الناس طبقوا العدد وانا دابي حيلا لي نومي

[صالح ابوشوارب]

للمنشد ود احمد
بجاهك يالرسول داير اللـــــــــــحوق بقومي
مالكني الهوى لســــــــــــــــــه صغير كومي
الناس طبقوا العدد وانا دابي حيلا لي نومي
وين القا العسل واااااا حسرتي وااااااا لومي
انا اتلومت لي اللـــوم بقيت شماعـــــــــــــة
لي وجه الكريم ماقمت ربــع الســـــــــــاعة
ناسيه القبر ناسي الحساب والســـــــــــاعة
يارب يا كريم اهديني هذه الساعـــــــــــــــة
لمتين اجتهد في الله ذى الساعـــــــــــــــــة
لمتين في الرسول العين تكون دماعـــــــــة
درب القوم بعيد لي اهل الرحل والقاعــــــة
لمتين اللحوق بي اذنهم سماعــــــــــــــــــة
ياخوانا الطريق والله جد متوكـــــــــــــــــــر
ومابيمشيهو واحدا لرقبته بيشكـــــــــــــــــر
ولدا طبعه راسي حاشا ما متعكــــــــــــــــــر
والله الطريق ريحة شرابو تسكــــــــــــــــــر
يا اخوانا الطريق قط ما بدور الغـــــــــــــش
والله الطريق ما بيجيبو زولا هــــــــــــــــش
المطر الخفيف ما اظن يقوم قــــــــــــــــــش
والعيش الكتير جابوهو اهل الحـــــــــــــــش

ابو ماجــــــــــــد

[aborawan]

لي وجه الكريم ماقمت ربــع الســـــــــــاعة
ناسيه القبر ناسي الحساب والســـــــــــاعة
يارب يا كريم اهديني هذه الساعـــــــــــــــة
لمتين اجتهد في الله ذى الساعـــــــــــــــــة
لمتين في الرسول العين تكون دماعـــــــــة

درر والله يا عمنا ونسال الله الهداية لنا ولك وللجميع وان يجعلنا الله من المرحومين الفائزين بالجنان وصلاة وسلام عليك يا حبيب الله محمد عليك افضل الصلاة واتم التسليم
صلى يا ربى ثم سلم على من هو للخلق رحمة وشفاء


الف شكر ابو ماجد وجزيت خيراً

[مدنيّة]

اللهم صل وسلم وبارك علي سيدنا محمد وعلي اله وصحبه وسلم

ربنا يعينا برحمته
مشكور ابو ماجد علي الروعة دي

[سواااح]

العم صالح ..

لي وجه الكريم ماقمت ربــع الســـــــــــاعة
ناسيه القبر ناسي الحساب والســـــــــــاعة

لا تعليق بعدها

دمــــــــــــــت ،،

[صالح ابوشوارب]

الابناء ابوروان ومدنية وسواااح
شكرا لكم واتمني من الله ان يكبر كومنا ونلحق بالصالحين

ابوماجــــــــد

[zoolfrda]

صلى الله عليه وسلم

مشكور يا عمنا

[صباح]

تسلم اخي الكريم ابو ماجد

الدنيا دي شنو ؟؟؟؟؟ فانيه فانيه فانيه الواحد ما يتغشي بيها ساي ...الله في وموجود ما بسيب حق زول

***اجلآ ام عاجلآ ** الله في

[امير عبدالباقي]

الاخ ابوشوارب
لك الف تحيه وياريت نكون من المغفورين ليهم يوم القيامه برحمه ربنا؛
والله الطريق ما بيجيبو زولا هــــــــــــــــش
المطر الخفيف ما اظن يقوم قــــــــــــــــــش

[وليد عمر سعيد]

التحايا لكم صالح ابوشوارب

الله يجزاك خيــــــــــر
وانشاء الله في موازين حسناتك

دمـــــــــــــت ابوماجد

[ابوالنور]

تسلم والله ابوماجد وانشاءالله في ميزان حسناتك

[ام قبس]

وكان هنا......................