رثاء والدي احمد وداعة

[ضياء الدين احمد]

الزول النضيف
( إلي روح أبي الطاهرة )
فات البِطايب
ناس فريقو وحِلتو
فات البِقسّم في مشيهو
للناس سلامو وبسمتو
فات العزيز بعزتو
ياتو زول في مدني
بجهل عِرفتو
وياتو زول ماقال حليلو
لما سالت دمعتو
و ياحليل ابوي
وكتين بيطلع في المسا
لابس مكرّب عِمتو
طالع يزاور كل زول
في فرحتو وفي محنتو
ياتو المكان المامشاو ؟
وتشهد عصايتو وعترتو
أنا لو يطاوعني البكا
كان العيون دم كبتو
وأنا لو يطاوعني الزمان
وماني داري مغبّتو
كنت حاربت الفرح
وشنقت جواي ضحكتو
وكنت خليت الفراش
إكره إعود لزهرتو
وكل الأغاني تكون نواح
وإبكي الوتر في نغمتو
بس المقادير ما معاي
والزول تقاويهو مُنيتو
أبوي كتاب من الف باب
نقراهو نحفظ قصتو
عنوان كبير لزول نضيف
كاتب النزاهة في صفحتو
تشهد عليهو سنوات عمر
وتشهد دوواين خدمتو
دايما مقدّر ومحترم
زي الدهب في سمعتو
لاعمرو يوم لخبط حساب
ولا عمرو فرقت خزنتو
ومافي يوم دخّل حرام
لي بيتو أو لي زوجتو
الهدمة واللقمة الحلال
راس مالو ديمه وسترتو
والشوره والراي السديد
مرجعنا والله حكمتو
بازل جهودو على الجميع
والروح متل ماحقتو
واصل رحم مابنقطع
مابنسى أهلو وخوتو
ده البيت صبح بعدك مسيخ
ومسخت محلات قعدتو
الرادي والشاي بالعصر
مستغربين لي غيبتو
مشتاقه ليهو كل السكك
مشتاقة جد لي مشيتو
هيمان مدنقر في الارض
وبتبادلو نفس محبتو
ولما العشق طال بيها فاض
قامت عليهو وضمتو
إتوسد القبر التراب
ياربي وسّع حتتو
وأفتح عليهو طاقة نعيم
إنظر وإعاين جنتو
وإشرب من الكوثر لبن
إِقّطع إِروّح عطشتو
ويصبح مع البررة الكرام
وتعلى وتزيد بس رتبتو
لأنو زول بالجد نضيف
في بدنو برضو وذمتو

ليتني اكون صالحا كي ادعو لك
5/31/2010- ضياء احمد وداعة

[ابووضاح]

رحم الله والدنا احمد وداعة رحمة واسعة وادخله الجنة مع الصديقين والشهداء
فقد جمعتني به ايام الدارسة بكلية مدني الاهلية فكان نعم الأب
ياتو زول في مدني
بجهل عِرفتو
وياتو زول ماقال حليلو
لما سالت دمعتو

[Isam Hussien H]

ضياء سلام لك ولكل الأسرة .. ولروح الوالد أحمد وداعة مليون رحمه فقد كان من الأرقام التي شكلت المدينة وإنسانها .. أنه من الرجال الذين شيدو فينا قصوراً من الترف الاجتماعي والزخم المعرفي ،، وجدته في كل مكان ببسمته وعلو كعبه .. شاهدته منذ صغري في جميع المناسبات التي تخص عائلتنا كما كل البيوت والأسر .. بوفاته فقدت المدينة أحد أعمدتها وشاهدت ذلك في احتفائية تأبين بميدان الدرجة فكل من كان موجوداً كان يظن أنه أقرب إليه من الآخر .. ورغم أن إنتقاله كان قد مر عليه زمن إلا أن الحزن كأن أن إنتقاله في تلك اللحظة ..

اللهم أنزل عليه شآبيب رحمتك وعزائم مغفرتك
والسلامة من كل إثم
والغنيمة من كل بر
والفوز بالجنة والنجاة من النار
اللهم أجمعنا به في جنتك
أللهم أرحمه وأسكنه فسيح جناتك
أللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالماء والثلج والبرد
اللهم أبدله داراً خيراً من داره وأهلاً خيراً من أهله
اللهم اجمعنا وإياه في مستقر رحمتك
اللهم إنا نسألك باسمك الأعظم أن توسع مدخله
اللهم آنس في القبر وحشته
اللهم ثبته عند السؤال
اللهم لقنه حجته
اللهم باعد القبر عن جنبتاه
اللهم اكفه فتنة القبر
اللهم اكفه ضمة القبر
اللهم اجعل قبره روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه، وإن كان مسيئًا فتجاوز عن سيئاته
اللهم ألحقه بالشهداء وحسن أولئك رفيقاً
اللهم افتح عليه نافذة من الجنة واجعل قبره روضة من رياضها
اللهم آآآآمين .

إنا لله وإنا إليه راجعون

[مصطفى هاتريك]

أحسنت الرثاء أخي ضياء الدين

تقبل الله الوالد في عليين مع الشهداء و الصديقين

[محمد الجزولى]

أللهم أرحمه وأسكنه فسيح جناتك
ومحبة الناس للعبد دليل على محبة الله له
جبر الله كسركم أخي ضياء

[ريمون]

ربنا يرحمه ويدخله فسيح جناته ..
ويرحم ابواتنا ..

[انور النور محمد]

له الرحمه
الوالد المفضال كريم الخصال
طيب الاثر سمح الاخلاق

اللهم ارضى عنه وارضه وانزله اعلى عليين مع الصديقين الابرار

اللهم آمين

ولك اخي ضياء الصبر الجميل

[ضياء الدين احمد]

ابو وضاح ليك الشكر وفعلا هو والد الجميع ربنا اتقبلو

[ضياء الدين احمد]

حبيبنا واخونا الكبير عصام حسين ماعندي غير اقول ليك انت صاحب وجعة وصاحب عزاء

[ضياء الدين احمد]

الحبيب هاتريك ربنا ارحمه رحمة واسعة ومشكووووووووووور على المرور

[ضياء الدين احمد]

اديك العافية يا جزولي والبركة في الجميع

[ضياء الدين احمد]

ارحمهم جميعا ياريمون وشكرا على المرور والعزاء

[ضياء الدين احمد]

الحبيب النور صراحة فكرتي عن الموت كانت هلامية لم ادرك كنهه وشكله وطعمه الا بوفاة الوالد وعرفت انو اليتم ما للصغار بس لكن مشئية الله فوق لكل شئ وربنا اديك الصحة والعافية وطولة العمر

[كمال محمد الحسن]

أخي ضياء الدين عرفناك دوماً باراً بوالديك بل وبالجمبع ،ونسأل الله تعالى أن إملأ قبره بالرضا والنور والفسحه والسرور ،اللهم آنسه في وحدته وآنسه في وحشته وآنسه في غربته ،اللهم اجعله في بطن القبر مطمئنا وعند قيام الأشهاد أمنا وبجود رضوانك واثقا وإلى أعلى علو درجاتك سابقا
اللهم اجعل عن يمينه نورا وعن شماله نورا ومن أمامه نورا ومن فوقه نورا حتى تبعثه آمنا مطمئنا في نور من نورك
اللهم إن كان مصليا لك فثبته على الصراط يوم تزل الأقدام
اللهم إنه كان لك صائما فادخله الجنه من باب الريان
اللهم ارحمنا إذا وورينا التراب وغلقت من القبور الأبواب وانفض الأهل والأحباب فإذا الوحشه والوحده وهول الحساب
اللهم اغفر لنا وارحمنا أذا صرنا إلى ما صارو إليه
اللهم ارحمنا إذا أهملنا فلم يزرنا زائر ولم يذكرنا ذاكر ومالنا من قوه ولا ناصر فلا أمل إلا في القاهر القادر الغافر الساتر يامن إذا وعد وفى وإذا توعد عفا ورحم من هفا وجفا وغفا وشفع فينا الحبيب المصطفى واجعلنا ممن صفا ووفا وبالله اكتفى يا أرحم الراحمين يا حي يا قيوم يا بديع السماوات والأرض يا ذا الجلال والأكرام
اللهم تقبل منا الدعاء اللهم اغفر لوالدي وارحمهم يا أرحم الراحمين .. آمين

[ياسر عمر الامين]

له الرحمة والمغفرة والقبول الحسن باذن الله...ولك حسن العزاء أخى ضياء الدين..

[ضياء الدين احمد]

مشكوووووور اخونا الكبير سنا وقدرا ومكانة في القلب كمال محمد الحسن وايضا الرجل الشفيف ياسر عمر الامين علي المرور والدعاء للوالد وربنا ارحم جميع اموات المسلمين