وين مركبي؟

[كاظم]

لاموني فيك عيوني
من نظرة تاهت في البعيد
لاموني العصافير
ما ودعوني ..
يا حزن مركب وحيد
لامني العبير ..
والأغنيات الما سعوني
وفي البحر موجي العنيد
لامتني حتى الأمسيات ..
والمطارات الأوسعوني ..
حزناً يسوي الما يريد


لامني الحنين
والمغارب أزّموني
البركة في الضو الشريد
هو الفرز وش الرموني
هو الوحيد
أما الشموس الأوهموني ..
بالرجعة لي ضلي الفقيد
فالعتمة والليل يلزموني ..
لو ما اتعظ فجري الوئيد


في مسا فارد شجوني
زارني الغُنا ..
في توب نبي
قال النهارات قد يجوني
في كم سنة ..
والليل صبي
ضحكتَ .. طارت من سجوني
ريشة سنا ..
لي طير سبي
لامني الندى والمسافرين ما رجوني
الموج هنا ..
وين مركبي؟

[ريمون]

روعة معني وروعة احساس ..
مالك علي يا كاظم بتهبش الما بتهبش ..!!!

[محمد الجزولى]

الحبيب كاظم
ما أن أفقت من دهشة حضورك الباهي حتى اخذتني في دهشة أُخرى وانا اهيم في هذا النص الخرافي

أما الشموس الأوهموني ..
بالرجعة لي ضلي الفقيد
فالعتمة والليل يلزموني ..
لو ما اتعظ فجري الوئيد
جمال المفرده تعيشك داخل النص بكل احساسك
ليتك تعلم ان حروفك هنا ( تنهش ) مواطن الصمت فينا
فنأتي والدهشة رفيقتنا
شكرا كاظم ... وليك وحشه ياخ

[كاظم]

روعة معني وروعة احساس ..
مالك علي يا كاظم بتهبش الما بتهبش ..!!!

سلامات يا ريمون وكيفنك ان شا الله كلو تمام

شاكر ليك يا زولة تقييمك للنص وكمان والله العظيم ما قاصدك يعني جات كده .. مرات يطقشك نص في ملف ولا تعلم ولا تدرى تلقى نفسك مباريهو وممكن عند ناس تانيين يكون عادي وما قدر تباريهو وكده .. عموماً المتبرعين غيري في البحّيت وهبش الما بتهبش كتاااااااار والله يعني تزوغي مني بي هنا يطلع ليك واحد من هناك .. كدي حاولي أقعدي مع الما بتهبش ده وفاوضيهو وأسأليهو ياخد كم عشان يتخارج ولو أبى إذاً (هي الحرب).
شكراً لنداوة حضورك الدائمة

[أحمد (الغالي)]

الجميل كاظم
أسجل اعترافا ً غير مدسوس بأني من أكثر الأعضاء ضنيناً بقلمي و بالمشاركة
و لكن الحروف لا تأتي طائعة كلما حاولت المشاركة حينما أدخل المنتدى مرة كل شهر
و لكن حرفك الأنيق ..
كلماتك التي جاءت ملحنة دون ملحن..
مموسقة دون قيثار ..
أبت علي إلا أن أجلس بمجلسك لأنال من هذا الطرب نصيبا ً
دمت ودام جمال حرفك

[انور النور محمد]

الحبيب كاظم

سلام يازول ياجميل

البركة في الضو الفتق حرفك علن
فرد الشراع
في كل مصابيح الملل


ومركبك يرسو عند حواف الحرف دفقاً من الشجن الشفيف
نلومك اخي حباً مع الندى والمسافرين ولكننا
نرجاك
لا تطول البعاد

اقعد بعافية وبسمة صافية

[ساريه]

[size=5]

كاظم الزعيم لست هنا لاعلق على نص لك .. فنصوصك مليئه بالالفه قبل الجمال ولكن أنا هنا لاسجل صوت عتاب للغياب الطويل وحرماننا من هذه المتعه ..
لا تطيل الغياب وحمداً لله على السلامه ....
وكن بيننا زعيماً للحرف ...
وكن دائماً بخير ...

[/size]

[كاظم]

الحبيب كاظم
ما أن أفقت من دهشة حضورك الباهي حتى اخذتني في دهشة أُخرى وانا اهيم في هذا النص الخرافي

أما الشموس الأوهموني ..
بالرجعة لي ضلي الفقيد
فالعتمة والليل يلزموني ..
لو ما اتعظ فجري الوئيد
جمال المفرده تعيشك داخل النص بكل احساسك
ليتك تعلم ان حروفك هنا ( تنهش ) مواطن الصمت فينا
فنأتي والدهشة رفيقتنا
شكرا كاظم ... وليك وحشه ياخ

أووووو الحبيب ودالجزولي عاش من شافك يا راجل
كيفك يا زول وكيف دنيتك .. شكلها كويسة لأنو شايفك بديت تكتب شوية شوية ان شا الله دايماً
بخصوص النص يا صاحبي فأخوك شكلو ورطان والموج ذي الجلاد وكايس ليهو مركب وأظنك اتورطت الورطة دي قبل كده وبالمناسبة ما أنا وانت بس كتااااااااااااار والله ضاقوها قبل كده وأسأل الشباب الكتابين الاتداخلو في البوست ده وقاصدهم بلا استثناء انور والغالي والرائعتين دائما ريمون وسارية وركز لي شوية على ريمون لأنو بوست الترتيب لسة شايفو مدور فمعناها في زرة حاصلة .. عموما فالنص أياًكان نوعه فهو مركب .. ينقلك إلى الضفة الأخرى فالأمر سيئ للغاية هنا وهنا أقصد بها الضفة التي تحت قدميك سيئ بشكل يحتم عليك أن تكتب وأن يقلك مركب ما إلى ضفة أخرى.
أسعدني إعجابك بالنص وهذا يميز النص طالما أنه راي فنان زيك يا محمد
أبقى طيب يا زول وكون قريب
مع أكيد مودتي

[ريمون]

أووووو الحبيب ودالجزولي عاش من شافك يا راجل
كيفك يا زول وكيف دنيتك .. شكلها كويسة لأنو شايفك بديت تكتب شوية شوية ان شا الله دايماً
بخصوص النص يا صاحبي فأخوك شكلو ورطان والموج ذي الجلاد وكايس ليهو مركب وأظنك اتورطت الورطة دي قبل كده وبالمناسبة ما أنا وانت بس كتااااااااااااار والله ضاقوها قبل كده وأسأل الشباب الكتابين الاتداخلو في البوست ده وقاصدهم بلا استثناء انور والغالي والرائعتين دائما ريمون وسارية وركز لي شوية على ريمون لأنو بوست الترتيب لسة شايفو مدور فمعناها في زرة حاصلة .. عموما فالنص أياًكان نوعه فهو مركب .. ينقلك إلى الضفة الأخرى فالأمر سيئ للغاية هنا وهنا أقصد بها الضفة التي تحت قدميك سيئ بشكل يحتم عليك أن تكتب وأن يقلك مركب ما إلى ضفة أخرى.
أسعدني إعجابك بالنص وهذا يميز النص طالما أنه راي فنان زيك يا محمد
أبقى طيب يا زول وكون قريب
مع أكيد مودتي

يا كاظم الترتيب بقي الظاهرة الصحية في حياتي ..
ولما يقيف تعال شوف الحاصل علي شنو ..
والله مشتاقين لي حرفك ..
وشكلنا ما حنستحمل النيران وحنرجع نلوذ بي ثقافينا ..
محتاجين حضوركم ووسوباوي واميمة عشريه وبقية العقد الفريد ..



تخريمة :
والله احساس بالألفه وكأننا اصحاب من زماااااااان ..

[كاظم]

الجميل كاظم
أسجل اعترافا ً غير مدسوس بأني من أكثر الأعضاء ضنيناً بقلمي و بالمشاركة
و لكن الحروف لا تأتي طائعة كلما حاولت المشاركة حينما أدخل المنتدى مرة كل شهر
و لكن حرفك الأنيق ..
كلماتك التي جاءت ملحنة دون ملحن..
مموسقة دون قيثار ..
أبت علي إلا أن أجلس بمجلسك لأنال من هذا الطرب نصيبا ً
دمت ودام جمال حرفك

وأنا أسجل اعترافاً بأن لك قلماً مخيفاً ولا أدري هل تدخره لغير هذا المكان أم أن الأمر برمته مجرد (حمى فنانين)؟
سعدت كثيراً بأن قررت البقاء هنا قليلاً وربما قمت باستغلال ضيافتي لك بأن أدعوك إلى أن تداوم الطلة على الثقافي تحديداً فوجودك يضيف إلى الجمال الموجود فيه جمالاً بنكهة مختلفة.
أشكرك أخي أحمد مع أمنياتي لك بدوام الصحة والعافية

[كاظم]

الحبيب كاظم

سلام يازول ياجميل

البركة في الضو الفتق حرفك علن
فرد الشراع
في كل مصابيح الملل


ومركبك يرسو عند حواف الحرف دفقاً من الشجن الشفيف
نلومك اخي حباً مع الندى والمسافرين ولكننا
نرجاك
لا تطول البعاد

اقعد بعافية وبسمة صافية

الحبيب أنور النور تحياتي ياخي وعميق امتناني بتشريفك لهذه المساحة .. ودعني أصارحك بأنني من أحرص الناس في هذا المنتدى على قراءة ما تكتب .. ولعل الأمر اندرج عندي في خانة (الكتاب المفضلين) والله وأسعدني هذا الأمر جداً يا أنور لسببين أولهما أنك (سوداني) ولديك احترافية عالية في كتابة الشعر لا سيما الفصيح منه وهذا في رأيي يبشر بأن هذه الأرض لا زالت تنبت المبدعين واحداً تلو الآخر وأننا قد نستعيد مكانتنا التي كنا عليها بقليل ثقة بالنفس واستصحاب ريادتنا للفنون في الوطن العربي في سنوات قريبة مضت .. وثاني الأسباب لأننا زملا في المنتدى وهذا يجعلني مطلع على كل ما لم تبخل به علينا من جديد.
تقبل جميل تحاياي وكن بألف عافية

[كاظم]

[size=5]

كاظم الزعيم لست هنا لاعلق على نص لك .. فنصوصك مليئه بالالفه قبل الجمال ولكن أنا هنا لاسجل صوت عتاب للغياب الطويل وحرماننا من هذه المتعه ..
لا تطيل الغياب وحمداً لله على السلامه ....
وكن بيننا زعيماً للحرف ...
وكن دائماً بخير ...

[/size]

يااا هلا والله يا سارية ونورتي الحتة يا زولة

ما شايفاني من الكسوف يا سارية رجعت في نص كلو ملامة ؟
والله مشاغل دنيا يا سارية تحرمنا من بهاء المشاركة في هذا المكان وأحمد الله كثيراً أنني كلما رجعت وجدتكم في الموعد بكامل بهائكم وجمالكم الأسطوري تسحرون الندى بنقائكم وتطاولون الشمس زهواً واقتدارا.
شاكر ليك كتير اطرائك على جملة ما أكتب وهذا والله مفخرة لا تعادلها أخرى فلك قلم يا سيدتي الثناء منه بألف وسام مجد ومليون نيشان زهو.
كوني طيبة ومتعافية وما تحرمينا طلاتك

[محمد الجزولى]

أووووو الحبيب ودالجزولي عاش من شافك يا راجل
كيفك يا زول وكيف دنيتك .. شكلها كويسة لأنو شايفك بديت تكتب شوية شوية ان شا الله دايماً

ههههههه والله فرفرة مذبوح يا كاظم ليس إلا
انا أول ما قريت النص اتحسست كرعيي والله يا كاظم
تعال كل يوم يا كاظم ياخ وخلينا نهيم معاك في دنيا الجمال

[كاظم]

يا كاظم الترتيب بقي الظاهرة الصحية في حياتي ..
ولما يقيف تعال شوف الحاصل علي شنو ..
والله مشتاقين لي حرفك ..
وشكلنا ما حنستحمل النيران وحنرجع نلوذ بي ثقافينا ..
محتاجين حضوركم ووسوباوي واميمة عشريه وبقية العقد الفريد ..



تخريمة :
والله احساس بالألفه وكأننا اصحاب من زماااااااان ..

أهلين ريمون مرة تانية

طيب حلو أهو انتي لاقية مركب يشيلك بي هناك .. وعندك قدرة كبيرة على انو تستعيدي توازنك عبر هذا البوح المرهف والصادق في تقديري في بوست الترتيب وتبقى مشكلة واحدة يا ريمون انو في لحظات الواحد بيعجز فيها عن انو يكتب حرف واحد ناهيك عن كل هذا السرد وبتكون مرت عليك حالة ذي دي وتقريباً هي أسوأ حالة نفسية ممكن تمر على بني آدم باعتبار انو انت عندك طريقة واحدة للنجاة من مثل هذه الحالات وهي الكتابة .. فوالله ما عارفك بتتصرفي كيف في الحالة دي ولو عندك طريقة تانية كلمينا بيها.
سوباوي وأميمة والله أمنيتي انو يرجعو .. ياخي ديل كتابين كتابة عجيبة والله وربنا يرد غربتهم وأنا بستغل سؤالك عنهم وبقول ليهم منتظرنكم.
احساس الإلفة جميل والله يا ريمون وانساني جداً وبعدين ياخي أنا بعرفك كوييييييس ومن زمان كمان أها رايك شنو؟
أجمل الأمنيات لك يا ريمون وخليك قريبة يعني مسافة ننادي ليك تسمعي
مودتي

[ريمون]

أهلين ريمون مرة تانية

طيب حلو أهو انتي لاقية مركب يشيلك بي هناك .. وعندك قدرة كبيرة على انو تستعيدي توازنك عبر هذا البوح المرهف والصادق في تقديري في بوست الترتيب وتبقى مشكلة واحدة يا ريمون انو في لحظات الواحد بيعجز فيها عن انو يكتب حرف واحد ناهيك عن كل هذا السرد وبتكون مرت عليك حالة ذي دي وتقريباً هي أسوأ حالة نفسية ممكن تمر على بني آدم باعتبار انو انت عندك طريقة واحدة للنجاة من مثل هذه الحالات وهي الكتابة .. فوالله ما عارفك بتتصرفي كيف في الحالة دي ولو عندك طريقة تانية كلمينا بيها.
سوباوي وأميمة والله أمنيتي انو يرجعو .. ياخي ديل كتابين كتابة عجيبة والله وربنا يرد غربتهم وأنا بستغل سؤالك عنهم وبقول ليهم منتظرنكم.
احساس الإلفة جميل والله يا ريمون وانساني جداً وبعدين ياخي أنا بعرفك كوييييييس ومن زمان كمان أها رايك شنو؟
أجمل الأمنيات لك يا ريمون وخليك قريبة يعني مسافة ننادي ليك تسمعي
مودتي

صباحاتك نديه ..
الحمد لله علي نعمة القدرة علي الترتيب الجات بعد سنين من حاله تفتيش المراكب وما حافرط فيها ابدا مهما كانت العواقب ..
عازماك ترتيب معاي بهناك ..
ياخ انت خلي الحاجات المؤثره تتملكك وامسك قلمك وكله بجي ..

بعدين المعرفه دي معنويه ولا ماديه ..؟؟؟
يا ريت لو كانت ماديه واكون في معرفه شخصية بينا ..
شرف لي ..

[مصطفى هاتريك]

الزعيم كاظم ,, والله لو لم تكتب غير هذا النص ,, لنصبناك

به زعيما للحرف و الجمال ....

لاموني فيك عيوني
من نظرة تاهت في البعيد
لاموني العصافير
ما ودعوني ..
يا حزن مركب وحيد
لامني العبير ..
والأغنيات الما سعوني
وفي البحر موجي العنيد
لامتني حتى الأمسيات ..
والمطارات الأوسعوني ..
حزناً يسوي الما يريد


حزنا يسوي الما يريد ... عجبي !!!!

لامني الحنين
والمغارب أزّموني
البركة في الضو الشريد
هو الفرز وش الرموني
هو الوحيد
أما الشموس الأوهموني ..
بالرجعة لي ضلي الفقيد
فالعتمة والليل يلزموني ..
لو ما اتعظ فجري الوئيد

ذكر الحنين و المغارب و الشموس الواهمة و الضل الفقيد والعتمة والليل

والفجر الوئيد ,, كلها تأكيدات صوفية على حالة التقمص الصوفي عند كتابة

النص ,, وإذا ما أضفت إليها القافية ذات الجرس الرنان و الموسيقى المتوفرة

داخل النص لوجدت نفسك تتمايل ميمنة و ميسرة لابسا تلك الجلابية الخضراء !!


في مسا فارد شجوني
زارني الغُنا ..
في توب نبي
قال النهارات قد يجوني
في كم سنة ..
والليل صبي
ضحكتَ .. طارت من سجوني
ريشة سنا ..
لي طير سبي
لامني الندى والمسافرين ما رجوني
الموج هنا ..
وين مركبي؟

في مساء فارد شجوني

زارني الغنا

في توب نبي

رسالة خاصة

الأخ بدرالدين النور

رأيك شنو ترسم لينا النص ده

لا أملك إلا أن أقول يا كاظم على طريقة الفيس بوك
I like this

[سوباوي]

عيوني ..
العصافير ..
الحزن .. المراكب
العبير .. والأغنيات
البحر .. الموج ..
الأمسيات .. والمطارات ..

الحنين .. المغارب .. والضو الشريد
الشموس والعتمة والليل
والفجر الوئيد ..

الشجون .. المساء .. الغنا ..
النبي .. والنهارات
السنين الليل .. والضحك
الطير .. الندى
والمسافرين والموج ومركبك ..

الجميل .. هاتريك ..

أزيك يا هاتريك والأحاسيس شواهد ويبدو أننا تذوقنا النص بطعم واحد .. عبرت عما وددت قوله ..

الصديق الحميم .. وشقيقي في الحبر .. كاظم ..

أريتك عافية وطيب يا صاح .. بالله الذي سواك كما أنت جميلاً يا كاظم شوف رصة المفردات

الفوق دي أنا بس خمشتها كده من كل سطر مفردة ورصيتها كمواعين خالية من أي معنى

وبرغم ذلك كان لاحتشادها رنين .. وأنا عندي يا كاظم وين ما أجتمعت المطارات والحنين

والمساءات فأدرك أنا هنا مطبات شجن لا فكاك لك منها .. ووين ما لقيت الليل والطير

والمسافرين علمت أن شيء من غربة يعتريك أوان صقيع .. والخوف والقلق أو إحساس

بشبه شيء من ندم أو عتاب حميم تنبئني به العتمة والمغارب والضوء المبعزق زي ما تقول

شريد والفجر الوئيد .. شفته كيف يا كاظم والهجرة بحس بيها مع العصافير ولا شك في ملامة

العيون وهي أبلغ التعابير لحالة البشري أوان جلد نفسه ..

شكراً يا كاظم لهذا الاحتشاد .. ولهذا اللون العميق من البوح الذي يذهب بنا إلى أعماق لم

نصلها في روحنا قبل كده .. الموج أتى إليك يا صاحبي بنداء غنا متوشح توب نبي وأنت

فارد شجونك تسد الأفق .. بس يات مركب بيقدر ينشلك ويات مسافرين ينتظروك يا صديقي

وأنت بهذا التساب .. بالله يا كاظم كيف هو طعم الملامة تقدمها لك العصافير في بطاقة هجرة

من غير وداع أو يقدمها لك العبير وهو في حالة عدم رضاء عن الذات أوان انسرابه من

زهرة بالكاد تذبل من فعل الغايب .. الله حي .. من هكذا كتابة تهبش جوات الجوه ..

أعود الآن لماضٍ أنيق يا كاظم وبرفقة شباب تفرقت بهم المنافي وعلى ضفاف توتي بمنزل

صديقنا عبد العزيز فيأتي زهير وياسر وسماح لها التحيات في بلاد اليانكي وأنس وبقية عقد

فريد فنبدأ ورشتنا الشعرية فنختار مفردة لنلج من خلالها لعوالم رحيبة .. ما ودت قوله

يا صاحبي أن هذا النص الذي شيدته كأجمل ما يكون وكل مفردة منه لحالها كده طاقة كتابة

تخرج بنا لأجمل ما يقال .. ويناوشني زهير "الأغنيات" الأغنيات يا سوباوي ويزايد عليها

صديقنا أنس "طيب خليها أغنيات بسيرة الحيبة يا سوباوي" ونبتدئ ورشتنا ..

أبقي جاية ومعاك الأغنيات ..

شاتلة فى قلبك ورود ..

وشايلة في خاطرك صمود ..

أبقي داخلة وكل الأمنيات منك تفوح ..

لا رياح تبعزق دواخلك لا جروح ..

أكتبي في روحك شان حروفك تشتهيك ...

وعشان قوافينا يغشاها البريق وكتين تفكر تجيك ..

وأنا هنا يا صديقي كاظم أجد أنك وضعتنا أمام كرنفال مفردات بنسج حريف داعب مختلف

مقامات الوجدان بدواخلنا فكان الشجن والحنين والعتاب والغربة والسفر والغياب .. سلمت

يداك يا صديقي .. فأين مركبك؟!!!

مؤكد اشتياقي ولك أنضر ما في الحقول من معزات وكن كما تود ...

[سوباوي]

يا كاظم الترتيب بقي الظاهرة الصحية في حياتي ..
ولما يقيف تعال شوف الحاصل علي شنو ..
والله مشتاقين لي حرفك ..
وشكلنا ما حنستحمل النيران وحنرجع نلوذ بي ثقافينا ..
محتاجين حضوركم ووسوباوي واميمة عشريه وبقية العقد الفريد ..



تخريمة :
والله احساس بالألفه وكأننا اصحاب من زماااااااان ..

الوقورة .. ريمون ..

أزيك وعساك طيبة وأريتك بالعوافي وبيوتا ...

ممتن أنا تماماً لسؤالك عني وأميمة عشرية وبقية الشباب .. الثقافي ده كما قال صديقنا كاظم

به قامات شوامخ .. أكون في قمة متعتي وأنا أتجول بين إبداع أولائي الرفاق .. محمد الجزولي

والغالي وسارية وبدر الدين وكلهم .. كل من بذر حرف هنا .. وأنت منهم يا ريمون ..

متابع جيدا أنا لترتيب الذات الذي تمارسينه بأريحية ويجوز أن أكون قد قلت مسبقاً في

مناسبات عديدة أن أكثر الأشياء تعقيداً هو ترتيب الذات وها أنت ترتبينها على

أحسن ما يكون . . واصلي في ترتيبك يا ريمون إلى أن يطلق الله ضراعنا فنأتي لنرتب معك

ما وسعنا الحرف..

سامق تحياتي وأكيد احترامي وكوني بخير .. بخير أينما كنت،،،

يا كاظم ياخ غلبني أفوت سؤال ريمون ده عننا كده بدون ما أحييها .. وكان ذلك!!!

تحياتي يا صاح لك وللأسرة،،،،

[ساريه]

زعيم الحرف كاظم ...
وين مركبك وداك ؟
وهنا بحر الشوق تتطلاطم امواجه .. ابحر تعال ..
زيد اللمه جمال ..
وزين جبينا بالدهشه ..
وتعال نشيل كتف الغنا الميل ..
ونتخيل ..
ثقافى مليان الفه وحنان ...
وحروف كسنا البرق تشع جمال ..