ومدني ايضا تحتاج الى التغيير

[الامين]

بسم الله الرحمن الرحيم

مدني المدينة الاميز بين مدن السودان .... تحتاج الى صنفرة

ولا شنو ياجماعة

انا غايتو لي زمن منها ... لكن خليتها عايزة شوية شغل ....

صح ولا لا ...

[سوار الياسمين]

تحيااااااااتي لأخي الأمين

والله مدني من ناحية التصليحات فهي كثيييييييييييرة لكن في السنوات القليلة الفاتت لاحظت انه مدني ماشة لقدام

وانت كان على بطء لكن نحمد الله على التحرك واذا عايز تشوف مدني في احسن حال يكون لما الناااااااااااس الكبيييييييرة

طبطل لهف وسفسفت الميزانية الموضوعة ((عشان مدن يتكون في احسن حال))

ودمتى

[saly]

الاخ الامين

ازيك اول شي

بعدين مدني تحتاج لصنفره من اي نوع ومن اي ناحيه

عمران ... بنايات ... نظافه

انا مدني كنت فيها شهر 8 وفي احسن ما يكون لقيتها

طبعا مقارنه بالسنوات المشت

والسؤال البيطح نفسو اسه

منو البيدي مدني دفعه للامام عشان تتطور و تتقدم...؟؟؟

اولادو المغتربين العندهم قروش ده اذا هم استفادو من الاغتراب شي غير الشلهته ...

وجو راجعين يادوب الواحد يقدر يشتري ليهو بيت مع انو البيوت في السماء ...

او ناس مدني الموجودين فيها ... اي زول في روحي و في معيشتو ... ويادوب اي زول

علي قدر استطاعتو ..

ولا الحكومه ... غايتو من شارع النيل غيرو ما شايفه شي عملتو وصلحتو وبقي واجهه لمدني

تاني في رايك انت شخصيا

الاسباب الممكن تدفعها للامام شنو؟؟؟؟

[أبوبكرحامد]

فلنتكاتف لتعمير عروس المدائن ، ونرجو مدنا بالمقترحات والأفكار ، تشكر الأمين على هذا الإنفعال بقضايا مدنى.

[الامين]

بسم الله الرحمن الرحيم
والصلاة والسلام على خير خلق الله أجمعين سيدنا محمد عليه افضل الصلوات واتم التسليم


اشكركم اخوتي واخواتي الكرام على مناقشة وجهة النظر .. وبناء على ذلك نسوق الامر الى المراقبين والاداريين في هذا المنتدى لتكون بادرة غير مسبوقة للم شمل المغتربين من ابناء المدينة حول العالم ونقوم على ترجمة اقوالنا وحبنا لهذه المدينة بشكل واقعي .

الموضوع مطروح للكل واتمنى ان تجد مكانا للاستماع والمناقشة العامة في كل المنتدى

[خالد هاشم علي]

يسلم فمك اخوي الأمين ومدني فعلا محتاجة للتكاتف ده ... وقد كتب زميلنا العضو الزمن المريح بوست بعنوان ( هل من مجيب ) تطرق لنفس الموضوع لذلك اقترح علي الإدارة ضم هذا البوست مع البوست السابق ( للزمن المريح) حتي تعم الفائدة حيث أن هناك مشاركات كثيرة في البوست السابق كما توجد بعض المقترحات بالبوست... حتي يتسني لنا الخروج برؤية واضحة تساعد في تطوير معشوقتنا الغالية ودمدني

[الامين]

بسم الله الرحمن الرحيم

اخي الكريم / خالد

تسلم يارائع

مرة أخرى نجدد القول .. ونجدد الدعوة للمشرفين والاداريين والمراقبين والاعضاء والضيوف

[سواااح]

الموضوع يحتاج للوقفة من الجميع
مواطنين .. اداريين .. تنفيذين .. وكل ابناء ود مدني

مشكور يا امين