بنك السودان يلغي جميع منشورات العملة المشوهة

[ابراهيم عطية بابكر]

بنك السودان المركزي يلغي جميع المنشورات المتعلقة بتبديل العملة المشوهة في تصريح صحفي فيمايلي:-

تصريح صحفي من الناطق الرسمي لبنك السودان

وفي اشارةا لي المنشورات الصادرة من بنك السودان المركزي في اطار سياسة العملة النظيفة والتي ورد فيها ان الاوراق النقدية المشوهة والتي عليها كتابة بالاحبار سيتم استبدالها بنسبة 50% من قيمتها يوم 1/10 او 31/12/2012م بهذا يرجو بنك السودان المركزي ان يؤكد لجمهور المتعاملين ان هذه المنشورات قد تم الغاؤها جميعا . وعليه يستمر التدوال بالعملات النقدية كما هو قبل اصدار هذه المنشورات دون اي خصم من قيمتها عند استبدالها.حازم عبدالقادر الناطق الرسمي لبنك السودان المركزيمع تحيات اعلام البنك المركزي المصدر (تسلمت نسخة من التصريح اعلاه من بنك السودان فرع ودمدني)

[المكاشفى]

وين يا استاذ ياصفوه
الموضوع ده والله كان مزعلنى شديد
وحصلت مشاده بينى وموظف فى بنك ام درمان
قال لى غير الورقه دى
نظرت له بأستغرااااااااااااااااب شديد
قلت ليه انت البنك بتقول لى انا العميل اغيرها
سبحان الله ... قال لى دى سياسه بنك السودان
واشر لى على المنشور ملصق على الكاونتر
من الزعل ماشفت فى المشور الا شعار البنك المركزى
وبدينا نتجازب فى الحديث وقالى تانى البنوك مابتستلم
ومفروض اي زول عندو قروش مشوهه يمشى براه يبدلها
فى بنك السودان .. قلت ليه عامل اليوميه دا القبض 25 ج
فيها 20 مشوهه يمش وين ؟؟ هو شارع بنك السودان بعرفوا
يركب بى كم ؟؟؟ يضيع كم من الزمن ؟؟؟ قلت ليه على الايمان
العالم دى كل يوم تبتدع ....
قام قالى طرفه قالى كمان بعد 1/10 الغيار بالنص
قلت ليه كمان
قالى حكيت لى عميل بى الغيار بالنص دى
قام العميل قال ليه العالم دى بتكوس لى افقارنا بى شتى السبل
عندك مليون مشوه يدوك 500
الله المستعان
والله يا استاذ سعدت بالخبر شديد والحمد لله المرقونا من
حسبه برمه على قول الحبيب مزمل ابوالقاسم
تقبل مرورى