النتائج 1 إلى 25 من 137

الموضوع: كرسي النجوم مع نجم الشهر شيخ النفاج ود المطامير

أدوات الموضوع
- مشاهدة صفحة طباعة الموضوع


	09-02-2012 02:28 PM #1 ريمون الملف الشخصي مشاهدة المشاركات اللجنة الاستشارية Array تاريخ التسجيل Jul 2009 الدولة الدرجة الأولي المشاركات 3,426 كرسي النجوم مع نجم الشهر شيخ النفاج ود المطامير ضيفنا هذه المرة من ركائز المنتدي الأساسية غني عن التعريف يمتلك مهارات فذة يدخل الفرح والإبتسامة الي عوالمنا عميق التفكير لا يخاف في الحق لومة لائم نفتقده عندما يغيب عن المنتدى فلنرحب جميعنا بنجمنا المتألق دوماً مطاميرو ونتمن له قضاء أطيب الأوقات وأسعدها كما أتمنى للجميع قضاء أجمل الاوقات برفقته مع تحيات مشرفي العام لا تقف كثيرا عند أخطــــــاء ماضيك .. لأنها ستحيل حاضرك جحيمــا ومستقبلك حطامــا .. يكفيك منها وقفة اعتبـــار تعطيك دفعة جديــدة في طريــــق الحق والصواب .. رد مع اقتباس


	09-02-2012 02:49 PM #2 abomazeen الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Mar 2004 الدولة مـايــو نــص المشاركات 6,008 المشاركة الأصلية كتبت بواسطة ريمون ضيفنا هذه المرة من ركائز المنتدي الأساسية غني عن التعريف يمتلك مهارات فذة يدخل الفرح والإبتسامة الي عوالمنا عميق التفكير لا يخاف في الحق لومة لائم نفتقده عندما يغيب عن المنتدى فلنرحب جميعنا بنجمنا المتألق دوماً مطاميرو ونتمن له قضاء أطيب الأوقات وأسعدها كما أتمنى للجميع قضاء أجمل الاوقات برفقته مع تحيات مشرفي العام ميييييين حبيب قلبي السجيبن السابق مطاميرو ....؟ عاد يا الحبيب الكرسي ما ح يولــع عديل كده ماشي اجيب الملفات القديمة القابلة للنشر أمانة ما وقعت لي في جرح يا مطـرة زوغااان نهي نهي زندقي نهي المفاجآت لمن يسخن الكرسي منور الكرسي يا مطاميرو لم يفت الأوان أبداً على أن يكون المرء ما كان من الممكن أن يكونه المـتــكبـــر هـــو : شخص يقف فوق قمة جبل ... يرى الناس صغاراً ... وهم يرونه أصغر رد مع اقتباس


	09-02-2012 03:32 PM #3 خالد 000 ابقرجة الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2009 الدولة مدني حي البان # المدينة المنورة المشاركات 2,217 ود المطامير 000 طبعاً حا أساهم معاك في البطاقة الشخصية000 (بس لازم تدفع بالدرهم ) المشاركة الأصلية كتبت بواسطة ود المطامير بسم اللّة الرحمن الرحيم السلام عليكم ورحمة اللّة تعالى وبركاتة عِلا ياكن حرّم وأنا خلاص طالع ماشى للوليدات لقيتهم قعدونى فى الكرسى , ربنا ستر من ناس شبارق وأبورجاء أكانوا قالوا علىّ خاف قام جارى . أخوكم فى اللّة عندو تلاتة أسامى وكل واحد يختار اللى يعجبو . 1 .. عثمان إبراهيم عثمان ( ودى الإسم الرسمى فى شهادة الميلاد والجواز ) 2 .. عروة إبراهيم عثمان ( ودا لإسم الشعبى اللى لصقتو فينى أمى والشغال طوالى ) 3 .. ود المطامير ابراهيم عثمان ( ودا بتعرفوهو ) أها ... من مدينة الشرفة الشريف بركات ( هلا هلا الناس البروبوا الموية ) 4 / 2 / 1966 دا اليوم اللى جا فيهو البلا للمطامير والقرى المجاورة , شافع وحاة إسم اللّة قالت لى أمى بس قدر لمبة الجاز , حتيتونى أمى زاتها خافت منى ومرات مرات أقرب أقع من يديها أها .. بالعصيدة والويكة إتبغبغت وعملت جضيمات وكبرت ودخلت المدارس لحد الشهادة الثانوية يعنى جامعة .. نو نهى زندقى .. عشان ما كنت فاضى للمدرسة من الشريك للطيور والنبل ورماى السمك , وركوب العجلات وشواكيش البنات . أخوانى (( خالد وخالدة )) بس وديل جو دفعة واحدة بعد عشرة سنين من جيتى أنا ودى قصتها غريبة والكرسى حقى ونقة للصباح . لما ولدونى أنا واحد عينو حارة قال بت النور دى بتلحق أمها فى الولادة وحبوبتى جابت 15 خال وخالة , أها وحاتكم بى كلامو دا دق لينا فرامل عشرة سنوات لما أبوى شاف أبوهو فى النوم وقال ليهو أمشى لفلان الفلانى وقول ليهو قول ماشاء اللّة وبعد داك الفرامل فكت . وجو خالد وخالدة وقبضت تانى القبضة الياها , لما مشاكلى فى الحِلة كترت وأمى زهجت من كترة شكاوى النسوان البشاغل بناتهن قالت لأبوى الجنا دا فاضحنى فى الفريق سوقوا معاك أبوظبى وجيت أبوظبى 11/ 3 / 1987 وفى آخر 98 إتزوجت بعد قصة حب ما حصلت قبل كدا , وقلت أملى الحوش شفع ويلا 1 .. شجن .. سبعة سنوات 2 .. عمرو .. خمسة سنوات 3 .. عمار .. سنة وشهرين .. وهم معاى هنا فى الإمارات . وأحسن تسكتونى عشان تلقوا حاجة تسألوا منها (( ملحوظة )) معكم من يوم الأحد لحد الأربعاء وباقى الإسبوع حق المكوة وغسيل العدة . أى سؤال من أى نوع ومن أى ناحية جاهز وحرّم كضب مافى تب . أها أشوفكم يوم الأحد مع السلامة . بس مع ملاحظة إضافة خمسة سنوات للتواريخ الواردة في المشاركة 000 عروة الحبيب 000 طبعاً لمن جينا المنتدي في 2008 قبال السيل 000 إنتا كنتا في غوانتا نامو (طرينا الشر لي بعدو علي قول حبوبتي ) 000 بس كان إسمك دايماً حاضر مع الجميع 000 وفي يوم وقع في يدي البوست الكان فيهو المشاركة دي قريت صفحاتو كلها 000 وعرفتا فيهو عروة الجميل الخفيف 000 عشان كدة لمن نزار أبو سفروق قاد في النفاج حملة لإغلاق زنزانتك في غوانتانامو 000 كان طبيعي ناس ما قابلوك يكونو داعمين ليها 000 (في داعي لسيرة السوابق دي ؟؟؟) 000 عروة 000 جاييك بعد تكملة السيرة الذاتية 000 أحتاج خريفاً قادم 000 فالقلب انشق به اخدود للذكري 000 كخطو العير 000 في أوحال الأرض الصلدة 0000 لا يمحوه 000 حين تجف 000 الا أمطار أخري 000 والقلب بكي 000 فسحاب بقائي قد ضاع سدي 000 (أبو آية) نحتاج مهنيين 000 يعملون بتجرد 000 ودون ألوان 000 لبناء وطن يحكمه السياسيون 000 أتشرف بكم هنا http://www.blogger.com/profile/02571856119049338589 رد مع اقتباس


	09-02-2012 03:36 PM #4 خالد 000 ابقرجة الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2009 الدولة مدني حي البان # المدينة المنورة المشاركات 2,217 [/QUOTE] إهداء البوست مع التحية للعزيز ( زول فردة ) أحتاج خريفاً قادم 000 فالقلب انشق به اخدود للذكري 000 كخطو العير 000 في أوحال الأرض الصلدة 0000 لا يمحوه 000 حين تجف 000 الا أمطار أخري 000 والقلب بكي 000 فسحاب بقائي قد ضاع سدي 000 (أبو آية) نحتاج مهنيين 000 يعملون بتجرد 000 ودون ألوان 000 لبناء وطن يحكمه السياسيون 000 أتشرف بكم هنا http://www.blogger.com/profile/02571856119049338589 رد مع اقتباس


	09-02-2012 10:13 PM #5 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 وأنا آاااااااه إشتقت ليك ااااى والله ، إشتقت ليها إلى حد الوجع والتوهان إشتقت لما كنت بتقلب الليل كلو والنعاس يفارغ عيونى من الفرح لأنى بكره ح أمشى أشوف الحبيبه ، ومع النجمه أصحى وأتلبس ، وأول واحد ينط فى البكسى وبجوار مسرح الجزيره العريق أول واحد ينط من البكسى ، وأقول كد أدى ليك بنطلونى رفعه وأتنفّض ليك من الغبار والسفايه وكتاحة الطريق ويا مدنى الجميله جااااك هيثم الخلا وأول حاجه وقبل كل حاجه تكون المحطه الأولى هو كشك الحاجه البارده جمب سينما الوطنيه وأصنقع ليك بكباية حاجه بارده ، باااارده لمن أغمض ورغم إنى كنت بحب الببسى لكن كنت بزوغ منو علشان قولة بااااااع طوالى بطلع لى فى نخيراتى لمن أدمّع ويلا بعد داك تبدأ رحله جميله فى ( مدنى الجميله ) مدنى الجمال والثقافه والفن والرجال وأحوم حوامه لمن شبشبى يقول الرووووووب وأرجع وأنا أكثر سعاده وبهجه أختة ريمون ... شكراً لك وأنتى تمثلين مشرفي العام وتضعونى تحت دائرة الضوء ككتاب مفتوح للجميع وإن شاء الله سوف تجدونى معكم بمنتهى الشفافيه والصدق أختى ريمون ... جزاك الله عنى كل الخير على الترحيب الذى أثلج صدر وللجميع أقول كما قلت هنا وفى نفس المقام قبل سنوات ... مستعدين لأى سؤال ممهما كان لونه وشكله وطعمه ودمتم لى إخوه وأخوات أعتز وأفتخر بهم جداً جداً اللهم أجعل قبرى روضه من رياض الجنّه رد مع اقتباس


	09-02-2012 10:24 PM #6 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة abomazeen ميييييين حبيب قلبي السجيبن السابق مطاميرو ....؟ عاد يا الحبيب الكرسي ما ح يولــع عديل كده ماشي اجيب الملفات القديمة القابلة للنشر أمانة ما وقعت لي في جرح يا مطـرة زوغااان نهي نهي زندقي نهي المفاجآت لمن يسخن الكرسي منور الكرسي يا مطاميرو هع هع هع هع حبيب قلبى إنتا فى كل الأزمنه ، رغم إنى أحسُّ فى الزمن الراهن بتباعد وهج الوصال بيننا كثير سألت نفسى ... لماذا لا أجد نفسى والحبيب أبو مازن نرتشف فنجان قهوه كما كنا على صفحات المنتدى ؟ لا أكتمك سرا كثير تجدنى أشعر بإنقباض لمجرد التفكير فى إنى قد أكون أخطأت فى زمن ما فى مكان ما فى أمر ما ولكن اليوم .. بالجد أسعدتنى غاية السعاده بهمسك أعلاه الذى رد لى الروح إذ وجدت فيه إشاره أن اللى بيننا عااااامر حبيب قلبى .. آاااى جيب الملفات وتعال والله يسترنى معاك علشان ملفاتى جت إنتا حافظها عن ظهر قلب اللهم أجعل قبرى روضه من رياض الجنّه رد مع اقتباس


	09-02-2012 10:31 PM #7 ahmed algam الملف الشخصي مشاهدة المشاركات زيارة الصفحة الرئيسية المشرف العام والمدير الفني Array تاريخ التسجيل Feb 2007 الدولة ودمدني- القسم الاول المشاركات 40,843 هع هع هع هع هع والله مصيبتك مصيبة ياعمك اها اتحفنا وتم لينا باقي السيرة الذاتية بجيك صادي رد مع اقتباس


	09-02-2012 10:55 PM #8 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة خالد 000 ابقرجة ود المطامير 000 طبعاً حا أساهم معاك في البطاقة الشخصية000 (بس لازم تدفع بالدرهم ) بس مع ملاحظة إضافة خمسة سنوات للتواريخ الواردة في المشاركة 000 عروة الحبيب 000 طبعاً لمن جينا المنتدي في 2008 قبال السيل 000 إنتا كنتا في غوانتا نامو (طرينا الشر لي بعدو علي قول حبوبتي ) 000 بس كان إسمك دايماً حاضر مع الجميع 000 وفي يوم وقع في يدي البوست الكان فيهو المشاركة دي قريت صفحاتو كلها 000 وعرفتا فيهو عروة الجميل الخفيف 000 عشان كدة لمن نزار أبو سفروق قاد في النفاج حملة لإغلاق زنزانتك في غوانتانامو 000 كان طبيعي ناس ما قابلوك يكونو داعمين ليها 000 (في داعي لسيرة السوابق دي ؟؟؟) 000 عروة 000 جاييك بعد تكملة السيرة الذاتية 000 الحبيب والله الحق والله الحق يا الحبيب إلى وقت قريب كانت أمنياتى كبيييييره أن يجمعنى الله بك فى بوست أو مشاركه كنت أتمنى من جواااى أن نتداخل معا ولو من على البعد فى أى بوست وذلك لكى أنال شرف أن .. الرائع فينا أبدا خالد أبو قرجه قد حادثنى تعرف يا الحبيب ؟ طبعا نخن هنا كلنا سواسيه كأسنان المشط ولكن يوجد بيننا من نحسُ تجاهه بالرهبه لعلو مكانته وسمو روحه ورفعة أخلاقه وأنت بالنسبه لى كذلك وعليه ليتك رأيت فرحتى الغامره قبل كم يوم وأنت تمازحنى فى النفاج الحبيب خالد .. جد والله ريده لله فى الله أهاااا ... فى زمن جميل وأنا كنت لسه عريبى حايم هنى عمتنى ليك الزول الفريد ... زول فرده .. جمب الأكشاك ..وقال لى عاوزين نجيبك فى التلفزيون تعال وساقنى من يدى وجابنى على هذه القناه الرائعه فكانت إفتاحية كلامى بالإقتباس اللى أتيت به وكانت من أمتع أوقاتى هنا ووالله الحق .. وأنا فى غوانتانامو وقتها كنت أتابع مواضيعك ومشاركاتك بكل لهفه وشوق وحتى كتير كنت بدون ما أشعر أقول أشارك معاكم أكان ألقى ليك السجان طق يطقنى فى راسى ويقول لى أقعد مكانك تعرف يا الحبيب ؟ وسر أذيعه إتخيل لى تانى مره لما تم ترحيلى لغوانتانامو للمره الأخيره كنت ماخد تأبيده ، سجن مدى الحياه وكان جناح الصقور فى الإداره بقيادة صاحبى نبيل ضد حتى التفكير فى عودتى وجرت محاولات عديد للإفراج عنى تحت ضغط حبايبى وأهلى وناسى الأعضاء ولكن كلها باءت بالفشل للمعارضه القوووويه من الجبهه اليساريه وهم معزورين ولهم أسبابهم وخاصه وإنى قد إستنفدت كل فرص الطاعه والولاء لحد ما جا يوم وقام ( أبوسفروووق الله يخليهو) لى و فكفكنى ليك من قيودى ( بقرار فردى منه ) لعلمه التام ويقينه الكبير بأن جانب الخير فينى أكبر من شرى وأن فترة السجن الطوييييله فى غوانتانامو قد أذابت شرى و أطلقنى وكان رهانه بينه و بينهم هو الميدان ومن هنا ومن كل قلبى أتمنى ألا أكون قد خذلته ولو حتى بحرف ليس فى مكانه الحبيب أبوقرجه ... يديك العافيه والله ريحتنى من السيره الذاتيه وفتحت لى مجال لكى أنداح اللهم أجعل قبرى روضه من رياض الجنّه رد مع اقتباس


