قرار من حكومة السودان

[خالد النور]

قررت حكومة السودان مشكورة بأن تمنح كل مواطن سودانى
فيلا تمليك فى الخرطوم والمناطق الجديدة مجاناً (تسليم المفتاح). على أن يتم التسليم خلال سنتين من تاريخ تقديم الطلب.

تماشياً بما هو معمول به فى دولة الإمارات العربية المتحدة.

سارعو بالتقديم الفلل محدوده؟؟؟؟؟

[نزار حسن محمد]

خالد ياخوى ... خير اللهم اجعله خير ..لكن الحلم ماعندك ..الله يستر عليك من حمار النوم

[خالد النور]

[SIZE="5"]خالد ياخوى ... خير اللهم اجعله خير ..لكن الحلم ماعندك ..الله يستر عليك من حمار النوم [/SIZE]

هل يوجد بصيص أمل يا أخوى ود حسن أراضينا كتيرة وكروشنا كبيرة.... قصدى قروشنا كتيرة

[عثمان جلالة]

العزيز خالد .. وطن بالفيهو نتساوى .. نحلم .. نقرا نداوى ... مساكن .. كهربا .. ومويه .. وتحتنا الظلمة تتهاوى .. ربنا يحقق الأماني :d

[zoolfrda]

خالد يا خوي

استغفر ... استغفر ... استغفر ...

[نزار حسن محمد]

هل يوجد بصيص أمل يا أخوى ود حسن أراضينا كتيرة وكروشنا كبيرة.... قصدى قروشنا كتيرة

تعرف ياخالد ..انا اعمل بى وزارة الاشغال والاسكان وتحديدا فى برنامج الشيخ زايد للاسكان وموضوع الفلل والمساكن الشعبيه والمنح والقروض التى تمنح لاهل الامارات تمر من عندى
وذى ما انت عارف هنا وصله لمرحله من التطور وتقديم افضل الخدمات للموطن ..انا قمت نسخت كل هذه الاشياء وذهبت لى وزير الاسكان بولاية الجزيره وعرضت لهم الفكره بان تكون هناك مساكن شعبيه لى محدودى الدخل وكيفية تطبق هذه الاشياء ...تعرف رد كان شنوا ...
طيب ماتخلى ناس الامارات ..اتبرعوا لنا وابنى لنا المساكن والفلل ...وحاتك ياخالد كل المستندات والتب وال سى دى التى شرحت للهم بها الفكره الان موجوده فى برميل الزباله
يازول خليها على الله ...

[حاتم مرزوق]

ياجماعة الفلل دي مافي منها (قدر ظروفك) أوضة جالوص أو راكوبة علي النيل.

[معتز الريح]

قررت حكومة السودان مشكورة بأن تمنح كل مواطن سودانى فيلا تمليك فى الخرطوم والمناطق الجديدة مجاناً (تسليم المفتاح). على أن يتم التسليم خلال سنتين من تاريخ تقديم الطلب.
تماشياً بما هو معمول به فى دولة الإمارات العربية المتحدة.
سارعو بالتقديم الفلل محدوده؟؟؟؟؟

خالد الحبيب ..
إنفصام الشخصية جاك تاني ..
:d :d :d

[حسن سادة]

لو الأماني بإيدي كنت أهديك عيوني
وأسقيك من وريدي
يا منايا وجديدي
يوم أشوفك يبقى عيدي
وبرضو تصدق
قال فلل قال


مع الإعتذار للفنان المرهف زيدان ابراهيم

[شبندر]

الأخ خالد النور لك كل التحايا
ونحمد الله ان جعل
الأحلام
والأمل
والتفاؤل
بدون مبالغ مادية

وما أروع الأمل والتفاؤل، وما أحلاه في القلب ! وما أعْوَنَه على مصابرة الشدائد والخطوب، وتحقيق المقاصد والغايات

[خالد النور]

أخوانى حتى الحلم مضايقننا فيهو. ياخى خلونا نحلللللللللللللللللللللللللللم

الكهرباء لمن تقطع بتصحينا من الأحلام وإنتو برضو دايرين تصحونا من الأحلام

إنتو طابور ولا شنو؟؟؟؟؟؟؟

[zukibush]

اخوي خالد الله يديك العافية
والله من خلال كتاباتك المتابعنها طوالى بتقول انك انسان عععععععععععععععاقل
لكن يااخوي الشيخوخة المبكرة مابقت مرض العصر
لك كل التحايا ونشكرك محاولتك الناجحة جدا لانتزاع الضحك
مشكككككككككككككككككككور

[خالد النور]

اخوي خالد الله يديك العافية
والله من خلال كتاباتك المتابعنها طوالى بتقول انك انسان عععععععععععععععاقل
لكن يااخوي الشيخوخة المبكرة مابقت مرض العصر
لك كل التحايا ونشكرك محاولتك الناجحة جدا لانتزاع الضحك
مشكككككككككككككككككككور

أخونا zukibush لك منى خالص الود والتحية حبنا نكسر الروتين شوية بى أحلام الفتى الطاير

[مختار بازى]

اخوي خالد الله يديك العافية
والله من خلال كتاباتك المتابعنها طوالى بتقول انك انسان عععععععععععععععاقل
لكن يااخوي الشيخوخة المبكرة مابقت مرض العصر
لك كل التحايا ونشكرك محاولتك الناجحة جدا لانتزاع الضحك
مشكككككككككككككككككككور

انا معاك يا خالد بس الا الشيخوخة المبكرة دي ماعرفتها انتة عمرك كم

[خالد النور]

انا معاك يا خالد بس الا الشيخوخة المبكرة دي ماعرفتها انتة عمرك كم

مختار بازى إنت ما شايف صورتى دى ولا شنو أنا من مواليد 1973 لكن مركب مخفى

[هشام السماني إبراهيم]

خالد الحبيب ..
إنفصام الشخصية جاك تاني ..

