مرة واحد بلدياتنا واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. قام واحد معدي في الشارع جه قال له: في إيه؟ قام بلدياتنا قال له: طلبت رقم قامت طلعتلي ست عمالة تقول (الرقم الذي طلبته غير موجود في الخدمة)!!!!
**مرة واحد طيار اسمه هريدى كان فى رحلة و بعدين فجأة المحرك اليمين بتاع الطيارة عطل، فنبه على الركاب و قاللهم كابتن هريدى يحيكم و يبلغكم ان المحرك الأيمن توقف و لا داعى للقلق، بعد شويه الركاب سمعوا كابتن هريدى بيقول: كابتن هريدى يحييكم و يبلغكم أن المحرك الأيسر للطائرة قد توقف و لا داعى للقلق، بعد شويه الركاب سمعوا كابتن هريدى بيقول: كابتن هريدى يحييكم من البراشوت و يتمنى لكم رحلة سعيده..
**واحد بلدينا اشترى موبايل، ركبله جهاز اظهار رقم الطالب..
**مرة أربعة بلدياتنا راحوا فرح الأول:- نقط بخمسة جنيه و ضرب طلقة رصاص، الثانى:- نقط بعشرة جنيه و ضرب طلقتين، الثالث:- نقط بخمستاشر جنيه و ضرب 3 طلقات، أبوهم الراجل الكبير بقى عايز يعمل منظر راح منقط بـ ميت جنيه و رمي قنبلة!!!
**واحد بلدياتنا جوز بنته تاني يوم لاقاها قاتله العريس قال لها عملتي كده ليه يابنتي؟ قالت له الشرف غالي يابوى ..
**مرة واحد موظف ماشي الصبح رايح شغلة وهو ماشي شاف جماعة بلدياتنا واقفين فوق كوبري قصر النيل مهيصين و بيسقفو و بيصفروا ويرقصوا ويهللوا وينادوا ((هاريدي هاريدي)) وبس تاني يوم شاف الموظف نفس الحكاية، ثالث يوم شاف نفس الحكاية فراح يسأل حد من الجماعة :
ونبي يا بلادينا شايفكوا بتسقفوا ومهيصين على الأخر هو في أية؟ قالوا أحسن غطاس عنديكم بيجعد جد اية تحت المية.. قالوا ثلاث دقائق ..قالوا هريدي ولد عمي بجالوا تلات تيام في المية ومطلعش..
**بلدينا بيقول لبلدينا (أنا تعبان من الروماتزم) رد عليه وقاله (أنا جرجاوي من فرشوط) ..
**مره مسئول كبير راح يفتتح حمام سباحه كبير في سوهاج فكان مدير الحمام بيشرحله مميزات الحمام فقال: ده يا فندم المنط العشرين متر اطلع يا محمدين نط فنط محمدين .. و ده يا فندم المنط الاربعين متر اطلع يا حسنين نط فنط حسنين .. فقال المسئول هايل هايل .. فقاله المدير ولسه كمان يا فندم لما نملاه ميه..
**واحد بلدياتنا ركب سيارة مرسيدس حديثه فتح الراديو لقي المذيعه بتقول هنا لندن راح قايل يلعن ابو السرعة..
**واحد بلديتنا سافر بره بعتوله برقيه(( ارجع فورا يوجد امر خطير)) .. رجع على اول طياره قابل اخوه الكبير فى المطار تعبان وحالته حاله ودقنه طويله قاله في ايه طمنى ابويا جراله حاجه راح مطبطب عليه وخده فى حضنه وركبوا العربيه .. لقا اخوه الثاني في العربية تعبان وحالته حاله ودقنه طويله قاله فى ايه طمني ابويا جراله حاجه راح مطبطب عليه وخده فى حضنه .. سافروا لقا اخوه الثالث على باب البيت تعبان وحالته حاله ودقنه طويله قاله في ايه طمني ابويا جراله حاجه راح مطبطب عليه وخده فى حضنه .. دخل على ابوه فى السرير لقاه نايم وتعبان وحالته حاله ودقنه طويله قاله في ايه طمني يا ابويه انت كويس رد علي؟ راح ابوه قاله يا حسنين وديت ماكينه الحلاقه فين؟؟؟!!
**واحد بلدياتنا دخل بار، فقعد جنب جيمس بوند، فقال له: عايزين نتعرف، اسم الكريم إيه؟ قال له: (بوند, جيمس بوند)..أند يو؟ رد عليه بلدياتنا و قال له: (دان, حمدان) ..
**مرة واحد بلدياتنا دخل مطعم بيتزا الرجل جابلة البيتزا قاله تحب نقطعها على 8 قطع ولا 16 قطعة.. قاله لا قطع 8علشان ما
اقدرش اكل ال 16..
**واحد معدي لقى ناس بتهيص قوي قالهم فية ايه .. قالوله فى واحد بلدياتناعايز ينط من سطح العمارة .. قالهم خلاص انا طالعله .. وطلعله وقاله عايز تنتحر لية؟؟؟
بلدياتنا قاله اصل انا غبي وكل الناس بتقول علي غبي ..
راح الراجل قايله هاقولك فزوره لو حلتها ماتبقاش غبي..
حاجة اسمها زى شكلها.. بلدياتنا : ماخابرش .. الراجل:البيضة ..
اقولك واحدة تانية حاجتين اسمهم زي شكلهم .. بلدياتنا :ماخبرش ..
الراجل: بيضتين .. طب اقولك واحدة تانية بسيطه و سهله حاجة كبيرة وسودة وبتجيب لبن واسمها جموسة .. بلدياتنا: 3 بيضات راح الراجل ماسكه وراميه..
**واحد بلدياتنا دخل السينما فوجد يافطة مكتوب عليها ممنوع الدخول لأقل من 16 رّوح البلد وجاب 15 نفر وجه ..
**مرة الجماعة بلدياتناعملوا اجتماع يناقشوا فيه تأخرهم العلمي. فقام واحد بيقول : أمريكا طلعت القمر قبلنا واحنا قاعدين قام رد عليه واحد: خلاص احنا لازم نطلع الشمس. فقالوا: احنا كدة هنسيح رد عليه: يا غبي احنا هانطلعها بالليل..
** تلغراف جه لهريدى من البلد مكتوب فيه: مراتك خلفت
والجاموسة خلفت احضر فورا للتعرف على المولود..
**مرة اثنين بلدياتنا بيلعبوا شطرنج الملك مات بالسكتة القلبية ..
**واحد بلدياتنا بيلف علي اكشاك السجاير يقول للبياع بتعرف تتكلم انجليزي يقوله البياع لا يروح لغيره ويكون نفس السؤال ونفس الاجابة لغاية اما وصل للكشك الاخير قاله بتعرف تتكلم انجليزي قاله ايوا قاله كويس قوي اديني علبة مارلبورو..
**واحد بلدينا حداد مراته حامل الدكتور قالها ما اتكتريش من شرب الميه علشان القفل الي في بطنك مايصديش
رد مع اقتباس
المفضلات