مقاشيش مدني والخرتوم, تياب ابوظبي والشارقه نفس المفهوم

[نزار احمد كوارتي]

زماااااان بتزكر ابوي قال لي حاجه عجيبه جداً نظام مكاواه لي أمي وكده !!!!!
قال لي كدي يا نزار أكنك أمشي السوق الشعبي, وأقيف راقب النسوان, تلقي الجايات نازلات من بص الخرتوم شايلات مقاشيش, وتلقي الراكبات ماشات الخرتوم شايلات مقاشيش.
نسوان الخرتوم يقولن مقاشيش مدني سمحات, ونسوان مدني يقولن مقاشيش الخرتوم سمحات.
وكلو شايل مقاشيش.
زوجتي العزيزه من سمعتني إقترحت عليها بالهزار ساي إني ممكن أسفرها السودان, ومن يوما داك لاحظت ليك ليها بتقعد توسوس في التلفون وبعد تنتهي من المكالمه تجي تفتح كراسها البتكتب فيه وصفات الأكلات داك وتقعد تشخبط, بعد شويه تقعد في النت مساااافه كده تقوم تمشي علي كراس الجن ده وتقعد تشخبط, الموضوع أكلني, واللفت إنتباهي أكتر إنها محافظه علي الكراس ده, التقول سجارة بنقو تدسدس فيه من مكان لي مكان, قمت يوم خليتها ليك دقست كده وبراااااااحه فتحتو ليك:-
التياب الشارقه وين كده لي دوار لف لمن راسك يسخن
الملايات الزياني تقاطع السلام مع شارع حمدان محل مافي باركنات بي أخوي وأخوك
الصندليه مدينة زايد بالقرب من المكان الختر ( سوق الدهب وكده)
العبايات .......
هدوم البيبي اللسه في رحم أمو.....
البتاع ....
الهنايات....
السجم.....
الرماد.....
القريشات في غضب الله.
المهم:-

قفلت ليك الكراس سريع سريع وجريت رقدت زي الما قريت لي شي,
وانا سارح كده وبفكر وخايف ليك جنس خوف من موضوع التياب المن الشارقه ده, ياخ الشارقه من محل انا غاتس ده 450 كيلو يعني بنزين ساي تمن كمين توب
المهم:- انا في نص سرحتي ديك تلفوني يضرب وألقاه ليك صاحبي من الشارقه,
يااااا حبيبنا
أووووو عمك
الصحه والبلديه؟
والله الحمد لله كلو ف محلو
الخبر شنو؟
ياخ والله انا خاشي علي أبوظبي هسي في شارع السلام وما ناقش التكتحني قلت أضرب ليك توصف لي.
خير إنشاء الله ومقبل وين هسي مع الفطور الكبس ده
ياخ أول حاجه وصف لي محله نفطر فيها وبعد داك وصف لي محل التياب السودانيه وين في ابوظبي, مرتي دي عندها عرس أختها وحلفت بالتقطعها قالت التياب إلا من أبوظبي هسي جابتني من آخر الشارقه

هه هه هه هه هه هه
قعدت أضحك وإستقليت ليك الفرصه لي صالح ورقي ورفعت ليك صوتي بي أعلي ما يكون
آي والله يا حبيبنا مرتك دي مفتحه والله أحسن مكان تياب في البلد دي في أبوظبي, ياخ يعني شنو ياخ كان جابتك من الشارقه مااااا مرتك ياخ لاذم تعزها بي تياب سمحات يعني دايرها تسافر السودان بي تياب الشارقه الكشامشا ديك ياخ والله الرجال قعد يجيبو نسوانهم من آخر الدنيا ياخ شارقة شنو القريبه دي؟
وقعدت امطمط ليك في الموضوع لمن هو زاتو إستغرب
كان ألقي ليك مرتي جات وقفت مقلعه عيونها وانا قعدت أتكشم ووصفت لي الزول محل التياب المشينا مؤخراً إشترينا منو داك
هي هي هي
شفتو البراءه دي كيف؟؟؟
براءة إختراع ما تمشو بعيد

بالزقاق:-

ياخ انا مشتاق ليكم عدييييييييييييييييل كده

زقاق أضيق شويه :-

عليكم الله الخلقكم ماتفهموني غلط وتقولو رجعت للمنتدي عشان رسلت مرتي السودان أمس.

[عبدالرحمن مدثر]

هاهاها ... نزار ياممتع

اها انا عندى مشكلة مع السوق .. فى موضة نسائية متبنياها زوجتى المصون .. اسمها موضة الجولات الثلاثية

وهى 3 جولات لكل سوق من ال 3 اسواااق .. وبعدها توقع بالاستلام او الشراء

يعنى ناخد مثلا سعد قشرة ... لابد من 3 زياراات ميدانية

الاولى للكشيف ومعرفة طيبة التياااب والاجواااء ... والاعجاب اذا امكن

التانية دى زيارة لتاكيد على الاعجاااب الاول (لو كان فى ) .. وتاكيد على انه ليس

هناك اى مؤثرااات اعجابية اخرى تعمل رربكة داخلية

التالتة دى يمكن تكون ويمكن ماتكون المرحلة الختامية المن خلالها يتم التاكيد على الشراء عشان تنتهى الازمة دى

والعبدلله من انصار اقرب دكان او معرض شيل حاجتك وامشى

والكلام نعمموا على السوق الشعبى .. وسوق امدرمااان


خربشة

ياعمك وسع زقاقك شوية انا زاااتى وصلت رمتى السوق وجيت احضر لى مسلسل مسلسلين لحدى ماتنتهى من مسلسلا هى

[مدنيّة]

غايتو يانزار
النوريك حاجة ، بث ناس مدني ديل ما يسمعوني
مقاشيش الخرتوم اثثثثثثثثثثثثثثثثثثثثمح من مقاشيش مدني
كان ما عارف اعرف

-------
قلت لي براءة الاختراع مبالغة! ):
------
تسلم يانزار

[آلاء عبد الرحمن]

منووور ياخ
وبلاي ماقلنا زمااان انحنا عايزين تضيفو لينا المدامات وكده

[مايسة]

نزار الصغيروني
هسي انت ما وريتنا اشتريت التياب من وين في النهاية

لكن صحي دي حاله عامة الواحد ما بتعجب الحاجة الا
لمن تكون صعبة المنال ومتعبة


تخريمة:
عشان سافرت يعني دخلته المنتدى

[آلاء عبد الرحمن]

نزار الصغيروني
هسي انت ما وريتنا اشتريت التياب من وين في النهاية

لكن صحي دي حاله عامة الواحد ما بتعجب الحاجة الا
لمن تكون صعبة المنال ومتعبة


تخريمة:
عشان سافرت يعني دخلته المنتدى

عشان كده ندخلة ليو المنتدي عشان يعرف حاجة

[مايسة]

عشان كده ندخلة ليو المنتدي عشان يعرف حاجة

خلاص بعدين معناتو ح نقعد نفتش فيهو هو

[آلاء عبد الرحمن]

خلاص بعدين معناتو ح نقعد نفتش فيهو هو

اكيد مافي شك
وطبعا حيعرف بعدة الفرق بين مقاشيش مدني والخرطوم وابوظبي والشارقة

[مايسة]

اكيد مافي شك
وطبعا حيعرف بعدة الفرق بين مقاشيش مدني والخرطوم وابوظبي والشارقة

هو هسي قال مافي فرق يا عثل

[نزار احمد كوارتي]

هاهاها ... نزار ياممتع

اها انا عندى مشكلة مع السوق .. فى موضة نسائية متبنياها زوجتى المصون .. اسمها موضة الجولات الثلاثية

وهى 3 جولات لكل سوق من ال 3 اسواااق .. وبعدها توقع بالاستلام او الشراء

يعنى ناخد مثلا سعد قشرة ... لابد من 3 زياراات ميدانية

الاولى للكشيف ومعرفة طيبة التياااب والاجواااء ... والاعجاب اذا امكن

التانية دى زيارة لتاكيد على الاعجاااب الاول (لو كان فى ) .. وتاكيد على انه ليس

هناك اى مؤثرااات اعجابية اخرى تعمل رربكة داخلية

التالتة دى يمكن تكون ويمكن ماتكون المرحلة الختامية المن خلالها يتم التاكيد على الشراء عشان تنتهى الازمة دى

والعبدلله من انصار اقرب دكان او معرض شيل حاجتك وامشى

والكلام نعمموا على السوق الشعبى .. وسوق امدرمااان


خربشة

ياعمك وسع زقاقك شوية انا زاااتى وصلت رمتى السوق وجيت احضر لى مسلسل مسلسلين لحدى ماتنتهى من مسلسلا هى

أبو عبدَه يا جميل

النديك الوهمه دي كان بتبقي قدرها
تعرف انا مستخدم ليك معاها سياسة عجيبه جداً مسميها سياسة إنتهي الزمن
أها تقوم تمشي معاها وأول ما تدخلو مكان حاجه معينه تديها فرصة الإختيار لي مده محدده, طبعاً حا تقعد تقول ليك دي سمحه لكن قصيره, ودي سمحه لكن طويله شويه, وديك سمحه لكن عريضه, وديييييييك سمحه لكن مالها ضيقه كده, وديك بس كان غيرو لونها ده هسي كان مالو عليك الله,
تقوم إنت تخمش أقرب حاجه عندك ترميها جوه السله وتمشي تخليها تنضم براها

بالزقاق:-

قلت لي وصلت منو السوق ؟؟؟

هي هي هي

[نزار احمد كوارتي]

غايتو يانزار
النوريك حاجة ، بث ناس مدني ديل ما يسمعوني
مقاشيش الخرتوم اثثثثثثثثثثثثثثثثثثثثمح من مقاشيش مدني
كان ما عارف اعرف

-------
قلت لي براءة الاختراع مبالغة! ):
------
تسلم يانزار

عايني يا بت جيراننا

نحن ناس بتاعين منتِق وكده

أعملي لي مقارنه كاملة المواصفات

يعني مثلاً المقشاشه تحتوي علي كم قشه ؟؟؟

العمر الإفتراضي للمقشاشه بتقش كم قشه مع الأخذ في الإعتبار حالتي الإستعمال أو إنها تكون مركونه في ركن البيت وكم مره يمكن أن تدقها المطره دون أن تلحق أمات طه ؟؟؟

الأبعاد من طول وعرض وقوة التماسك والإلتصاق ما بين القشات المكونه, مع التعرض لمراعاة راحة أبعاد جسم الإنسان ( كمثال مره طولها مِتِر ووزنها 170 كيلو)؟؟؟

لون السير الزي يحزم كومة القشات ( مثلاً هل هو أحمر وأصفر أم ظهري بي أبيض)؟؟؟

قدرتها علي التأثير في حال إستخدامها إستخدامات أخري كالفننن واللبِع من علي البُعد (يجب إستخدام قانون حاجه عشه الأول( لكل قشه هشه إذا إجتمعن رد فعل أقوي من أب دلدوم))؟؟؟

بالزقاق:-

يمكنك الإستفاده من بعض المراجع المتوفره في مكتبة كمبو حليمه (كمثال الكنِس والنِضّيف في الشتا والصيف).

زقاق أضيق شويه ومقشوش ومرشوش كمان:-

مشتاقيييييييييين من هنا لي جزارة عُمر

[بنت الرفاعي]

حمداً لله على السلامة أخي نزار.

سُبحان الله الغالبية ما بتقتنع باللي عندها وقريب
منها،
إن شاء الله بعد ده كلو اقتنعت بتياب أبوظبي ؟

مع كل التقدير والإحترام لك.

[روبش]

غايتو يانزار
النوريك حاجة ، بث ناس مدني ديل ما يسمعوني
مقاشيش الخرتوم اثثثثثثثثثثثثثثثثثثثثمح من مقاشيش مدني
كان ما عارف اعرف

-------
قلت لي براءة الاختراع مبالغة! ):
------
تسلم يانزار

اقول :: بقت بتشكري في مقاشيش الخرطوم ده طرفنا منك

[مصطفى هاتريك]

هععععععععععع

نحن طبعا رجال حمشين وكده






















بنمسك الأولاد في البيت وندفع القروش











































بس

[mabbas]

دا حال الدنيا في الزمن دا وحال نسوان الزمن دا
موضوعك ياخي ماجاني في جرحا عميق وينزف ليه سنيييييييين بس ما تفتكروها سنين كتيره عشان ماتقولو العجوز الدخلوه هنا شنو

تقبل مروري ولكم جميعا كل الود والاحترام

[خالد علونى]

عليكم الله الخلقكم ماتفهموني غلط وتقولو رجعت للمنتدي عشان رسلت مرتي السودان أمس.

الزول دا مااااااااااااااااا غريب علي






بي المناسبة :

شايفك اليومين دي بي جاي

عشان جبتا أولادك السودان يعني ولاشنو؟











ياخ والله مشتاقين .......

[الامام يوسف]

كدي اسي مافهمتنا
سمحات تياب الشارقة
ولا ابوظبي

[نزار احمد كوارتي]

منووور ياخ
وبلاي ماقلنا زمااان انحنا عايزين تضيفو لينا المدامات وكده

النور نورك يا دكتوره


لا لا لا ياخ انا مدامي دي ما معانا كان جات هنا بتخرب أيي حاجه


تقوم تخلي ليكم المنتدي ده صقيعه ساي, ما تقولي اليومين ديل براه ما ناقص

دي كان خشت هنا المنتدي ده ببقي زي قفص الحمام الدخلتو كديسه

أنقري لييييييييييييييييييييه





































عشان


































عشان































إذا جاءت الملائكه ذهبت الشياطين

[نزار احمد كوارتي]

نزار الصغيروني
هسي انت ما وريتنا اشتريت التياب من وين في النهاية

أوووووووو خالتو مايسا

لا لا لا ما إشترينا سِمعنا قالو أحسن تياب في السودان, قمته أقنعتها قلته ليها مايسا مشت إجازه وجايه قرييييييييب

بالزقاق:-

الليله يا الله, هو بلا كدي أبو يردو علي تلفوناتنا

[نزار احمد كوارتي]

عشان كده ندخلة ليو المنتدي عشان يعرف حاجة

خلاص بعدين معناتو ح نقعد نفتش فيهو هو

اكيد مافي شك
وطبعا حيعرف بعدة الفرق بين مقاشيش مدني والخرطوم وابوظبي والشارقة

خلااص قِنِعتن من خيراً فيني بالسرعه دي ؟؟؟

[نزار احمد كوارتي]

حمداً لله على السلامة أخي نزار.

سُبحان الله الغالبية ما بتقتنع باللي عندها وقريب
منها،
إن شاء الله بعد ده كلو اقتنعت بتياب أبوظبي ؟

مع كل التقدير والإحترام لك.

الله يسلمك يا دكتوره وكلو سنه طيبين طيبين

غايتو شبه إقتنعت بعد ما أديتها محاضره طول وعرض في علم المنطق واللا منطق والرياضيات المنطقيه واللا منطقيه والفيزيا والميتافيزيقيا
هي بيني وبينك هديييييييييييييييييه ورضيه ما عندها عوجه تب, لكن انا عرفت ليك ليها, تاني قريب تكون مسافره بدس منها التلفونات

[نزار احمد كوارتي]

اقول :: بقت بتشكري في مقاشيش الخرطوم ده طرفنا منك

يا روبش يا أخوي إنت ما سمعت بالمثل البقول ليك مِد مُقشاشتك والسعَّافه علي قدُر راس بيتكُم والمسافه ؟؟؟

ديل راس بيتم عااااااااالي يا معلم ديل ناس محل الرئيس بنوم والطياره بتقوم يا عمك

بالزقاق:-

أوعك ثم حزاراك تتكلم مع بت جيرانا دي, دي إسكورها عالي جداً عشان مريخابيه وكِده

[نزار احمد كوارتي]

هععععععععععع

نحن طبعا رجال حمشين وكده






















بنمسك الأولاد في البيت وندفع القروش











































بس

[SIZE=5]عفيت منك آآآآآآ الكلس, دي ياها المحريه فيك

معقوله تخلي الأولاد يلعبو في الشارع وأمهم مافي ؟؟؟ تبقي ماك أخوي هاتريك تب.[/SIZE]

[نزار احمد كوارتي]

دا حال الدنيا في الزمن دا وحال نسوان الزمن دا
موضوعك ياخي ماجاني في جرحا عميق وينزف ليه سنيييييييين بس ما تفتكروها سنين كتيره عشان ماتقولو العجوز الدخلوه هنا شنو

تقبل مروري ولكم جميعا كل الود والاحترام

والله يا الحبيب الناس دي كووووووووولللللللللللها مجرَّحه بس البقول راس البقره في الإبريق منو ؟؟؟

تعرف مرَّه كده أيامي البقنعو فيني للعرس, قاعدين انا وأختي وراجل أختي ونسيبنا ده حناااااااك, شابكني ليك والله يا عمك إتوكل ساي وما عارف شنو وشنو وقام قال لي هِن كلهن طبعاً زي بعضِن أول أيامات بقعدن يقولن ليك انا والله ما دايره أيي حاجه, بس البتقدر عليهُ و ...... و.......... وعينك ما تشوف إلا النور نسينا موضوع العِرِس والبقينا في الشكله الدورت بينو وبين أختي.

[نزار احمد كوارتي]

الزول دا مااااااااااااااااا غريب علي






بي المناسبة :

شايفك اليومين دي بي جاي

عشان جبتا أولادك السودان يعني ولاشنو؟











ياخ والله مشتاقين .......

الحبيب تكعيب

وحاتك يا الغالي الأشواق من هنا لحدي هنا زاتو, طمنا عليك

بالزقاق:-

خليك قريب