النتائج 1 إلى 14 من 14

الموضوع: شاهدوا سهرة اليوم علي قناة النيل الأزرق

     
  1. #1
    فخر المنتديات
    Array الصورة الرمزية خالد هاشم علي
    تاريخ التسجيل
    Jan 2005
    الدولة
    من مدني حي مايو بالأربعين
    المشاركات
    821

    شاهدوا سهرة اليوم علي قناة النيل الأزرق

    احبتي في المنتدي...
    أعلنت قناة النيل الأزرق أنها ستستضيف في سهرة اليوم الفنان المبدع والاخ الصديق ياسر عبد الوهاب ( ياسر سيد خليفة ) أو ياسر الشرفة، في حلقة توثيقية لاعمال الراحل سيد خليفة.
    وكنت قد كتبت في منتدي ودمدنيات عن هذا المبدع وذلك عقب سهرة بثتها نفس القناة وعن نفس الموضوع ( أعمال الراحل سيد خليفة ) وفي الحلقة الماضية إستضافت القناة الفنان ( بكري المغربي) وقد ذكر الحضور في تلك السهرة بأنه لا يوجد من يؤدي أعمال سيد خليفة بنفس صوته ونفس روعته وطريقة أدائه ، فقلنا لهم ومن خلال المنتدي لا وألف لا ، يوجد صديقنا المبدع ياسر عبد الوهاب.
    ونصحنا ياسر بالسفر للسودان ليلحق بما فاته وادهشني في إستجابته للنصيحة وسافر خلال أسبوع ، وقام بتحركات شاقة ليعرف عن نفسه في السودان فهو نشيط ومثابر وهاهو ينجح في الأمر فقامت قناة النيل الازرق بالإتصال به لتسجيل هذة السهرة والتي نتمني أن تكون موفقة للأخ ياسر في مشواره الفني .
    امنياتي للأخ ياسر بدوام التوفيق ، وقد تلقيت إتصال منه مساء أمس من الخرطوم يخبرني فيه بالأمر وسعدت له كثيراً فهو يستاهل كل خير وهو مبدع من العيار الثقيل.
    السهرة ستبث في تمام الساعة التاسعة والنصف ، وأتمني لكم سهرة سعيدة مع ياسر سيد خليفة ، وعايز اعرف إنطباعاتكم عن السهرة.

    أجسامنا ليه جسمين ؟؟؟ روحنا واحدة وكيف إتقسمت قسمين ؟؟؟ شي عجيب في غرامك يافريع ياسمين!!!!
    من المنام مامعاي ولا ستة من ستين !!!! عندي التلت من عقلي وعندك التلتين!!!!
    ++++++++++++++++++++++++++++++++++++++++++++++++++ ++++++


    أبو هاشــــــــــــــــــم
  2.  
  3. #2
    عضو برونزي
    Array الصورة الرمزية الزمن المريح
    تاريخ التسجيل
    Dec 2004
    الدولة
    مدنى المدنيين
    المشاركات
    855

    الف شكر لك الاخ الحبيب خالد هاشم

    و الله يا خالد ناس تلفزيون النيل الازرق و السودان من المفترض ينسقوا مع بعض دائما السهرات متطابقة ،، اليوم ايضا سهرة قناديل ،، و امير الشعراء السودانيين محمد سعيد العباسى ،،
    يعنى نحن نحضر ايهم ؟؟؟؟؟ !!!! ربنا يعين

    اكرر شكرى لك استاذ خالد على تذكيرنا بموعد السهرة

    لك حار التحايا و كل الود،،،

    أبوحنيفة




    أبوحنيفة
  4.  
  5. #3
    فخر المنتديات
    Array الصورة الرمزية خالد هاشم علي
    تاريخ التسجيل
    Jan 2005
    الدولة
    من مدني حي مايو بالأربعين
    المشاركات
    821

    الزمن المريح شدييييييد
    تسلم علي المرور ومافي شك السهرتين رائعات وطبعا موضوع التنسيق ده تنساهو خالص .
    لكن أوعدك إني أسجل سهرة ياسر وأديني عنوانك أرسل ليك الشريط في اي مكان.
    وتسلم كتيييير.



    ودمت...

  6.  
  7. #4
    عضو برونزي
    Array الصورة الرمزية الزمن المريح
    تاريخ التسجيل
    Dec 2004
    الدولة
    مدنى المدنيين
    المشاركات
    855

    تسلم حبيبنا خالد
    و يا ها المحرية فيك ،، ما بتخيب الظن ،،

    لك شكر و تقديرى بلا حدود.




    أبوحنيفة
  8.  
  9. #5
    فخر المنتديات
    Array الصورة الرمزية امير عبدالباقي
    تاريخ التسجيل
    Aug 2004
    الدولة
    مدني حي المدنين
    المشاركات
    2,447

    الاخ الغالي ودهاشم
    والله مشكور علي التنبيه والله لو كانت فاتتني كنت زعلت شديد
    الاخ الزمن المريح اعتقد سهره التلفزيون العام بتاعت العباسي بعد الساعه 11 يعني يمكن تشاهده
    انت عارف ياخالد الجماعه ديل تصفحو المنتدي وعرفو في واحد بقلد سيد خليفه

    ارمي همومك خلف ظهرك
    واجعل الابتسامة دائما علي وجهك
    ابوريان
  10.  
  11. #6
    فخر المنتديات
    Array الصورة الرمزية خالد هاشم علي
    تاريخ التسجيل
    Jan 2005
    الدولة
    من مدني حي مايو بالأربعين
    المشاركات
    821

    أميرنا ياغالي...
    لو فعلاً الجماعة ديل إتصفحوا المنتدي وعرفوا إنه في واحد بقلد سيد خليفة يكون ده عز الطلب ويكون منتدانا كالعهد به دائماً سباق في كل المجالات.
    تسلم أمير ومشكوووووور

  12.  
  13. #7
    عضو ماسي
    Array الصورة الرمزية aborawan
    تاريخ التسجيل
    Nov 2003
    الدولة
    بلادي حلوة راجع ليها ودار الغربة ما بترحم
    المشاركات
    6,553

    والله ياسر من المبدعين في الوسط الفني وانا من الذين تعرفوا على ياسر عن قرب وجمعتني به احدى الصدف وكنت من المعجبين جدا بصوته المتميز

    اتمني للاخ ياسر التوفيق في مشواره الفني وانشاء الله السهر تكون سهرة ناجحة باذن الله عشان يصل صوتو للجميع

  14.  
  15. #8
    عضو برونزي
    Array الصورة الرمزية marwa
    تاريخ التسجيل
    Nov 2004
    المشاركات
    757

    ya 7'ma3a ana ma 3ndy gnat alneel alazrg a3mel shino

  16.  
  17. #9
    عضو فعال
    Array
    تاريخ التسجيل
    Apr 2005
    الدولة
    مدني
    المشاركات
    234

    بالجد السهرة كانت راااااااااااااااااااااااااائعة ..
    وسبحان الله على التشابه في الاصوات ..
    وتسلم اخي خالد على التنبيه

    قالو البعيش الدنيا ياما تشوّفو
    تشقيهو بي فرقة عزيز وبالحسرة ريقو تنشفو
    و ان شاء الله ما يحصل فراق لقلوب بعد اتولفو
  18.  
  19. #10
    نائب رئيس مجلس الادارة
    Array الصورة الرمزية روبش
    تاريخ التسجيل
    Mar 2005
    الدولة
    ودمدني - حي القبة
    المشاركات
    4,771

    اخي .. خالد
    لك التحية ..
    تابعنا السهرة وحقيقة كانت روعة بقدر روعة ياسر المبدع ذاك الفتى الخلوق .. تمنياتنا له بالتوفيق والنجاح في مشواره ...
    طبعا انا تفاجئت عندما ذكر مقدم الحلقة السابقة بالتلفزيون العام أنه لا يوجد فنان يقلد الراحل سيد خليفه .. وحقيقة دائما ناس الخرطوم عندهم حاجة مع ناس مدني لكن بنقول ليهم المابتحلقوا جدعوا ... ياسر من مدني وعصام من مدني وقبلهم من عمالقة الفن من مدني ... مشكلتنا نحن بس انو نحن ما شغالين بيهم .. والله ياخالد لحظتها تمنيت لو في اتصال كنت اتصلت عليهم .. ومشكلتنا في السودان جميع الحلقات بتسجل ما عدا القليل منها ..
    اديك العافيه خالد ..

  20.  
  21. #11
    فخر المنتديات
    Array الصورة الرمزية خالد هاشم علي
    تاريخ التسجيل
    Jan 2005
    الدولة
    من مدني حي مايو بالأربعين
    المشاركات
    821

    أبو روان... تسلم ياالغالي علي المرور وبالمناسبة أنا كلمت ياسر عنك وقلت ليهو في واحد قال بعرفك من فداسي ، وقال لي أنا بعرف فداسي كلها ويغريك التحايا وبالمناسبة ده جواله في السودان:0024912286591 .

    الغالية مروة... تحياتي ومشكورة كتيير وماعندك أي مشكلة أنا سجلت الحلقة كلها بس أديني عنوانك وح أرسل ليك الشريط.

    ياقمر ليالينا.... فعلا ياسر صوته قريب جدا لي سيد خليفة عشان كده نحن نبهنا ناس قناة النيل الأزرق بيهو ، وحتي في طريقة الأداء ، وتسلمي ياقمر.

    روبش...مشكور علي المرور ونحن كلنا إستمتعنا بالسهرة التي صال وجال فيها ياسر كما يحب ، ونتمني أن تكون بداية حقيقية لذلك المبدع الخلوق وقد أغرورقت عيناي بالدموع وأنا أري نجاحات ذلك المبدع وتبوأه للمكان الذي يستحقه ، وتكفيه إشادة الإعلامي المصري الكبير الأستاذ ( الجوهري ).
    أمنياتنا للأخ ياسر بمزيد من الإبداعات.
    ( وأعد الأخوة بالمنتديات ( بإذن الله ) بأنني سأحيي حفل تأسيس رابطة موقع ومنتديات ودمدني .) والحديث علي لسان المبدع ياسر عبد الوهاب.



    ودمتم...

  22.  
  23. #12
    عضو مميز
    Array الصورة الرمزية rasheed
    تاريخ التسجيل
    Apr 2004
    الدولة
    مدني - مواليد ود أزرق - حي البان
    المشاركات
    538

    روعة يا يا خالد

    تعرف يا أبو الخلود والله بقولوا القلوب شواهد ،، وما كنت عارف السهرة دي وما دخلت النت في اليوم داك . وكان طبعاً عقبنا على الكتابة عن ياسر وروعته وأمس إستمتعت بالسهرة أيما إستمتاع وكانت رائعة ببدايتها وعندما قال ياسر بسم الله الرحمن الرحيم فرحت بأن السهرة كانت في بدايتها ولم يفتني شئ سوى إني لا أعرف كيف أسجل بالفيديو وأتصلت بصديق لي ليسجلها لكن بعد أن غنى أسراب الحسان وده كان تعليقي إذا سمعوا أسراب الحسان من ياسر وكان الختام مسك حقيقي فغنى (غيرة ) أعلى الجمال تغار منا - للرائع إدريس جماع وياخي ما في أحسن من كده والحمد لله على رجوع ياسر ليأخذ مكانته بين العملاقة وحقيقة أن شهادة الجوهري ليعتز بها ، وها هو قد شهد شاهد من أهل الفن والإبداع بياسر ويكفي ،، لك الشكر على نصيحتك الغالية للرائع ياسر وله الشكر على سماع هذه النصيحة التي سوف تجعل منه أسطورة ،، ولك التحية ،،

    نيلك زرعك ناسك أرضك ،، بحبك يا سودان ،، بحبك مما قمت ،، بحبك يا سودان
  24.  
  25. #13
    عضو برونزي
    Array الصورة الرمزية marwa
    تاريخ التسجيل
    Nov 2004
    المشاركات
    757

    ya shbab ma moken tnzelo alshra dy hena y3ny
    ya '7aled shed 7elk nzela leeena
    wallay da zolm n7na nt7rm men gnat alneel alazrg

  26.  
  27. #14
    فخر المنتديات
    Array الصورة الرمزية امير عبدالباقي
    تاريخ التسجيل
    Aug 2004
    الدولة
    مدني حي المدنين
    المشاركات
    2,447

    الاخت مروه
    لك العتبي حتي ترضي والله كنت عاوز اكتب ليك التردد من يوم قلتي اسف وهذا هو الترددالنيل الازرق:
    ترددها:12587
    افقي
    نسبة الترميز:5085
    4 /3

    طبعا علي النايل سات انشاءالله تشوفي الاعاده للسهره وتستمتعي بيها

    ارمي همومك خلف ظهرك
    واجعل الابتسامة دائما علي وجهك
    ابوريان

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid