وكنا قايلنك تعودي مع المغيب
لا جيتي انتي من السفر
لا ارتاح قليبي من النحيب
ويا يمى وينك والقلوب تتشابى ليك
كل المداين تندهك... بدري الطلوع
... ... ... من زنقة الدنيا التي ردناها بيك
وعشقنا مشوار الرجوع
شان نلتقيك
بي كل أريحتك تعال شيل الغدا الداساهو ليك
يا يمى كيف البيت بلاك
مشوار قسى
خطواتي حين جن المسا
واحترت بعدك وين أمش
لو دمعة لامست الرمش
والشوف طشاش
بهواك أنا وهايم عديل
درويش أترجم هاش وباش
وينك حبيبتي وكيف غتاك
وانا كنت في قبرك هناك
ألثم ترابك والدموع يا يمى
غالبن النزول
مندهشة زيّ وفي ذهول
والله بدري على الرحول
يا يمى يا ذات الحضور
والحب وتيراب القبول
بابك يسع كل البجيك
وأنا شن أكون
بعدك غريب ...
لو جيتي تاني مع المغيب
لو جيتي من ذاك السفر
وإرتحنا من هذا النحيب
عفوا حبيبة ... ودعتك الله
ومشتهيك
رد مع اقتباس
المشاركة الأصلية كتبت بواسطة رضا حسن محمد
المفضلات