وصل صاحبنا مع زوجته واولاده للبلد في الاجازة السنوية وكان راكب سيارة كامرى جديدة وبعد كم يوم من مطايبة الاهل قام يلف فى شوارع المدينة وهو مندهش للعمران وفي اثناء الجولة التفقدية اوقفته امرأة جميلة وقالت ليه ( ممكن تقدمنى )
قال ليها وهو فرحان ( تفضلى انا تحت الخدمة )
واثناء الونسة نسى ونسيت المكان المقصود وفجاءة قال ليها ( انت حقيقة ماشى وين ) قالت ليه ( والله انا زهجانة وما عارفة ماشة وين ) قال ليها ( طيب ايه رايك تمشى معاى وتشربى ليك فنجان جبنة )
قالت ليه ( والله انا من الصباح نفسي في جبنة يلا نشرب لينا فنجان)
شربو الجبنة وعملوا جولة حول المدينة وهي تشرح ليهو المشاكل التى تمر بيها
واخيرا وصلها الى بيتها وقالت ليه ( تعال بكرة اشرب الجبنة معانا في البيت )
وفعلا في اليوم التانى حضر للبيت وشرب فنجان قهوة وعند خروجه من المنزل راى جارهم وهو رجل كبير فى السن جالس على كرسي في الشارع وتبادل معه التحية ومشى
وبعد اسبوع مشى لمنزلها و دق الباب بشدة ولكن ما في رد وكان جارها الراجل الكبير جالس في نفس المكان ولذلك قال خلينا نسال الرجل دا مشت وين المرة دى
وقال للعجوز ( سلام عليكم ياحاج )
رد العجوز ( وعليكم السلام يا ولدى )
قام سال العجوز ( ياحاج الجماعة جيرانك ديل مشو وين )
رد العجوز ( والله ياولدى ديل عيانين ورقدوا المستشفى )
قال للعجوز ( سلامات انشاء الله خير الحصل شنو )
رد العجوز ( والله المرة دى قالوا حجزوها في الكرنتينة عشان لقوا عندها المرض اللعين البيقولوا عليه الايدز )
صاحبنا سمع رد العجوز ووقع مغمى عليه والعجوز يكورك لاولاده ( تعال يا بخيت و يا سعيد شوفوا الراجل ده مالو )
الاولاد جابو ليه ريحة ورشوه بالمويه وبعد فترة اخونا صحى
وسالو العجوز ( مالك يا ولدى الحصل ليك شنو )
رد صاحبنا وهو يشد في شعره والدنيا مسودة فى وشه
( يا حاج أنا ما خلاص انتهييييييييت )
رد مع اقتباس
المشاركة الأصلية كتبت بواسطة سوار الياسمين
المفضلات