حادث حركة

[آلاء عبد الرحمن]

عربة تصدم احد المكفوفين بجوار اتحاد المكفوفين!!!

[آلاء عبد الرحمن]

ماعادى صاح

[آلاء عبد الرحمن]

طب هو اشر والسواق ما اشتغل بيو

[آلاء عبد الرحمن]

ولما يكون ده الحادث الخامس في ظرف سنة!!!

[آلاء عبد الرحمن]

ولما الحادث يكون جنب اتحاد المكفوفين

صراحة حاجة عايزة ليها وقفة

حتي ولو ما اشر ليك الزول انت براك امشي براحة جنب حتتهم

[آلاء عبد الرحمن]

في ناس ماعارفة انو المكفوفين عندهم عصي بيضاء وفي اشارات بتدل علي اشياء معينة

[آلاء عبد الرحمن]

الاشارات

[آلاء عبد الرحمن]

اقل شئ مفروض يكون في عبور مشاة قدام

الاتحاد لانو شارع المحطة الناس بتمشي فيو سريع

[Isam Hussien H]

يا دكتورة .. سلام كبير ليك وأنت تحملين دائماً هموم مستضعفين في الأرض في مواجهة من لا يرحم ..
الناس بتفتكر التفكير في مثل هذه الشريحة بهذا الفهم العميق المطروح منك ما هو إلا رفاهية .. الناس بعيده عن تحقيق أبسط الحقوق لهؤلاء .. شيلي قلمك وأكتبي في كل الأمكنة المتاحة عسى الله أن يفتح على البني آدمين آفاق لإنصاف هؤلاء وغيرهم ..

دمتي دائماً يد عون للمستضعفين ..

[آلاء عبد الرحمن]

استاذنا

تسلم كتير

وربنا يقدرنا ونقدر نعمل شي

[ودالعمدة]

اقل شئ مفروض يكون في عبور مشاة قدام
الاتحاد لانو شارع المحطة الناس بتمشي فيو سريع

عندنا في السودان لا توجد مواد صريحة في القانون تحمي حقوق المكفوفين للأسف الشديد..
فقط بضعة سطور مُعمّمة في الدستور.. بلا نصوص مُفصّلة للحقوق والواجبات ..
سرد الأمثلة يكرس لتنميط المفهوم المتخلّف السائد عن محدودية مقدرات المكفوفين، ولكن الذكرى تنفع المؤمنين..
ديفيد بلانكيت وزير الداخلية العمالي الأسبق في حكومة توني بلير كان أعمى..
اللورد كروس أهم المشرعين لقانون الإثبات في العالم كان أعمى..
أعظم مقرئي القرآن الكريم مكفوفون.. وفي مصر - القريبة - كان طه حسين وزيراً للمعارف..
بل يكفي أن سيد الخلق الذي لا ينطق عن الهوى قد عوتب من فوق سبع سماوات في حق أدبي لرجل أعمى، عبس في وجهه وتولى..
فى قرآن يتلى لقيام الساعة ليكون درساً للبشرية ...
ياآلاء فى الوطن ضاعت كل الحقوق للأعمى والمبصر ...
يديك العافية وفى ميزان حسناتك يارب

[بنت الرفاعي]

ولما الحادث يكون جنب اتحاد المكفوفين

صراحة حاجة عايزة ليها وقفة

حتي ولو ما اشر ليك الزول انت براك امشي براحة جنب حتتهم

سبحان الله،
بالرغم من أننا نقول قضاء وقدر،
ولكن يجب توعية العامة للكثير من الأشياء،
وكما ذكرتِ أختي آلاء فالواجب على كل سائق
أن يتحكم في سرعته وطريقة قيادته على حسب
المنطقة والمكان الذي يمر فيه،
ومراعاة المارة والتحسب لأي مفاجآت قد تصادفه،
وبما أنه الحادث الخامس في نفس المنطقة،
يجب من المسؤولين معالجة الأمر بما هو مناسب،
وكالعادة الغالبة لن يلتفتوا أو ينتبهوا للأمر
ما لم تُقدم مجموعة من المهتمين شكوى لهم،
أو تصدر ضجة إعلامية ومطالبات لذلك!!

الله يهوِّن.

لكِ الشكر والتقدير عزيزتنا آلاء.

[حاتم عمر]

يديك العافية يا دكتورة ، ابسط حاجة وضع علامات مرورية تشير الى هدئ السرعة على الاقل
الله المستعان

[محمد خليفة]

نسال الله له السلامة

لماذا لا يتبنى المنتدى وجمعية ود مدنى محاولة لنشر وتعليم لغة الاشارة بالعصا للمكفوفين بالتعاون مع الاتحاد

[mahagoub]

عمل مطبات صناعية
وبذلك يكون السائق مجبر على تخفيف السرعة

[عنكوليب]

ألوية ،، أهلنا في السودان ، لا يتحكم فيهم قانون المرور الا نادراً ،،
وقليل يحترم تلكم القوانين والاشارات ،،

لقد رأيت بأم عيني أحدهم يحمل ( عُكازاً ) على ظهرية عربته ،،

عارفة ليه ؟

عشان يدُق بيه أي انسان يتعداهو ،،
وبيقول انو ناس المرور ما بشفوا غليلوا من الزول المستهتر بالشارع والناس ،،
عشان كدة هو شايل عُكازوا ،، أي زول يعصروا في أي لفة ،، أي زول يزيد
سرعتو لما يكون هو متخطيهو ،، أي زول ما يحترم عابري الشوارع العجائز ،،
أي زول ما يحترم الضرير ،، أي زول يسرع في الأشارة الحمراء ( دق بس ) !!!

غايتو الساتر الله ،،،
وربنا يحفظ الناس ،،

هاش تاك : أغلب السودانيين عاملين عارفين أي شيء ،، وهم
ماعندهم ال حبه ،، قندفة ورفعة رأي في الفاضي ساااااي ،،،

[نزار احمد كوارتي]

موش لو ماتو خمسه، لو كلو يوم بموتو خمسميه، المسؤول الما مسؤول بجي الصباح مكتبو يشرب شايو وقهوتو ويرجع الساعه 2 بيتو ومرتبو ماشي. ياخ السؤال متين يكون عندنا المسؤول مسؤول؟؟؟ تعرفي يا دكتوره إنتي مفروض نسويك والي،

بالزقاق:

ده لو إفترضنا طبعا" إنو المسؤول بجي الصباح وبرجع الساعه 2

[آلاء عبد الرحمن]

تسلمو علي المداخلات

ونتمني انو الامر مايمشي ساي

[ابو علا]

عربة تصدم احد المكفوفين بجوار اتحاد المكفوفين!!!

الاخت الدكتورة الاء تحياتي واحترامي ..........
دا عنوان نامل تزويدنا بتفاصيل الحادث لتحديد المسئوليات ......................

[عز الدين العبد]

تسلمي دكتورة الاء
نرجو من اتحاد المكفوفين
مخاطبة الادارة العامة للمرور بالولاية
لوضع مطبات امام مقر الاتحاد
لتوضيح هذه العلامات بان هنا اتحاد مكفوفين