انا والسكون

[الامام يوسف]

بستأذنك أنا والسكون
ندخل عليك
نقعد بعيد
من هناااااااااااااااااااك
في حتة هادية وظلمة
ومما نقول كلام
بس نلحظك
نعرف طباعك
نستشعرك
شان نفهمك أنا والسكون
يا أهدي من مر النسيم
يا أصفي من ماء عذب
عجزت عن الوصف الحروف
حف القلم نضب المعين
وما لقيت مداد
وما لقيت وصف
كيف أوصفاء
جامعة الكمال
استغفر الله العظيم
كل الكمال للخالقا
أداها من أجمل صفات
خلاني أنا أعشقا
عفواً .....
ضجت كتير في حضرتك
بستسمحك
من تاني بستأذنك
أنا والسكون
ندخل عليك
نقعد بعيد
منك هناك
وما نقول كلام
بس نلحظك

[محمد الجزولى]

وبستسمحك
ود يوسف الغالي الامام
ادخل عليك
وفي لحظة سكونك
اهديك سلام
ومليون تحية بعودتك
وفي حضرة حروفك
بعتزل الكلام