بوست خاص ممنوع الدخول

[محمد خليفة]

موش قلنا ممنوع الدخول !!
الواحد حابب يقعد مع نفسه شوية
ياخد ويدى معاها
يتناقش معاها ويختلفوا ويتفقوا
او ما يتفقوا
المهم مافى زول يدخل بينى وبين نفسى
مرات الاجاويد زااااااتهم بذيدوا المواضيع ويكبروها
مجرد مناقشة او حبة غلاط كدا
يعملوا منه قومة وقعدة


كدى يا ابو حميد تعالى لى بى جاى

[محمد خليفة]

هسى يا ود الخليفة ناس المنتدى ديل يقولوا علينا شنو
خصوصا نحن يا دوووووووب عضو جديد
عضو جديد من 2009 وجاى يتكلم لينا مع روحه هنا !!!
ما مشكلة يا محمد كدى ادينا رايك فى منتدى مدنى دا بصراحة
ما تخاف مافى زول بجى داخل هنا
يا ود الخليفة المنتدى ماشاء الله تبارك الله وعينى باردة
مافيه كلام ,,,, لكن !!!
مالك داير تلكنها ؟؟
ما داير الكنها يا ابو حميد لكن ناس المنتدى ديل مشوا وين ؟؟
ولا نحن جينا فى الاجازة بتاعة المنتدى ؟؟

[ساريه]

طيب ممكن نتاوق بس ؟ نشوف الحاصل شنو ؟

[الامين عبدالقادر]

يعنى يا ابوحميد من 2009 عضو جديد كيف بس وين انت وشفنا ابداعاتكم فى الرياضى واصل وسوف تجد المنتدى كلة فى داركم سلمتم ورمضان كريم

[الملكة اسماء ( ام محمد )]

انا غايتو زولة شمشااااااااااااااارة

[مجدالدين شريف]

انا زاتي شمشار وعارف الفي قلب الحرقص شنو

[محمد خليفة]

طيب ممكن نتاوق بس ؟ نشوف الحاصل شنو ؟

مرحبتين حباب سارية ورمضان كريم وتصوموا وتفطروا على خير
حبابك الف فى دارك
قلنا ندردش ( برانا ) لما ناس البيت يجوا

اها لقيتى شنو ؟؟

[محمد خليفة]

يعنى يا ابوحميد من 2009 عضو جديد كيف بس وين انت وشفنا ابداعاتكم فى الرياضى واصل وسوف تجد المنتدى كلة فى داركم سلمتم ورمضان كريم

الامين عبد القادر مساك سعيد ومرور انيق ودفعة معنوية
مسجل فى المنتدى وكنت مضيع اسم الدخول حتى قابلت الاخ بكرى
واجبنا ايصال ما نستطيع لمن هم فى شوق للمشاركة فى فعاليات المدينة وان كانت بالمتابعة
بالتاكيد ستجد منا ما يسرك فى قادم الايام ولن ندخر جهدا فى سبيل ذلك

دمت بالف خير

[ياسر عمر الامين]

رمضان كريم اخى محمد خليفه...عجبتنى ونستك مع نفسك فحبيت اسلم عليكم...