عايزه اعترف ....
انا مجنونه ....... ما عايزه اكون عاقله العايز عقلى يجى يشيلو .... بحب انسج عالم من خيالى ... مره البس جلابيه رجاليه ومره البس توب ... امشى فى الشارع ساعات .... واقعد برضو ساعات .... اعنى مره وابكى مرااات ارقص فى الشارع ممكن .... اصرخ ... وارسم فى الحيطه صورة طفل .... شايل نبله ... واطلع فوق الحيطه ... واجيب لى قفه ... والم فيها حاجات كتار .... اول شى عقلى وكباية القهوه وعيشه ناشه وطماطمه وناس مجنانين واقلام ما بتكتب ناشفه ... وطرحتى ... وفردة شبشب قديمه ... وفينوكه شعر ... وكم رقم تلفون كدا .... واشيل القفه وامشى البحر .... وهناك ابنى لى قصر من الرمله وتانى اهدو مش مجنونه ؟؟؟؟؟ وامشى حفيانه ..... واجى راجعه وانسى القفه جنب البحر ..... ارجع اجيبا مش حاجاتى .... !!!!!!
واجيب كوره واشوتها فى الحيطه عشان تجينى راجعه تانى ...... ان شاء ابقى بله جابر زاتو انتو مالكم ؟ مش مجنونه ؟؟؟
واشترى سبوره وارسم فيها صحن كبير مليان اكل وجنبو كلاب بتنبح ..... وامسح الصحن واخلى الكلاب مش سبورتى ؟؟؟؟
نفسى فى ملاح نعيمه بشطه خضرا وحبة طحنيه .....
واقوم الصباح اقش الحوش واخم الوسخ وادفقو تانى فى الحوش ........ وافتح الخرطوش فى الشجر .. بس انا ما عندى شجر !!!! عادى ما مجنونه ....
وانوم بدرى واصحى نص الليل اسمع الكنداكه ..... واشرب شاى بليمونه خضرا ولفة كسره ..... واكسر الكبايه ..... واعمل قروب فى الفيس واقعد براى اكتب واعلق والايك .... مش قروبى !!!!!
والغى حسابى ....
واقفل الجهاز وانسى الباصوريد بتاعو ..... اى احسن مش جهازى ؟؟؟؟
بس خلاص ......... على قول شبعان عبد الرحيم ......
رد مع اقتباس
المفضلات