هاااااااااااااااااام ارجو الدخوول

[المستشار]

الاخوه الاعزاااء :-
والله عندى سوال محيرنى وحاب اعرف ليهو اجابة وحاصة ناس مدنى ..

هسى عليكم الله ورونى الشى اللى يخليكم مكتولين فى مدنى دى شنووو:-
مدنى دى كانت زمااان ..اما حاليا انا بعتقد ما فيها اى شى ..

والدليل على كلامى ده واحد منك حاليا داخل مدنى مااافى ولا حتى انا شخصيا
على الرقم من جزورى واهلى وموطنى ونشاتى وحياتى كلها كانت فى مدنى .

ياريت كل واحد يدخل ويوضح لينا وجهت نظرو فى مدنى دى شنو ...
وشنو بتعنى ليهو مدنى ...

ارجووو المشاركة من الجميع .....وانا فى انتظار ردودكم ...؟؟

[الامين]

بسم الله الرحمن الرحيم

أخي المستشار ...

كأنك تسألني ماذا يعني صغار العصفور عند العصفور ...

انت تسأل عن مكان استنشقت فيه هواء الخير والطيبة والاصالة .. عن مكان اوصلك الى هذه الدرجة .. عن مكان اعطاك وطنا واهداك سكنا ...
مدني ياسيدي بتعني لي انا عن شخصي الكتير بالرغم من بعدي عنها الا انها مهما تلونت مع الايام .. واتغيرت واتبدلت فهي مازالت ولاتزال المكان الذي احلم بالعيش فيها مادامت الحياة الا ان يشاء الله .. انا معاك مدني يمكن اتغيرت في الشكل لكن لاتزال تحمل في عمقها الجمال والثقافة والابداع والرقي الذي تتميز بها عن باقي ولايات ومدن السودان ....

انا طبعا حفيد ودمدني السني ..... وماتقول متحيز .... لكن ..... لو سألت غيري حايجاوبوك كتير ...

ويامستشار .... انا حأسألك بتحب مدني ولا لا ....

[خالد هاشم علي]

أخي المستشار...
لك التحية ومرحب بيك وبي مشاركاتك في موقع ودمدني... وكل سنة وانت طيب.
بس حبيت اعرف معني سؤالك بالضبط..( المخليكم مقتولين في مدني دي كده شنو؟؟؟ )فهل ياتري انت داير تعرف انطباعات الناس عن مدني ومكانتها عندهم ولا انت مستكتر انو الناس تكون مكتولة في مدني؟؟؟ لانو الاجابة علي التساؤل بتاعك يختلف في الحالتين.
وفي الحالتين نحن جاهزين للرد بس ياريت لو توضح لينا انت قاصد ياتو سؤال عشان نكون فاهمين كويس قبل مانرد.
ولك كل التحية والاشواق

[sambaaa]

أخي المستشار...
لك التحية ومرحب بيك وبي مشاركاتك في موقع ودمدني... وكل سنة وانت طيب.
بس حبيت اعرف معني سؤالك بالضبط..( المخليكم مقتولين في مدني دي كده شنو؟؟؟ )فهل ياتري انت داير تعرف انطباعات الناس عن مدني ومكانتها عندهم ولا انت مستكتر انو الناس تكون مكتولة في مدني؟؟؟ لانو الاجابة علي التساؤل بتاعك يختلف في الحالتين.
وفي الحالتين نحن جاهزين للرد بس ياريت لو توضح لينا انت قاصد ياتو سؤال عشان نكون فاهمين كويس قبل مانرد.
ولك كل التحية والاشواق

*************************

[مكتول مدنى]

والله يا مستشار مدنى دى امى فى زول ما بحب امه وبعدين الواحد بكون موجود جنب امه ما يشتاق ليها لكن اول ما تبعد عنها تفرق معاه ويتمنى يخلي اى شى ويرجع وبعدين انت لما احساسك عادى دخلتا هنا لى فى المنتدى دة ما كان تمش الراكوبة ولا المشاهير لو داير الونسة
ان شاء الله ماتزعل من كلامى دة لكن انا مارضيت تقول مدنى دى ما فيها شئ وفى النهاية حتى لو كنت مابتحب مدنى انت محسوب منها وفيها فهل دى فضيحة
مككتووووووووووووووووووول مدنى

[الزبير محمد عبدالفضيل]

عزيزي المستشار السلام عليكم ورحمة الله وبركاته

(((( الرد علي سؤالك ))))


مدينة ودمدني هي المدينه الثانيه في السودان وهي طبعا تمثل اقتصاد السودان الزراعي والحيواني

مدني كل اهل السوداني مغرمون بحبها واي شخص زار او نزل بمدني حبها وعشقها وسكن حبها في قلبه ليس في لسانه . ياتري ما السبب


السبب جمال مدني حلاوة اهلها طيب ناسها مجاملة اهلها في السراء
والضراء مساعدة بعضهم لبعض

مدني هي العلم وهي النور ومصدر العلم للعلماء والتجاره مدني هي منشأ

منارة العلم للدكاتره والاساتذه وكبار الوزراء وكبار الجنرالات من العسكرين
والفنانيين والفنييين والعلماء وطلبة العلم والسياسيين مدني هي قلب السودان مدني هي السودان مدني مصدر الرجال المهتمين بلم شمل السودان


مدني هي التايه وهي الشايه وهي الوطن والممزج الطين والتراب والماء

والهواء مدني فيها سحر وسحر قوي نابع من جمالها ومن جمال اهلها

مدني الحب مدني الجمال مدني العز مدني الروح مدني الجسد مدني الكيان

ونا من عشاااااااااااااااااااااااااااااااااااااااااااااااا اااااااااااااااااااق مدني

وكل سنه بذهب لمدني عشان اشتنشق رائحة التراب الممزوج برائحه اهل
مدني الطيييبن


مدني هي الام وهي الاب وهي الجد وهي الحبوبه مدني هي الاهل والاقاب وكل الناس مدني هي مدينة العلم للشيخ العلامه ودمدني السني

ويا مستشاااااااااااااااااااااااااااررررر ودمدني ليس كمدن السودان الباقيه

ودمدني تختلف 180 درجه عن بقيه مدن السودان ونت من عشاق مدني


بصراحه انا من مجاااااااااااااااااااااااااااااااانيين ودمدني

[أبوريلان]

مدنى غير



المستشار شكلك كدا بتحب مدنى حتى النخاع وداير تجس نبط المساكين


إنت بتحب أمك ؟ طيب إغتربت ليه !!! وبعدت عنها ؟؟؟؟؟

[ود مارنجان]

عزيزى المستشار

مدنى العلم والثقافة والفن والرياضه
مدنى السودان كله
ومدنى مهما رحنا لاى مكان سوف تظل مدنى فى قلوبنا ولا يمكن تتنسى مهما تغيرت
ونحن من عشاق مدنى الجزيرة
وانا متأكد من انك بتحب مدنى وبمشاركتك هذه تود بان تختبر حب اهل مدنى لها

[ياسر فقيري]

أخي تحياتي ..
نحن لا نعرف لماذا نحب أمهاتنا وآبائنا .. ولكن نعي تماماً قول الشاعر ..

لقد ثبتت في القلب منك محبة **///*** كما ثبتت في الراحتين الأصابع

هذا هو الشيء الذي يجعلنا نموووووووووت في مدني

[مزوني]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لووووووووووووووووووووووووووووول

يا أخوي المستشار انت جادي في كلامك دا؟؟

والله أتمنى من قلبي انك تكون بتهظر؟؟؟

لأنو بالجد كدا كلام ما منطقي خالص

وبعدين مدني هي أي نعم ما زي زمان وانا واحد من الناس ما بكذب عليك

مدني عرفتها بالتحديد يوم 2/7/1999 يعني عرفتها تقريبا بعد ما انتهت بمعنى كلامك صاااااااااااح؟؟!!!

لكن الا الليله هي حبي الأساسي وهي نفسي وروحي وحياتي وبعدين مدني وناس مدني وشوارع مدني

وكل حته في مدني ليها عندي ذكرى خاصه وأزيدك من الشعر البيت انا عمري في مدني بالضيط كدا يا حبيب يا غالي

خمس سنوات وتسعة أشهر وحاليا انا بره مدني وللأسف لي ظروف الدراسه لكن برجع انشاءالله وكان

أبيع فيها قفة خضار لأنها في النهايه ود مدني

يا ليت لو تراجع كلامك حبيبي وأتمنى أكتر وأكتر لو انك بتهزر

وانا شاكر ليك يا حبيب

[الامين]

أها ..... يدوك تاني ولا كفاك .....

هوي يازول ...........أعمل حسابك ... أبقى مارق لي بره ....

(ههههههههههههههههههههههههههههههه)
اخي الحبيب المستشار .. أنفردت بيهو على جنبة .. وضح لي انو لم يقصد ذلك .... وهو حقيقة من عشاق مدني .. بس هو حب يجرب حبكم ليها ....................... ( برضو طلع شفت ) ول شنو

[الزبير محمد عبدالفضيل]

حبكككككككككككككككككككككككككككككككككككككككككككككككك كككككككككككككككككككككككككككككككككككككككككككك
مووووووووووووووووووووووووووووووووووووووووووووووووو وووووووووووووووووووتتتت
يااااااااااااااااااااااااااااااااااااااااااااااااا اااااااااااااااااااااااااااااامممممممممممممممممممم ممممممددددددددددني


أنتي عممممممممممممممممممممممممممممممممممممممممممممممممم ممممممممممممممممممممممممرررري

[المستشار]

الاخوة الاعضاء والافاضل ...

طبعا انا سعيد جدا جدا بى مشاركاتكم وردودكم ...وحقيقة خان التعبير لكى اوضح لكم عما هو فى دواخلى من حب وحنين لى وطنى مدنى الجميلة ..

وانا فى اعتقادى الشخصى ويتضح لى من ردودكم انكم بتحبوووو مدنى مووووووت

بس نسيتو اهم حاجة ....انكم ما بتحبوها قدرى ...لان مدنى هى الهواء الذى استنشقه ومن غيره مستحيل اقدر اعيش ...

وولولا الظروف ما كنت طلعت منها ...
وايضا عجز لسان وتلاشت الكلمات منى على ان اشكركم على التوضيح ...وده زى ما بقولو كان مجرد جس نبض ...او بالاحرى حبيت اعرف مدى حبكم لمدنى ....وقبل ما اطرح سوالى كنت واثق من ردودكم ومتاكد فى نفس الوقت ..

لكم من كل التحية والاحترام والتقدير ...
ولكن زى ما زكرو بعض الاخوة قد حصل تغير فى مدنى ...ولكن بوجودكم انشا الله ترجع مدنى زى ما كانت ...ودى كلها فقرة محدوده ونرجع تانى لى وطنااا الغالى ودمـــــــــــدنى ......

واسمح لى اذا على التااخير على ردوكم ولكنى قصدت الشى ده علشان كل الاخوة والاعضاء يشاركو ويعطونا ارائهم ..؟؟

واتمنى من الجميع ان يستمر الحوار حول مدينة ود مدنى .....الجميلة

وتسلمووووووو ......