	09-02-2012 11:03 PM #9 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة خالد 000 ابقرجة إهداء البوست مع التحية للعزيز ( زول فردة ) [/quote] يا سلااااااام رائع والله يا رائع وأنت تضعنا وسام على صدر زول هو فعلا فرده والله والله أنا أشهد له أنه فى فتره من الفترات كان يحمل المنتدى على كتفيه ليل نهار كنا على تواصل معه يوميا وعلى مدار الساعه بشئون المنتدى كان قيادى فريد من نوعه ولكن سبحان الله تلك الإداره فى ذلك الزمن فرّطت فيه بطريقه مدهشه له ولك وللجميع محبّتى وإحترامى اللهم أجعل قبرى روضه من رياض الجنّه رد مع اقتباس


	09-02-2012 11:06 PM #10 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة ahmed algam هع هع هع هع هع والله مصيبتك مصيبة ياعمك اها اتحفنا وتم لينا باقي السيرة الذاتية بجيك صادي هع هع هع هع والله يا الحبيب مصيبتهم هم المصيبه وحات ريدنا ليك ح أخليهم يقولو دا جبتوهو لينا لشنو ؟ ياتو سيره ذاتيه دى يا الحبيب ؟ دا فى ناس مسمينى الفضيحه من كترة حكاوينى اللهم أجعل قبرى روضه من رياض الجنّه رد مع اقتباس


	09-02-2012 11:49 PM #11 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 أحبّتى الكرام أخوك فى الله كما هو مذكور فى الإقتباس اللى جابه الحبيب أبوقرجه فى ذلك الزمن كان لى تلاته أسماء لكن هسى عييييييييييييييك ما تعدش وآخرها مطرطر التعليم ، وحات الله شااااااطر فى أى حاجه إلا المدرسه والفضل يرجع لحرمشه ود الكلب والمدرسه وحات الله كنت شاطر فيها شطاره جد لكن المصيبه ما ردتها كلو كلو وكنت كتير الغياب والزوغان وأصحابى كانو يدرسو وأنا شايل نبلتى وحايم ورا القمرى فى الجناين المرحله الإبتدائيه حلااااتى يا ناااسى كنت شاطر وملتزم ، والمرحله المتوسطه برضو كنت وااااحلاتى يا ناسى لكن كنت مجبور أهاااا ... نجى للمرحه الثانويه وكان معانا البنات ومن أول يوم طواااالى فكيت الدرب علشان أخوكم ريّاد بالحييييييل الناس شغالين يدرسو ويزاكرو وأنا الليل جت تلقانى مساهر أكتب فى جوابات الغرام وحكمة الله كان ما عندى قشه مره وبجكس من طرف سمحه شينه ولأ أكبر منى ولما جات إمتحانات الشهاده وعند إمتحان الرياضيات والإنجليزى وقف مطاميرووو كما وقف حمار الشيخ فى العقبه الإنجليزى مريت فيهو بيا يدى وشيلينى وختينى فى الإجابات حقات أختار الإجابه الصحيه أ ، ب ، ت الرياضيات الله يكتلنى قلبت أوراق الإمتحان جت وما لقيت لى شيتنا كدا سااااى يفطر لى الصايمه دى وحات أمى لما شفتها ليك كدا خربانه خربانه قمت مليتها جت شعر ودوبيت وحاتكم رفعت ورقتى وقلت للمراقبين إنتهيت فى الوقت اللى فيهو فى طلبه لسه ما دخلو الفصل واحد من المراقبين قال لى إنتهيت كيف يعنى ؟ إنتا ألبرت أينشتاين ؟ أهاااا ... غايتو حنسونى وقعدت فد ربع ساعه وإتخارجت كان حصاد نتيجتى فى إمتحان الشهاده نسبه قدر سفة عم محجوب بس نجاح حرّم التقول ضاربو أبنينى ، وعلى فكره جبت فى إمتحان الرياضيت 2 بس ولسه محتار أدونى ليها فى شنو ؟ لأنى ما أخدنى شك قلت باخد صايمه طيب .. ذى ما بقولو ود الفار حفار وعلى درب أبوى مشيت ، وعلى فكره أبوى صاحبى شديييييييد يعنى كيس تمباكنا واحد ، سرت على دربه غربه ونفس مجال العمل 11 / 3 / 1987 كان العريبى يطل من بوابة مطار أبوظبى ، فى الرأس أفكار وأحلام وفى المعده لوبا عفنه نيّه بايته إنطلقت غازاتها فى الطائره فجعلت كل من بقربى يهرب ، وكان فى النفس آمال عرييييضه أخوكم فى الله ... متزوج بعد قصة حب عنيفه وشهيره فى منطقتنا وحات الله أنا وأم عمرو زمان أكان لقينا لينا نجيله أكان قلنا لسريديفى وشيرو خان هو إنتو بتعرفو ترقصو وعصافيرى هم 1 _ شجن 13 عام 2_ عمرو 10 أعوام 3 _ عمار 6 أعوام 4 شهد 50 يوم وأبوهم من مواليد 1966 يعنى نديد ود الطاهر ولكم ودّى وتقديرى التعديل الأخير تم بواسطة ود المطامير ; 10-02-2012 الساعة 05:08 AM اللهم أجعل قبرى روضه من رياض الجنّه رد مع اقتباس


	10-02-2012 03:24 AM #12 عاشق الترحال الملف الشخصي مشاهدة المشاركات عضو فضي Array تاريخ التسجيل Nov 2011 الدولة ماعندي محل محدد المشاركات 1,890 المشاركة الأصلية كتبت بواسطة ود المطامير أحبّتى الكرام أخوك فى الله كما هو مذكور فى الإقتباس اللى جابه الحبيب أبوقرجه فى ذلك الزمن كان لى تلاته أسماء لكن هسى عييييييييييييييك ما تعدش وآخرها مطرطر التعليم ، وحات الله شااااااطر فى أى حاجه إلا المدرسه والفضل يرجع لحرمشه ود الكلب والمدرسه وحات الله كنت شاطر فيها شطاره جد لكن المصيبه ما ردتها كلو كلو وكنت كتير الغياب والزوغان وأصحابى كانو يدرسو وأنا شايل نبلتى وحايم ورا القمرى فى الجناين المرحله الإبتدائيه حلااااتى يا ناااسى كنت شاطر وملتزم ، والمرحله المتوسطه برضو كنت وااااحلاتى يا ناسى لكن كنت مجبور أهاااا ... نجى للمرحه الثانويه وكان معانا البنات ومن أول يوم طواااالى فكيت الدرب علشان أخوكم ريّاد بالحييييييل الناس شغالين يدرسو ويزاكرو وأنا الليل جت تلقانى مساهر أكتب فى جوابات الغرام وحكمة الله كان ما عندى قشه مره وبجكس من طرف سمحه شينه ولأ أكبر منى ولما جات إمتحانات الشهاده وعند إمتحان الرياضيات والإنجليزى وقف مطاميرووو كما وقف حمار الشيخ فى العقبه الإنجليزى مريت فيهو بيا يدى وشيلينى وختينى فى الإجابات حقات أختار الإجابه الصحيه أ ، ب ، ت الرياضيات الله يكتلنى قلبت أوراق الإمتحان جت وما لقيت لى شيتنا كدا سااااى يفطر لى الصايمه دى وحات أمى لما شفتها ليك كدا خربانه خربانه قمت مليتها جت شعر ودوبيت وحاتكم رفعت ورقتى وقلت للمراقبين إنتهيت فى الوقت اللى فيهو فى طلبه لسه ما دخلو الفصل واحد من المراقبين قال لى إنتهيت كيف يعنى ؟ إنتا ألبرت أينشتاين ؟ أهاااا ... غايتو حنسونى وقعدت فد ربع ساعه وإتخارجت كان حصاد نتيجتى فى إمتحان الشهاده نسبه قدر سفة عم محجوب بس نجاح حرّم التقول ضاربو أبنينى ، وعلى فكره جبت فى إمتحان الرياضيت 2 بس ولسه محتار أدونى ليها فى شنو ؟ لأنى ما أخدنى شك قلت باخد صايمه طيب .. ذى ما بقولو ود الفار حفار وعلى درب أبوى مشيت ، وعلى فكره أبوى صاحبى شديييييييد يعنى كيس تمباكنا واحد ، سرت على دربه غربه ونفس مجال العمل 11 / 3 / 1987 كان العريبى يطل من بوابة مطار أبوظبى ، فى الرأس أفكار وأحلام وفى المعده لوبا عفنه نيّه بايته إنطلقت غازاتها فى الطائره فجعلت كل من بقربى يهرب ، وكان فى النفس آمال عرييييضه أخوكم فى الله ... متزوج بعد قصة حب عنيفه وشهيره فى منطقتنا وحات الله أنا وأم عمرو زمان أكان لقينا لينا نجيله أكان قلنا لسريديفى وشيرو خان هو إنتو بتعرفو ترقصو وعصافيرى هم 1 _ شجن 13 عام 2_ عمرو 10 أعوام 3 _ عمار 6 أعوام 4 شهد 50 يوم وأبوهم من مواليد 1977 يعنى نديد ود الطاهر ولكم ودّى وتقديرى سلام للغالي مطيرو .... وحاتك ياغلي داير تقطع مصاريني بي الضحك ... وخليتني اضحك براي في قرفتي ...اكان ناس البيت قعدو اكوركو لي ،،،يا ولد انت جنيت ولا شنو ،، ولو ما لحقوني بي كباية مويه ،،هسي ما عارف كان حصل لي شنو .... علي العموم الف حمدلله علي السلامه بوصولك الكرسي ،،،والله التقول كرسي العرش بتاع كسرا ،،،،، وربنا اخلي ليك جميع ابنائك ويحفظم ليك من كل شرور .. والف مبروك المولوده ،،وانشاء الله تربي في عزك . إذا طُعـــنت من الخلف ،،،،،،،تأكـــد أنك في المقدمــــــــة رد مع اقتباس


	10-02-2012 04:02 AM #13 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة عاشق الترحال سلام للغالي مطيرو .... وحاتك ياغلي داير تقطع مصاريني بي الضحك ... وخليتني اضحك براي في قرفتي ...اكان ناس البيت قعدو اكوركو لي ،،،يا ولد انت جنيت ولا شنو ،، ولو ما لحقوني بي كباية مويه ،،هسي ما عارف كان حصل لي شنو .... علي العموم الف حمدلله علي السلامه بوصولك الكرسي ،،،والله التقول كرسي العرش بتاع كسرا ،،،،، وربنا اخلي ليك جميع ابنائك ويحفظم ليك من كل شرور .. والف مبروك المولوده ،،وانشاء الله تربي في عزك . هع هع هع هع تسلم لى يا الحبيب وفى ميزان حسناتك هذا الدعاء الطيب وصدقنى يا الحبيب وذى ما قلت ليك أم النفاج أننت وفى فتره وجيزه جدا ملكت قلوبا محبه وأرواحنا ريده لله فى الله وهذا لصفاء سريرتك وحُسن معاملتك للجميع حبيب قلبى عاشق الترحال ... يديك العافيه والله اللهم أجعل قبرى روضه من رياض الجنّه رد مع اقتباس


	10-02-2012 04:12 AM #14 عاشق الترحال الملف الشخصي مشاهدة المشاركات عضو فضي Array تاريخ التسجيل Nov 2011 الدولة ماعندي محل محدد المشاركات 1,890 المشاركة الأصلية كتبت بواسطة ود المطامير هع هع هع هع تسلم لى يا الحبيب وفى ميزان حسناتك هذا الدعاء الطيب وصدقنى يا الحبيب وذى ما قلت ليك أم النفاج أننت وفى فتره وجيزه جدا ملكت قلوبا محبه وأرواحنا ريده لله فى الله وهذا لصفاء سريرتك وحُسن معاملتك للجميع حبيب قلبى عاشق الترحال ... يديك العافيه والله والله يا غالي ،،،، يوم ما اخش المنتدي ببقي زي الزول المنزرقه لي محه ،،،واتحربص عشان القي لي فرصه افتح الابتوب ... وادور عربتي اجي مدني ... وكدي ارح النفاج ،،،نشوف نسوان الجبنه القعدن ... ههههههههه تقبل تحياتي إذا طُعـــنت من الخلف ،،،،،،،تأكـــد أنك في المقدمــــــــة رد مع اقتباس


	10-02-2012 04:22 AM #15 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة عاشق الترحال والله يا غالي ،،،، يوم ما اخش المنتدي ببقي زي الزول المنزرقه لي محه ،،،واتحربص عشان القي لي فرصه افتح الابتوب ... وادور عربتي اجي مدني ... وكدي ارح النفاج ،،،نشوف نسوان الجبنه القعدن ... ههههههههه تقبل تحياتي هههههههههههههههههههههههههههه أرح آلحبيب اللهم أجعل قبرى روضه من رياض الجنّه رد مع اقتباس


	10-02-2012 05:03 AM #16 فراس الملف الشخصي مشاهدة المشاركات عضو مميز Array تاريخ التسجيل Jun 2009 المشاركات 544 مطاميرو سلامات والله نورت المنتدي وكل المنتديات المجاورة لكن يااخوي من هسي قمنا علي الدغمسة في بوست استضافتك قبل السيل والجابو حبيبنا ابقرجة قلت انك مواليد 66 وهسي تقول 77 معقول لكن تاكل ليك 11 سنة مرة واحدة ولا داك حرمشة المولود66 غايتو ماعارف لكن السمعتو قالو كنت تصفق مع حوا الطقطاقة ‎ ‎ لمن رفعو علم الاستقلال هع هع هع انت من وين يابنية وناوية على وين السفر قلت لي مدني الجميلة مدني يا أجمل خبر رد مع اقتباس


	10-02-2012 05:15 AM #17 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة فراس مطاميرو سلامات والله نورت المنتدي وكل المنتديات المجاورة لكن يااخوي من هسي قمنا علي الدغمسة في بوست استضافتك قبل السيل والجابو حبيبنا ابقرجة قلت انك مواليد 66 وهسي تقول 77 معقول لكن تاكل ليك 11 سنة مرة واحدة ولا داك حرمشة المولود66 غايتو ماعارف لكن السمعتو قالو كنت تصفق مع حوا الطقطاقة ‎ ‎ لمن رفعو علم الاستقلال هع هع هع هع هع هع هع هع الحبيب / أول شئ تسلم لى والله على التنبيه بالعمر ياخ داخل من لابتوبى السمح دا ولسه ما تعودت عليه ومشيت عدلتها مشكووووور يا الحبيب وبعدين ياخ ما دغمسه لكن حبيب قلبى أبوقرجه دردقنى يديك العافيه يا الحبيب وبالجد أسعدنى وجودك معى اللهم أجعل قبرى روضه من رياض الجنّه رد مع اقتباس


	10-02-2012 05:52 AM #18 مايسة الملف الشخصي مشاهدة المشاركات عضو ماسي Array تاريخ التسجيل May 2009 المشاركات 7,300 ود المتامير عساك عافية يا ود أمي والكرسي منور أكيد ومولع ماس وكهرباء اديل كدا اها قلته لي جيت الإمارات سنة 1987م - وما فتها تاني نهائيا - ياخ بعد كدا حقو تطالب بالجواز ولا شنو سمعنا قالو تاني الاقامات ما بتجدد للسودانيين - اها بياتو وش تاني بترجع هناك ---------------- اها ممكن تحكي لينا قصة إنتمائك للمنتدى وقصة الكفاح الطويلة من البداية --------------------- وأكيد متاااااابعين نسيت : خالة العيال الما قدر خالتو مايسة كيف عاملة سبحان الله وبحمده سبحان الله العظيم *********************************** لك الرحمة والمغفرة تيسير وعوّض الله شبابك الجنة -------------------------------------------------- لا تحاول أن تعيد حساب الأمس وما خسرت فيه ... فالعمر حين تسقط أوراقه لن تعود مرة أخرى...... ولكن مع كل ربيع جديد سوف تنبت أوراق أخرى... فأنظر إلى تلك الأوراق التي تغطي وجهه السماء ... ودعك مما سقط على الأرض فقد صارت جزء منها ...** رد مع اقتباس


	10-02-2012 07:38 AM #19 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 المشاركة الأصلية كتبت بواسطة abomazeen ميييييين حبيب قلبي السجيبن السابق مطاميرو ....؟ عاد يا الحبيب الكرسي ما ح يولــع عديل كده ماشي اجيب الملفات القديمة القابلة للنشر أمانة ما وقعت لي في جرح يا مطـرة زوغااان نهي نهي زندقي نهي المفاجآت لمن يسخن الكرسي منور الكرسي يا مطاميرو منور الكرسي يا عروه ابراهيم اها مستنيين الملفات القديمه بتاعة الحبيب ابو مازن دي نشوف عروة في الزمن القديم كيف سؤال افتتاحي كده : الغربة ادتك شنو وشالت منك شنو ؟؟؟ تحياتي يا زول يا واحه رد مع اقتباس


	10-02-2012 01:31 PM #20 ودالعمدة الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Oct 2006 الدولة من أرض المحنة المشاركات 2,252 الغالى مطمورة الشرفة بركات جنة النيل وروضة البطانة انت عارف لو كنت بعرفك من زمان كان كبرى ابوحراز اللى نفذته كان عملتوا تلاتة كبارى السيرة الذاتية ناقصة أسماء فى حياتنا : أبولمبة وابوفانوس وأبوالدقيق مارأيك فى هذا الخبر ( نظام جرجرة وكدا ) : وسط استمرار الجدل الواسع بعد الإعلان عن مهر العروس الذي قدر بما يعادل‏26‏ مليون دولار‏، شهدت العاصمة السودانية الخرطوم مراسم زفاف وعقد قران العروس السودانية أماني موسي هلال علي الرئيس التشادي إدريس دبي . وذلك بمشاركة الرئيس السوداني عمر البشير الذي كان وكيل العروس خلال عقد القران ويذكر أن العريس قد غاب عن مراسم الزفاف وأناب عنه شخص يدعي عبدالله بانقي . التعديل الأخير تم بواسطة ودالعمدة ; 10-02-2012 الساعة 11:58 PM و انتمى إليكَ ...... ياوطناً تفردَ بالجمالِ وبالبهاء ياأرضَ مهيرة وبنونة ...... ياديوانَ الرجالِ وبيتَ العوينِ .... يامرتعَ الأطفالِ عندَ الرواكيبِ مساء رد مع اقتباس


	10-02-2012 01:46 PM #21 عاشق الترحال الملف الشخصي مشاهدة المشاركات عضو فضي Array تاريخ التسجيل Nov 2011 الدولة ماعندي محل محدد المشاركات 1,890 بعدتني عنك غربتي وخلتني ديمه اهاتي بيك ..... والله يا مطاميرو الناس ديل دايرين ارجعو ليك حرمشه من جديد ،،،المشرفين ديل قايتو بسو في جنس حاجات كدا ... هسي ما كان اختو ليك ،،، المدحه البتقول ،،،جابوها رجال ..وشنو كدا ما عارف ...الباقي تمو براك .. هههههههههههه ودالمطامير ،،،انت قاعد تمنع كل من رقب في التسجيل هنا ...منتديات ودمدني . ما قولك في هذا ود المطامير داخل السودان ،،،،وود المطامير خارج حدود الوطن إذا طُعـــنت من الخلف ،،،،،،،تأكـــد أنك في المقدمــــــــة رد مع اقتباس


	11-02-2012 12:30 AM #22 بنت الرفاعي الملف الشخصي مشاهدة المشاركات نائب المشرف العام Array تاريخ التسجيل Dec 2006 المشاركات 9,979 ما شاء الله، نحييك أخي ود المطامير في كرسي النجوم، ونتمنى لك (جلوس) طيِّب. حظك ما في أسئلة في الوقت الحالي لكن إن شاء الله نكون من المُتابعين. علِّمي نفسك ما تندهشي صدِّقي كل الما معقول!! ----------------------- سأبقى ماحييت بدار دنيا .. رفيقاً لا يخون ولا يجافي وأحفظ عهدكم في عمق قلبي .. ويروي ودكم نظم القوافي ويبقى دائماً هناك وإن (مرام) لتحقيقه. ----------------------------------------------- اللهم اغفر لوالدي، وارحمهما وأطل في عمريهما يارب العالمين. ----------------------------------------------- اللهم ارحمني برحمتك، واغفر لي يا مالك الغُفران، واجعل قبري روضة من رياضك، وأدخلني فسيح جناتك، يا رب العالمين. رد مع اقتباس


	11-02-2012 01:30 AM #23 ابوالنور الملف الشخصي مشاهدة المشاركات مشرف منتدي النفاج Array تاريخ التسجيل Sep 2006 الدولة مدني المشاركات 6,658 حبيبنا ود المطامير الراقي بجيك صاد يا ربي انا وين sun shine رد مع اقتباس


	11-02-2012 01:40 AM #24 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة مايسة ود المتامير عساك عافية يا ود أمي والكرسي منور أكيد ومولع ماس وكهرباء اديل كدا اها قلته لي جيت الإمارات سنة 1987م - وما فتها تاني نهائيا - ياخ بعد كدا حقو تطالب بالجواز ولا شنو سمعنا قالو تاني الاقامات ما بتجدد للسودانيين - اها بياتو وش تاني بترجع هناك ---------------- اها ممكن تحكي لينا قصة إنتمائك للمنتدى وقصة الكفاح الطويلة من البداية --------------------- وأكيد متاااااابعين نسيت : خالة العيال الما قدر خالتو مايسة كيف عاملة أهليييييييين يا خالتو غايتو الكرسى دا مع ناس الهبابات ح ينفجر أنا مره سمعت قالو اللى بيقعد عشره أعوام متواصلات بدوه الجواز أها قمت لبدت فد لبده ليوم الليله لكن ولا لقيت جواز ولا مشيت شفت ناس أبوى التقول على مسكونى ماسوره تصدقى يا خالتو ؟ سبحان الله قبل خمس سنوات كنت قاعد فى نفس هذا المكان وكان وقتها البلديه هايجه خصخصه وكدا قام جا أبوسفروق وقال لى البلديه بتشيل فى الناس بالكوريق وقعد يغنى لى وقال يا السودان جاك زول تررررم تررررم وسبحان الله بعد الخصخصه لقينا أوضاع أفضل ، أهااا ... هسى القاعدين نسمع فيهو اليومين دول ما أظن يستنوا لحد ما الإقامات تخلص وطبعا الحكايه من الربيع العربى والمشكله نحنا لو عندنا ربيع ح يكون عزاء لنا لكن وين مع كنكشة ناس هناى ديل إنتمائ للمنتدى كان متزامن مع دخولى العولمه وكان سبب دخولى النت هو صديقى أمجد إسحاق كان معانا فى الجزيره من أبناء رفاعه وعنده شفت منتديات رفاعه وأعجبت بها وطوالى عملت خط نت وشاركت معهم وبعد فتره قليله قلت لنفسى ما دام رفاعه عندها منتدى بهذه الروعه إبقى أكيد مدنى الجميله ح يكون لها منتدى وارف الظلال وفعلا كتبت فى قوقل منتديات ود مدنى أكان لقيت ليك نفسى فى نص ناس شبارقه وأبو رجاء والتيمان وكان المشاتر عامل مشكله ليها ضُل ومن قولة تيت شلت عكازى وخشيت معاهم ووقتها كنت عريبى اللسان والملبس وبعد داك إتثقفت وأمتدت رحلة الأحلام فلو حكيتها بالتفصيل برنامج أسماء فى حياتنا ما بكفينى يا خالتو خالة العيال اللى أصغر من خالتو مايسه شتت زماااان : هى جات إسبوعين بس قلت ليك ... إنتى السمّاك أم هبابه منو ؟ بحيرى مُش ؟ اللهم أجعل قبرى روضه من رياض الجنّه رد مع اقتباس


	11-02-2012 01:46 AM #25 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة محمد الجزولى منور الكرسي يا عروه ابراهيم اها مستنيين الملفات القديمه بتاعة الحبيب ابو مازن دي نشوف عروة في الزمن القديم كيف سؤال افتتاحي كده : الغربة ادتك شنو وشالت منك شنو ؟؟؟ تحياتي يا زول يا واحه الحبيب الأديب الرائع النور نوركم يا الحبيب الملفات القديمه لا تفتح إلا بالتقادم يعنى بعد مرور 30 سنه يعنى الحبيب أبومازن لسه قدامو كتييييير الغربه يا الحبيب بتدى قروش بس وفى السنوات الأخيره بقت بخيييييله لكن بتشيل زهرة الشباب هسى عليك الله ما شفت صورتى ؟ فى زول دقينتو بتشيب بالجمبه ؟ فتلتنى ياخ اللهم أجعل قبرى روضه من رياض الجنّه رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 07:37 PM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني