معلومات أتحداك تعرفها قبل كدا .... وبتخوف كمان

[مزوني]

معلومات أتحداك تعرفها من قبل .... وبتخوف كمان!!!!

بصراحة اليوم سوف نزودكم بمعلومات غريبة وعجيبة. ومتأكدين بكل الثقة انه ماف زول سمع عنها قبل طدا . واذا سمعتوها قبل كدا ابقوا قابلونا.. المهم.. المعلومات دي خطيرة بمعنى الكلمة. وهي حديثة الاكتشاف. يعني اللي قلبه ضعيف وما بيستحمل الأحسن انه ما يقرأها خالص لانه بصراحة ما ناقص حوادث واسعاف . وأنا ما أطول عليكم. وخلينا نبدأ...




هل تعلم انك اذا التقطت صورة بالكاميرا في يوم اكتمال القمر.. فانك سترى اشباحا .. ويمكنك ملاحظتهم بوضوح..


- هل تعلم انك اذا اضفت بصلا الى كميه من الصودا.. فانه سيتكون لديك غاز الاسيد السام والقاتل..


- هل تعلم انه في احدى المحيطات البعيدة توجد دوامة بحرية من يسقط بها يجد نفسه في الفضاء خارج الغلاف الجوي..


- هل تعلم انك اذا اكلت فاكهة بعد شربك للقهوه فانك ستموت فورا .. وهذه حقيقه لم يستطع العلماء تفسيرها..


- هل تعلم انك اذا تحدثت في اليوم الواحد اكثر من 1400 كلمة.. فانك مهدد بالإصابة بجلطه دماغية..


- هل تعلم انك اذا استلقيت على الرمال لمدة 5 ساعات متواصلة فانك ستجد نفسك في الجهة الثانية من الكرة الارضية.. وهذه حقيقة غير مجربة حتى الان..


- هل تعلم انك اذا قلت.. زوباغ.. ريباغ..عسواج.. مزهاغ.. بالاضافه الى كلمه خامسة ذكرتها في بداية الموضوع.. فانك سوف تسمع أصوات اشباح .. بس انزل تحت وشوف دى كمان !!!!!

وهل تعلم ان ..........























انزل





















انزل تاني.....




وهل تعلم ان كل المعلومات السابقة غير صحيحة وهي من اختراعنا وتأليفنا ؟؟؟




رأيكم شنو يا جماعه فى هذا المقلب ... وكيف شعوركم ؟؟؟؟؟؟؟

[seeka]

ههههههههههههههههه
مقلب ظريف جدا
لكن خكاية الرمل هذي مجربة
لاني نمت 5ساعات على شاطي جازان
لقيت نفسي معاك في حيد اباد
والاثنين لقينا نفسنا في السودان
احلام ربي يحققا
هههههههههه

[saly]

تعرف صدقت في البدايه لاني اول مره اسمع بالمعلومات دي

بس لمن وصلت بعد القهوه لو اكلت فاكهه تموت فشكيت منو العبقري ده القال الكلام ده منو


بس حلوه منك

[ابو الزعيم]

والله بالغته فيه وبوظته اعصابنا ...
ياخ انا كنت مصدق ... والغريب انك ذكرت حاجات انا بعمل منها كتير
يعني يوم امس السماء كانت صافية جداً والقمر مكتمل نظرت اليه بحسرة وقلت الواحد لو كان شايل معاه الكاميرا كان صور المنظر الجميل ده .... وبعد شفت موضوعك قلت الحمد لله الما كان معاي كاميرا
ونزلت في الموضوع شوية لقيت ليك موضوع القهوة والفواكه
بيني وبينك برضو يوم امس .. بعد الافطار تناولت قهوة تركيه بالحليب وبعد اقل من خمسة دقائق كدة دخل على احد الاصدقاء وهويحمل بعض الفاكهة ( طبعاً الكلام ه كلو في جنوب السودان حيث اعمل هناك في سكن الشركة يعني عذابي ..) صاحبي ذي ما قلت ليك جاني بي صحنو بتاع الفواكه ما لذ وطاب منها ... واخوك لسه لسانو حار من القهوة لكن اخوك دني امام الفواكه الطازجه ... قمت رزعت ليك معاه ذي العجب ... لكن موضوعك ده لو حقيقي اخوك ما ضاع صراحة بداية كده خفته لكن انت قلت في الحال ... يمكن اتاخر عشان القهوة تركيه وبالحليب ... والله يستر ما تكون معلمواتك دي صحيحة .... بعدين موضوع الرملة ده مالك عاوز تحرم علينا مشي البحر ... والله الواحد زمان يمشي ويرقد في الرملة دي لمن ينوم ... لكن بعد كلامك ده ما في رقاد ... مرور طوالي
لك التحية ايها الرائع ....
وكل الود

[مزوني]

الحبيب سيكا انشاءالله يتحقق والله
ونمشي على السودان ونلاقي حبيبنا ودأبكرش زي عوايدو
تاكي لينا خروفين قدام الباب بي كرامه تشهد كل حبايبنا الفي المنتدى
الأخوان سالي و أبو الزعامه مقلب ومشى فيكم هههههههه
والمره الجايه ابقوا صاحيييييييييييييييين
وتسلمو على مروركم وربنا يديكم الصحه والعافيه على مروركم ومشاركاتكم يا شباب

[saly]

تسلم مزوني
بس برد ليك المقلب
والمره الجايه انت الخليك صاحي

[مزوني]

هههههههههههههههههه
دجا يا سالي
وانا جاهز وأتحداااااااااااااااك
رايك شنو؟؟؟؟؟؟

[التيمان]

انت عالم والله

ويسلمووووووووو

[So-Br]

دا شنو يا مازن معقولة بس ما في زول سبقك فيها

تصدق كنت ناوي اجرب اني اصور في ليلة اكتمال القمر

لكن معليش
على العموم الموضوع جميل واشكرك عليهو

[مزوني]

هههههههههههههههههههههه
تشكروا يا التيمان والله أحرجتوني عديييييييييييييييييييييييييل
تسلم حبيبي so-br اهو انت ماشاءالله وسط أهلك الانقطاعه ليك شنو؟؟؟؟؟
يا ليت لو تبقى معانا طوااااااااااااااااالي
وربنا يديك العوافي يا حبيبي

[abusida]

بوظته اعصابنا ...تعرف صدقت في البدايه

[التيمان]

تعرف صدقت في البدايه لاني اول مره اسمع بالمعلومات دي
yslmoooooooooooooooo

[مزوني]

الاعزاء ابو سيدا والتيمان
تسلمو على المشاركه وردودكم
وربنا يديكم الصحه والعافيه

[Mr Lonely]

تعرف صدقت في البدايه لاني اول مره اسمع بالمعلومات دي

بس لمن وصلت بعد القهوه لو اكلت فاكهه تموت فشكيت منو العبقري ده القال الكلام ده منو


بس حلوه منك

[madaniboy]

ههههههههههههههههههههههه
حلووه بس والله

[مزوني]

ههههههههههههههههههههههه
مستر وحيد فاقد
خيرها في غيرها
وتسلمو على ردودكم وربنا يديكم الصحه والعافيه

[IMG][/IMG]

[Usher]

هي لكن ما قطعته قلبي الله يسامحك
هههههههههههههههههههههههههه

[التيمان]

هل تعلم انك اذا تحدثت في اليوم الواحد اكثر من 1400 كلمة.. فانك مهدد بالإصابة بجلطه دماغية

\
\


بعرف ناس لو كلامك ده صاح المفروض



يكونوا انقرضوا مع الديناصورات

[sambaaa]

يا زول انت حكايتك شنو مع المقالب دي ؟؟ وكمان بعد تطلع بصادووووووووووه ؟؟ دورك بيجي مزوني

تحياتي لك حبيبوووووووو

[الشريف الهندي]

الغالي سيد البلد / مازن

ماقلت ليك ؟ الملقب التاني ضرب الهاردسك وصوتك الرائع ومكالمتك في التلفون من الفرحه بيها السماعات ضربت والله يستر على المذر بورد

وبالمناسبه : هل تعلم انو اذا ما قريبت ليك موضوع أو سمعتك في اليوم ولو مره



















كدي انزل شويه تاني
















وتاني انزل
















والله بس باشتاق ليك كتير

الشريف الهندي

[مزوني]

حبايبي آشر ( المختفي ) التيمان سامبا والشريف الهندي

بشكركم كتير الشكر على مروركم الكريم

ويا جماعه شيلوا الصبر انا حسه خلاص تقدروا تقولوا ( ضرس العقل قام ) هههههههههههههههههههههههه

عقلنا خلاص لي فتره مؤقته وربنا يهون الباقي

[نور العيون]

انا على قدر ما قريت ما شفتمعلومه زي دي و انت بوظت قلبي و وقعتوا في الارض
لكن حلوه منك و بتاع مقالب

[الجندي المجهول]

مزوني يا كضاب ( والله دلاب جنس دليب )

لكن صدقني بسداها وقريب ما بعيد بس كدي استنه

[جنفر]

شنو يعني يامزوني وقعت قلبي لكن مقلب عسل
تسلم