النتائج 1 إلى 24 من 24

الموضوع: حمــيـــــد زول كـــــــــــــــــــده

أدوات الموضوع
- مشاهدة صفحة طباعة الموضوع


	22-03-2012 05:37 AM #1 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 حمــيـــــد زول كـــــــــــــــــــده اطلعت فى الايام الماضية على كثير من المراثى التى كتبت فى شاعر الغلابة محمد الحسن سالم حميد ورايت ان اقوم بتوثيق جزء من هذه المراثى فى المنتدى ويسعدنى ان تجد الاضافة من الاخوة بالمنتدى . حميد زول كده تحت هذا العنوان كتب بابكر سلك × تانى زول جميل فى بلدنا مات × قبال شوية وردى فات × وقبل ما تجف الدميعات × حميد مات × حمبد ملك القوافى المتفرده × حميد ملك القوافى المتمرده × حميد ملك القوافى الماخده من رجع الصدى × صدى انين عذابات البشر اللى همومها متوسدة × حميد للبلد القصيده بينشده × حميد ينعل يوم الامريكان × حميد بين التمرة والبرتكان ×حميد اطول نخله فى السودان × حميد احلى قصيده يقوله لسان × حميد يازول ×جميد يا انسان ×حميد الكان ×وحميد الباقى فى الوجدان ×سيان × حميدزول رائع × حميد كده × حميد ما بنبكيك × ولا بتبكيك ست الدار × نخاف الدمعه تمسح من دفتر الاحزان قافيه ×بنحتاج لقوافيك الدافيه × قوافيك الفى بدن المظلوم عافيه × لن نقول الامايرضى الله يا حميد × انا لله وانا اليه راجعون ِ ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	22-03-2012 06:16 AM #2 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 يا عشم وطن الغلابة تحت هذا العمود كتب ياسر عبدالله (انا لله وانا اليه راجعون ) هذه المره لم تكن شائعة ورحل شاعر البسطاء محمد الحسن سالم حميد ، الرجل المسكوب بحب الوطن املا قلبك املا قلبك بالوطن .... بالصغار قومة العمال دغش ... بالنضار المزارعية الغبش ..بالجنود الوين تخش فى سبيلك كالنهار بالمداد الما بيغش .. بى وتر جا منم الجحيم رحل حميد جسدا عن دنيانا الفانية ولكنه ترك ارثا ادبيا ضخما ستتوارثه الاجيال جيلا بعد جيل الوطن الذى يجرى فى عروقه مجرى الدم حاضرا معه فى كل لحظه عندما اخذته الغربه الجبرية عن ترابه انشد فى رائعته ( طيبه) التى غناها رفيق دربه الراحل مصطفى سيداحمد كل ما تباعد بينا عوارض .. كل ما هواك اااطيبة مكنى تلد الغربه القرب الواحد .. وبيك اسمى الشوق واكنى لما افوتك من دون خاتر .. او دون خاتر منى تفوتى بلقى حبايب فى كل حته ... وكل بيوت الفقراء بيوتى لاغيرت وراك الجته ......لابدلت ملامح صوتى لاغافلنى وهادن فنى .....عامل المدن الماعرفتنى وتبن الصبر الشوقو مصوبر .....فى الارياف الكم وفنى وبالاحساس الجاك مستعجل ... جيت متانى للاطفال الناشفه ضلوعا ونازفه بغنى ...اهدى دموعا ..... واطمن روعا ....... اللهم ارحم عبدك الفقير محمد الحسن سالم حميد وتجاوز عن سيئاته وابدلها له حسنات .. اللهم ابدله دارا خيرا من داره .. واهلا خير من اهله ، ولاحول ولا قوة الا بالله العلى العظيم ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	22-03-2012 09:31 AM #3 أم سماح الملف الشخصي مشاهدة المشاركات عضو مميز Array تاريخ التسجيل Sep 2011 الدولة ود مدنى حى دردق / حى 114 المشاركات 384 تسلم مولانا جلال وفعلا حميد زول كدة و إنا لله و إنا اليه راجعون وحميد قال : ياتو وطن في الكون الواسع دون عينيك راح يبقي وطن وياتو سكن في الدنيا الغنوة دون عينيك راح يبقي سكن ياتو شمس راح تشرق تطلع لو عينيك بادمعة بكن وقام منديلك.....غازل خدك غطي عيونك....غصبا عنك هاج منديلك..اغمي عليهو..وقع من ايدك ومن الدهشة الفيهو رطن ياتو وطن؟؟ تعرفي ناس عنتر حبو؟ وليلي وقيس ضاقوها محن ؟ اصل القصة عيونك انتي كانت نجمة تضوي سماهم وكانت كل كلمات الالفة مسطرة فيها كان عاشقين السما والنجمة عبدو النجمة لانك انتي وانو السما في ذاتا ملابسك كيرت بيهم احلام حبك وقام رسموك في كل قصيدة عيون بتحدد نوع القصة وقصة تعبر عن تحديدك كرسي وكنبة ورحلة طلبة يزورو النيل والموية العزبة يلاقو النيل كان دمعك انتي واصل الرحلة.......... دهشة وخلعة يوم عينيك بالدمعة بكن وقام كنديلك.....غازل خدك غطي عيونك.....غصبا عنك هاج منديلك......اغمي عليهو ومن الدهشة الفيهو رطن قريش يوم عبدت الله حجار كان فاقدين لي حنك وعطفك عبدو اللات والعزة وغيرن حج وطواف تقديس ووهن انا سويتك نفس القصة احلي يمين من احلي وثن قلت اذوب في حبك راهب واعبد الله الرسمك جوة واقفل بعدك محراب حبك واقعد جوة احبك واعبد..احبك واعبد..احبك واعبد..احبك واعبد..احبك واعبد..احبك واعبد..احبك واعبد.. وارسم دنيا تكون ترنيمك واصنع دنيا تكون تحديدك واكتب في عنوان دنيانا مافي وطن في الكون الواسع دون عينيك راح يبقي وطن ومافي سكن في الدنيل الغنوة دون عينيك راح يبقي سكن رد مع اقتباس


	25-03-2012 05:23 AM #4 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 حميد ... صحى الموت سلام ما يغشاك شر وتحت هذا العنوان كتب هيثم صديق يا عصفور محبتنا البسيط لو مابتبيت فوق السبيط طول مسافة ركتك وبما سبق نعى حميد مصطفى سيداحمد ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	25-03-2012 05:52 AM #5 خالد علونى الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Aug 2007 الدولة ام درمان - الراشدين المشاركات 3,009 مولانا جلال مما لا شك فيه أن حميد رحمه الله كان له مكانه كبيرة وحضور متفرد في خارطة الأدب السوداني تجابد... ها الخلايق...علو يسمعو صوتك وينادوك تعااااال... صحي المنام في موتك ياالصايت نباك....... عزة بهاك في فوتك دور تاني ياخ.... في سوق عكاظ نبوتك كمال الدين المرضي اللهم صلي وسلم وبارك على الحبيب المصطفى عدد خلقك ورضا نفسك وزنة عرشك ومداد كلماتك http://fc01.deviantart.com/fs13/f/20...alanbecker.swf رد مع اقتباس


	28-03-2012 03:44 AM #6 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 شكرا علونى كتير ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	28-03-2012 03:55 AM #7 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 هـــــــى .. اقيفن ... نورا فيكن ؟؟؟؟ نورا ... نقاحة الجروف نورا..حلابة اللبينى للصغيرين والضيوف نورا .... ساعة الحر يولع تنقلب نسمة وتطوف تدى للجيعان لقيمة وتدى للعطشان جغيمه والمخلى الحال مصنقر فى تقاة الليل تدنقر .. تدى لباكر بسيمة تكسى للماشين عرايا وفوقا يتقطع هديما ..................... ما عرفتن نورا انتن قولن انتن شن عرفتن نورا بت الواطة اخيتى نورا اخت كل الغلابة نورا حاحاية الشقاوة نورا هداية الضهابه الاراضى الياما ادت نورابقت من ترابه وماشى فى الاعماق سحابه مشتهنها والله جابا للجنوب طبلا يهدهد ليل مشاعر ناس تعابة وللشمال طمبور يسكت دمعة الميتين كابة ..................... ما عرفتن نورا انتن قولن انتن شن عرفتن نورا عايزه تقرا قالت فوقا حيطة الدنيا مالت ختت الكراس وشالت منجلا صالت بو جالت لامن انجرحت بو شالت للتراب فوق ايدا كالت ................. مرة يوم فى الدونكا لدغت جا الفقير بالليل حواها ويوم ملاها الهم قطايع جا البصير بالنار كواها ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	28-03-2012 04:18 AM #8 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 ونورا ما قدرت تمانع تقنع الناس المعاها مرة شافت فى رؤاها طيره تاكل فى جناها حيطه تتمغى وتفلع فى قفا الزول البناها فى جنينة سيدى سمعت شتله تصقع لى الوراها دى الارض ولابد ترجع للتعب فوقا ورعاها .. غيمة .. والنيل موجو لاها والعطش شقق شفاعا الشمش طبقت ضحاها الخليقة لاقت الاها نار عاب انسان مكسر فوق تلكيات متاهة وضو من الله رهاب مكتف فى وتيد الليل معاها بين ربوع حضرة وخلاها فشقت للناس رؤاها وقالوا جنت مو براها ونورا زادت فوق شقاها وصدت الايام تحش تبنى لى عصفورة عش فى السواقى تشوف عزاها لما شوقة يسوى اش تملا تزرع ترع تقرع للنهار فى الليل تخش عرفت الشقا والشقاوة الا ما عرفت تغش .................... شايلة طولت البال من الله ومن اراضينا الاثارة وماشى تكدح طول نهاره وترجى لما الليل يفلل تسرق المى عشان خداره عشان صغارة ولما ترجع لى دياره تنزف احلام الفقاره من عويناته الفقارى الحيارى ................. لى غبار الحال تقش فوقوا للامال ترش نورا تقعد صاحى تحلم بى بيوت بى نور ودش وبالمحبة تشق دروبا ولى قلوب الكل تخش نورا ... تحلم بى وجود ما مشت بينو القيود افضل ..افضل بى الكتير بى وطن من غير حدود ................... نورا تحلم بى عوالم زى رؤى الاطفال حوالم لادرادر لاعسا ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	28-03-2012 04:22 AM #9 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 لاعساكر لامظاليم لامظالم نورا تحلم ولما تحلم نورا ترجف ولما ترجف نورا تحلم ولما ريح الواقع المر لى عشيش احلاما ينسف نورا تنزف وفى الوجود وجدانه يهتف حاله تقرف حاله تكسف وتبدا تقضف ولما تقضف حاله يهتف وتملا باله احلام بتلصف يوم حتنصف نورا لسه بعيد هناك صاحى تحلم ولما تحلم نورا ترجف ولما ترجف نورا تحلم صاحى تحلم وصاح بتحلم ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	31-03-2012 03:04 AM #10 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 اه .........ياغبش اه ياغبش ماعندى ليكم غير نغيم برجوه ينفض لى غبار زمن القسا الكتاح يهز عرجون نخل صبر الغلابة الطال يحت يخرت تباريح الاسى الممدود فوق نور الدغش يانورا اه.... ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	02-04-2012 03:57 AM #11 mahagoub الملف الشخصي مشاهدة المشاركات رحمة الله عليه Array تاريخ التسجيل Aug 2007 الدولة ودمدنى المشاركات 11,330 يديك العافيه مولانا على هذا التوثيق الرائع الذى لم نستطع قرآته لصغر الخط ارجع واعمل تعديل وكبر حجم الخط بالمناسبه بلاش خلينا نستمتع معاك رد مع اقتباس


	03-04-2012 05:50 AM #12 ياسر عمر الامين الملف الشخصي مشاهدة المشاركات مشرف القسم الثقافي Array تاريخ التسجيل Jul 2009 الدولة ودمدنى المشاركات 2,635 منتظرين المزيد حبيبنا جلال... يا وحى الهامنا وموضع احترامنا يا مدنى الجميله ليك مليون سلامنا. رد مع اقتباس


	03-04-2012 10:49 PM #13 مصطفى هاتريك الملف الشخصي مشاهدة المشاركات وسام التميز الثقافي Array تاريخ التسجيل Aug 2009 المشاركات 2,423 , وخليت وراك يا (( حميد )) ألفماية حيطه تتمطى و تفلع في قفا الزول البناها رحمك الله يا متنبئ هذا الحال المر رحمك الله يا إستثناء في ده الزمن الكعب شن لينا بعدك إلا النواحات و المناحات و التعب منو الزيك ولد وإستالد الأولاد منو الزيك بجيبم ديمة عشرة أنداد منو الزيك ببز الدنيا موية وزاد منو الزيك ضروع وزروع ونيل مداد منو الزيك بطانة وغـابة دون حداد منو الزيك سهول وادي وجبال أوتاد منو الزيك أصل موروث من الأجداد منو الزيك جراتق دم قُــدام وجداد قشي الدمعـة يا بت الرجال ما بحكموك أولاد رد مع اقتباس


	04-04-2012 03:47 AM #14 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 يانورا اه يحرد كنائسنا المسيح يعرش مدارسنا الصدا ييبس ...يباس حلق العصافيرالوديعة من البكاء يندردر الصوت للبعيد اسيان يصد من دون صدى ينكفرن الفجر الصبوح يحمى الزهيرات الندى تختا الدراويش الضريح تسكن خلاوينا الجنون يهجر جوامعنا الاله يانورا اه تطرح غيوم الشوق تئن تشرق تموت خيل كلمة الحق التناهد فى الشفاه تعقر بسيمة الصح مع لوبى الجروف تغرز ضريعات الحروف ينشف مراح الامسيات تتمطق الارضه المروق والاغنيات اللى الشروق والارض والحب والمطر تضهب تتوه وكتين يضيع عرق الجباه الشم شمار فى مرقة اه اه يانورا اهِ ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	04-04-2012 03:54 AM #15 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 اه يانورا اه من دربك التور نفس خيل الصبر فتر خطاوى الشوق وراه يانورا اه يساعة الشموس الغر تهضلم تلحق الصح فى المغارب تذفر الضو الكهارب فى وشيك تدفرالمدن الضبابيه السرابيه الكابة وحائط التيه والطشاشات فوق قفيك يا ام عوارض مودعاشه ماها شبورة وتقيف جاى ليك يانورا غيمه تملا ماعونك خريف يملا عينيكى ويفضل نروى جواكى العطاشى مو ...دعاشة ِ ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	05-04-2012 03:26 AM #16 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 يامطر عز الحريق يامصابيح الطريق يا المراكبية البتجبد من فك الموج الغريق جينا ليك والشوق دفرنا ياالمراسى النتحويبا لما ينشعوت بحرنا ياجزرنا وقيف عمرنا يانشوغ روحنا ودمرنا ياالمحطات الحنينة القصرت مشوار سفرنا وياما شايلك بينى حايم ايوة شايلك بينى حايم فى الارض تكوين قضية فى السما الاحمر غمايم بى برد نغما السلامى رطبت حلق الحمائم طنبر النخل التبلدى راقص الابنوس وصفق سوت الصقرية موجة خلت النيل هاجلو هوجة بشرت بالخير بلدنا شالت الشبال نسائم جددت زلفى القديم امشى بالماشيبو اقاوم لابتكبر راسى فورة لاب تصغرنى الهزائم جنسى يانورا ابن ادم حلمو فى عالم مسالم لاالليالى الماها ليا لاالشماتات العليا لاالبنوك المخملية لاتفاهات الحضارة لاعفاريت المدينة لاالعمارات السوامق فوق ضهر ناسا فقارى لا الهتاف الفاوة ضارى غطى بالى من الفوارق لا الالوهه الطوطمية لا البرندات الوسيمة ولا الاسامى الاجنبية ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	05-04-2012 03:35 AM #17 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 ولا الاسامى الاجنبية بتمحى من عينى ملامحك وانتى جاية المغربية دايشى داقشى المغربية وشك المقبول مكندك سامسونايتك زمزمية كون شبر مرزبة مقطع ريشة فانوسا مدردح قلت بيهن لى زمانك يازمان الحاجة عندك يازمان الافة حدك لاتطا الورده الصبية يا نفس فجر القصائد يابلادى القطع قلب الروادى باللواجة الجاى وغادى ده ماهو صوتك لاها صورتك دى البترقش نادى فوق صدر الجرائد ماها صورتك لاهو صوتك لاها صورتك انتى يا الفطن الصحارى شفع العرب الفتارى البفنو الشايلة ايدن ويجروا كابسين القطارة يجروا بارين القطارة ولاسراب الصحراء موية لاحجارة سلوم موائد التعديل الأخير تم بواسطة مولانا جلال ; 05-04-2012 الساعة 03:37 AM سبب آخر: ِ ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	05-04-2012 05:45 AM #18 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 انتى فى الغابة اليصارع .. جوفو للاهات تلكى ياما دفق غيم رجاهو لكن الايام كركى فى خلا حالنا اليمحن ويملا بالسهد الوسايد انتى غيمة شديرة خيمة انتى جاهنا والتقا الطلقت وشينا فرقت غمة جباهنا فرجت فى الحارة ضيقنا فرحت شفع فريقنا والمواعين الحزينة يا اتجاهنا يا النغيم البقه فينا وشد لى وتر انتباهنا يا تباشير يابشاره انتى ياضرعا يكرمش شان يرضعنى الجسارة انتى فى منفاى رفيقة وفى حشا الاشواق حرارة يا هدى الناس الحيارى يا ندى الفجر اليبلل صور عوينات الفقارى اى جاى ليك يا نورا افة افه للسوس الجا ينقر عود عشيما داخروا فيكى واصلى لمن ادور اجيكى بجيكى لابتعجزنى المسافة لابيقيف بيناتنا عارض لاالظروف تمسك فى ايدى ولامن الايام مخافة يانفس فجر القصائد ما ضهب فى بعدى عنك واصلى متغرب عشانك راضى بالبجينى منك مابكيت شح الليالى لاشكيت نح شلتوحالى رغم انو الحال بيفسخ ورغم انو الحال بيفسخ الا كت فى الحاره بصرخ ياوطن عند الشدائد ياوطن عز الشدائد ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	07-04-2012 12:15 AM #19 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 شوك الشوق لى الشوفة ضارب فطن النسج الحى يامنقاشو احزانى انشرت وادى الفرح اتمدد صى ياراحلين عن دغش الليل ما لاقيتو جنايا زى تكية نخل الفجر الجاسر فوق فى المترة عراجين ضى يارعاوة ا... العرب الرحل ما لاقاكم فى المطرانى فى كاويق الجرف الامحل بين اسراب الرهو الراحل ساند اكتاف الليل الميل عند ساساق الغيمة عليكم بين رقراق الخيمة معاكم ما اديتوه شوى بى حرجل ا... رطانة الليل الليل ان ليل ما لاقاكم فى ونساتكم بين الشادى وبين كاساتكم فى صلواتكم عند دعواتكم او دقساتكم عز خلواتكم زول زول الله ان محن ابسال الهباد لى غلب اخواتو الفراح عوان الحلى الفدار لليل ظلماتو ا... نجمات شقيش قولنلى ما لاقاكم طالع مندلى المطعوم من طيبة اماتو كالفجاج الند نباتو موج البحر الاحمر هوجتو وعرق العرق اللاوى ثباتو جانا الشدر الاخدر منو ونار الشدر الاخدر جاتو راح شقيش اب قولا واحد وليش مايرجع من غرباتو طول طول ماطل علينا وقاطع مننا جواباتو ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	07-04-2012 02:38 AM #20 مصطفى هاتريك الملف الشخصي مشاهدة المشاركات وسام التميز الثقافي Array تاريخ التسجيل Aug 2009 المشاركات 2,423 واصل يا مولانا وكان تعب منك جناح في السرعه زيد منو الزيك ولد وإستالد الأولاد منو الزيك بجيبم ديمة عشرة أنداد منو الزيك ببز الدنيا موية وزاد منو الزيك ضروع وزروع ونيل مداد منو الزيك بطانة وغـابة دون حداد منو الزيك سهول وادي وجبال أوتاد منو الزيك أصل موروث من الأجداد منو الزيك جراتق دم قُــدام وجداد قشي الدمعـة يا بت الرجال ما بحكموك أولاد رد مع اقتباس


	07-04-2012 03:54 AM #21 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 المشاركة الأصلية كتبت بواسطة مصطفى هاتريك واصل يا مولانا وكان تعب منك جناح في السرعه زيد شكرا هاتريك ومنك استمد القوة ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	07-04-2012 04:14 AM #22 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 الغابات جات تنشد منو العربان راجين جياتو اديناهم علقو وعرقو وصورتو يقلب فى كتباتو ضل رشاشو ركيزة زولو ساعات سلمو ويوم حوباتو سن طورتو ولون ابرولو وحس طمبورو البى نغماتو لهلب عشق الناس الفقرا وبرد جوفن بى غنواتو وياغنواتو الدخلت فينا تمرق جينا على جلاتو وجيدا جينا طلقنا وشينا ووش اطفالنا الليلة حلاتو غنى معانا غنى غنانا هويتو غنى العالم غنى حياتو لاساومنا عليها قضيتو ولافكينا من ايدينا وصاتو الف شليل يانورا يفوتو شان مايجيكى شليلك ذاتو ولما يجيكى شليلك ذاتو ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	16-04-2012 02:03 AM #23 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 نوراى الشوق من حاطف لى قاطف يتلم يهز ليك يانوراى يادرقة وسيف ياحضنا كيف من شر الصيف والشتا ضاراى ياشعلة عز بقت جواى عدت بى ضلام بحرا عاصف قاعد بك قايم بك شايلك مورودة ومتوكل يانورا على الله علينا والفرج قرب وحايم بك يابت العرب النوبية يابت النوبة العربية ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس


	17-04-2012 04:48 AM #24 مولانا جلال الملف الشخصي مشاهدة المشاركات عضو برونزي Array تاريخ التسجيل Jan 2011 الدولة ام المدائن ودمدنى حى تعويضات عووضه المشاركات 891 بى فردة نخوة بجاوية اوشدرالصحوة الزنجية دسينى من الزمن الفارغ من ريح المتع الوكتية من شر الساحق والماحق بين دبش المدن المدعية والليل اتحكر بيناته كحل بى دبشو عويناته ياشمس الله المسبيه روحت اتنسم اخبارك لاتشفق قالوا لى نصيحى وانا عارفك ممكونة وصابره لكن لى ناس الا تصيحى جواى ماساتك مضروسه ياطفله تفتش فى باكر ما بينات نخلة و ابنوسة الجوع العطش الفد واحد الفقر الضارب زى سوسة الخوف والحاله المنحوسه ويابحر الحاصل ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ)) رد مع اقتباس

الإنتقال السريع المنتدى الثقافي الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 08:08 PM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني