ا

[aborawan]

االمغتربين البؤساء........ كلهم.... الواحد.. فيهم يقضي تلاتة ارباع عمرو في الغربة... وفي النهاية يرجع اهلو ايد ورا وايد قدام.....و اباطو والنجم......وحصيلتو الثقافية..... العربية سيارة... والمرا الحرمة..... والقروش الفلوس


ويجيب ليه ولد ويسميهو محمد ويدلعو بحمودي.....ويصاب بشلل تام في علم الانساب لدرجة انو ما بيقدر يميز بين.... كفيلو.. وابوهو.... ومرتو.. البيرجع معاهو قرشين منهم.... يرميهن في حافلة ولا امجاد......ويقعد يجري وراها طالع نازل...نازل طالع.... وما يتم الحول الا ....وهو رجع مفلس ولحق رفاقتو


واحد منهم ربنا ياخد بايدو...... رجع متفائل وكلو امل وطموح.... في ان يصعد سلم الراسمالية...... ولكن........ شوفو الحكاية........ قابل جماعة ..قال لو يا زول قروشك ديل سوهن في سكر علينا اليمين السنة الجاية اليدفرك ما يرميك.... الكلام دا زمن السكر فيهو ندرة وفي السوق السوداء

كمد القريشات كلها في السكر... مشى الجنيد... اشترى شحنة لوري كاملة.....قدر قريشاتو...وركب مع اللوري وعلى بنطون رفاعة....... اللوري في البنطون..وهو معاهو.... ويولع سجارة ويطفي سجارة..... تعال انت يا بنطون الجن اغرق

بكل مافيك.... الناس مرقو... والزول معاهم..... وقف مسافة يعاين للبحر...وبعد شوية بقى مباري القيف... ويدخل اصبعو في الموية ويضوق.....ويكورك ....حرم لي هنا حلوة...... حرم لي هنا حلوة...... وماشي....ماشي....وقالو لحسي مباري البحر..... ويضوق فيهو....ويسوي في اللي هنا حلوة

دا حين يا المغتربين....... اوعكم من السكر... كفاية السكر الفي دمكم

[ياسر فقيري]

والله يا أبو روان ضحكتني على حالنا والله أنا خايف من لي هنا حلوة دي تبقى علي ‍‍‍..
يديك العافية يا لذيذ يا رايق

[قمر الزمان]

الله يستر علي المغتربين ويردنا السودان سالمين ....

[الزمن المريح]

لى هنا حلو

و انت احلى اخونا ابو روان و الله الغربة ما بإيدنا و البلد مابينا تب شن نسوى عاد لا الأهل بتخلو
و العين ما يملؤها الاَ التراب
ولله يعين

و لى هنا حلو و انت احلى ،،،،

[aborawan]

والله يا شباب كلنا في الهواء سواء مافينا غير نقول رد الله عربتنا سالمين وشديدين والعافية دي ما في احلي ولا اغلى منها ومشكورين حبايب قلبي على مروركم الكريم

[madaniboy]

كاتب الرسالة الأصلية الزمن المريح
لى هنا حلو

و انت احلى اخونا ابو روان و الله الغربة ما بإيدنا و البلد مابينا تب شن نسوى عاد لا الأهل بتخلو
و العين ما يملؤها الاَ التراب
ولله يعين

و لى هنا حلو و انت احلى ،،،،

[aborawan]

تشكرات اخوي حمادة على المرور الكريم ويديك الف عافية

[نيازى كشك]

هههههههههههههههههههههههههههها هااااااااااااااا

اللة يسلمكم يرجعكم سالمين غانمين

[aborawan]

يسمع منك ربنا يا غالي ومشكور على المرور الكريم

[بابكر]

كاتب الرسالة الأصلية الزمن المريح
لى هنا حلو

و انت احلى اخونا ابو روان و الله الغربة ما بإيدنا و البلد مابينا تب شن نسوى عاد لا الأهل بتخلو
و العين ما يملؤها الاَ التراب
ولله يعين

و لى هنا حلو و انت احلى ،،،،

[shashi]

كاتب الرسالة الأصلية قمر الزمان
الله يستر علي المغتربين ويردنا السودان سالمين ....

[aborawan]

تشكرات اعزائي احبائي
بابكر

ابو احمد


مروركم اسعدني ولكم شكري الجزيل

[أبوبكرحامد]

حبيبنا أبو روان ............حكايتك ذكرتنى واحد كان مستاء من سياسات الحكومة وشعاراتا الجوفاء ، ومرة كان بتناقش مع جماعة وقال ليهم الحكومة كذابة لأنها بتقول مزقنا فاتورة السكر بينما تستورد السكر ، وسمعو واحد من ناس الأمن وراح قابضو ، وبعد دقوهو دخلوهو مخازن السكر ويفتحوا شوال ويدخلوا راسو جواهو ويقولو ليهو ده ماسكر ، والراجل بعد فكوهو وارتاح شوية جر نفسو وقال ( الحمد لله ماقلنا مزقوا فاتورة الشطة ) .

[الكونديلا]

اخي العزيز
والله ماعارفة اقول ليك شنو
صح الغربة فيها مساوي ولكن نحن مانكر انه في ليها محاسن
امكن نحن في الغربة محرومين من اشياء كثيره اقلها كلمة حبوبة خالة خال عم عمة
محرومين من حتى نعبر عن شبابنا عن عاداتنا ولكن انا ما انكر ان الغربة علمتني اشياء كثيرة ما كنت حا اتعلمها اذا كنت في السودان
ولك جزيل الشكر

[114]

ابو روان الظريف جدا
كمعالجة جزئية لحالة الاغتراب المجبورين عليها السودانيين (غيرهم عادة ما مجبورين عليها) انو الزول ما ينقطع من السودان ابدا، لو لقى كل سنة يمشي، ولو ما لقى كل سنتين، لكن بأي حال ما يفوت الثلاث سنين، عشان ما ينفصم ولما يرجع يقول: (وخّر يا ورع)!!!

وكلامك صاح يا كونديلا، كل شئ ليهو محاسنو ومساويهو، والغربه سلاح ذو حدين

[aborawan]

هههههههههههههههههههههههه الف شكر يا ود الماذون وفعلا صاحبنا ده كان قال شطة كان دقس الف شكر حبيبي

الاخت العزيزة الكونديلا كما ذكر اخي الغالي العزيز 114 فان الغربة سلاح ذو حدين والكل بكون استفاد منها كتير لكن والامانة لله الشالتو مننا الغربة اكتر من الادتنا ليه ما فينا غير نقول انو ربنا يمتعنا بالصحة والعافية ويردنا سالمين معافيين باذن الله


الحبيب الغالي 114
لك كل الود والحب والا حترام وفعلاً غربتنا كسودانيين اغتربناها اغتراب اجباري ونسال الله ينصلح لينا حال البد بهناك عشان نرجع بدل الواحد هنا يصحي للدوام الساعة 8 الصباح وهو يسنتت تاني يصحي وهو مبسوط لانو اي جرة قلم بتكون من اجل رفعة البلد
دعواتي قلبي مني ربنا يمتعك بالصحة والعافية


تشكرات حبايبي على مروركم الكريم

[tahaa]

أولا والله الموضوع ما فيه هزار الغربـة كربه والماضايقه الغربة يسأل مجرب ولكن نقول الحمد لله إنو الواحد بيضحي من عمره عشان يسعد الآخرين من أهله إن كان من الوالدين أو من صلة القرابة
وزي ما قال الشاعر

كان الدنيا بصح تتخلى كنا بركنا معاهم في رملات الحلة
إلا كمان بنشوفه مزلة ...
الجنيات الغابت جابت
إنت الجيب بس قايلة قميص أفرنجي وكرتونات كرملا
لا لا وحاتك حشا وكلا
ديل يوم عادوا إتلافو الجاهل بحقوق الله
ديل كم لحقو الضايق بشهق وداوو العله


ولا أنا غلطان

مع خالص شكري لك يا ابو روان

[aborawan]

الف شكر اخوي طه على مرورك الكريم والغربة سلاح ذو حدين
نسال الله انو يرد غربتنا سالمين