كـــرسي النجوم ... مع نجم الشهر ( الشمشار )

[بت أم درمان]

نجمنا هذه المرة معروف للجميع

داخل المنتدى واعلاميا

حروفه سهلة وبسيطة

مبدع في سطر كلماته

كلنا احببنا كتاباته

اثبت وجوده في المنتدى في وقت قصير

نفتقده عندما يغيب عن المنتدى

اليوم كرسي النجوم يزداد القاَ بنوره

اعزائي اعضاء منتديات ودمدني

حيوو معي نجمنا

الشمشار



ونتمن له قضاء أطيب الأوقات وأسعدها

كما أتمن للجميع قضاء أجمل الوقات برفقته

مع تحيات مشرفي العام

[بت أم درمان]

البوست الحائز على النجومية

ذكرياتي في هارموني

http://wadmadani.com/vb/showthread.p...221&highlight=

[نزار احمد كوارتي]

الإسم : معاويه قمر الشريف محمد طه
السكن الحالي : الصحافه مربع 22 شارع الركشات والبيت بفتح علي بيت ناس مهند وناس سعاد النور

السؤال الأول:- أكمل السيره الذاتيه وبالتفصيل الأدق من دقيق

السؤال التاني:-

ماهي العلاقه بين مهند والنور ابو سعاد النور

بالزقاق:-

عليك الله السؤال التاني ده لو غلبك تجاوبو أسأل لينا مهند وورينا قال ليك شنو وبالمره تحياتي ليه شديد؟؟؟



وجايييييييييييك بي روااااااااااااااقه

[مصطفى هاتريك]

معاوية


الشمشار


هدرماسوا


أيها أحب إليك


وإيه حكايتك مع الشمشرة

[بدر الدين محمد]

سلام شمشار

منتظرين ذكرياتي في اروقة

[عنكوليب]

الإسم : معاويه قمر الشريف محمد طه
السكن الحالي : الصحافه مربع 22 شارع الركشات والبيت بفتح علي بيت ناس مهند وناس سعاد النور

السؤال الأول:- أكمل السيره الذاتيه وبالتفصيل الأدق من دقيق

السؤال التاني:-

ماهي العلاقه بين مهند والنور ابو سعاد النور

بالزقاق:-

عليك الله السؤال التاني ده لو غلبك تجاوبو أسأل لينا مهند وورينا قال ليك شنو وبالمره تحياتي ليه شديد؟؟؟



وجايييييييييييك بي روااااااااااااااقه

شبك !!!!!

هسه انت ال جابك هنا تجاوب شنو ؟

المخالف ،،،، يسعلني الله !!!!

[ودالعمدة]

البطاقة الشخصية والهوية ؟
وبعدين بطاقتك خليها معاك ياخى نزار العريس دا مامضمون
ولماذا اخترت مجال عملك الحالى ( الاخراج ) ؟

[الشمشار]

نجمنا هذه المرة معروف للجميع

داخل المنتدى واعلاميا

حروفه سهلة وبسيطة

مبدع في سطر كلماته

كلنا احببنا كتاباته

اثبت وجوده في المنتدى في وقت قصير

نفتقده عندما يغيب عن المنتدى

اليوم كرسي النجوم يزداد القاَ بنوره

اعزائي اعضاء منتديات ودمدني

حيوو معي نجمنا

الشمشار



ونتمن له قضاء أطيب الأوقات وأسعدها

كما أتمن للجميع قضاء أجمل الوقات برفقته

مع تحيات مشرفي العام

الزوله دي بتتكلم عن منو؟؟؟؟؟
هوووووووووي كده راسي ده بكبر وبخبت الدلجه وتاني لاكرسي تحتو دفايه لاعصايه ولاشمارات لي ناس هنايه
هنايه دي اسألو منها خالد علوني ههههههههههههه

[الشمشار]

البوست الحائز على النجومية

ذكرياتي في هارموني

http://wadmadani.com/vb/showthread.p...221&highlight=

براااااي سويتها في نفسي ههههههه
بت ام درمان شكرا لكلماتك الجميله وشكرا للجميع الرشحوني من يوم خشيت المنتدي ده لحدي الليله هنا وفي النفاج
تعرفي من ايام بدايه الترشيح للبوست ده عرفت اني بتزنق بتزنق في كرسيك ده يجعل كرسيك خفيف علينا

[الشمشار]

الإسم : معاويه قمر الشريف محمد طه
[COLOR="#000000"](قمنا بتغييره)
السكن الحالي : الصحافه مربع 22 شارع الركشات والبيت بفتح علي بيت ناس مهند وناس سعاد النور
رحلنااااااااااااااااااا
السؤال الأول:- أكمل السيره الذاتيه وبالتفصيل الأدق من دقيق
ابيييييييييييييت

السؤال التاني:-

ماهي العلاقه بين مهند والنور ابو سعاد النور

بالزقاق:-

عليك الله السؤال التاني ده لو غلبك تجاوبو أسأل لينا مهند وورينا قال ليك شنو وبالمره تحياتي ليه شديد؟؟؟[/COLOR]
وجايييييييييييك بي روااااااااااااااقه

ههههههه هو ما ابو سعاد ابو سعاد ماااات زمااان وزول شافو فينا مافي
هي ام سعاد (امنه البلومه) دي خلي شمارها في بوست براهو
بت ام درمان هسي يعني جبتي لي نزار ده ديدبان لو داير اكضب ولا ازيدها مويه ما اقدر

الاسم كما قال نزار والسكن الحالي والسابق ياها الصحافه ومن اتولدت قبل 35 سنه(وهذا هو عمري بالقديم ) بالمناسبه نزار ده قدري او اصغر مني بي سنه بس انا تيراب الشنب مالقيتو
المراحل التعليميه
الابتدائي مدرسه الصحافه غرب مربع 18 واسميت لاحقآ باسم مدرسه عمر الفاروق وهذه المدرسه اغلقت لانها ايله للسقوط كما ذكرت ذلك في بوست المابهمك وصي علي راجل امك
المتوسطه درست في مدرسه اليرموك بالصحافه مربع 22 (مربعنا) وبرضو غيرو اسمها ليصبح اسمها مدرسه الشهيد عادل احمد ادريس واستاذ عادل هذا رحمه الله عليه كان استاذ واستشهد داخل المدرسه وهو يؤدي عمله
الثانوي العالي ده قريتو في 3 مدارس
اتوزعت مدرسه القدس بالصحافه مربع 17ابيتها بعد قريت فيها شهرين لانها بعيده
مشيت واصلت في علي السيد علي بالصحافه مربع 41 وقريت ال3سنه وامتحنت والسنه البعدها امتحنت تاني الشهاده السودانيه بعد داك في مدارس عباد الرحمن وخشيت جامعه السودان ودرست فيها دبلوم علاقات عامه واعلام ومنها مشيت اكاديميه السودان لعلوم الاتصال والتدريب الاعلامي اكملت دراسه البكالاريوس في مجال الاذاعه والتلفزيون تخصص اخراج بعد داك اشتغلت في مركز انتاج اعلامي مخرج اعلانات
ومنه انتقلت لي هارموني ومنهاللاذاعه الرياضيه في دورات رمضان ومنها الي قناه الامل ومنها الي قناه قوون ومنها الي قناه جديده شغالين بنأسس ونؤثث فيها
عااااااااازب ومامفكر ذاتو
تورت نفسي يانزار

[عنكوليب]

أصبـــــــــــــــــــــر !!!!!

[عنكوليب]

ال تسوي تلقا ،،،،،

[الشمشار]

معاوية


الشمشار


هدرماسوا


أيها أحب إليك


وإيه حكايتك مع الشمشرة

هاتريك حبابك
معاويه ده اسمي الحقيقي
الشمشار وهدرماسوا دي النك نيم بتاعي في كل المنتديات المشارك فيهم عدا منتدي عكس الريح مشارك فيه باسم معاويه قمر واسم الشمشار ده جاء من عكس الريح ذاتو كتبت فيه بوست كان اسمو (سين سؤال لماذا لايعمل المعوقون) ومن خلال سخريتي من الاوضاع احدي الصديقات عندما طالعت ما كتبت قالت لي انت شمشار خلاص ومن اليوم داك بقي اسمي الشمشار
هدرماسوا تعني الشمشار بلهجه البجا القديمه ههههههههه يعني فسرت المويه بعد الجهد بالwater

[الشمشار]

سلام شمشار

منتظرين ذكرياتي في اروقة

نخليها انطباعات زول زار اروقه قريييييب ان شاء الله
استاذ بدر الدين منور
سين سعاااااال
الفي الصوره ده موش علوني 2012 المعدل هههههه؟؟؟؟؟

[الشمشار]

شبك !!!!!

هسه انت ال جابك هنا تجاوب شنو ؟

المخالف ،،،، يسعلني الله !!!!

ههههههههههه بنجد خالو انتي شوفي ليك بت اخت ولا ود اخت ينجدوك
عنكوليب منوره بس ماتصدقي وتدوري فيني مكنه الاسئله بتاعتك

فااااااااااااالحه اقعدي ساااااي اتفرجي

[الشمشار]

البطاقة الشخصية والهوية ؟
وبعدين بطاقتك خليها معاك ياخى نزار العريس دا مامضمون
ولماذا اخترت مجال عملك الحالى ( الاخراج ) ؟

ايواااااااااااه بقي فيها خيانات
غلطان انا الرحمتك قلت الناس اتكاترو عليه ما ازيد الطين بله هههههههه بله ذاتو قالو دق الرقم جلاااا
السؤال الاول جاوبتو
بالنسبه للسؤال التاني الاخراج لاني عشقتو جدا وعشق من بدري بس ماكنت داير اخش اخراج تلفزيوني كنت داير اقرا اخراج مسرحي وفي النهايه مشيت للتلفزيوني ود العمده منور يا اخوي

[الشمشار]

أصبـــــــــــــــــــــر !!!!!

علي شنو ؟؟؟؟؟؟؟؟؟؟؟؟
علي كرسي بت ام درمان اللا صاطت ليمون لاهزت كانون دي ؟؟؟؟

[الشمشار]

ال تسوي تلقا ،،،،،

ههههههههههه انا براي رحمتك كان افتح شوال الاجابات وشوال الاسئله واقطع حبل جون قرن ده لكن ريمون حنستني قالت لي عنكوليب بتجيها حمي كفايه عليها
افوووووووووووو
انا ما بتهدد
تعالي ومعك آخرون كان تلقيني ههههههههههه

[خالد علونى]

منو؟؟؟


شمشرة شخشيا



ياخ انا من فورتي ون داير لي فيك لمة




تمشي مني يين الليلة



معاوية




سعدين جداً بيك ضيف علي الكرسي الجميل دا نفتش في دواخلك عن أشياء جميلة تحملها دوماً

[خالد علونى]

سؤال أول:



ماذا تمثل لك منتديات ودمدني

[الشمشار]

منو؟؟؟


شمشرة شخشيا



ياخ انا من فورتي ون داير لي فيك لمة




تمشي مني يين الليلة



معاوية




سعدين جداً بيك ضيف علي الكرسي الجميل دا نفتش في دواخلك عن أشياء جميلة تحملها دوماً

وانا ذاتي سعيد ماشايفني بتبسم هههههههه
منور ياعلوني وتسلم علي كلامك الجميل
قبل تسأل ست التسالي الجنب برج البركه بتسأل منك قالت تلفونك مقفول و.........
تعال نتم الباقي في الخاص ههههههه

[الشمشار]

سؤال أول:



ماذا تمثل لك منتديات ودمدني

]والله ياخالد سؤالك شويه داير وقفه
المنتديات عندي بشكل عام حدائق جميله وبساتين التقط منها ما احب واعجب بالاخر
وان كانت المنتديات حدائق فان منتدي ود مدني هو الزهره الفواحه التي تنثر العبير في هذه الحدائق
ورغم اني كنت عاتب علي ناس المنتدي لانو تفعيل عضويتي اخد اكتر من 4 سنه لكن لامن لاقيتك في عرس نزار ولاقيت الشباب وشفتهم وان كان من بعيد العتاب راح وكنت مصر انو لازم اسجل تاني وتالت ورابع لحدي ماعضويتي تتفعل وده دليل علي انو منتدي ود مدني مميز والمنتدي اكبر من ان يمدحه شخص بسيط مثلي
كما اني اعتذر لكل شخص لم اعقب عليه واعتذر لك لشخص لم ارد علي موضوع كتبه لاني بالجديا في حاله بعقب علي زول يا بكتب موضوع جديد

[بدر الدين محمد]

نخليها انطباعات زول زار اروقه قريييييب ان شاء الله
استاذ بدر الدين منور
سين سعاااااال
الفي الصوره ده موش علوني 2012 المعدل هههههه؟؟؟؟؟

جاييكم علوني (امسكوا الخشب)

[الشمشار]

جاييكم علوني (امسكوا الخشب)

ههههههههه جاء وفتح شوال الاسئله الله يستر

[مايسة]

الشمشار كيفنك
منور كرسي النجوم -

قلنا بس نسلم وبنجيك بالاسئلة