النتائج 101 إلى 125 من 635

الموضوع: ابو علا كوفي شوب

أدوات الموضوع
- مشاهدة صفحة طباعة الموضوع


	26-08-2006 01:22 PM #101 ابراهيم الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Nov 2003 الدولة مدني الجميلة/جزيرة الفيل المشاركات 4,172 ود الماحي ابشر جبنا ليك الشيشة واشرب بيبسي كولا حتى لو بالفيشة خليها المغبشة وام عمايلاً طيشة الشيشة المزينة بالحرير والريشة بتعدل المزاج وتجيبلك المافيشة وأنا هل كنت إلا ألقاً ذاب في عينيك وهجاً أبديا او فتوناً فوق خديك إنتشي بهجة عاد بها الحس إليا رد مع اقتباس


	26-08-2006 01:47 PM #102 ابراهيم الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Nov 2003 الدولة مدني الجميلة/جزيرة الفيل المشاركات 4,172 المشاركة الأصلية كتبت بواسطة abu_ola معليش يا حسون و الله آسف جداً جداً من يوم الخميس مافي زول رد عليك ( يا جماعة هووووي دا حسون ماهو زولاً هين ) غايتو أنا الخميس و الجمعة ديل بايعن للولية الفنجرية حلاوة نبق من يوم الله ما جمعني بيها .. ما لك عليا حليفة صلاة الجمعة دي ما بتخليني أمشي ليها إلا بالإذن و بعدين زي ما انت عارف الغربة و ظروفها بنفرحها شوي في اليومين ديل و نتمشي في الكورنيش و بنشتري حاجات البيت و غايتو ربك يعين يعني ما في طريقة أسهر معاكم يوم الخميس إلا أجيب معاي المدام و أجي و ما بخفيك سر أبراهيم دا أنا يوم شاركتو في الكوفي قلت الراجل عزابي و ما عندو محل بمشي ليه يوم الخميس و بجي أسهر معاكم و أسد مكانتي بس شكلو كده و الله أعلم المصريين ديل عادوه ومتزوج عرفي.... كدي أنت شمشم الموضوع بجاي و جاي و كان ليقت أي طرف خيط كلمني المشاركة الأصلية كتبت بواسطة abu_ola التورتة خليها على بنجيبها 5 طوابق و نفق و نعمل ليك فيها حديقة و مسبح بس جيب لينا سلوى دي في الكوفي النشوفها فيس تو فيس و أعمامك ود الماحي و نزار حسن و باقي الجماعة ما بقصروا تب انت عارفهم براك ابو علا سلامات ... يا اخوى مالك داير تطير على الحمام .. نحن نحاحي ونشرك والله خلعتني خلعة لما شفت كلمة عرفي دي قربت اقع وبالطريقة دي يوم بتكتل ليك زول في الكوفي شوب . . . دة حالتي انا عايز اناسبك انا غايتو وعشان الواحد يبعد من الشبهات الخميس والجمعة ديل قاعدهم هنا في الكوفي شوب .. وكلامك دة يا ابو علا في ناس كان شافو معناها انا بيتي اتخرب ... بختك يا حسون التورتة ماشاءالله ماجيك لاند عديل يا سلوي تعالي لاحسن التورتة دي اشتهيناها قبل ما يجي عمك تنقو يقول دي عاملينها في تل ابيب وتروح علينا. وأنا هل كنت إلا ألقاً ذاب في عينيك وهجاً أبديا او فتوناً فوق خديك إنتشي بهجة عاد بها الحس إليا رد مع اقتباس


	26-08-2006 02:09 PM #103 ابراهيم الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Nov 2003 الدولة مدني الجميلة/جزيرة الفيل المشاركات 4,172 المشاركة الأصلية كتبت بواسطة نزار حسن محمد بعدين شايف ولدنا المتميز بقى الخبط الظاهر دايره له عكاز ولا سوط بطانه حار فى نص راسه.. راسه بجى بره بعدين خليه كدى تانى ايفرر امانه مايشوف نجوم الضهر عز النهار .. ابو علاء ابقى عشره على الكوفى شايف ابراهيم ماموريتة للقضارف طولت .. اه فوتكم بعافيه مشتاقين والله يا ود حسن .. اهو انا جيت من القضارف وجبت ليكم معاي سمسم قندران ولوريين ..باقى قالو السمسم دة مو هين كلام اخونا السفير وبعدين عايزين نعمل استثمارات خارج الكوفي شوب بالشراكة مع دكان الصول لأنو سمعت تحت تحت قالوا واحد من الاعضاء سمع كلام السفير قال عايزيفتح ليهو معصرة زيت جنب دكان الصول اصلو الزمن دة الزول ما يقول بنات افكارو لي زول ... وأنا هل كنت إلا ألقاً ذاب في عينيك وهجاً أبديا او فتوناً فوق خديك إنتشي بهجة عاد بها الحس إليا رد مع اقتباس


	26-08-2006 09:17 PM #104 zoolfrda الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Mar 2006 الدولة أينما تواجدتم المشاركات 3,519 <param name="BACKGROUNDCOLOR" value="#000000"><embed src="http://www.alrakoba.net/ss/mo3taz/abyadhdhamerak.rm" align="baseline" border="0" width="275" height="40" type="audio/x-pn-realaudio-plugin" console="Clip1" controls="ControlPanel" autostart="true"> <br> رد مع اقتباس


	26-08-2006 09:51 PM #105 محمد حسين (المميز) الملف الشخصي مشاهدة المشاركات عضو ذهبي Array تاريخ التسجيل May 2006 الدولة الدرجه المشاركات 3,528 المشاركة الأصلية كتبت بواسطة abu_ola المميز عمك ود الماحي شايل عكازو و و خاتي كرسيه قدام الركن الهادي من يوم الخميس العصير راجي و د حسن باقي بيناتون وعداً قديم و الراجل مفتح و ناقششش كل حاجة و نظام دي بت خالتي أصبحت موضة قديمة و ما بتمشي عليه... غايتو إلا تخليها تدخل و بعدين أنت تلبس ملابس العمال و تدخل عليها شايل الطلبات ( نظام أنك عامل جديد و كدا ) بس نسيت أقول ليك ود الماحي العمال ديل بعرفهم نفر .. نفر لانه برسلهم للصعوط أنت يا المميز أقيف النسألك (( وكت عندك بقرة تحمد سيدك الجابرك على اللبن أب رطل من البقالة شنو ؟؟؟ ) هههههه ههههههه ههههههههه بدور لبن البودره يابوعلا كيـف لا أعشــق جمـالك •• ما رأت عينــاي مثــالك رد مع اقتباس


	26-08-2006 10:02 PM #106 محمد حسين (المميز) الملف الشخصي مشاهدة المشاركات عضو ذهبي Array تاريخ التسجيل May 2006 الدولة الدرجه المشاركات 3,528 المشاركة الأصلية كتبت بواسطة نزار حسن محمد بعدين شايف ولدنا المتميز بقى الخبط الظاهر دايره له عكاز ولا سوط بطانه حار فى نص راسه.. راسه بجى بره بعدين خليه كدى تانى ايفرر امانه مايشوف نجوم الضهر عز النهار .. على قول اخوي حسووووون لووووووووول مادام جابت ليها سيطان وعكاكيز خلينا كده بدون مزز نقابل ابوعلا وابراهيم ديل ******************** كيـف لا أعشــق جمـالك •• ما رأت عينــاي مثــالك رد مع اقتباس


	26-08-2006 11:42 PM #107 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة نزار حسن محمد اخوى ابوعلاء ..انت ماعارف عمك ود الماحى ده ..يازول الزول دا كان.. حيرد.ذى ابو الدقيق بقوم اتمرد وادخل الغابه غابة ام بارونه والله تانى نكوس ليه كواسه ..خلى ساكت اى هو من الجنيد لكن عينه مفتحه قدر الريال ابوعشره .. ود حسن أخوي الحرد الله ما جابوه ... و أنت براك عارف ود الماحي دا هو المرشد الأعلي للشغلانة دي كلها ،،، يعني بصريح العبارة كده من غيرو الكوفي دا ما ليه داعي و نحن ما بخليه يحبنك و لا يزعل مننا و بعدين اليومين دي في السودان طلعت موضة جديدة كل واحد يزعل الجماعة يمشوا يتكلموا معاه يقول داير جزء من الثروة و السلطة !!!! ناس الجنوب اخدوا حقهم و ناس الغرب اخدوا حقهم و ناس الشرق جارين ورا حقهم و ليك على بياخدوه تب .... بس كان باقي نحن ناس الوسط ديل الضايعين وسط الكرعين و باين ود الماحي دا داير يجرب الشغلانة من الكوفي و كان نفعت معاه بوسع نطاقها و بكرة كان تسمع بيه بقي سفير مكتب رئيس وزارة المالية و التخطيط و الصناعة و التجارة و العمران و العلاقات البينة بمجلس وزراء الدول المصدرة للصعوط و القات ... و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	26-08-2006 11:47 PM #108 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة ابراهيم ابو علا سلامات ... يا اخوى مالك داير تطير على الحمام .. نحن نحاحي ونشرك والله خلعتني خلعة لما شفت كلمة عرفي دي قربت اقع وبالطريقة دي يوم بتكتل ليك زول في الكوفي شوب . . . دة حالتي انا عايز اناسبك . نسبك يا ابراهيم نحن بنفتش ليه بالجبادة ما بنلم فوقه و الزيك يا أبو الشباب نحن بنشتري بالدهب و لا أقول ليك أبدأ قسط لينا في المهر من الآن و كل أخر شهر رسل لينا شوي لحدي ما البنت تكبر و تبقي جاهزة للعرس ... يا ابراهيم يا أخوي تشارك ود الصول ،،، تعمل معصرة و لا تعمل طاحونة عديل كدة أنا ما عندي مانع لكن يا ابراهيم عملك ود حسن بقول ليك ( أجي يوم ساكت بالغلط ألقاك بالي سمسم في جردل ولا السمسم دا تسوي منو شي غير الزيت و الأمباز أقفل الكوفي شوب و اشكيك لمشرف المنتدى الإسلامي ) و الباقي انتو عارفو براك عشان كدي يا اخوي ما تقطع رزقنا ... و أعمل حسابك بنات أفكارك ديل ما يودوك في الإتجاة المعاكس و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	26-08-2006 11:51 PM #109 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة المميز هههههه ههههههه ههههههههه بدور لبن البودره يابوعلا [SIZE=5]لبن البودرة دا يا المميز اخوي ما معروف لبن كدايس و لا كلاب !!!! وغايتو كان باريتو بخرب بيتك و بوديك في ستين داهية ..... [/SIZE] و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	27-08-2006 12:15 AM #110 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 الكوفي الصباح الليل جابلو شكية من يوم الخميس ما جتني داخلة بنية نجماتي القبيل الكانو بفرحو بيه دراتنا الحسان .. نور العيون .. مدنية قلت ليه الصبر توك جديد في النت ما تزعل كتير كان للبنات حنيت ود الصول زمان دكانو عدم الزيت صابر و محتسب ما قال كفاية أبيت قال لي يا أبو علا أنت دايماً فاريٌ و أبراهيم هناك بالعلي ما داري ٌ مبسوطين خلاص ما همكم أخباري ٌ ود الماحي قال تب ما بجيب لي طاري ود الماحي عاد أوعاك تزعلو مرة جيب ليهو البنات كان الوجيه ينفرا كان طفي السجار و لا بزق الجرة قشها بي أدب ما تقول كليمتن مرة قالي الخلوق في حضني يوت سهرانة نزار ود حسن و حسون و ابوك يا فلانة و الشاب المميز المنو الخلوق طربانة و الفردة الرهيب مكانتو أعلى مكانة قلت ليه الشباب فيك يوت مجتمعة سهرانين دوام من السبت للجمعة دراتنا الحسان كان غشنك سرعة أرقص يا جميل و ضوي زي الشمعة و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	27-08-2006 12:30 AM #111 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 الكوفي الصباح الليل جابلو شكية من يوم الخميس ما جتني داخلة بنية نجماتي القبيل الكانو بفرحو بيه دراتنا الحسان .. نور العيون .. مدنية قلت ليه الصبر توك جديد في النت ما تزعل كتير كان للبنات حنيت ود الصول زمان دكانو عدم الزيت صابر و محتسب ما قال كفاية أبيت قال لي يا أبو علا أنت دايماً فاريٌ و أبراهيم هناك بالعلي ما داري ٌ مبسوطين خلاص ما همكم أخباري ٌ ود الماحي قال تب ما بجيب لي طاري ود الماحي عاد أوعاك تزعلو مرة جيب ليهو البنات كان الوجيه ينفرا كان طفي السجار و لا بزق الجرة قشها بي أدب ما تقول كليمتن مرة قالي الخلوق في حضني يوت سهرانة نزار ود حسن و حسون و ابوك يا فلانة و الشاب المميز المنو الخلوق طربانة و الفردة الرهيب مكانتو أعلى مكانة قلت ليه الشباب فيك يوت مجتمعة سهرانين دوام من السبت للجمعة دراتنا الحسان كان غشنك سرعة أرقص يا جميل و ضوي زي الشمعة و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	27-08-2006 12:35 AM #112 نزار حسن محمد الملف الشخصي مشاهدة المشاركات فخر المنتديات Array تاريخ التسجيل Apr 2006 الدولة حى المنيره المشاركات 6,876 السلام جاكم ناس جوه ... ماشاء الله شايف الشيش اشكال والوان والله يابراهيم ماقصرته .. انت من القضارف مرقته فى بور سودان ..ياخى كان تسوى(( موس كول)) ساكت .. بعدين اعمامك فى الدكان مشيت اسلم عليهم بالله حدرو لى تقول ماكل حقهم ... كيف نفتح الكوفى شوب .. غايتو اعمل حسابك وماتعتب عليهم اليومين ديل .. ابوعلاء .. قالوا العرجه لى مراحه .. يا ااابوى.. ماعليك عمك ودالماحى .. بغيب ليه يومين بعد داك .. تلقاه مصنقر فى نص الكوفى وكمان متحكر مع الجكسى .. دا زولى وبعرف تب .. ماتشيل هم وارقد قفاه.. [SIZE=4]ولدنا المميز ... يابوى اقعد مع ناس حسون وابراهيم براحتك تب مانى سالك .. لكن ماتتاخر على بنت الناس ..وربنا انشاء الله ارزقك بتيمان اخلوك تساهر الليالى... قول امين[/SIZE] [SIZE=2]الابتسامه.. كلمه طيبه .. من غير حروف الابتسامه لاتكلف شيئا ولكنها تعنى الكثير[/SIZE] ************************************************ ************ حياة جل مكسبها خسار وعيش لايسرك يانزار رد مع اقتباس


	27-08-2006 12:41 AM #113 محمد حسين (المميز) الملف الشخصي مشاهدة المشاركات عضو ذهبي Array تاريخ التسجيل May 2006 الدولة الدرجه المشاركات 3,528 آآآآآآآآآآآآآمين يارب العالمين ************** كيـف لا أعشــق جمـالك •• ما رأت عينــاي مثــالك رد مع اقتباس


	27-08-2006 01:00 AM #114 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 حباب السلام أدخل لي داخل يا ود الحسن قالوا ود الحلال كان طرو بيجي ود الماحي دا أنا خليتو عليك و من اليوم دا تب ما بشيل همو و زي ما قالو ( البلد بكتلوها بي خبارها .. و انت خبيرنا و دليلنا ) و كان اتأخر شوية بعلق لي طرحة فوق باب الكوفي براااه بشم الريحة و بجي المميز دا اسألني منو ما ود حفرتي ما تشوف الجري و النطيط دا آآزول ها على الحليفة دي فورة لبن ساااااااكت و بتكمل .... بعد شوية كان تلقاهو نايم على بطنو زمان الجماعة الكانو البدرسو في مصر كل ما يجونا اجازة بيجو معاهم الحلل ... اسع أبراهيم ما شاء الله تبارك الرحمن ضاربنا شيشة سااااكت انت آآآآآخوي تعال النسألك مصر دي غير الأواني المنزلية و الفخار ما فيها حاااجة و لا الحكاية شنو ؟؟؟ و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	27-08-2006 01:04 AM #115 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة المميز آآآآآآآآآآآآآمين يارب العالمين ************** شيخنا ود حسن ما شاء الله تبارك الرحمن البشوف صورتو بالجلابية أقول إصلي وراه من غير وضوء ... أها شفت يا المميز الدعوات السمحة دي ... كان باريت البنات ما بتسمع منهم كلاماً طيب كلو كلو أنا معاك بقول آآآمين ربنا يرزقك و يرزقنا و يرزق الجميع الزرية الصالحة و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	27-08-2006 08:26 AM #116 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 ناس الكوفي سلام أأأناس ... الونسه معاكم حلوه بالحيل...علا اليومين دول الضهر أعوج... أبراهيم كتّرخيرك أأأبوي وبارك الله فيك علي الشيشه ..علا أأألعشاي بتهيج عليّ الدبس... لكن السمسم بدورو تب اليومين دول البطاريات نازله ودايره ليها دفره بي زيت سمسم ... أبو علا باقي زيت السمسم قالو زي الفياجرا يخلي الواحد عاير زي حمار العمده ولاّ زي تيس الفريق يلبلب اليوم كلو... ود حسن عازمك فول بي زيت سمسم وكمان بملا ليك الكويره أم قعير تشيلو معاك لزوم المسوح والكركار...أبو علا جيب كويرتك أأأبوي برضو ... أما العزّابه ناس أبراهومه كفاهم زيت الفول ....هسع أأأبراهيم مالك جبتنا لينا سيرة زيت السمسم أأأبوي...زيت السمسم دا أبعدوهو من الكوفي شوب... بجيكم صاد أأأهلي... جمال الماحي الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	27-08-2006 12:25 PM #117 معتز حمدتو الملف الشخصي مشاهدة المشاركات عضو مميز Array تاريخ التسجيل Feb 2006 الدولة ودمدني - حي المدنيين المشاركات 412 سلام ياناس الكوفي ابو علا وينك ياراجل ما شايف ولا حبشيه بتعمل في الكوفي انت عارف ده ماركه مميزه بتستقطب الشباب اكثر وتحلا الونسه شويه شويه مره اشي ، ومره كونجو بس التعامل باسلوب راقي يليق بمكانة الكوفي وشرط اكونوا من الامهرنجه . حاج ابراهيم ده وقت السمسم والا الفول ده كوفي ولا ابو ظريفة ههههههه. ابوعلا وين مساديرك الحلوه مره مره بحس اني في خيمة ود الحردلو . رد مع اقتباس


	28-08-2006 12:25 AM #118 نزار حسن محمد الملف الشخصي مشاهدة المشاركات فخر المنتديات Array تاريخ التسجيل Apr 2006 الدولة حى المنيره المشاركات 6,876 أاااابوى.. لى يومين ماخليت قشرة برتكان مالميته .. وكل مايدق الباب اقول ودالماحى جاب زيت السمسم ..الحقنا أاااابوى ..اليومين ديل مع البحر الهائج ده بقت تجيب ليها زيفه اخر الليل ومن غير الكركار الشقوق بدخل الفار . ابوعلاء .. من غيرك الكوفى ماببقى ماتتاخر... اخوى ابراهيم ده ..عنده دريبات تحت تحت ... اصلو .. ده حال العزابه اول مااقبض ليه قرشين يغيب ليه اسبوعين.. [SIZE=2]الابتسامه.. كلمه طيبه .. من غير حروف الابتسامه لاتكلف شيئا ولكنها تعنى الكثير[/SIZE] ************************************************ ************ حياة جل مكسبها خسار وعيش لايسرك يانزار رد مع اقتباس


	28-08-2006 04:56 AM #119 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة Jamal Elmahi أبو علا باقي زيت السمسم قالو زي الفياجرا يخلي الواحد عاير زي حمار العمده ولاّ زي تيس الفريق يلبلب اليوم كلو... جمال الماحي ود الماحي بارك الله فيك يا اخوي على المعلومة لكن عندي كان كلمتني بيها في أضاني كان أحسن ناس ابراهومة و العزابة ديل كان سمعوا الكلام دا ما بخلوا لينا رطل زيت حاااايم .... ها آآزول ها... مالك على يمين الزيت دا ما بخلوا ليك براك كان يشققوه شرموط... يا كافي البلاء أولاد الزمن دا الواحد منهم طابق حبتو الزرقاء في جيبو و حايم المعني أنا أول مرة في حياتي أشوف واحد بشتري الحبل قبل البقرة...الحكاية شنو يا ود الماحي و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	28-08-2006 05:00 AM #120 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة معتز- حمدتو سلام ياناس الكوفي ابو علا وينك ياراجل ما شايف ولا حبشيه بتعمل في الكوفي انت عارف ده ماركه مميزه بتستقطب الشباب اكثر وتحلا الونسه شويه شويه مره اشي ، ومره كونجو بس التعامل باسلوب راقي يليق بمكانة الكوفي وشرط اكونوا من الامهرنجه . حاج ابراهيم ده وقت السمسم والا الفول ده كوفي ولا ابو ظريفة ههههههه. ابوعلا وين مساديرك الحلوه مره مره بحس اني في خيمة ود الحردلو . عليكم و السلام ابقي لداخل .... حمدتو اخوي شغلانة العمال دي انا مخليها لإبراهيم الراجل شباب و بعرف يعزل الجكس النضيف و المعني يوم داك جايب ليهو كووووم بنات شي حبش و شي فلبينات و وحدات تانيان انا زاتي ما عرفت جنسن شنو بس وداهن وين الله أعلم !!!! يكون الراجل دا فاتح ليه محل تاني و أنا ما جايب خبر ؟؟؟ المسادير دي يا ود حسن أخوي زي السجارة كان ما إترصوا ليها الشباب و دا يديها لي دا ما بتنفع و لا بتعدل الراس و بمناسبة الحاردلو لي يومين كده فاتح لي بوست في الثقافي بتكلم فيه عن المسدار و أثره في الأدب السوداني ما في زول عبرني قال لي انت بتقول في شنو إلا اخونا لواء بارك الله فوقو ما قصر تب ... غايتو العولمة دي شكيناها لله شالت الجنـــوي زي شيلت البحر لولاية سنار . كدي اقعد بي جنبي النكورك لعمك ود الماحي الراجل لسه شباب و الجلسات دي بحبها تب و باقي موصيني قال لي الجماعة كان جو كورك لي سااااكت عمك ود حسن يا هو داااك جاااي الراجل باقي الكلام دا بعجبوا بالحيييييل ما تفوت يا حمدتو بجيكم راجع و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	28-08-2006 05:03 AM #121 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 ود حسن كيف قيلت آآآبوي و الله فقدناك تب و بقينا نتقريف ليك زي جبنة العصرية ود الماحي آآآخوي سمسمو دا عامل ليه جنس دعاية أن شاء الله ما يطلع فشوش .. و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	28-08-2006 05:17 AM #122 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 قصة خفيفة على المعدة قال ليك كان في واحد ماشي في الشارع لقي موية مكشوحة في الواطة زلقتو وقع على يدوو و بقي كوعو بيوجعو قام مشي لأقرب عيادة و لمن دخل العيادة الممرضة قالتو دايرين عينة من البول !!! صاحبنا أستغرب و قال ليها يا بت الناس اناقلت ليك يدي بتوجعني تقولي لي عايزين عينة من البول !!!!! الدخل دا في دا شنو ؟؟؟ قامت الممرضة قالي ليه اسمع يا أخينا أنا ما فاضية للكلام الكتير ،، النظام عندنا بقول كده في عينة بدخلك على الدكتور…. ما في بول و الله ما تدخل للدكتور كان تضرب السماء جير ، ،،،، صاحبنا احتار و في النهاية سلم أمرو لله و قام جاب ليها عينة من بولو قامت الممرضة دخلتها للدكتور بعد شوية طلع الدكتور و قال ليه صحيح انو الوقعة كانت قوية و صحيح أنو موية البلاعة وسخانة بس اطمئن يدك ما مكسورة بس فيها شوية فكك و ورم ساهي و بروح ما في مشكلة صاحبنا استغرب جداً نطط عيونو و فتح خشمو شبرين و حالتو بقت حاله قال للدكتور بس انت من وين عرفت انو يدي بتوجعني ؟؟؟ اكيد الممرضة دي قالت ليك ؟؟؟ ، الدكتور قال ليه لا و الله لا قالت لي و لا حاجة أنا عندي جهاز جديد لتحليل البول بالكمبيوتر و بنعرف منو كل حاااجة عن حالتك الصحية ، كدي أنت خد المرهم دا امسح بيه يدك و بعد أسبوع راجعنا و ما تنسي تجيب معاك عينة من البول الراجل مشي البيت و حكي لأولادو الجماعة قامو يضحكو على نصب دكاترة اليومين ديل و حركاتهم الما ليها دااااعي قال شنو قال تحليل بول بالكمبيوتر ؟؟؟؟ بالله عليك الله شوف الراجل الما بخاف الله دا و عامل فيها دكتور كمااان أبوهم قال ليهم أنا المحيرني و ما قادر أفهمو للآن أنو كيف عرف زلقتني موية البلاعة و انو يدي بتوجعني !!!! قام الولد قال ليه دي بسيطة يا أبوي ... الدكتور مش قال ليك تراجعوا بعد اسبوع ... خلاص أصبر و بتشوف براك . بعد اسبوع كوعه بقي تمام التمام و قرر يرجع للدكتور قام ولدو قال ليه انا داير اعمل مقلب في الدكتور دا عشان أوريك انو نصاب و محتال ...... قام الولد جاب قزازة كب فيها عينة من بولو زايد عينة من بول اختو زايد عينة من بول ابو و ضاف ليهم شوية من زيت ماكينة العربية و كب عليهم باقي زيت لقاه في الطوة و تم القزازة من الماسورة و خجاها كوييييسسس و أداها لابوه قال ليه شيلها وديها للدكتور النصاب دا. صاحبنا اخد الخلطة الغريبة دي و مشي العيادة وقت وصل اداها للممرضة و قعد ينتظر في الاستقبال ... شوية الدكتور جاي طالع و شايل ورقة طويلة عريضة و عرقان و حالتو حالة قام صاحبنا سالو بطريقة استفزازية خاااالص شنو يا دكتور ان شاء الله خير ....؟؟؟؟؟؟ قام الدكتور قال ليه خير... باين انو كوعك بقي كويس و تمام التمام و ما عندو أي مشكلة بس في شوية حاجات كدة يعني ما مظبوطة اولا ولدك مدمن هيروين ..... و تانياً بنتك حامل ... ثالثاً مرتك محمرة سمك بلطي بزيت عافية ... رابعاً العربية حقتك لازم تغير ليها طرمبة الزيت .... , اخر شي أعمل حسابك البحر اليومين الجاية دي بفيض و يغرق بيتكم . همسة : أي واحد فيكم بيتهم جنب البحر و لا بانينو في خور ينتظرني بكرة الصباااح في الكوفي عشان أوصف ليه العيادة قبل ما الفأس تقع في الرأس و بعدين تندموا يا حلوين و و تقولوا أبو علا ما كلمنا و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	28-08-2006 09:21 AM #123 التيمان الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Jun 2005 الدولة مدنى شندى فوق المشاركات 4,171 الهمسه مبالغه والله أبكي انا .. عاصي انا لمنو انا اشكي .. أفتح لي بابك يا كريم واقبل دعائي كل ما .. امد اليك كفي .. الله .. مرر الماوس وادعي التيمان .. َ! رد مع اقتباس


	28-08-2006 08:41 PM #124 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 يديكم العافية التيمان و مشكورين على المرور بمشي و بجيكم صاااد كان المولى هــون و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	28-08-2006 09:39 PM #125 محمد حسين (المميز) الملف الشخصي مشاهدة المشاركات عضو ذهبي Array تاريخ التسجيل May 2006 الدولة الدرجه المشاركات 3,528 آآآآآآآآآآآآهـ صباح الخير ياهل الله ياللي هنا القهوه ياجماعه وجريدة معاك بالله ************** كيـف لا أعشــق جمـالك •• ما رأت عينــاي مثــالك رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 02:22 AM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني