يااهل المنتدى .. بطلوا العنصرية

[الامين]

بسم الله الرحمن الرحيم

الاهل الكرام / أهل المنتدى

اداريين ومشرفين واعضاء مميزين وفاعلين وكل المقصورة الفخرية لاهل المنتدى .......


وبصراااااااااااااااااااحة كدة ... انا عاتب عليكم شديد جدا .. وبعتبرها ده نوع من الـتمييز الادبي ... وبالطبع نجزل كثير احتراماتنا لاسهامات القدماء الذين أسسوا وتعبوا وعملوا جاهدين لاخراج المنتدى بهذه الصورة الفذة والتي تجعلنا نفخر بمدني واهلها ...

الملاحظة هي :

ملاحظ انو الاسماء الكبرى في المنتدى هي التي ترد على بعضها وهم الذين يتبادلون التبريكات والتهانئي " والمشاغلات " وبدون مبالغة لو ( كحَ زول فيهم كحة صغيرة ) بتلاقي تحتو مليون كفارة وكفارة ليك ياملك وربنا يشفيك ياسيد المنتدى وانتا اكبر زول واحنا من غيرك سلطة ( هههههههههههههه) وفي ملحوظة أخرى نشوف واحد يغيب عن المنتدى اسبوع من المشرفين ويجي يكتب موضوع جديد مكون من كلمتين و 6 كلمات اخرى اضافية ( أنا عدت بعد مدة طويلة اليكم ) تلقى تحتو الجماعة ورا بعض وبالترتيب من المدير ( الراس الكبيرة ) لغاية أصغر عضوة " من بنات المنتدى " الظريفات طبعا والاخوات التي احترمهن ( ههههههههه) بيقولوا يازعيم مرحب العودة التاني .. وبعد شوية الحفلة تدور .. تسمع خالد الصحافة وشوية ود الامين وكانو عملو ليهو حفلة وزعوا فيها العشا عديل كدة (هههههههه) .

وفي وجه أخر : نجي نحن المستجدين الدايشين ديل ... الواحد لو طقشوا قندراني مافي زول يقول ليهو مالك ... نكتب ونكتب ونكورك وندخل روحنا وسط الردود ونتشقلب وندردق وسط الناس وننطط قدامهم .. مافي زول داك يقول لينا انتا منو .. تكتب موضوع عن قضية وتكون فرحان انو انت بتعكس في قضية ملحة ... وتجي بكرة تفتح موقع مدني وتخش على المنتديات والابتسامة على شفايفك منتظر تشوف على الاقل 10 ردود واذا بالصفر يلوح في الافق... لاردود ...فيرتد الطرف خاسئا وهو حسير .... لكن تجي مرات والحق يقال تشفي غليلك برد تلاتة من الناس الطيبين الله يديهم العافية والمتواضعين طبعا وهم بلاذكر اسماء يسعدوننا كثيرا....

وقفة ملحة ومهمة جدا .....
لماذا نتكتل .. ونحن نعلم تمام العلم ان هذا العالم الافتراضي هو قرية للتفاعل ومحطة للتلاقي وتبادل الاراء وتلاقح الافكار لماذا نفرض وسط عالم الحريات الفكرية والتلاقي في تبادل الثقافات والاراء لماذا نفرض وسط كل هذا " سودانيتنا الظاهرة في التكتل والانحياز .. لماذا لانشرع سفننا للابحار في محيطات التعار فنستفيد ونفيد لماذا لانعطي الفرصة للصغير قبل الكبير حتى يتعلم وحتى ينضج كما (تظنون) لماذا نقول أن المشاركة بالقدم .. لا.. المشاركة بتميز الافكار ورواج الاراء التميز ليس قدما في الوجود انما التميز هو حداثة في التناول وتجدد في التقييم وابداع متغير .. دعونا من أفكار الجيش القديمة التي مازالت الانظمة السياسية والاجتماعية والثقافية في السودن ترزح تحت وطأتها كثيرا .. الرتابة والقدم والرجوع الى الوراء بسرعة التاريخ القمرية .. تلك السرعة التي اتعبتنا كثيرا في السودان ... حتى في أخذنا للتكنولجيا اصبحنا نحب العنصرية ... نعرف من نعرف ولانريد ان نعرف أكثر ممن نعرف ....

اخواني الاداريين والمشرفين وكل الاعضاء بكافة الرتب والقيادات السياسية والثقافية والتنفيذية في دولة منتدى ودمدني .....

صوت حب واجلال وتقدير يفسر غيرتي على المنتدى وحرصي الشديد على ظهوره بأبرع الصور والحلل :
أرجوكم .... وبالله عليكم
لانريد ان نكرر المسألة مثل التي نراها من خلال مأساة الصراع السياسي القديم في السودان ( قادة قدماء بأفكار قديمة ورموز سياسية تعبث بكيان الوطن ) .
لاجديد ... لاجديد
لاجديد .. لاجديد
فاين مكانكم من العالم
يااهلي الكرام

اعتذاراتي
وسأحتجب عذرا ... حتى اسمع ردودكم جميعا

[الامين]

بسم الله الرحمن الرحيم

الاهل الكرام / أهل المنتدى

اداريين ومشرفين واعضاء مميزين وفاعلين وكل المقصورة الفخرية لاهل المنتدى .......


وبصراااااااااااااااااااحة كدة ... انا عاتب عليكم شديد جدا .. وبعتبرها ده نوع من الـتمييز الادبي ... وبالطبع نجزل كثير احتراماتنا لاسهامات القدماء الذين أسسوا وتعبوا وعملوا جاهدين لاخراج المنتدى بهذه الصورة الفذة والتي تجعلنا نفخر بمدني واهلها ...

الملاحظة هي :

ملاحظ انو الاسماء الكبرى في المنتدى هي التي ترد على بعضها وهم الذين يتبادلون التبريكات والتهانئي " والمشاغلات " وبدون مبالغة لو ( كحَ زول فيهم كحة صغيرة ) بتلاقي تحتو مليون كفارة وكفارة ليك ياملك وربنا يشفيك ياسيد المنتدى وانتا اكبر زول واحنا من غيرك سلطة ( هههههههههههههه) وفي ملحوظة أخرى نشوف واحد يغيب عن المنتدى اسبوع من المشرفين ويجي يكتب موضوع جديد مكون من كلمتين و 6 كلمات اخرى اضافية ( أنا عدت بعد مدة طويلة اليكم ) تلقى تحتو الجماعة ورا بعض وبالترتيب من المدير ( الراس الكبيرة ) لغاية أصغر عضوة " من بنات المنتدى " الظريفات طبعا والاخوات التي احترمهن ( ههههههههه) بيقولوا يازعيم مرحب العودة التاني .. وبعد شوية الحفلة تدور .. تسمع خالد الصحافة وشوية ود الامين وكانو عملو ليهو حفلة وزعوا فيها العشا عديل كدة (هههههههه) .

وفي وجه أخر : نجي نحن المستجدين الدايشين ديل ... الواحد لو طقشوا قندراني مافي زول يقول ليهو مالك ... نكتب ونكتب ونكورك وندخل روحنا وسط الردود ونتشقلب وندردق وسط الناس وننطط قدامهم .. مافي زول داك يقول لينا انتا منو .. تكتب موضوع عن قضية وتكون فرحان انو انت بتعكس في قضية ملحة ... وتجي بكرة تفتح موقع مدني وتخش على المنتديات والابتسامة على شفايفك منتظر تشوف على الاقل 10 ردود واذا بالصفر يلوح في الافق... لاردود ...فيرتد الطرف خاسئا وهو حسير .... لكن تجي مرات والحق يقال تشفي غليلك برد تلاتة من الناس الطيبين الله يديهم العافية والمتواضعين طبعا وهم بلاذكر اسماء يسعدوننا كثيرا....

وقفة ملحة ومهمة جدا .....
لماذا نتكتل .. ونحن نعلم تمام العلم ان هذا العالم الافتراضي هو قرية للتفاعل ومحطة للتلاقي وتبادل الاراء وتلاقح الافكار لماذا نفرض وسط عالم الحريات الفكرية والتلاقي في تبادل الثقافات والاراء لماذا نفرض وسط كل هذا " سودانيتنا الظاهرة في التكتل والانحياز .. لماذا لانشرع سفننا للابحار في محيطات التعار فنستفيد ونفيد لماذا لانعطي الفرصة للصغير قبل الكبير حتى يتعلم وحتى ينضج كما (تظنون) لماذا نقول أن المشاركة بالقدم .. لا.. المشاركة بتميز الافكار ورواج الاراء التميز ليس قدما في الوجود انما التميز هو حداثة في التناول وتجدد في التقييم وابداع متغير .. دعونا من أفكار الجيش القديمة التي مازالت الانظمة السياسية والاجتماعية والثقافية في السودن ترزح تحت وطأتها كثيرا .. الرتابة والقدم والرجوع الى الوراء بسرعة التاريخ القمرية .. تلك السرعة التي اتعبتنا كثيرا في السودان ... حتى في أخذنا للتكنولجيا اصبحنا نحب العنصرية ... نعرف من نعرف ولانريد ان نعرف أكثر ممن نعرف ....

اخواني الاداريين والمشرفين وكل الاعضاء بكافة الرتب والقيادات السياسية والثقافية والتنفيذية في دولة منتدى ودمدني .....

صوت حب واجلال وتقدير يفسر غيرتي على المنتدى وحرصي الشديد على ظهوره بأبرع الصور والحلل :
أرجوكم .... وبالله عليكم
لانريد ان نكرر المسألة مثل التي نراها من خلال مأساة الصراع السياسي القديم في السودان ( قادة قدماء بأفكار قديمة ورموز سياسية تعبث بكيان الوطن ) .
لاجديد ... لاجديد
لاجديد .. لاجديد
فاين مكانكم من العالم
يااهلي الكرام

اعتذاراتي
وسأحتجب عذرا ... حتى اسمع ردودكم جميعا

[المستشار]

بسم الله الرحمن الرحيم

الاخوه والاخوات الاعضاء الاعزاء

صراحة انا شايف انو الاخ الامين عندوو حق فى اى كلمه قالها ...وفعلا ده الشى الحاصل فى المنتدى ...وما كنت متوقع يحصل مثل هذا الشى فى يوم من الايام وخاصهبعد الترحيب الزى يعكس صورة حسنة لى اعضاء المنتدى ...ولكن

وجدت نفسى تايه فى المنتدى وكل الموجدين على حد علمى لهم علاقه وطيده مع بعضهم البعض ولا اقصد من بعضهم هذة الجميع ...ولكن الذين يعرفون بعض باختصار

وده شى سلبى بنعكس على المنتدى وعلى الاعضاء ...؟ وكونو الواحد اجى واتعب ويكتب موضوع وما الاقى تعبير ولا حتى وجه نظر ولا اى شى من هذا القبيل ...فا هنا تمل المشكلة حيث ينكعس هذا التعامل على الشخص اللى يجتهد ويساهم ويشارك فى المنتدى بانطباع سى مما يجعل البعض يتركون المنتدى ويندم على انو اعتبر هذا المنتدى الذى يمثل جسد واحد من خلاله تتواصل الافكار والمواضيع ..فا اعتقد انا شخصيا لما اشارك وما الاقى حد يقدر المشاركه دى فابالتالى انا بدورى حاسحب من المنتدى ...مما يجعل البعض يفعلون مثل ما فعلت انا ...؟؟

ودى حقيقة حاصلة داخل المنتدى ....بالله عليكم هذا التعامل وهذا الخواء الذى نراه امام اعيننا ماذا يمثل ...انا سالتكم سوال واتمنى الرد على هذا السوال ...؟؟

واكرر اين انتم ...اين اسرة منتدى ود مدنى ...اين ...اين ...؟؟

وانا فى انظار ردودكم وتوضحيكم وتعليقكم على هذا الموضوع ...؟؟

وتقبلو منى جزيل الشكر والاحترام والتقدير لى اى شخص داخل المنتدى ....والسلام ....؟؟

[الامين]

بسم الله الرحمن الرحيم

أخي المستشار

أشكرك وانت تشاركني الهم الواحد في حب هولاء الذين يريدون ان يظلمونا ببعدهم عنا .... وانا متأكد انو بكرة حانشوف ردود الناس كلها حول هذا الموضوع وأكيد حايتغير المنتدى ويكتروا الناس لانو دائرة التعارف حاتتسع للناس كلها ..وبالتأكيد نحن كلنا ناس مدني همنا واحد بل كل السودانيين في العالم أجمع ممن يدخلون الى مدني ويريدون ان يشاركونا بل نشاركهم نحن وليس يشاركونا هم لاننا اسرة واحدة .. هم واحد .. قلب واحد .... وماداير بعد ده اقلبها ( شعب عربي واحد .. شعب عربي واحد ....)

تحت ستار الاحتجاب
الامين

[سواااح]

ربما يكون معك الحق في كل ما ذكرته ، ولكن دعنا لا ننسي ان هناك اشخاص موجودين من فترة مبكرة في المنتديات ، ولهم اسهاماتهم النشطة والواضحة ، وبالتالي هم لانهم الاقدم تجد انهم نشات بينهم نوع من الصلات وربما تكون وصلت بين البعض الي حدود الصداقة ، وهذا لا يعني ان تصبح المنتديات مراكز للتكتلات والدوائر المغلقة ، ولكن فلتكن هذه دعوة بان يمد ( السناير ) كما يقولون ايديهم الي الجدد ويشدوا من ازرهم ويتفقد بعضهم بعضا ، ويشجع الجميع اصحاب المواهب الشابة الواعدة في كل المجالات ، فالمنتديات تبقي ساحات للتواصل والعطاء ، ارجع ايها الامين فليس هناك ما يستحق وكما اسلفت انت في الذكر فان هناك قلة بدون ذكر الاسماء يكفينا وجودها.

[سواااح]

لا تدع صدرك يضيق بهذا الامر ، وواصل عطاءك ونحن نشد ايدي بعضنا بعضا ، وفي الاخر لابد ان يسع صدر الجميع للنقد ، فالهدف واضح ان يبقي الكل تحت مظلة الاخوة والصداقة والالفة.

[خالد هاشم علي]

أخي الأمين ...لك التحية والتقدير والإحترام... إزيك يازول وكيفنك قريت موضوعك بي اهتمام شديد وكمان قريت ردود الأخوان في البوست وأنا بأيد جزء من كلامك وبحيك علي غيرتك علي المنتدي وانا متأكد انك كتبت الكلام ده من حرصك علي العلاقات بين الاعضاء في المنتدي...بس حبيت اوضح ليك حاجة ..القصة ماحكاية سناير ولا جناير ولا غيرو بس مع كترة المشاركات بتلقي في إلفة حصلت بين الناس وخصوصا لمن يكون موضوع بتاع ونسة وكده زي ( دكان ود الصول) في منتدي ودمدنيات موضع زي ده لمن تدخل عليهو بتلقي الونسة وده يدخل وده يرد ويعلق وتبقي الحكاية معرفة ...تصدق يالأمين انا عندي ناس في المنتدي ده عمري ماشفتهم وحتي الشفتو منهم فمن خلال الصور وبس لكن بقت بينا إلفة وعشرة وبقينا نسأل عن بعض حتي في التلفون وسعينا لأن نطور العلاقة بيناتنا وحاولنا نتلاقي فعلا قابلت ابو روان وقابلت أمير والآدمن وعماد الصادق وغابة الابنوس وده كان لانو الأخ ابو روان كان في زيارة لجدة ومكة هو والاخ غابة الأبنوس وكانت فرصة حلوة شديد وكانت المرة الأولي اشوف ابوبكر الآدمن وعماد الصادق...والعلاقة امتدت بيناتنا وبقت أسرية وانا في رأئي انو ده الغاية من التعارف وانو المنتديات والنت عموما يكون بداية للتعارف والناس تجتهد وتكمل الباقي وتسعي لإنها توطد علاقاتها ببعض بس نعتبر موقع مدني سبب في اننا نتعارف ونوطد علاقاتنا ببعض ... لما نزلت الإجازة حاولت أقابل أكبر كمية من الأعضاء والمشاركين وفعلا نجحت في مقابلة البعض...خلاصة الموضوع ياأخي الأمين انو لاتوجد شلليات ولا تكتلات بالمنتدي بس دي إلفة ومعاها استعداد تام من كل الأعضاء انو الألفة تمتد وتشمل كل الاعضاء... عندك مثلا الظرف اللي مر بيهو اخونا ياسر يوسف في مرض بنته لينا .. والله يالأمين ناس المنتدي حيروني بالتعامل الراقي وبقت تجي تلفونات لي ياسر من داخل و خارج المملكة بنين وبنات مع انو العضو ياسر يوسف عضو جديد لكن ده مامنع الناس تكون قريبة منو ..يعني الاستعداد للتقارب موجود بين كل الأعضاء فياريت ندي نفسنا فرصة نقرب من بعض وصدقني الايام كفيلة بإزالة التردد في التقارب...بخصوص الرد علي المشاركات فدي مشكلة عامة كلنا بنشكي منها وممكن تراجع موضوع كتبو صالح ابو شوارب في ود مدنيات وصدقني دي مشكلة حقيقية اتكلمنا عنها كتير وقلنا انو المشاركة في البوستات بترفع الروح المعنوية للكاتب وبتديهو دافع عشان يكتب كمان وكمان.... لكن برضه الناس كسلانة في الردود علي المواضيع وانا بتمني انو الناس تتحرك شوية عشان نقدر نكتشف بعض من قريب ... ولا شنو يالأمين... ودمت اخا عزيزاً ولا عدمناكم وياريت لو يبقي كل أعضاء المنتيات شلة وااااااااااااااااااااااااااااحدةيجمعنا حب مدني والسودان بصفة عامة

[الامين]

بسم الله الرحمن الرحيم

اخي الكريم /خالد

الشكر أجزله لتعقيبك الذي أراحني كثيرا وجعلني أشعر بانني واحد من المنتدى وياريت نقدر نعرف الناس كلها

[sambaaa]

لا تدع صدرك يضيق بهذا الامر ، وواصل عطاءك ونحن نشد ايدي بعضنا بعضا ، وفي الاخر لابد ان يسع صدر الجميع للنقد ، فالهدف واضح ان يبقي الكل تحت مظلة الاخوة والصداقة والالفة.

ده كلام مليان يا سواح .. كلامك درر والله .. أملي ان يقراهو أخونا الأمين بهدؤ .

والشكر كل الشكر للأخ / خالد هاشم على كلماته المضيئة ..

وعندي اضافة صغيرة جداً للأخ الأمين ..
دائماً يا اخوي الأمين الجديد بيكون عندو نفس احساسك ده .. مش في المنتدى وبس .. بل حتى في الحياة العامة
مثلاً لما تتعين موظف جديد في اي مكان عمل ..( او تكون لاعب جديد في تيم كورة ) بتكون البداية دائماً صعبة .. أو لما تتنقل لوقع عمل جديد برضو بيجيك
نفس الإحساس .. لكن مع مرور الأيام .. تتسع دائرة تعارفك تلقائياً مع الزملاء والأعضاء .. ويتبدد الإحساس السابق تماماً ..

وبكل صدق وامانة كل الشباب في منتدى مدني عندهم قابلية التعارف وبسرعة مدهشة جداً .. حاول انك تكتشف الحته دي
وصدقني حتكون النتيجة مدهشة بالنسبة ليك ..
وده الشئ البمييز المنتدى ده عن كل المنتديات السودانية والعربية بكل فخر .

ملحوووظة صغيرونة يالأمين :

حاول دائماً ابدأ دخولك للمنتدى ..بتوحيد الله سبحانه وتعالى .. والصلاة على رسوله الأمين

[مهيرة]

بسم الله الرحمن الرحيم

الاهل الكرام / أهل المنتدى

اداريين ومشرفين واعضاء مميزين وفاعلين وكل المقصورة الفخرية لاهل المنتدى .......


وبصراااااااااااااااااااحة كدة ... انا عاتب عليكم شديد جدا .. وبعتبرها ده نوع من الـتمييز الادبي ... وبالطبع نجزل كثير احتراماتنا لاسهامات القدماء الذين أسسوا وتعبوا وعملوا جاهدين لاخراج المنتدى بهذه الصورة الفذة والتي تجعلنا نفخر بمدني واهلها ...

]

عزيزي الأمين
لا ألومك علي انفعالك في بيتك منتدي ود مدني والقدماء هم من أوجدوا مهيرة والأمين وسالي وابراهيم وغيرهم من الإخوة الأصدقاء فلهم منا التحية
وهم يتفقدون بعضهم حتي يسير الركب هذا كل مافي الأمر .
ومش انت براك يعني أنا كتبت كذا موضوع في المنتدي العام ولم اجد رد علي البوست اطلاقا ولا الوم احدا ولكل من الاصدقاء رؤيته فيما يقرأ وفي النهاية نحن في حديقة واحده ومجري واحد ولك العتبي ولقلمك الرائع

مع شكري ،،،

[admin]

لا تدع صدرك يضيق بهذا الامر ، وواصل عطاءك ونحن نشد ايدي بعضنا بعضا ، وفي الاخر لابد ان يسع صدر الجميع للنقد ، فالهدف واضح ان يبقي الكل تحت مظلة الاخوة والصداقة والالفة.

الاخ الامين اولا اهنيئك على شجاعتك لطرحك هذا الموضوع .. واتمني ان تكون وجدت الاجابة في ردود من سبقوني بالرد.
ثانيا : ليس من الادبيات تكرار الموضوع في كافة اقسام المنتدي فتاكد ان صوتك مسموع فيكفي وضع موضوع واحد في المنتدي العام لتجد الرد المناسب .
ثالثا : انظر الى سامبا الذي سبقني في الرد مثلا .. فهو عضو جديد في المنتدي سجل في نوفمبر الماضي اي ايامه قليلة جدا في هذه المنتديات .. ولكن استطاع ان يكسب قلوب الجميع واستطاع ان يلفت انظار كافة الاعضاء .. واصبح الان مشرفا علما وعكس ما تظن اننا في الادارة لم نلتقيه من قبل الا عن طريق مشاركاته في هذا المنتدى وكذلك هو الحال بالنسبة للبقية.
اختم بما قاله سواح في الاقتباس اعلاه وان شاءالله مكانتك محفوظه في قلوبنا

[saly]

الاخ الامين

تحياتي ليك

بعدين العنوان مثير شويه

انت من زمن العنصريه ......؟؟؟؟

العنصريه وقت تقولها تقولها لناس مدني اهلك وناسك ....

اول شي

ما سالت روحك ليه الناس ما بترد علي مواضيعك

صدقني

الواحد بيجذبو الموضوع اول شي بغض النظر عن الكاتبو منو وانا واحده من الناس اي موضوع

ينزل بقراهو بدون منازع ولا نقاش في اي منتدي كان

كاتب الموضوع يمكن يطلع صاحبك او قريب ليك لكن ده ما سبب كافي انو

قدر ما ينزل انت تشارك فيهو ...

المنتدي اعضاءو مترابطين زي ما زكرو الاخوان فوق

واي شي يحصل دائما بتلقاهو سباقين لانو يفقدو الواحد ويقيفو معاهو

بس برجع وبقول

الموضوع هو اكثر ما يجزب القارئ علي انو يشارك فيهو

وتاكد

انك حتلقي اغلب الاعضاء بيشاركو في مواضيعك

بعدين ما تزعل من الحقيقه (( مثلا انا في كم موضوع ما ما في زول

رده علي ولا هببو لي ... اي نعم الواحد بياخد في خاطرو شويه

لانو تعب و كتبو ... بس حاسب روحك ليه ما في زول ما اشترك ..

لا سباب كتيره وانت ادري بيها))

اسع وسع صدرك ... وكلنا اخوان هنا في المنتدي

وتقبل اي شي بصدر رحب

[shaggy999]

الكلام ده كله صاااااااااااااااااااااااااح وللاسف حاصل وبيحصل كتيييييييييييير لكن معليييييييييييييييييش


وانشاء الله كلامك يصل وشرحك يوفى



ولا شنوووووووووووووووووو ؟؟؟؟

[أبوريلان]

الأخ الأمين

عوافى سلامااااات يارائع

كلامك مليان وعجبنى شديد ومن غير ما أقرأ ردود الأعضاء السبقونى لأنو فعلا كلامك لا يعاب عليه بل هذه الحقيقة المرة والتى يعانى منها جمع ليس بالقليل من أهل المنتدى ومصدر إزعاج للأعضاء الجدد ، تجد الموضوع يكتب اليوم وغدا تفتش عليه وتجده قد تزيل الصفحة وبرد واحد أو بصفر كما تقول وتحبط عزيمتك فى عدم المشاركات ويشدك الحنين لمدنى وأخبار مدنى وتصبح إنسان متصفح ليس إلا ، وصدقنى أنت شجاع فى طرحك وسوف تجد إسمك يلمع فى سماء مدنى بعد الآن ، ومنتدى مدنى كالجسد الواحد إذا أشتكى منه عضو تداعى له سائر الجسد بالسهر والحمى ، أخى الأمين وجودك تتمناه ود مدنى .

[الامين]

بسم الله الرحمن الرحيم

اعزائي واحبائي واخواني واخواتي

الشكر أجزله لكل من اختط بيراعه تلك الكلمات التي أراها فوق ....
ما كان مني لم يكن الا حبا في الانتماء .. هذا الانتماء الجميل الى بلادي وأهلي واخيرا الى مدينتي الحبيبة مدني ..
دعوني بادئ الامر أن اوضح لكم أمرا مهما ....

يعلم الله أنني أحب مدينتي ... مدني .. وأغير عليها بجنون .
ثانياً :
سأرتب ردي في عناصر حتى يكون مفهوما: ( ومميزا ) عشان ابقى مشهور كمان :

العنصر الاول : لم أكن ضيق الصدر حين كتبت ماكتبت . والدليل اني لسة مستمر في المنتدى ومصر على استمراري حتى لو تم تجاهلي
العنصر الثاني : لم أكن ممن عرفوا المنتديات في الفترة الجديدة ولدي اسم والحمد لله في منتديات خليجية وعربية وحتى اوروبية . ( يعني فار منتديات خبرة 10 سنة .
العنصر الثالث : اخي ممن جرحني بالموس بشكل جميل وقال أنه ليس من الادبيات أن انشرها على كافة الاقسام .. لو كنت مكاني وكنت عايز توصل معلومة هي اصلا مابتصل للناس عن طريق نشرها في قسم واحد .. بتعمل شنو وبصراحة .... . .
العنصر الرابع : عارف انو مرات في مواضيع كتيرة مابتنقري ...
العنصر الخامس : فعلا يمكن تكون كتابتي مرات بتكون بايخة لكن ... هو في زول حاول يقراها .
العنصر السادس : أنا جادي شوية مرات في كتابتي ......
العنصر السابع : أحبكم جميعا .
العنصر الثامن ( جزء اصيل من العنصر السابع ) : لذلك أتمنى أن يخرج منتدانا ( شوفوا كأني من المؤسسين) بابهى حلة . وهو كذلك .
العنصر التاسع : كان في داعي يعني للشكلة دي
العنصر العاشر :


















العنصر العاشر ( خليتو مفتوح ) مساحة حب جميلة .................................................. .......................................



ياساوباوي شنو ياخي ماتخليك معاي .. وين انتا
انتا زول مشهور هنا .... خش مفاوضات سلام بيني وبين العباقرة الفوق ديل كلهم

( اعتذاري لكم جميعا على تطاولي )
أخوكم ( الامين الطيب الامين )
ملحوظة : ده اسمي فعلا يعني ماقاعد أشكر في نفسي .....

[sambaaa]

الأمين

شكراً ليك
وأهنيك بتفردك ( المميز ) .. وانت ما محتاج للشهرة .. بس الشهرة محتاجة ليك ..
كن معنا .. ومع الآخرين

أخوك / samba

[sambaaa]

ثالثا : انظر الى سامبا الذي سبقني في الرد مثلا .. فهو عضو جديد في المنتدي سجل في نوفمبر الماضي اي ايامه قليلة جدا في هذه المنتديات .. ولكن استطاع ان يكسب قلوب الجميع واستطاع ان يلفت انظار كافة الاعضاء .. واصبح الان مشرفا علما وعكس ما تظن اننا في الادارة لم نلتقيه من قبل الا عن طريق مشاركاته في هذا المنتدى وكذلك هو الحال بالنسبة للبقية.

أخي العزيز .. بكري
أخواني وأخواتي .. رواد المنتدى .. الأحباء

ما كان ذلك إلا بفضلكم .. وبفضل رعايتكم الحانية لنا .. تحت ظل الأخوة النقية والصادقة ..

وبكل صدق يخونني التعبير عن ما يجيش بخاطري الآن ..

أخوكم / SAMBA

[الامين]

بسم الله الرحمن الرحيم

أخوي سامبا :

كفاني كلمة طيبة منك زي اللطائف التي أتحفتني بها ...

بس داير اقول كلمة حقيقة .... جد أنا ماهدفي أكون مميز .. زي ماهدفي أكون فرد من قبيلة الاسود

تحياتي لكل الاسود وعلى رأسهم أخي وحبيب القلم واليراع سوباوي

[سواااح]

هكذا هم الرائعون روعة مدينتهم الحانية ، يفيضون روعة ... ورقة ... وحنانا ... ودفئا ... واخلاق ليس لها مثيل ، فليبقي الوعد بين الجميع بالتواصل ودوام المحبة الصادقة بينهم ، لتبقي $$ مدني $$ دوما العزيزة الغالية علينا ، والمؤلفة بين القلوب ، حتي في اصعب ظروف ، ودمتم انتم لها ابناء ابرار واوفياء.