مياه نيلك رمال نيلك كراريسك حقول ريفك قناديلك
مجانينك بتكتب فى مساديرك
وجوى الشوق بناديلك وطن فنان وموعادى وطن هيلك
بس جواة ناس فاسدين بيرفعوا لى علم غيرك
بيضحكوا فى سود ليلك
وقت الناس تقوم تفرح تشيل احلامها تتمرجح
خوازيقك بلاخجلة بيحرقو فى قناديلك
خوازيقك مساميرك ببتترس فى قلب نيلك
تعالوا نقلب التاريخ وطن شايل هموم اوطان بيحكيلك
وطن شايل حلم اطفال وتاه قدام
وطن حقانى مابسيبك وطن عايز فقط حقوا
وكان كثرة خوازيقك بجيها اليوم وتبكيلك
مياه نيلك
مياه نيلك بتجرى فى شباب جيلك
شباب جيلك وطن مدفون
وطن شايل حلم اجيال شباب جيلك صبر ممكون
رمال نيلك
رمال نيلك غزل عشاق بيحكيلك
رمال نيلك تغنيلك وتلمع زى نجوم ليلك
كراريسك
كراريسك ورق ابيض حلم اطفال بترسم فى صباح خيرك
كراريسك ورق ابيض بتشتاق لى قلم صادق ولا بيعرف يقول سيدك
حقول ريفك
حقول ريفك خضار طينك حقول ريفك ارض خيرك
وقت ايدينا تتوجه على ارضك سراب طينك
سراب طينك بيتفرهد وغنيلك ارض مجنونه زى طبعك
ارض ابداع بتبدع زى مجانينك
مجانينك تعال سيبك
مجانينك طيور راحلة تفتش فى صباح خيرك
مجانينك بتكب فى مساديرك
مجانينك وطن مشتاق حلم شواق
سهول ممتدى تقشى جفاك
مجانينك ليله طويل صباحة معاك
مجانينك وقت متقول مياة نيلك تقوم الناس تغنيلك
رمال نيلك تغنيلك تقو ل جيتك
مساميرك خوازيقك شياطينك تقوم تطلع تقول سيبك
خوازيقك
خوازيقك مساميرك شياطينك ملاعينك
دقون صادقة وقت تنشاف وقت تحكم تقول دينك
بيأ مر بالعدل والخيروقت تطمع تشيله ظنونة تطلع
تصيبك بي مرض نفسى مرض مؤعدى مرض مؤزى
تعدى على رقاب الناس وكان صاحت مجنينك
وين العدل وين الخير تموت وقتى
خوازيقك مجانينك شياطينك ملاعينك
مساميرك بتترس فى قلب نيلك
ياوطن
مياة نيلك بتشكيلك رمال نيلك بتشكيلك
قنادبيلك بتشكيلك حقول ريفك بتشكيلك
ارض خيرك بتشكيلك مجانينك بتشكيلك
مجانينك طيور راحلة مهمة يكون ليلة طويل
حترجع يوم وتشرب من ميانيلك
مهمة يكون ليلة طويل
حترجع يوم وتشرب من مياه نيلك
رد مع اقتباس
المفضلات