ياخي نشقته ريقي

اصحى الكهربا قطعت يا قرييبك قوم املا الباغات

[خالد النور]

ياخي نشقته ريقي

اصحى الكهربا قطعت يا قرييبك قوم املا الباغات

والموية كمان قطعت. صحيتونا من أحلام ظلوت موش الفلل دى خليناها ماشين نشوف لينا أرض فى الشرق.

برضو قولو لى أحلام!!؟؟؟

[مدنيّة]

ياخ لما تحلم ليك حلم احلم حلم زي الناس


يعني ماتخليك طمااااااااااااااع × حلمك للدرجة دي اخ











































ماعايزنها تسليم مفتاح
خليهم يدونا ليها ما مشطبة بنشطبها براااااااااااانا بس هم يدونا ليها كيييييييييف

[samar_taha]

انت يا خالد اظنك ما سمعت باقي القرار
قالو كمان الفلل فيها أثاث مستورد من الصين وماليزيا على ذوقك , ومعاها سيارة فارهة لكل مواطن وبين كل 5 فلل مدرسة حديثة وعيادة ونادي ومنتزة ترفيهي ؟؟؟؟
رايك شنو؟؟؟؟

بين قوسين
ما عايزين أكتر من مجانية تعليم وعلاج في مدارس الحكومة ذات الحيطان الواقعة , ومستشفياتها التي ينعدم فيها الطبيب والعلاج وتكثر فيها القطط الضالة و تعج بطوابير التأمين الصحي .
( الفلل كان الله رزقنا الجنة بنلقى أحسن منها )

[صلاح ودالطاهر]

قررت حكومة السودان مشكورة بأن تمنح كل مواطن سودانى
فيلا تمليك فى الخرطوم والمناطق الجديدة مجاناً (تسليم المفتاح). على أن يتم التسليم خلال سنتين من تاريخ تقديم الطلب.

تماشياً بما هو معمول به فى دولة الإمارات العربية المتحدة.

سارعو بالتقديم الفلل محدوده؟؟؟؟؟

وحاتك يود النور ماشكيت محنك خلتني جريت جري اتصل علي السفاره وهضربته جنس هضربه لمن ام العول بخرتني ببخور التميمان هوووووووووووووووووووي ما التيمان مجتبي ومصطفي

[صلاح ودالطاهر]

انت يا خالد اظنك ما سمعت باقي القرار
قالو كمان الفلل فيها أثاث مستورد من الصين وماليزيا على ذوقك , ومعاها سيارة فارهة لكل مواطن وبين كل 5 فلل مدرسة حديثة وعيادة ونادي ومنتزة ترفيهي ؟؟؟؟
رايك شنو؟؟؟؟

بين قوسين
ما عايزين أكتر من مجانية تعليم وعلاج في مدارس الحكومة ذات الحيطان الواقعة , ومستشفياتها التي ينعدم فيها الطبيب والعلاج وتكثر فيها القطط الضالة و تعج بطوابير التأمين الصحي .
( الفلل كان الله رزقنا الجنة بنلقى أحسن منها )

اها يا بت طه جبتي دقلها يكركب الله يستر من الاندراوه

[هشام السماني إبراهيم]

انا عاوزها وااااااااااااااااااااااااااطه فاااااااااااضية ولو اصرو ادوني ليها عضم وانا بشطبها برااااااااااااااااااااي عشان الالوان

[هشام السماني إبراهيم]

اها يا بت طه جبتي دقلها يكركب الله يستر من الاندراوه

والجن مالو )) عشان بداوا اخير الجن

[خالد النور]

مدوون

عجيب......... الحلم كمان فيهو طمع يا جماعة الخير فى الحلم مضايقننا

خلاص يا مدنية أكتبى لينا طلب وأدفعى رسوم الدمغات لقطعة الأرض. ما تنسى الرسوم تجيبيها بكرة معاك.!!؟؟ عشان تحجزيها ناصية لو جيتى

[خالد النور]

انت يا خالد اظنك ما سمعت باقي القرار
قالو كمان الفلل فيها أثاث مستورد من الصين وماليزيا على ذوقك , ومعاها سيارة فارهة لكل مواطن وبين كل 5 فلل مدرسة حديثة وعيادة ونادي ومنتزة ترفيهي ؟؟؟؟
رايك شنو؟؟؟؟

بين قوسين
ما عايزين أكتر من مجانية تعليم وعلاج في مدارس الحكومة ذات الحيطان الواقعة , ومستشفياتها التي ينعدم فيها الطبيب والعلاج وتكثر فيها القطط الضالة و تعج بطوابير التأمين الصحي .
( الفلل كان الله رزقنا الجنة بنلقى أحسن منها )

أنا أخير بحلم لكن إنت أظن الحلم عمل ليك حمه وطلعت فى راسك يا بت طه