للجميع ... وخاص للمشرفين

[فادي الماحي]

الأخوه الاعزاء نعرف انكم تعانوا من أجل أن تخرجوا لنا هذا العمل الرائع ولكم الشكر .............
ولكن :-
ماذا فعلتم بإقتراح الاخ ( ابوروان ) في تنظيم وأختيار المواضيع .
ورجاءاً : ان توصلتم أي أي حلول يجب أن تستشيروا كل الاعضاء حتي نتشارك ونتعاون في انجاح هذا العمل الرائع بالمنتدي .
يعني بكلام ناس السياسه :
لا لا للد.................. كتاتو...........................ريه
ولا للديمو..............قراط.......................... ..يه
وانما للمشاوره المشاوره المشاوره

ولكم الشكر لما تقدموه

[فادي الماحي]

شنو يا أخونا
ما في مشرفين ولا شنو

[صالح ابوشوارب]

.
الاخ فادي

كيف اخبارك

للمعلومية بخصوص المشرفين انت اظنك ما عارف

اولا واحد بتزوج الايام دي

والتاني مرتو ولدت

والتالت مرتو جات من السودان

والرابع عايز يعقد ولكن كفيله مانعه يمشي الرياض

اما الخامس والسادس ديل اصلوا ما بتشوفم تقول شغالين بره

وفي مشرفين المنتدي المسئولين منو ما بيدخلوا فيه

( وانا بقول ليهم البكا بيحرروه اسياده)

[فادي الماحي]

أخونا ابو شوارب سلام عليك
تعرف يا خوي اول حاجه انشاءالله ربنا يفك زنقة الجميع ؟ بس المشكله الكبيره في المشرف الرابع ؟ وتعرف انا كلمة (كفيلوا ) مانعو دي انا بتعمل حساسيه وبتحسسني بالذل خاصه للسودانيين ؟ بالرغم من اني ما مرتبط بي كفيل لكن مشاكل المغتربين معاهم تشيب الراس ؟
وانشاءالله ربنا يكون في عون الجميع ..............................

[ابو المهتــدي]

بسم الله الرحمن الرحيم
الاخ فادي مالك بسم الله 0 قول خير ماتنوم شبعان 0 مسيدنا هذا مسيد ذكر لكل المحبين والمريدين 0 كلمة الحب 0و الرابط جمعنا 0 نتذاكر و نتناصح بها
خذ وضعك 0 في كل ماتريد 0 واعطنا 0 من ادب الحديث 0 في كل طروبة
حتي كلمة الترويح 0نقبلها في قالبها المرح 0 ولن تجد لا تلك المشاركات
كل بماتجود بة عبقريتة 0 ان كانت واسعة القطر او محدودة 0
ولن تجد منا الا ذاك 0 وللناس في الاخر اعزار 0 ولك وللجميع الحب والتقدير

[فادي الماحي]

كاتب الرسالة الأصلية ابو المهتــدي
بسم الله الرحمن الرحيم
الاخ فادي مالك بسم الله 0 قول خير ماتنوم شبعان 0 مسيدنا هذا مسيد ذكر لكل المحبين والمريدين 0 كلمة الحب 0و الرابط جمعنا 0 نتذاكر و نتناصح بها
خذ وضعك 0 في كل ماتريد 0 واعطنا 0 من ادب الحديث 0 في كل طروبة
حتي كلمة الترويح 0نقبلها في قالبها المرح 0 ولن تجد لا تلك المشاركات
كل بماتجود بة عبقريتة 0 ان كانت واسعة القطر او محدودة 0
ولن تجد منا الا ذاك 0 وللناس في الاخر اعزار 0 ولك وللجميع الحب والتقدير

أولا : - بسم الله
تانيا :- لم أقصد ما فهمت
ثالثا :- اني والله اكن لكم كل الحب والاحترام
رابعا :- كلنا اخوه وسنظل
خامساً:-

[aborawan]

العزيز فادي

لك ودي وحبي واحترامي وشكرا كتير على متابعتك لموضوعي الخاص بالنهضة لهذا المنتدى ونتمنى من الكل التعاون في الحاجة دي لانو فعلا يد واحد ما بتصفق ويلا كلنا مع بعض نقول هيلا هوبا

[عزيز عيسى]

الاخ فادي،

التحايا العطره،

والله فكرة ابوروان ممتازه.. وتشكر على تطرقك للموضوع.

يلا يا جماعه كلكم.. البصلي على النبي:
هيلا هبا

عزيز

[نيازى كشك]

وصفوا الحب فقالوا أنه
نبض قلبين له عنداللقاء
وأنا أجزم أن الحب حاء
ضمها قلبي وفي قلبك باء وصفوا الحب فقالوا أنه

[فادي الماحي]

سلام لكل الاخوه المشاركين ؛ والله يا جماعه كل همنا انو نستفيد من المنتديات دي حتي لا نضيع زمنا وقروشنا كمان في الفاضي
ويلا يا جماعة ننهض بمنتدي ود مدني تحت شعار
( حتي يكون الافضل )
حقيقة
وحتي لا ينطبق علينا قول القرد في عيون امو غزال
هوبا هوبا

[امير عبدالباقي]

اخي ود الماحي من كلامك استشف حبك الهائل للمنتدي وشعرت به عندم اتصلت بك فبل اسبوع هاتفيا هنئا بالمنتدي بك
اخي المشرفين اعتقد ماقصرو لكن عاوزين الهمه من الاعضاء
وشكرا علي غيرتك للمنتدي ولك الف تحيه اخي

[خالد هاشم علي]

أحبتي كلنا أعضاء وكلنا مشرفين ... ولا مش كده ياحمدتو؟؟؟؟

يجب أن تأتي الرقابة من عندنا جميعا .... وأن نتخير المواضيع الجيدة والهادفة لإثراء المنتدي...

تسلم يافادي علي الموضوع . وليه مارديت علي إتصالي بك؟؟؟؟


ودمتم..

[madaniboy]

كاتب الرسالة الأصلية امير عبدالباقي
اخي ود الماحي من كلامك استشف حبك الهائل للمنتدي وشعرت به عندم اتصلت بك فبل اسبوع هاتفيا هنئا بالمنتدي بك
اخي المشرفين اعتقد ماقصرو لكن عاوزين الهمه من الاعضاء
وشكرا علي غيرتك للمنتدي ولك الف تحيه اخي

[HAMADTO]

فادي الماحي
تحية اخي الكريم فادي على هذا الموضوع وتفاعلك أنت وبقية الاعضاء هو ما يزيد المنتدى توهجاً انشاء الله ... والشوره والمشاوره هي احد اسباب نجاح هذا المنتدى ومنتظرنك كل يوم خميس "اليوم المفتوح" على الماسنجر "الهتميل" وهو يوم التفاكر والتشاور في امور المنتدى وموضوع ابوروان طلع من هذا اليوم ... تحياتي ليك





صالح ابوشوارب
أولا دعني اشكرك على مواضيعك الهادفة دائما والجميلة ... وما شاء الله عارف اخبار كل المشرفين والمنتدى جعلنا نتعرف على بعضنا البعض وقربنا اكثر واكثر ونتمنى المزيد التألف والترابط بين اعضاء المنتدى .... ونتمى دائما ان يكون منتدنا متميز ومتطور في كل شئ ... والبكى ده حقنا كلنا واحنا كلنا اسياده ويلا نحرروه سوه ... خالص تحياتي





فادي الماحي
صالح ابوشوارب
ابو المهتــدي
ابوروان
عزيز
نيازي كشك
امير عبدالباقي
خالد هاشم
فاقد حنان
اعضاء المنتدى الرائعين

تميز منتدانا الحقيقي يكمن في وجود أعضاء رائعين امثالكم .... وانشاء الله يكون منتدانا دوما فريد من نوعه.. وله تميزه الخاص.. لانه يضم كوكبة من الاعضاء المتميزين بالقلم ..والصدق..والاخلاص..والاحترام ... هدفهم ان يفيدوا ويستفيدوا ... خالص تحياتي

[فادي الماحي]

سلام من الله عليك
العم والاخ الرائع : حمدتو
واتمني أن نكون عند حسن ظنكم وحسن ظن السودان حتي نرفعه وننصره

وانشاءالله نتقابل يوم الخميس ؟؟؟؟؟
بالرغم انوا الخميس دا يوم عزيز ؟؟؟ يوم الراح
لكن ما كتير عليكم
ولك التحيه