ولدك واخوك ربحن مخزن في البنوك رد مع اقتباس


	21-08-2011 10:49 AM #4 بنت الرفاعي الملف الشخصي مشاهدة المشاركات نائب المشرف العام Array تاريخ التسجيل Dec 2006 المشاركات 9,979 ما شاء الله. لو سمحت أنت صاحب التيمان، ولّا هم أصحابك، أو بيقربوا ليك؟! علِّمي نفسك ما تندهشي صدِّقي كل الما معقول!! ----------------------- سأبقى ماحييت بدار دنيا .. رفيقاً لا يخون ولا يجافي وأحفظ عهدكم في عمق قلبي .. ويروي ودكم نظم القوافي ويبقى دائماً هناك وإن (مرام) لتحقيقه. ----------------------------------------------- اللهم اغفر لوالدي، وارحمهما وأطل في عمريهما يارب العالمين. ----------------------------------------------- اللهم ارحمني برحمتك، واغفر لي يا مالك الغُفران، واجعل قبري روضة من رياضك، وأدخلني فسيح جناتك، يا رب العالمين. رد مع اقتباس


	21-08-2011 10:56 AM #5 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة الجندي المجهول الحبيب دوما بحيري تحياتي .. ياخ الادمن فطركم على حسب توقيت امريكا وواصل بدون فواصل .... بصراحة نفسي كان اكون معاكم بس سعر الطماطم مرتفع جدا الحبيب تكعيب ...الجندى المعلوم ... ياخى الطماطم ازتنا ازيه ... والله بقت ذى السكر واغلى .... بقينا نجيبها للتحليه عدييييل كده ... وصاحبك الادمن ده بالغ معانا ... والله لو ما ايمانا قوى كان فطرنا من الصباح ... بعد شيل وخت ... حتين اقتنع لينا بالساعه 4 ... وكتر خير الاجاويد ... لو ما عمك ود الصول وهاترك ومولانا جلال ... كان الليله اكون يوم الوقفه عديل كده ... وانشاء الله المره الجايه تكون حضور وسط الاهل والاحباب ... والشباب ناس ودعبدالله والمميز فتوك لينا فت تقيل ... وفكوا اخرك ....!!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	21-08-2011 10:59 AM #6 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة ود الجعلي الاخ بحيري رمضان كريم ابداع في التصوير وخفة دم ممتعة شكراً ود الجعلى على الاطراء ... ونتمنى نشوفك معانا فى مقبل اللمات ... بث حاول تعمل بنصيحتى ... وما ترمى نصيحتى فى البحر ... وتعال شايل معاك عمودك ... وخت ليك سندوتش بالجمبه ... وما تقعد الا جمب الناس الكبار ... اصلو بكون شوفهم ضعيف ...!!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	21-08-2011 11:04 AM #7 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة moram ما شاء الله. لو سمحت أنت صاحب التيمان، ولّا هم أصحابك، أو بيقربوا ليك؟! شكيتك على الله ... طيرتى لى النوم من عيونى ... وقمت شربت لى جك آبرى كامل ... وحشيت لى سندوتش بطحنيه ... حرام عليك ياخى ... التيمان ..... والله ما قادر اتصور ... انتى الهداك شنو على السؤال ده ... تخريمه : التيمان هم اكثر من اخوان واصدقاء ... يجذبك لهم مرحهم وروحهم الجميله ... ولى عظيم الشرف بأن اكون اخ لهم ... ولكن اكرر هم اكثر من ذلك ...!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	21-08-2011 11:06 AM #8 عاطف عولي الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل May 2009 الدولة مدني مارنجان حلة حسن محطة الصهريج جوار نادي حلة حسن المشاركات 5,744 الثقالة خليها في النفاج. تنفع مزيع إذاعي للنقل الحي والمباشر أذاعة اها تلفزيون لا تشكر يا الحبيب لا تقرأ وترحل ساهم برد أو موضوع وتذكر جهد غيرك في كتابة المواضيع ومساعدة الأخرين [IMG] رد مع اقتباس


	21-08-2011 11:16 AM #9 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة عاطف عولي الثقالة خليها في النفاج. تنفع مزيع إذاعي للنقل الحي والمباشر أذاعة اها تلفزيون لا تشكر يا الحبيب الحبيب ودعولى ... والله كم تمنيتك حضوراً معنا ... ولكن دائماً لا تكتمل الصور الجميله ... هاهاهاهاهاها ... مزيع عديييييييييل كده ... لا كترت المحلبيه ... انا بالكتير حتة عضو لا بجدع لا بجيب الحجار ... بث فالح فى الثقاله ....!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	21-08-2011 11:17 AM #10 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 عن اذنكم يا جماعه .... ماشى احضر برنامج اغانى واغانى ... وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	21-08-2011 11:21 AM #11 مصطفى هاتريك الملف الشخصي مشاهدة المشاركات وسام التميز الثقافي Array تاريخ التسجيل Aug 2009 المشاركات 2,423 أنا طلعت قبلك و لكن أفادتني مصادر موثوقة إنك طلعت آخر زول ... وشايل معاك تلاتة أكياس لتيته لكن عازرنك ما ماشي على مناطق شدة و كده منو الزيك ولد وإستالد الأولاد منو الزيك بجيبم ديمة عشرة أنداد منو الزيك ببز الدنيا موية وزاد منو الزيك ضروع وزروع ونيل مداد منو الزيك بطانة وغـابة دون حداد منو الزيك سهول وادي وجبال أوتاد منو الزيك أصل موروث من الأجداد منو الزيك جراتق دم قُــدام وجداد قشي الدمعـة يا بت الرجال ما بحكموك أولاد رد مع اقتباس


	21-08-2011 11:26 AM #12 آلاء عبد الرحمن الملف الشخصي مشاهدة المشاركات مشرف جمعيه منتديات ود مدنى للاعمال الثقافية والانسانية Array تاريخ التسجيل Dec 2010 الدولة الزمالك المشاركات 5,650 كما تعودنا دائما غايتو الله يديك العافية بث سبحان الله وبحمده سبحان الله العظيم http://wadmadani.com/vb/showthread.php?28735- الاتحاد-القومي-للمعوقين-حركياً-–-ولاية-الجزيرة-–-محلية-ود-مدني رد مع اقتباس


	21-08-2011 11:29 AM #13 آلاء عبد الرحمن الملف الشخصي مشاهدة المشاركات مشرف جمعيه منتديات ود مدنى للاعمال الثقافية والانسانية Array تاريخ التسجيل Dec 2010 الدولة الزمالك المشاركات 5,650 لمه جميلة والزول اتعرف علي الناس علي ارض الواقع دمتم بالف خير سبحان الله وبحمده سبحان الله العظيم http://wadmadani.com/vb/showthread.php?28735- الاتحاد-القومي-للمعوقين-حركياً-–-ولاية-الجزيرة-–-محلية-ود-مدني رد مع اقتباس


	21-08-2011 11:32 AM #14 ابوالنور الملف الشخصي مشاهدة المشاركات مشرف منتدي النفاج Array تاريخ التسجيل Sep 2006 الدولة مدني المشاركات 6,658 لا يعني انت ما قلت لي مرام انا صاحب ابو النور وهو الجابني المنتدي ليه يا ثقيل عاين نسيت اقول ليك التيمان ديل ما شكالين خلي اعذ وبتاع وشنو ما عارف يا ربي انا وين sun shine رد مع اقتباس


	21-08-2011 11:37 AM #15 عاطف عولي الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل May 2009 الدولة مدني مارنجان حلة حسن محطة الصهريج جوار نادي حلة حسن المشاركات 5,744 المشاركة الأصلية كتبت بواسطة بحيرى الحبيب ودعولى ... والله كم تمنيتك حضوراً معنا ... تحضر ما تغيب يا الحبيب ولكن دائماً لا تكتمل الصور الجميله ... مكتملة بحضوركم الجمييييييييييييييييل هاهاهاهاهاها ... مزيع عديييييييييل كده ... لا كترت المحلبيه ... انا بالكتير حتة عضو لا بجدع لا بجيب الحجار ... بث فالح فى الثقاله ....!! تنفع ونص وخمسة لا تقرأ وترحل ساهم برد أو موضوع وتذكر جهد غيرك في كتابة المواضيع ومساعدة الأخرين [IMG] رد مع اقتباس


	21-08-2011 12:15 PM #16 الجندي المجهول الملف الشخصي مشاهدة المشاركات عضو ماسي Array تاريخ التسجيل Apr 2006 الدولة من حته جميلة خلاص المشاركات 6,674 المشاركة الأصلية كتبت بواسطة بحيرى الحبيب تكعيب ...الجندى المعلوم ... ياخى الطماطم ازتنا ازيه ... والله بقت ذى السكر واغلى .... بقينا نجيبها للتحليه عدييييل كده ... وصاحبك الادمن ده بالغ معانا ... والله لو ما ايمانا قوى كان فطرنا من الصباح ... بعد شيل وخت ... حتين اقتنع لينا بالساعه 4 ... وكتر خير الاجاويد ... لو ما عمك ود الصول وهاترك ومولانا جلال ... كان الليله اكون يوم الوقفه عديل كده ... وانشاء الله المره الجايه تكون حضور وسط الاهل والاحباب ... والشباب ناس ودعبدالله والمميز فتوك لينا فت تقيل ... وفكوا اخرك ....!!! حبيبنا حتى النهاية - بحيري .... بالنسبة للادمن الزول دا ( ما كان كدا) ... لكن اتوقع ان هنالك من سبب له هذا العطش (في مدني) ومعه العذر إلا ان نلتقي به بالنسبة للحبايب ( محمد عبد الله عبد القادر) طوالي لاحم مع ولدنا (مفروض) يقعد مع القدرو ماس (هاتريك وود الصول والادمن ) وبالنسبة لمحمد حسين (المميز) انا اتصلت على السيدة (الوالدة) وقالت لي اديناك اللحم وادينا العضم ولما يرجع جدة تاني باذن الله سفر مافي خاصة وان (خلاص) راحت ليهو (الاولاد جايين معاهو) وابشرك اي كب كبوهو ليك (كضب) دي حسادة بس في الله كدا وبالنسبة للطماطم والسكر وبقية المستلزمات (اجيك) من الاخر كدا انتو استسلمتوا ولا شنو ؟ اللهم صلي وسلم على سيدنا محمد وعلى آله وصحبه وسلم تسليما رد مع اقتباس


	21-08-2011 12:24 PM #17 ريمون الملف الشخصي مشاهدة المشاركات اللجنة الاستشارية Array تاريخ التسجيل Jul 2009 الدولة الدرجة الأولي المشاركات 3,426 ازيك يا بحيري .. بركه الفطور العجبك .. لكن شكلنا اليوم ده الا نقضيهو علي قولك .. رد مع اقتباس


	21-08-2011 01:46 PM #18 ابوالنور الملف الشخصي مشاهدة المشاركات مشرف منتدي النفاج Array تاريخ التسجيل Sep 2006 الدولة مدني المشاركات 6,658 المشاركة الأصلية كتبت بواسطة ريمون ازيك يا بحيري .. بركه الفطور العجبك .. لكن شكلنا اليوم ده الا نقضيهو علي قولك .. لا ياخ انتي جاده ! يا ربي انا وين sun shine رد مع اقتباس


	21-08-2011 02:26 PM #19 admin الملف الشخصي مشاهدة المشاركات زيارة الصفحة الرئيسية عضو مجلس ادارة Array تاريخ التسجيل Oct 2003 الدولة ودمدني ، بانت المشاركات 3,179 ياجماعه فطرتكم مدناويه ما تظلموني ساكت انا كنتا بتكلم مع مدناويه حيث اتصلت معتذرة عن حضور الافطار. وسمعتا الاذان اذن في جامعهم سالتها دا شنو قالت لي الاذان قلتا ليها يعني فطرتو قالت اي. اضافه لي كدا وانا ماكنت عايز احبطكم موبايلي مربوط بمحدد مواقع يعني بحدد انا قاعد وين اللحظة دي في الكره الارضيه وبرنامج الاذان الفي الموبايل مربوط بمحدد المواقع. اها بعد ما قفلت من زول القسم الاول دا موبايلي اذن تاني في شنو. الذ حاجه د. عمر قال لي انت يازول تلفونك دا مظبوط علي وين؟ قلتا ليهو على جامع الحكومه افطر سااي ههههههههههه رد مع اقتباس


	21-08-2011 09:36 PM #20 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة مصطفى هاتريك أنا طلعت قبلك و لكن أفادتني مصادر موثوقة إنك طلعت آخر زول ... وشايل معاك تلاتة أكياس لتيته لكن عازرنك ما ماشي على مناطق شدة و كده شهيدى الله .... الحاجات القولتها دى كلها ختيتها فى ضهرية العربيه بتاعت ودسمير ... اصلو بخجل ... وبعد ده كلو يا كلفى البلا .... النوصلك ساااى ما قالها لى .... مع انو فى شارعنا ... وانت الجاب ليك الشمار ده منو .... والله تحيروا الزول فى نفسو .... هسه انا حالتى قلت مافى زول جايب لى خبر ... القاها فى المواقع الالكترونيه .... والله عوجه ...!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	21-08-2011 09:54 PM #21 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة آلاء عبد الرحمن لمه جميلة والزول اتعرف علي الناس علي ارض الواقع دمتم بالف خير اكيد دى اكبر الفوائد ... وهذا لو تعلمون عظيم .... ان تكون المعرفه موجوده على مستوى الاعضاء .... ليست معرفه اسميه فقط .... بل معرفه شخصيه ... فانا اعتقد ان المعرفة القويه والتلاقى وجها لوجه حتى ولو لثوانى ...كفيل بان يخبرك ماهو الشخص الذى التقيته ... وهذا يساهم بطريقه اكبر فى دفع المنتدى الى الامام ...وجعل كل الاعضاء يعملون كاسرة واحده ... شكراً الويه ... وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	21-08-2011 09:58 PM #22 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 بوست اوسكار ادددددددددددددديل كدا يابحيري ---------- الخلاء كيف الايام دي! كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح رد مع اقتباس


	21-08-2011 10:31 PM #23 نزار احمد كوارتي الملف الشخصي مشاهدة المشاركات عضو فضي Array تاريخ التسجيل Aug 2007 الدولة ودمدني-حي ودكنان المشاركات 1,721 كدي ده كللللللو خليو يا ولدنا إنت رفدوك من الشغل يا أخوي ولا شنو؟ سلامات يا أعزَّ الناس سلام والغُربة لا فِي مِدَر فِكِر تحراها لابتِنقاس.. قَدَر والفِيهو ما كُسناهُو وبن بُعد الوَطَن بِنكاس يا حاحاي مَسور الغير مَسورْنا الطير عليها كَبَاس سمانا شِتا وهَجِير مِطِّير , بَحَرنا يحيِّر الغَتَّاس *معاً نسعى لِرُقيكِ مد نــــي* رد مع اقتباس


	21-08-2011 11:13 PM #24 Isam Hussien H الملف الشخصي مشاهدة المشاركات اللجنة الاستشارية Array تاريخ التسجيل Aug 2006 الدولة ودمدني / بانت المشاركات 1,705 أيامكم ساكوبيس كما يقول أخونا عصام جاكسون .. ربي يجمعكم دائماً على الخير .. وشكلك يا بحيري ود نقرية ولا الشبه شديد .. رد مع اقتباس


	22-08-2011 04:08 AM #25 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة ابوالنور لا يعني انت ما قلت لي مرام انا صاحب ابو النور وهو الجابني المنتدي ليه يا ثقيل عاين نسيت اقول ليك التيمان ديل ما شكالين خلي اعذ وبتاع وشنو ما عارف ابو النور انت لسه صايم ولا شنو ... هسه مرام الجابها شنو ... قايتو الكديسه فى نص البحر بتقول للفار بتكتح مالك ...!!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 10:16 AM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني