النتائج 1 إلى 25 من 29

الموضوع: made in sudan

أدوات الموضوع
- مشاهدة صفحة طباعة الموضوع


	30-01-2013 10:17 PM #1 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 made in sudan ماعارف هل العنوان صحيح ولا ماصحيح املائياً ومعني .. المهم جدعته ثم انه انا جني وجن الانجليزي صراحة لكن وحات الله والرسول مشتهي ساااي اشتري لي اي حاجة القاها ( ميد إن سودان ) والله صحي .. انتوا مش الجماعة قالوا : نلبس مما نصنع ااااي قالوا والله و طيب وين الصناعة دي ؟؟ ياخ ان شاء الله توب توتال ساااي يكون مصنوع هنا , هو توب التوتال دا قطن ولا حرير ؟؟ مشاااققة : قديما قالوا : عدم الموضوع يخليك تتكلم بالانجليزي والعهدة علي القائل .. .. .. المهـــم : ح اتموضع لهذا الصباح .. انا وانت والدنيا الامان رد مع اقتباس


	30-01-2013 10:27 PM #2 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 في برنامج ( حتي تكتمل الصورة ) علي قناة النيل الازرق استضافوا مسئول الصحة في ولاية نهر النيل وكـ العادة مسك المايك وخمج الكلام خمج شديد تعال شوف الانجازات العملها في الفترة التي قضاها مسئولاً عن صحة الولاية المعنية وبالتحديد ركّز علي مستشفي ( بالاسم ) وانه عمل فيها كمين عنبر وجاب ليها كم اخصائي وعمل فيها معمل وصيدلية انا صراحة لاني متأكد بانه كضاب وستين كضاب اتمنيت المذيع يوقفه وقد كان المذيع قاطعه واعتذر للمقاطعة وقال نمشي نشوف التقرير ونرجع اهااااااااااااا التقرير كان في نفس المستشفي الكان مسئول الصحة بيتكلم عنها وعن انجازاته فيها بالله اول مواطن سألوه عن حال المستشفي كيف كورك فيهم : هي دي مستشفي ؟ وسخانة ؟ ومافيها رعاية زي الناس والمعمل ماشغال ليهو فترة وابسط حاجة : طعّانات اااااي الطعّانات دي مافيها المذيع تاني رجع للمسئول وقال : اها شاهدت معانا التقرير دا يادكتور منو كدا ماعارف قال ايوة شاهدته طيب وين الاهتمام والانجاز البتتكلم عنه قبل شوية ياعمك ؟؟ ياعمك دي قلتها انا ماقالها المذيع وبدأت الدبلوماسية حين قال : الطعّانات دي لو في المستشفي ما اتوفرت في مقدور اي زول يجيبها من برة بس انا مهتم بالحاجات الكبيرة كبيرة .. .. بالله نحن مش طيبين ؟؟ وحات الله طيبين يسخروا مننا سااااااي وبرضو ساكتين وفي رواية اخري صاااابرين .. انا وانت والدنيا الامان رد مع اقتباس


	30-01-2013 10:43 PM #3 ايمن عبد الله الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل May 2009 الدولة ودمدني / حي ناصر المشاركات 5,501 مهتم بالحاجات الكبيرة كبيرة .. يعني هم بعملوا عمليات قلب مفتوح وكده ولا شنو ما كل البجوهم ملاريا والذي منو .. غايتو الوزراء عندنا ديل ما عارف يوم القيامة بجو يقولوا شنو للكريم .. نحن هينين وبنصدق اي كلام لكن بعدين البقدر يكذب منو .. رد مع اقتباس


	30-01-2013 10:53 PM #4 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 المواصلات عندنا وبالاخص الحافلات وتخصيصاً حافلات المواصلات الداخلية عاادي جدا بان تصير ايّ حافلة ( برلمان متحرك ) ياخ الحافلات دي بتحصل فيها جنس مواااقف اغلبها بخليك تضحك لو من جوة او تفكها قرقرابة قدر الليلة وبااكر .. مواقف يتم فيها نقاش حاجات كتيرة جداً يعني مثلاً : لما الكمساري يبدأ ( يطقطق ) داير يدوه التعريفة لو كانت جنيه اول ماتصله 50 قرش ببدأ يصر وشّو وبعد ان يرفع ال 50 قرش اياها يتبعها بـ ( دي تابعة لمنو ؟ ) يقوم واحد من ناش المقاعد الوراء يرد ليه بـ أنا وكثيرا مايكتفي بان يرفع يده , طوالي بيبدأ موضوع التعريفة وكدا ويبدا النقاش : الكمساري : الراكب بـ جنيه يا ابو الشباب يرد ابو الشباب : طااااالب الكمساري : وين بطاقتك ؟ ابو الشباب : ماعندي الكمساري : ماعندك جيب الباقي ؟ ابو الشباب : ماعندي الكمساري : طيب قبل تركب كان تقول ( معلّم الله ) ابو الشباب : عندي بس انا طالب ومابدفع اكتر من كدا الكمساري : يجوط ويسمع السواق برضو يجوووط واخيرا الي القِسم .. ويُبت في الامر لصالح الطالب .. انا وانت والدنيا الامان رد مع اقتباس


	30-01-2013 10:58 PM #5 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 المشاركة الأصلية كتبت بواسطة ايمن عبد الله مهتم بالحاجات الكبيرة كبيرة .. يعني هم بعملوا عمليات قلب مفتوح وكده ولا شنو ما كل البجوهم ملاريا والذي منو .. غايتو الوزراء عندنا ديل ما عارف يوم القيامة بجو يقولوا شنو للكريم .. نحن هينين وبنصدق اي كلام لكن بعدين البقدر يكذب منو .. ----------------- ايمن ازيّك هم قاليك عاملين حساب ليوم القيامة ؟؟ ديل غرقانين تب وفاكرين الشغلانية مافيها موت وآخرة يكضبوا سااااااي ولما الواحد فيهم يتقبض بالثابتة برضو بيزوووغ زي الماحصل شيئ .... مشاققة : انت ماسمعت وزير الدفاع لما اسرائيل ضربت الضربة التانية في بورتسودان قال شنو ؟؟؟ انا وانت والدنيا الامان رد مع اقتباس


	30-01-2013 10:58 PM #6 mahagoub الملف الشخصي مشاهدة المشاركات رحمة الله عليه Array تاريخ التسجيل Aug 2007 الدولة ودمدنى المشاركات 11,330 الحبيب ودالضو ياهو الحال المعاش كلهم شغالين والبلد ماشه لقدام والشباب البهاجور ديل اقول طالعين سياحه والنس شبعت لمان بقت تقسم باقى الاكل رد مع اقتباس


	30-01-2013 11:06 PM #7 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 عمنا كبير جمعتني به المواصلات ذات سفرية وكانت الانتخابات علي الابواب خشّ فيني شمال طوالي : انت ح تصوّت لمنو آآآولدي ؟ قلت ليه : ولا زووول ردّ : كيف الكلام دا ؟ لازم تصوّت قلت ليه : من الله ماخلقني لليوم ماصوّت لي في انتخابات .. ردّ : نااان مالك مابتصوّت ؟ قلت : انا عائش برة البلد ردّ : طيب إتْ تابع لمنو من الجماعة ؟ قلت : ولازول وانت مع منو ياحاااج ؟ ردّ : انا مؤتمر وطني ابا عن جد ( ابا عن جد ) دي خليتها تمشي فيني ساااااي ضحكن وقلت ليه : انا بعرف انه كل الجيل بتاعكم تقريباً اتحادي ديمقراطي بعد ان تبسّم قال : انا القدامك دا فلان الفلاني رئيس اللجنة الشعبية بالمنطقة الفلانية معروف اني مؤتمر وطني .. بعد ان وصلنا ونزلنا مسكني من يدّي وقال : ياولدي عمك عنده كمينة طوب الناس ديل مساخيت بي الله واحد باقيلك اقوم افرفر جاي ولاّ جاي يقوموا يجهجهوني سااااي ؟ انا مؤتمر وطني واتبعها بـ : سير سير يا البشير واتممتها انا : فعلا طالما عندك كمينة فااا انتوا جنودوا للتعمير .. التعديل الأخير تم بواسطة ود الضو ; 30-01-2013 الساعة 11:10 PM انا وانت والدنيا الامان رد مع اقتباس


	30-01-2013 11:10 PM #8 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 [QUOTE=mahagoub;706047]الحبيب ودالضو ياهو الحال المعاش كلهم شغالين والبلد ماشه لقدام والشباب البهاجور ديل اقول طالعين سياحه والنس شبعت لمان بقت تقسم باقى الاكل ------------- منوّر ياعمنا شغالين شغل شديد رئيس جهاز تنظيم شئون العاملين بالخارج قال في الفترة الفاتت دي تحصّل 600 الف سوداني علي فرصة للعمل بالخارج ماتنسي ال 600 الف دي تضربها في 4 علي الاقل مشاققة : شبعانين فتريتة نحمد سيدنا لو انقلبت او قعدت ماشغلتنا او كما قالت حاجة التاية ذااات مظاهرات .. انا وانت والدنيا الامان رد مع اقتباس


	30-01-2013 11:18 PM #9 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 ومن داخل البرلمان المتحرك ( الحافلة ) يمكنك ان تسمع : واحد متدين او كما نقول يخاطب آآخر : البنطلون ( الكباية ) دا موضة جاهلية بحتة ولو عندي سلطة ح اعاقب اي شاب يلبسو وح اخصص مواصلات للرجال واخري للنساء وح افصل الجامعات اولاد براهم وبنات براهم ولما اتزوج ما ح اعمل زي مابيعملوا الناس فجأة الحافلة تقيف لينزل راكب كانت بنت لابسة لبس غريب وعجيب صاحبنا المتديّن تابع البت دي بنظراته لحدي ما الحافلة اتحركت وهو ظل يعاين ثم قال : استغفر الله وخاطبني : نحنا هسي وين ؟ انا وانت والدنيا الامان رد مع اقتباس


	31-01-2013 12:21 AM #10 الجندي المجهول الملف الشخصي مشاهدة المشاركات عضو ماسي Array تاريخ التسجيل Apr 2006 الدولة من حته جميلة خلاص المشاركات 6,674 ود الضو (عليك الله) واصل هذا السرد وعن (نفسي) انا متابع بشدة وشغف تخريمة : حتى تكتمل الصورة (ابتسم) اغرب حاجة مافي مسؤول حتى هذه اللحظات بيقر بالخطأ او التقصير ( عجبي !!!!) مع انه الحاصل كله عبارة عن ( خرمجة واي كلام والسلام) اللهم صلي وسلم على سيدنا محمد وعلى آله وصحبه وسلم تسليما رد مع اقتباس


	31-01-2013 04:20 AM #11 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 المشاركة الأصلية كتبت بواسطة الجندي المجهول ود الضو (عليك الله) واصل هذا السرد وعن (نفسي) انا متابع بشدة وشغف تخريمة : حتى تكتمل الصورة (ابتسم) اغرب حاجة مافي مسؤول حتى هذه اللحظات بيقر بالخطأ او التقصير ( عجبي !!!!) مع انه الحاصل كله عبارة عن ( خرمجة واي كلام والسلام) ------------- حبيبنا نهارك سعيد ياخ منو البيقر بالخطأ ؟؟ ديل مابيعرفوا الخطأ ولا بيعملوهـ ؟؟؟ سعيد بشوفتك انا وانت والدنيا الامان رد مع اقتباس


	31-01-2013 04:28 AM #12 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 مالفيت دول كتيرة لو كانت عربية او اجنبية بس لما امشي لموقف المواصلات بتاع كبري الحرية براي كدا بقول : يااربي في مدينة في العالم دا فيها ازعااج وفوضي زينا هنا ؟؟ بالله اول ماتدخل المواقف بتاعة المواصلات الميكرفونات تطرشك عديل .. ايوة هنا , سندوتش 1 جنيه , عصير 1 جنيه وصوت من الحتة المجاورة لبتاع السندوتشات .. ذاكرة 2 قيقا 15 جنيه , كونيكت يشتغل علي كل الشبكات 45 جنيه ,, وبجوارهم صوت ميكرفون آخر : كيلو الموز جنيه ونص , دستة البرتكان 12 جنيه وبجوارهم صوت تاني : .. مبيض الاسنان ب 2 جنيه سم الفار 2 جنيه , كيلو الظهر 4 جنيه وصوت تاني : مديدة الدخن , البلح باللبن 2 جنيه لما توصل وتركب جوة الحافلة قاصد الجهة الانت ماشي ليها اضنيك يسوّن صننننننن مشاااققة : كل الميكرفونات البتكورك دي ( عليها ضرااائب ) .. ماساااي ,, والميزانية تتم من وين لو ماعملوا كدا ؟؟؟ انا وانت والدنيا الامان رد مع اقتباس


	31-01-2013 04:36 AM #13 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 إبان فترة شطب الهلال لهيثم مصطفي الدنيا قامت وقعدت وكعادة بعض الشباب تلك العادة التي انها حصريا عندنا هنا في السودان فقط ,, المظاهرات قامت والتخريب بدأ لحدي ماواحد من الشباب وصل لمرحلة انه ينتحر , طلع في عمود وقال مابينزل الا يتنازلوا عن قرار الشطب جاء علاء الدين وطلع ليه فوق لحدي ماوصله ومسكه من يده ونزل بيه والفرّاجة صفقوا لعلاء الدين !! وفي يوم وفاة الحوت الله يرحمه ( الحواته ) خرّبوا المطار وقفلوا الشوارع ومليانين غضب للطيش وواحدين قالوا يدفنوهم مع الحوت في قبر واحد وآخرين ناموا في القبر للصباح وواحد قال الا ينبش القبر بالله دا يسموه شنو ؟؟ ( ميد ان سودان ) موش ؟؟ هااا ناس هاا الزول دا مااات وكلنا ح نموت مشاققة : الظريف انه حتي الان ماعرفنا السبب الذي اوصل الحوت الي هذه الحالة الحرجة التي مات بسببها ,و هل كان هناك تقصير من مستشفي رويال كير ؟؟ ولا لا ؟؟ انا وانت والدنيا الامان رد مع اقتباس


	31-01-2013 04:44 AM #14 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 يااختي انا تاني تامر حسني ما ح اسمع ليه نوهائياً هكذا قالت احداهن ترتدي : بنطلون ومعاه حاجة من فوق وتضع في نص رأسها نضارة سوداااء تماماً ردّت صديقتها التي تجاورها في المقعد داخل البرلمان المتحرك ( الحافلة ) : انا زاتي قررت اعمل كدا لانه صراحة تاامر خزلنا خزلان مبين بعد ماعرّس البت المغربية بتاعة استار اكاديمي واتبعتها بـ ( زاتها ولاسمحة ) يا اختي .. ويتواصل الحديث منهن : هييي ادعي معاي لـ مهند قالوا عيّان اليومين دي غايتو لو مات مهند تاني ما ح اشاهد اي مسلسل تركي .. خاف مهند عيّان ؟؟ ربنا يشفيه في الاوقات ديك الربيع العربي كان مدوّر وجامعاتنا بدأت تتظاهر وديل بي هنا مع تامر حسني ومهند التركي دا كلام دا آآآآناس ؟؟ انا وانت والدنيا الامان رد مع اقتباس


	31-01-2013 05:11 AM #15 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 في ولاية سنار وبالتحديد في منطقة جبال موية وكما قالوا انه يوجد ( ذهب ) .. بالله انا من اسمع زول يقول ( دهب ) بلقاني اضحك لاني سمعت يوم واحد من سادتنا قال : ( الدهب دا من كرامات الانقاذ ) وبأعلي صوت قالها : ضاع مننا البترول لكن ربنا عوّضنا بالدهب الكتير دا , والدهب الحمد لله ايراداته خلال العام المنصرم بلغت كذا مليار دولار المهــم : بعدما الوالي سمع بالكلام دا اتحرك ومعه حاشيته وصلوا جبال موية وبدأوا بالتهليل والتكبير و هي لله كُجّت الصيوانات الماخمج لاستقبال الوالي وحاشيته وذُبحت الولائم الماخمج حتي جاءت كلمة الوالي : نحن نحمد الله كتيراً بان منّ علينا بهذا الكنز ونظراً لمصلحة الولاية و ( المواطن ) قرنا التالي : الارض الفيها الدهب دي ح نبيعها بيع عديل يعني مش ح نخليها زي الامكنة التانية في البلد لا لازم انحنا نستفيد وانتوا تستفيدوا عشااان كدا قررنا ان نبيع هذه الارض بمساحة 5 متر * 5 متر مقابل ( 500 الف ) وانت وحظك .. .. .. بالله شفتوا العدل دا كيف ؟؟ كرامة من كرامات الانقاذ وبرضو المساحة الصغنتوتة دي بـ 500 الف وبرضو لمصلحة المواطن .. انا وانت والدنيا الامان رد مع اقتباس


	01-02-2013 08:56 AM #16 ودسمير الملف الشخصي مشاهدة المشاركات عضو فضي Array تاريخ التسجيل Dec 2009 الدولة ودمدنى - المدنيين ( البيان ) المشاركات 2,205 ود الضو ...... سلام نحن افارقه .... وافريقيا والانسان الافريقى لغز كبييييييييييييييييييييييير !!!!!!!!! قاره من اغنى القارات بمواردها بين قارات العالم ... بترول .. ذهب ... ماس ... زراعه ... انهار بكل الوانها ... الخ وين المشكله اذا ؟!! للاسف الانسان الافريقى منذ الالاف السنين نائم نوم العوافى حتى جا الاستعمار الغربى الذى اعتبره ايجابيا لان بصمة المستعمر فى العلم والعمران شاهدة حتى الان ... وخرج المستعمر ولكن عقول الافارقه لم تبرح مكانها ولن تبرح مكانها !! الشعوب لن تتحرر وتتطور الا بسواعدها ... وحتى تاتى تلك السواعد ..تأتى .... خوفى ان لا تأتى !!!!!!!! بحسب فى ثوانى الليل شان الصباح القاك ما انت عارف انو محال يوم اطولو سماك رد مع اقتباس


	01-02-2013 09:22 AM #17 عنكوليب الملف الشخصي مشاهدة المشاركات عضو فضي Array تاريخ التسجيل Jan 2010 الدولة ام درمان - حي الروضي المشاركات 2,376 ما أجمل سردك يا ود الضو ،، شهيتنا في المواصلات العامة ،، وذكرتنا بالونسة والتعليقات ال بتخلي الواحد يقع من الضحك ،، ودفرتني ليه ؟ ده بص أبوك ،، ما بزح ليك ولا حاجة ،، تعال نط لي في رأسي ،، تحجز بالشباك ؟؟ لا بالله ،، قاطع لوج ،، شيل عمتك دي من هنا ،، قبل ما أعملها ليك شبكة كرة طايرة ،، والبنات والمعاكسات ،، والنشالين ،، ولا راجل كبير يشوف واحد بيأكل في لبانة ،، ما قيامتو قامت ،، ويسب ليه لسابع جد ،، غايتو الله يمتعكم بالصحة والعافية ،، ومتابعين والله ،، ان لله عبادا أختصهم بقضاء حوائج الناس حببهم للخير وحبب الخير اليهم انهم الأمنون من عذاب يوم القيامة ***************************************** اللهم أنر قلبي وعقلي وقبري رد مع اقتباس


	01-02-2013 09:47 AM #18 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 المشاركة الأصلية كتبت بواسطة ودسمير للاسف الانسان الافريقى منذ الالاف السنين نائم نوم العوافى حتى جا الاستعمار الغربى الذى اعتبره ايجابيا لان بصمة المستعمر فى العلم والعمران شاهدة حتى الان ... وخرج المستعمر ولكن عقول الافارقه لم تبرح مكانها ولن تبرح مكانها !! الشعوب لن تتحرر وتتطور الا بسواعدها ... وحتى تاتى تلك السواعد ..تأتى .... خوفى ان لا تأتى !!!!!!!! --------------- الحبيب ود سمير مساءاتك كما تشتهي بعد كلامك دا ماعندي كلام لانه عين الحقيقة مشاققة : العبد لله في الكورة دي لما القي فريق اوروبي فيهو لاعبين افارقة كتيرين بكون متأكد انه ماااسورة .. انا وانت والدنيا الامان رد مع اقتباس


	01-02-2013 09:53 AM #19 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 المشاركة الأصلية كتبت بواسطة عنكوليب ما أجمل سردك يا ود الضو ،، شهيتنا في المواصلات العامة ،، وذكرتنا بالونسة والتعليقات ال بتخلي الواحد يقع من الضحك ،، ودفرتني ليه ؟ ده بص أبوك ،، ما بزح ليك ولا حاجة ،، تعال نط لي في رأسي ،، تحجز بالشباك ؟؟ لا بالله ،، قاطع لوج ،، شيل عمتك دي من هنا ،، قبل ما أعملها ليك شبكة كرة طايرة ،، والبنات والمعاكسات ،، والنشالين ،، ولا راجل كبير يشوف واحد بيأكل في لبانة ،، ما قيامتو قامت ،، ويسب ليه لسابع جد ،، غايتو الله يمتعكم بالصحة والعافية ،، ومتابعين والله ،، -------- عنكوليب يسعد مساءك البرلمانات المتحركة دي فيها العجب الساعة تكون 2 ظهر والسخانة الف وتكون واقف في الموقف ساعة او اكثر حتي تلقي ليك مقعد في حافلة يلم فيك واحد بعد مايقوليك : ممكن الجريدة دي ؟؟ تديه الجريدة يقرأ ليه عنوان واحد ويقعد يبري فيك لآخر محطة والاخلاق الوقت داك بتكون في النخرة يلخبط ليك بواقي مزاجاتك كلها .. انا وانت والدنيا الامان رد مع اقتباس


	01-02-2013 10:09 AM #20 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 قبل ايام قلائل ( شهر بالكتير ) وعندما اجبرتني ظروف السفر بان استخرج رخصة قيادة عامة , خبّروني بانه في العلاقات البينية يمكنني استخراج الرخصة بطريقة اسهل من اقسام المرور وقد كان ذهبت الي العلاقات البينية ومن قبل ان اذهب كان لابد ان اجد ( الواسطة ) اااااااي واااااسطة , لقيت الواسطة ومشيت سألت عن الواسطة الانا ماشي ليها وقابلت الراجل استقبلني استقال ( زول مهم ) يعني لو ماعنده اتصال بيمسك تلفونه ويقعد يتصل ( جاادي ولا كضاب ماعارفه ) , ونظرا لاهميته وحوجتي انا رزعني انتظار لمدة ساعتين وانا اقول اصبر آآآود الضو وقفة شمس لساعتين مامشكلة المهم قضّي غرضك واتفكفك , بالله لما الساعتين انتهن فاجأني بــ : ياخ والله كلمت الزول الانا بعرفه وقال ( ماعندهــم حبر ) و يعني كدا انا اكون قابلت واسطة يتوسط لي للواسطة الاصلية المهم تعال لينا بعد 3 يوم .. قلت يازول هوووي 3 يوم شنو ؟؟ انا امشي بالطرق الرسمية , خشيت جوة وسحبت الفائل وكل المطلوبات وامتحنت باقي بس مرحلة التصوير اها هنا اتريه جد جد المرور علي مستوي السودان لايملك ( حبر ) والحبر دا بيستوردوه من دبي مباشرة , علي هذه الحالة بقيت اجي كل يوم الصباح العلاقات البينية : اها آآجماعة ان شاء الله الحبر وصل ؟؟ يرد عسكري المرور بتاع التصوير : لسة ماجاء طبعا مابرد ليك من اول مرة تسأله فيها لالالالا بعد 3 او 4 مرات وبرد عليك لما يزهج بس موش عشان يساعدك , بالله شوف رده شنو لما تقول ليه : الحبر دا ح يجي متين ؟؟ يقوليك : المطرة في زول بيعرفها بتجي متين ؟؟ تقول ليه : لا طبعا يقوليك كمان الحبر انحنا ماعارفين ح يجي متين اتفرجــوااااا .. البلد كلها واقفة علي حبر بس حبر قرابة الشهر شغل المرور كان واااقف علي مستوي بلد كااامل .. مشاققة : هي البلد دي خربت من شوية ؟؟؟ انا وانت والدنيا الامان رد مع اقتباس


	01-02-2013 10:32 AM #21 ابراهيم عطية بابكر الملف الشخصي مشاهدة المشاركات نجم شهر يونيو Array تاريخ التسجيل Feb 2011 المشاركات 384 ود الضو سلام واعجاب وسرد سهل ممتع والمشاققة هي الاجمل واصل دونما فواصل ونحن في الانتظار *** مودة تتري تعطيل العدالة نكران للعدالة Delay of justice deny of justice رد مع اقتباس


	01-02-2013 11:04 AM #22 عنكوليب الملف الشخصي مشاهدة المشاركات عضو فضي Array تاريخ التسجيل Jan 2010 الدولة ام درمان - حي الروضي المشاركات 2,376 طلعت من المكتب ،، نُص النهار المولع داك ،، ودايرة لي زول أفش فيهو غبينة الترحيل الفاتني ،، ما لقيت ضُل أقيف فيه ذانو ،، وفرحت لي بحبة ضليل عمود ،، ووقفت ،، ومنتظرة ، والشمس في الصنقور ،، بس يجيني ليك واحد فارقة معاهو ،، وقف يعاين لي ،، وأنا تحت ضل العمود وخاتا الجريدة في راسي ،، وهو يعاين لي ،، وأنا عاملة فيها رااااايحة ،، قال لي : هوي ،، ما رديت عليه ،، هووووووووووي ،،، طنشت ،،،، هووووووووووووووووي ها ،،، وجع ال يقطع قلبك ،،، يدوك بَدَل وجبة ،، وبَدَل ترحيل ،، وبَدَل لبس ،، هها هها دايرة بَدَل ضُل ،،، هها ههههههههاي تشمي قدحة ،،، ومشى ،، ان لله عبادا أختصهم بقضاء حوائج الناس حببهم للخير وحبب الخير اليهم انهم الأمنون من عذاب يوم القيامة ***************************************** اللهم أنر قلبي وعقلي وقبري رد مع اقتباس


	01-02-2013 11:22 AM #23 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 المشاركة الأصلية كتبت بواسطة ابراهيم عطية بابكر ود الضو سلام واعجاب وسرد سهل ممتع والمشاققة هي الاجمل واصل دونما فواصل ونحن في الانتظار * مودة تتري ..................... حبابك مليون اخوي ابراهيم سعيد بمرورك من هـــنا نشتاقه ونأتيه مليانين فرح وحال ماتطأ خطانا ارضه يتبخر كل فرح فينا هو الوطن ياصاحب خليك قريب .. انا وانت والدنيا الامان** رد مع اقتباس


	01-02-2013 11:29 AM #24 ود الضو الملف الشخصي مشاهدة المشاركات عضو فضي Array تاريخ التسجيل Aug 2009 المشاركات 1,228 المشاركة الأصلية كتبت بواسطة عنكوليب قال لي : هوي ،، ما رديت عليه ،، هووووووووووي ،،، طنشت ،،،، هووووووووووووووووي ها ،،، وجع ال يقطع قلبك ،،، يدوك بَدَل وجبة ،، وبَدَل ترحيل ،، وبَدَل لبس ،، هها هها دايرة بَدَل ضُل ،،، هها ههههههههاي تشمي قدحة ،،، ومشى ،، ------ هههههههههههههه ذكرتيني حكاية صاحبنا ذات انتظار ممل جدا اتاه احدهم شاب في كامل هندامه وقف امامه ومن غير اي مقدمات قال له : اسمع انت علاقتك شنو بـ ( عبد الرحيم محمد حسين ) صاحبنا ماقدر يرد وظل الشاب يردد في سؤاله باستمرار وصاحبنا ساكت لحدي ماوصل الامر الي ان يمسك الشاب صاحبنا ويقبقبه بقوة وهو يصيح ببقي ليك شنو الـزول دا ؟؟ قولي ببقي ليك شنو ؟؟ لحدي ما الناس اتلمت وحجزوا الشاب المهووس دا وظل ينادي : والله ما اخليكم كلكم .. انا وانت والدنيا الامان رد مع اقتباس


	02-02-2013 08:21 AM #25 ودالعمدة الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Oct 2006 الدولة من أرض المحنة المشاركات 2,252 ودالضو صاحب الكميرا الخفية فى تصوير الواقع صنع فى السودان : بوست عميق وناقد يعكس مواقف يومية للمواطن المغلوب على أمرهـ عايزن المزيد و كمان تخش فى الغريق و انتمى إليكَ ...... ياوطناً تفردَ بالجمالِ وبالبهاء ياأرضَ مهيرة وبنونة ...... ياديوانَ الرجالِ وبيتَ العوينِ .... يامرتعَ الأطفالِ عندَ الرواكيبِ مساء رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 02:01 AM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني