استحملتك آهة وعبرة
وصبرت عليك يمكن تتغير ..
ولهفي عليك خلاك تتعالي
ومارعيت الشوق الأكتر
خفت تطير يا بلبل حلمي
تسيبني وراك الله لا قدر ..
حافظت عليك رغم القاسيتو
وصبرت عليك قلت بتغيير
***
كتير فكرت أهاجر منك
وأسيب الدرب الفيهو بقاسي ..
كتير حاولت أفوت لو أقدر
لقيت أيامي بتبقي ماّسي ..
كنت أتمني أنساك وارتاح
زى ما إنت هناك متناسي ..
ضعفت وأصبح فقدك موت
لقيتك ساكن في إحساسي
وفجأة قليبي الحاني أتجرأ
وهرب الحن الفيهو وسابك
والأشواق الكانت هايمة
رفضت تمشي تدق علي بابك ..
بس لكنك ما صدقت
وجيت لو تسال عن أحبابك
أصبح بيني وبينك حاجز
خلاص ارتحت وسابني عذابك