عشمانه الطرشانه

[الشمشار]

سلامات
ان شاء الله تكونو تامين ولامين ونخش في الموضوع تووووش بدون رتوش
حاجه عشمانه الطرشانه دي واحده من نسوان حلتنا مره نكته بس للاسف الحلو مايكملش مابتسمع كويس ورغم انو سمعها تقيل لكن شماره اتقل منو واي شئ هي دايره تعرفو
ترقبو قصه عشمانه الطرشانه بعد الفاصل انا جاااااااااااي

[الشمشار]

حاجه عشمانه يوم قاعده في الراكوبه وفاتحه الرادي علي اعلي صوت راجيه تسمع النشره الساعه 3 وفي النشره نشره الميتين راجيه بي فارغ الصبر توفي فلان والد فلان وفلان وفلان عم اولاد المرحوم فلان ويقام المأتم بالمكان الفلاني
فجأه عندها واحد من احفادها جاء جاري قالت لي
ياولد مالك
الولد
ابوي جاب برتكان
حاجه عشمانه
ايوووووووووووه قلت شنو ؟
كرر ليها الكلام
قامت قالت لي
امك قاعده ياولدي ما مشت الدكان
الولد
ياحبوبه انا قلت ليك ابوي جاء وجاب معاهو برتكان
حاجه عشمانه
سجمي سجمي وين البمبان
الولد
بسم الله ياحبوبه مافي اي بمبان
حاجه عشمانه
انت عندك نزله كر علي مالك دايرو لي شنو بخور التيمان
هنا الولد قرب يحصل الرقدو اكلها في حنانو وقام جاري
من لسان حاجه عشمانه
والنشره بتاعه الميتين بدت نواصل بعد فاصل

[الشمشار]

النشره بدت

توفيت من اهالي ام طيرير الحاجه ميمونه بس طوالي حاجه عشمانه دورت في السكاليب

احي ياميمونه
(سمعت الاسم صاح لانو معليه الرادي علي الاخر )
تل علي يابت امي
(كر علي يابت امي )
وبقت تمنح

الليله ياالتتله التليله التالت تلاتيله

(الليله ياالشجره الظليله الطارت زارزيره )

نسيت اقول ليكم حاجه عشمانه عندها مشكله في الراء والظاء وكم حرف كده واتلمو الجيران وبقو يعزو والنسوان من وين ووين جو لانو حاجه عشمانه مابتريح

وجات خاشه سعاد وسعاد دي معروفه في الحله شنافه شديد لايعحبها العجب ولاالصيام في شعبان ورجب

اها سعاد جات من الشارع وماعارفه الميت منو وجات تبكي مع حاجه عشمانه

بعد البكاء الحار والفاتحه سعاد قالت لي حاجه عشمانه المات منو

حاجه عشمانه

لا منو ماجات
(منو ده اسم دلع بت التايه ام عبايه لو بتتذكرو )
سعاد

حاجه عشمانه منو الاتوفي

حاجه عشمانه

هسي ده وتت عشاء ولدي الحدل مااتعشي امبالح
(هسي ده وقت عشاء ولدي الخضر ما اتعشي امبارح )
سعاد

انا بقصد منو المات

حاجه عشمانه

بلي ما ياهو ابو البنات دي ميمونه

سعاد

ميمونه ياها الماتت

حاجه عشمانه

زينب داعده مافاتت
(زينب قاعده مافاتت )
هنا سعاد ضغطا وصل الف ورب جات واقعه كاضمه والسكاليب تاني دورت

نواصل بعد الفاصل

[الشمشار]

نواصل بعد الفاصل
حاجه عشمانه ماشافت سعاد لامن وقعت واتخيلت انو سعاد داخت حزنا علي المرحومه ميمونه بس بقت تكورك
احيييييييييييييي ياسعاد يا ام البنات الليله ياحليل ميمونه التبيليه بتاعتنا
(الكبيره بتاعتنا )
احييييييييي ياحليل ميمونه بالتتيل
(ياحليل ميمونه بالكتير )
هنا صاحت فيها احدي نسوه الحله
ياحاجه عشمانه اسكتي النلحق سعاد
حاجه عشمانه
ملتبات سنو تمان
(مرتبات شنو كمان )
ادعدو في الواطه دي ده مابيت علس ده بيت بتاء

(اقعدو في الواطه دي ده مابيت عرس ده بيت بكاء )
هنا اتدخلت واحده من بنات حاجه عشمانه
يمه انجمي خلي المناهده
حاجه عشمانه
انا تدولي لي حلي المعاتسه
(انا تقولي لي خلي المعاكسه )
يابت يادليله الادب

(يابت ياقليله الادب )
والجوطه تاني دورت واختلط الحابل بالنابل
نواصل بعد شويه خليكم قراب

[الشمشار]

تيفن تدول لي تدا

(كيفن تقول لي كده )
نطقت عشمانه هذه العباره واشاحت بوجهها ناحيه اليمين قصاد باب الشارع الوقفت قدامه ركشه ونزلت منو ميمونه بي شحمها ولحمها
حاجه عشمانه لحقت سعاد ووقعت كاضمه النسوان اتبرجلن واحدات اتهجمن بقن يصرخن وواحدات يكبرن وواحدات يزغردن وبقي مافي زول فاهم حاجه
في واحده من بنات حاجه عشمانه قلبها قوي شويه فوقت حاجه عشمانه
حاجه عشمانه دموعها في وشها وتعاين في ميمونه وميمونه طاشه شبكه
سالت حاجه عشمانه المات منو ؟
نواصل بعد اخر فاصل

[الشمشار]

تلعثمت حاجه عشمانه وماعرفت تقول شنو المهم بعد جهد جهيد طلعت صوتها التقول طالع من بير
حاجه عشمانه
ميمونه

ميمونه
ايوه ياعشمانه
حاجه عشمانه
تل علي انتي حيه
(كر علي انتي حيه )
ميمونه
سجمي ياعشمانه انتي جنيتي
حاجه عشمانه
ايوه لازم تبيتي
ميمونه اطلقت لصوتها العنان عشان تسمع عشمانه وقالت ليها
سجمي قلت ليك انتي جنيتي
حاجه عشمانه
انا عالفا مانسيتي
(انا عارفاك مانسيتي )
ميمونه
سجمي سجمي انا صوتي ده سمع الحله كلها انتي ماسامعه
حاجه عشمانه
دامعه سنو انتي تبلتي عليها
(جامعه شنو انتي كبرتي عليها )
ميونه
هسي انا قلت جامعه
حاجه عشمانه
ايييييييي ساااااامعه
ميمونه
الليله وووووووووب
حاجه عشمانه
ايوه عندنا لوب
(روب )
ميمونه
ياحاجه عشمانه والله بالغتي
حاجه عشمانه
ايوه تديبو ليت بتي
(تجيبو ليك بتي )
ميمونه
انا سكت منك
حاجه عشمانه
تدولي لي دام عليت دنت
(تقولي لي قام عليك جنك )
انا علطانه
(انا غلطانه )
الببتي عليتي
(انا غلطانه الببكي عليكي )
ياتلبه التوس ياماعندت لاس
(ياكلبه الكوش ياما عندك راس )
هسي انتي ما من زمن التليان والديس حفيان داعده من زمن ددي حي يامحوزده يامعولده
(هسي انتي مامن زمن الطليان والجيش حفيان قاعده من زمن جدي حي يامخوزقه يامعولقه )
بس ياجماعه ميمونه وقعت الوقعه الياها وانتقلت الي رحمه مولاها والسبب حاجه عشمانه والغريبه في بكاء ميمونه حاجه عشمانه مستلمه البكا وتمنح
(الليله يالتدله الدليله التالن تلاتيله )
الليله يالشجره الظليله الطارن زارزيره
يالاتوبتنا يااختنا ياا منا تلنا ياحليلت
(ياراكوبتنا يا اختنا يامنا ياحليلك )

صحي ياجماعه تقتل القتيل وتمشي في جنازتو
هوووووي الدسه انتهت اتلعبونا بعد يومين في دسه ديده
اسمهاسعديه ام عين ناليه
(هووووووووي القصه انتهت اترقبونا بعد يومين في قصه جديده اسمهاسعديه ام عين ناريه)
ودعتكم الله

[abomazeen]

اتوي التمتار
أخوي الشمشار

ده اتمو ابتاع حتيتي
ده اسمو ابداع حقيقي

[بت أم درمان]

الله اديك العافية
اخونا الشمشار
بالجد مبدع

[بت أم درمان]

اتوي التمتار
أخوي الشمشار

ده اتمو ابتاع حتيتي
ده اسمو ابداع حقيقي

هههههههه
ابو مازن اتعادا
تل عليهو ( كر عليهو ههههه )

[عنكوليب]

أقول ليك شنو بس ؟
انت الأبداع ذاتو يا ولد ،،،

ماشاء الله ،، وتبارك الله ،،

وحادة عسمانة ،، ان شاء بالطرش ال يقدد اضنيها !!!

كتلت ميمونة المسكينة !!!

تسلم يا شماشيرو !!!

[عنكوليب]

التمتار


10 تمتار بث يا أحـــوي ،،، اهي ،، اهي ،، اهي