مدني 2014

[admin]

مساء الخير رواد المنتدي الكرام
عادة ما يكتب ابناء المدينة المغتربين ويصفوا مشاهداتهم خلال زيارة ام المدائن .. محاولين نقل الصورة والمشهد لمن لم يتمكن من الحضور والمشاهدة في هذا الوقت او هذا العام .. واليكم بعض ما شاهدت.

اعجبت جدا بمبنى طوارئ مستشفي مدني الجديد .. حيث تم نقل الانعاش سابقا الى مكان مابين مدخل مستشفي الكلي ومدخل المستشفي الخلفي .. المبني جميل جدا ومقسم بطريقة راقية ونظيف جدا وهنالك مواظبة والتزام كبير على النظافة والتيم العامل .. طبعا مكندش وسراميك ابيض وتوجد نقلات وكراسي بعجلات لنقل المرضي .. مقسمة غرف الكشف حسب حالة المرضي .. شبه متكامل به معمل طبي ووحدة خاصة لمعالجة الربو والازمة وحساسية الصدر وقسم لفحص القلب واقسام اخرى .. يعاب عليه الطاقة الاستيعابية البسيطة التى قد تكون كافية لسكان المدينة مساء ولكن غير كافية البتة في النهار حيث ياتي المرضى من كافة قرى الجزيرة فيعج المكان بالمرضي ويصعب حينها تقديم الخدمات الطبيه المناسبة والمطلوبة .. اماكن الانتظار قليلة مما يضطر اهل واقارب المرضي الى افتراش الارض خارج المبني بنفس الصورة غير الحضارية التى اعتدنا رويتها في الانعاش القديم.

[admin]

عذرا ان كانت معظم مشاهداتي تتعلق بالقطاع الطبي .. حيث مضت معظم ايام الاجازة بين العيادات .. نحمدالله كثيرا على نعمه الصحه والعافية.

قام بعض الاطباء بتحسين مظهر عياداتهم الخاصة .. واصبحت تتسم بالانسانية في التعامل وتتناسب نوعا ما مقابل ما يدفعه المريض طلبا للمشورة الصحية .. ومن تلك العيادات مركز كوالتي حيث تم دمج عدد من عيادات الاطباء ومعمل طبية وصيدلية في مركز واحد اتسم بالنظافة والتنظيم ومراعاة المرضى وحالتهم الصحية .. اضافة الى تكييف الهواء والانارة الجيدة للمكان .. وكذلك عنالك عيادات ومعامل اخرى لا تقل كثيرا عن مركز كوالتي نظافة وانسانية .. وان ظل الجزء الاكبر من عيادات شارع الدكاترة ومعامله في نفس القذارة وعدم الاهتمام بالمريض .. كذلك ما يزال معظم الطباء يتسمون بالنظرة التجارية وعدم الاهتمام بخصوصية المريض وحاجاته رغما عن المبلغ الكبير الذي يدفعه المريض مقابل الخدمة .. حيث شاهدت بعض الاطباء يدخل اكثر من مريض في وقت واحدة لسماع شكواهم .. واخر قسم مكتبه مع طبيب متدرب اخر لكي يقم بمتابعة الحالات وكلو على المكشوف.

انتشار كبير للصيدليات .. تكاد تنافس البقالات .. دليل على سؤ الوضع الصحي وتجارية واستغلال اوضاع المرضى الصحية .. عموما هنالك انتشار ووعي كبير باسماء الادوية وما تعالج .. تحس كان مادة الصيدلة تدرس في المرحلة الابتدائية .. قالجميع يعرف اسماء المضادات الحيوية والجرعات المناسبة للحالات وكذلك علاجات الملاريا والتايفويد والضغط والسكري.

[ياسر عمر الامين]

اخى ابوبكر حمدا لله على السلامة والبركة الشفتنا طيبين....لى تعليق اخشى ان يكون به شئ من التشاؤم من هكذا مشاريع تقام فى السودان...شاهدى ان هنالك الكثير من المشاريع التى تقام فى السودان سواء اكانت مشاريع تنموية او تجارية او صحية او غيرها وتنفق فيها المليارات وتكون البداية فى ازهى صورها ولكن ما ان تتوالى الايام والشهور حتى تبدا الحركة عكسية باتجاه التدهور...ويقينى ان هذا الامر ليس عبئا على الحكومات وحدها ولكننا "كشعب" ليست لدينا ثقافة المحافظة على الاشياء التى تهم عصب حياتنا...خوفى على هذا المشروع ان يصيبه ما اصابه غيره وياتى يوم يكون مجرد ركام...
ارجو الا اكون قد غردت خارج اطار المغذى من هذا البوست ولك العتبى ولكن قد يكون فى كلامى اشارة الى النظر فى معالجة السلبيات التى تتسبب فى "خراب" مثل هذه المشاريع الحيوية...

[mahagoub]

بين السالب والموجب
واصل مشوارنا للسودان قرب

[الملكة اسماء ( ام محمد )]

كلي ثقة بأني عبر هذا البوست سوف اسجل زيارة لود مدني

متابعين يا Boss

[admin]

ياسر عمر تحياتي واشواقي .. كل الناس بتقول كدا .. نظرة تشاؤم يحس بها كل من حدثته عن المركز .. للاسف دون بذل اي مجهود او وعي للحول دون ذلك.

عم محجوب حمدلله الف على السلامه
ملكتنا اسعدنا مرورك .. وابشرك الابتسامات اشتريناهم وشحناهم وقربت تصل الدوحة

[الملكة اسماء ( ام محمد )]

ملكتنا اسعدنا مرورك .. وابشرك الابتسامات اشتريناهم وشحناهم وقربت تصل الدوحة

ياسلاااااااااااااام عليك يا ابي

دي اخبار حلوة والله

عقبال عودة ابتسامتنا الحقيقية بعودة الجميع

[الفارس البنفسجي]

حبيبنا بكوري
كل ما نشرك عشان نلاقيك في مدني ما نلقا طريقة
الشوق ليكم والله ما عندو حد

منقالات ومشاهدات المغتربين بتديك احساس بالراحة النفسية
وبخليك تحس أنو مدني ماشة للأحسن رغم انها ماشة زحف
بس برضو غلاوتها جوة العيون والقلب

[admin]

الانترنت اكثر ما يؤرق مغترب المدينة .. ورغما عن توجهات الدولة الالكترونية .. وسعيها الحثيث لزيادة وعي المواطن وتطويره الكترونيا باتاحة العديد من الخدمات والدفوعات الكترونية .. واحيانا اجباره بجعل المعاملة الكترونية فقط كالتقديم للجامعات هذا العام.

رغم كل ذلك فالانترنت سئ جدا .. مهما كانت الشركة المستخدمة .. بطء شديد يصل احيانا حد التوقف التام خلال ساعات النهار .. فقط في ساعات الصباح الاولي يمكنك الاستمتاع بالسرعات العالية.

يرجع ذلك للاعتماد الكبير على انترنت شركات الاتصالات المحمولة 3g .. مع انو الفي السودان دا ما محصل نص g .. يقابل ذلك تناسي واندثار خدمات الهاتف الثابت .. مع انو الهاتف الثابت كما تعلمون هو من اهم مقومات البنية التحتية ... خصوصا خدمات الانترنت دي سوى كانت دي اس ال عادي ولا فايبر اوبتك.

المهم العايز انترنت صاقعة وسريع ومستقر اركب خدمة انترنت دي اس ال في البيت ويعم ليهو راوتر واي فاي يغذي البيت كلو .. والعابز يجرب يمشي محل اخونا ومشرفنا الهمام .. ياربي انا وين .. في عمارة عباس كنين .. بين قوسين ابتسامة وتحتا خطين ..

لكن ما سالتوني الانترنت حق الهاتف الثابت دا بي كم؟ عشان سوداتل ما قاعدة تعلن عنو وتروج ليهو .. اها الانترنت دا سرعة واحد ميغابيت بس بي 750الف .. والله صحي .. ااي في الشهر .. لا من ناحية سريع طيارة بس .. لكن بي 750الف في حين انا راتب المعلم في مدرسة مكي الطيب الخاصة 500الف .. والله صحي .. وراتب الطبيب في مستشفي مدنى في حدود 800الف .. و انترنت بسرعة 2ميغابايت في الدوحة بي 250ريال يعني 575الف .. يعني الانترنت في قطر ارخص من مدني .. والله صحي .. بعدين هو الانترنت دا شغال بي بترول ما ياهو سلك في الارض جاري نت طوالي .. كان شلنا منو كان خليناهو ياهو .. غالي لي كدا ما تعرف .. دي على فكرة بسموها جرسة المغتربين.

باختصار لو مشيت السودان وعايز تدخل نت اشتغل بي حق اليوم باليوم اوعك تشترك شهري .. بموت ليك وتاني الا تمشي عباس كنين.

[admin]

الفارس البنفسجي .. الشوق بحر .. حال سؤ حظنا فقط دون ان نلتقيك .. وانت رجل تستحق انا نقطع المسافات طمعا في لقاك .. وان شاءالله نلتقي في القربب العاجل .. تحياتنا لكم وعبركم للاسرة الكريمة.

[كارلوس2008]

وريتنا والله يا أدمن مع اني أرى انا هنالك دعاية وإعلان مجاني في بوستك دا ..

أها الأكل كيف شايفكم متجدعيــن اخـر سمك وغيـره البوست الجاي اتكلم لينا عن الحالة دي بلاي ما تقول لي (جنــك بطنــك)

والحالة الأمنيــة في البلد والشوارع كيف حالته لسع الدقداق البولد الحامل موجــود


مع تحياتي ليك بإجازة سعيدة

أبومصطفى

[ابوالنور]

الانترنت اكثر ما يؤرق مغترب المدينة .. ورغما عن توجهات الدولة الالكترونية .. وسعيها الحثيث لزيادة وعي المواطن وتطويره الكترونيا باتاحة العديد من الخدمات والدفوعات الكترونية .. واحيانا اجباره بجعل المعاملة الكترونية فقط كالتقديم للجامعات هذا العام.

رغم كل ذلك فالانترنت سئ جدا .. مهما كانت الشركة المستخدمة .. بطء شديد يصل احيانا حد التوقف التام خلال ساعات النهار .. فقط في ساعات الصباح الاولي يمكنك الاستمتاع بالسرعات العالية.

يرجع ذلك للاعتماد الكبير على انترنت شركات الاتصالات المحمولة 3g .. مع انو الفي السودان دا ما محصل نص g .. يقابل ذلك تناسي واندثار خدمات الهاتف الثابت .. مع انو الهاتف الثابت كما تعلمون هو من اهم مقومات البنية التحتية ... خصوصا خدمات الانترنت دي سوى كانت دي اس ال عادي ولا فايبر اوبتك.

المهم العايز انترنت صاقعة وسريع ومستقر اركب خدمة انترنت دي اس ال في البيت ويعم ليهو راوتر واي فاي يغذي البيت كلو .. والعابز يجرب يمشي محل اخونا ومشرفنا الهمام .. ياربي انا وين .. في عمارة عباس كنين .. بين قوسين ابتسامة وتحتا خطين ..

لكن ما سالتوني الانترنت حق الهاتف الثابت دا بي كم؟ عشان سوداتل ما قاعدة تعلن عنو وتروج ليهو .. اها الانترنت دا سرعة واحد ميغابيت بس بي 750الف .. والله صحي .. ااي في الشهر .. لا من ناحية سريع طيارة بس .. لكن بي 750الف في حين انا راتب المعلم في مدرسة مكي الطيب الخاصة 500الف .. والله صحي .. وراتب الطبيب في مستشفي مدنى في حدود 800الف .. و انترنت بسرعة 2ميغابايت في الدوحة بي 250ريال يعني 575الف .. يعني الانترنت في قطر ارخص من مدني .. والله صحي .. بعدين هو الانترنت دا شغال بي بترول ما ياهو سلك في الارض جاري نت طوالي .. كان شلنا منو كان خليناهو ياهو .. غالي لي كدا ما تعرف .. دي على فكرة بسموها جرسة المغتربين.

باختصار لو مشيت السودان وعايز تدخل نت اشتغل بي حق اليوم باليوم اوعك تشترك شهري .. بموت ليك وتاني الا تمشي عباس كنين.

غايتو ي ريس الوصف ال بالاخضر دا لاقني قبال كدا ياخ لكن ال بين قوسين دي الا نكلم هيثم عبدالعال يعربها لينا ياخ