ملاحظه للاداره مع الشكر

[بابكر]

الاخوان بادارة المنتدى 000السلام عليكم ورحمة الله

لكم الشكر على المجهود المقدر لاخراج المنتدى بالصوره الرائعه 0000


ولكن لى ملاحظة 0 00

الالوان المستخدمه فى تصميم المنتدى ليست قويه (( باهته ) 00ياليت لو كانت الالوان قويه تنبض بالحياة00

لكم الشكر مجددا على المجهود المقدر00

[غابةالابنوس]

امك العجائز ظهروا

شنو يا عجايز التنظيرات دي ده اكيد ضعف النظر والكبر حصل لانو لون المنتدى الحالي لون جميل جدا ولافت للنظر وهادئ ومريح جدا جدا للعيون ومتناسق مع الوان الخطوط

كده اكتشفنا واحد عجوز معانا في المنتدى يلا مين يزود

[عزيز عيسى]

الالوان جميلة.. والحمدلله أنا شايف كويس وزي الترتيب..

لكن عمكم بابكر دا باين عليه بيحتاج انو يراجع دكتور العيون..

كدى يا غابة الابنوس اسأل عمنا ابوالمهتدي وباقي الجلاكين..

لو قالوا شايفين بنكون عرفنا السبب..

والمشكلة بتكون اتحلت..

ودي،

عزيز

[مصباحيه]

انا مع الاخوان اللون جميل وهادى مع احترامى لراى عم بابكر لكن فى نظرى ما فى احلى من كده بالرقم من انى بلبس نظارة نظر ولكن اللون جميل

[بابكر]

00ياليت لو كانت الالوان قويه تنبض بالحياة00
الاخوان الاعزاء
غابة الابنوس
وعزيز العجوز
نهله حيدر
اولا انا راجل فنان وبعرف جيدا ما اقول والحكايه مش موضوع مجاملات 00 انا يهمنى جمال المنتدى واريده ان يكون جميلا جدا بل منافس للمنتديات الاخرىوانا والحمد لله نظرى ممتاز وحسى الفنى لا اشك فيه وفى النهايه انه رأى ووجهة نظر ليس الا
مع احترامى للجميع

[عشوشه]

الاخوه فى المنتدى
والله انا معاك يا بابكر بالجد ما بقدر استمتع بالقراءه فى المنتدى لانو بالجد بطشش
للعلم انا ما بلبس نظاره ولا اشكو من اى عله فى البصر بس اللون شكلوا باهت
الاخوه يا من ترون انه واضح
متعكم الله بمتعة النظر
ودمتم سالمين

[admin]

ان شاءالله سيكون هنالك تصميم جديد مع بداية شهر رمضان الكريم .. واعدكم بعد عيدالفطر المبارك ان شاءالله سيكون بمقداركم اختيار التصميم الذي يناسبكم من مجموعة من التصاميم المختارة والمعدلة بعناية حتى تتناسب مع الجميع

[admin]

لقد تم اضافة خاصية اختيار التصميم المناسب وتجدون دائما في اخر كل صفحة ثلاثة تصاميم رمضانية يمكنكم الاختيار بينها حتى تتناسب وقدراتكم البصرية ومتطلباتكم الجمالية

[بابكر]

الابنه الرائعه عشوشه لك الشكر على رايك الشجاع

الاخ ادمين لك الحب
فأنت رجل مبدع حقا شكرا لك مجددا0000

[عشوشه]

الاخوه فى المنتدى
الاخ الادمن مشكور كم انت رائع كده بقدر اختار الاستايل اليناسبنى
ودمتم لنا
و

[Mr Lonely]

عمنا بابكر والله اللوان المنتدى اكتر من رائعه بس دي كانت وجهة نضرك ونحنا بنحترما
وشكرا ليك كتير يا ادمن والله يديك العافيه
والموقع ما شاء الله ربنا يوفقك كمان وكمان
اخوكم
Mr Lonely

[التيمان]

امك العجائز ظهروا

شنو يا عجايز التنظيرات دي ده اكيد ضعف النظر والكبر حصل لانو لون المنتدى الحالي لون جميل جدا ولافت للنظر وهادئ ومريح جدا جدا للعيون ومتناسق مع الوان الخطوط

كده اكتشفنا واحد عجوز معانا في المنتدى يلا مين يزود

تهىء تهىء

[ياسر يوسف احمد]

الالوان زاهية وحلوة ونحن نسبح دائما فى معاني المواضيع
لاننا نشم فيها رائحة نيم مدرسة النهر الابتدائية والنيل والاميرية
والجامع الكبير .. مشتاق مشتاق لمدني
طولت من مدني وخلوني احلم اننى فى الموقف وداير اتسوق بطيخ وبرتقال
وموز وتمر على سوق السمك .. وامشي كداري كداري وتاني كداري من حبيب الله الى النشيشيبة
واكون ماشي زي درب الدابي الف يمين و شمال واتمني ان تكون عضويتي في المنتدي اكتملت فانا من قلب مدني
مولدا ونشاة .. وتحياتي الى كل مدني واهل مدني واسرتي الكريمة واخواني والجميع