أقبض .... حرامي إسمو جقمة الشاهي

[سامر حسن]

وجدت صدفة وأنا أتصفح مقع منتديات مملكة البحرين خيبة أمل جديدة تضاف إلى مصائبنا الجثام ... شاب سوداني يسرق أعمال أدبية وينسبها لنفسه
1- أنا والليل والمطر الهامي .. هذا الموضوع كنت قد نشرته بالمنبر العام لموقع سودانيز أون لاين ثم منتدى ود مدني

2- يا متلفحة بالأحلام

3- شايلك (محاولة شعرية)

4- مواضيع أخرى لكتاب من مشتركي المنتدى .....

http://bahrainforums.com/showthread.php?t=141793

http://bahrainforums.com/showthread.php?t=141181

http://bahrainforums.com/showthread.php?t=143500



أدهشني أنه لم يكلف نفسه تى تعديل الخط ... أم أنه كان مشغولا حينها بالنص ونسي نسب الموضوع لمرجعه ..

يا مشرفين .... يدكم معانا

[مدنيّة]

لاحولة ولا قوة الا بالله

اذا لم تستح فافعل ماشئت

[نزار حسن محمد]

يحول الامر للمتحدث الرسمى للمنتدى الاخ ابوبكر حامد .

[ابراهيم]

الراجل سرق المنتدي الثقافي كلو بهناك

يا متلفحة بالأحلام

معذرة أيها الحب ... وشكراً

عشان باكر مواعيدنا

لوحة وداع

يابراكي ...

عذابات الإنتظار ...

إعلمي أن حرفتي المستحيل ,,,,

متين ما جيت ...!

تداعيات متمردة

أبجدية السفر الأخير

"عبـيـــــــر الأمكنـــــــــة"

إتنين اتلاقوا فى نبض خليه ،،

** وجــع الكلام **وقت تلقي وش الناس قناع**

بيني وبينك

الجالوص - عاطف خيري ومعتوقة ومنعتقة ومعتقة كلها جقمها ما بخاف الله

بوح الخاطر ..
أم المدائن ... ودمدني ... مدينتي - ودي كتبها اخونا الغائب الحاضر الزمن المريح

عينيك مدن - برضو قال حقتو

والزول جقمة دة قال هو من مدني

دي كانت سياحة بسيطة في ملف جقمة الشاهي من منتدى البحرين

[اميمه عشريه]

غايتو العمل الحركه دي ما ظرررررررريف ثم تاني زاتو سواها كيف
موضــــــوعي ......موضــــــوعي .......!!!!!!

[ابراهيم]

جقمها جقم زي الشاي

[اميمه عشريه]

تحياتي ابن بلدي ..!!!!!!!!!!!!!!!!!!! جقمة شاهي !!!!
دخولا مباشره في الموضوع .. منذ متي الانسان السوداني يسترخص الاشياء ويستصعب السهل .. (يا سراقه هذا العصر الجديد) ؟؟ كيف سمحت لك نفسك ان تنتهك الحق الادبي لمنتدي ود مدني قسم المنتدي الثقافي بهذه السذاجه وتنقل كا ما تصل اليه يدك دون حتي ان تكلف نفسك عناء الاجتهاد .. اكتب اليك الان وكلي حزن لما قمت به هناك فهو فعل لا يتماشي مع تصنيفك كزول اسمر يترفع عن الدنايا .. لو اعملت الذهن قليلا كنت ستجد في خبايا تفكيرك كلمات وادب جميل تنسبه اليك وتكون ابا شرعيا له لا ان تنهب مقالات الاخوه بمنتدي ودي مدني والذي اقوم بالاشراف عليه في قسمه الثقافي واتابع يوميا كل ما يسطر فيه حرفا حرفا باحساسي قبل حسي الادبي وحس المشرف الذي يختنق الان وهو يري مجهودات الغير تذهب بهكذا سهوله ( نسخ + لصق) نفس الخط ونفس اللون ونفس نفس الكاتب وروحه ولكن بتزييل التوقيع الخاطئ .. اطلب منك اعتذار صريح لكل الاخوه والاخوات الذين اعتديت على حقهم الادبي بهذه الهمجيه التي لا نقبلها منك ابدا .. واطلب من القائمين على منتديات ممكله البحرين المحترمين تدارك هذا الخطأ الفادح الذي يرتكب في منتداكم العامر والقيام بما يلزم .. وكلنا امل وثقه في حكمتكم ........

شكرا ..
مهندسه / اميمه صلاح الدين عشريه
مشرفة القسم الثقافي بمنتديات ود مدني


هذا ردي في منتديات مملكة البحرين

[سامر حسن]

سلام يا شباب

إبراهيم

إتذكرت زمان كنا ساكنين في بركات وجانا حرامي يوم الوقفة بالليل عدمنا التكتح وصحينا يوم العيد خشمنا ملح ملح اتحشرنا كلنا في المطبخ وكان في برد شديد إتحشرنا في بطاطين وقعدنا نشرب الشاي ونضحك ... وكل شوية واحد يجي داخل ويقول بالله الحرامية عدموني القطعة ... صاحبنا قلت لي نشف ريق المنتدى ... الحمد لله المافينا واحد كتب مقال ضد البحرين حكومة وشعبا كان صاحبنا من خلف الشاشة واصل أغنيته الشهيرة حبيبي أقطع لي وأنا ألصق ليك وباكر نلقاها في منتدى البحرين .... جقمة ... الله ما يلمنا معاها في قعدة كان دي جقمتو ...

المشرفة المميزة أميمه
فلننم قريري عين طالما هنالك من يقومون بهذا الجهد ... دمتي لنا قلما وعصا للمعتدين وسندا للقادمين يتخيرون أسهل الطرق للقلب وعاش نضال الأقلام

[محمد حسن]

آلمني أن تسرق أرضك آلمني أكثر أن يسرق قلمك .... طوال حياتي كان لي قصيدة واحده قابله للنشر أسماها البعض بيضة ديك وأحمد الله أن كان هذا قبل الشبكة العنكبوتية والا لأصبحت اليوم مزرعة دواجن ..
قال شاعر وكاتب سوداني .. ما أكثر الإحباط في هذا البلد.

[خالد عبدالماجد]

هناك كثيرون يرتضعون لأنفسهم الصعود إلى منصات التتويج على أكتاف الغير ويأخذون من التمجيد والتبجيل مالايستحقونه ..
إنها مدعاة للإستصغار والتهجن .
لاأعتقد بإمكانية الحد من مثل هذه السرقات إلا بتكوين عدد من الأخوة بالمنتدى تنصب مهامهم في البحث والتنقيب عن الأعمال المتميزة التي تنشر بالمنتدي في باقي المواقع عبر محركات البحث ويتم في حال ثبوت مثل هذه السرقات إظهار هذا الأمر وحتى لو لزم الأمر التسجيل في المنتدى والرد على المشاركات المسروقة .

[سامر حسن]

يا جماعة الحصل شنو للزول ده انا طولت ما سألت

[معتز تروتسكى]

الاقمار الصناعية ستجذبك من هنا ... فقط انتظرنى لاستنشق بعضا من حميميتك المدهشة ... وسأحكى ليك عن كل شئ ... وبينا المسافات الصناعية وابعاد قدر لها ان تكون ليس الا ؛ وهذا الميتفزقيا...
.. ومشتاق ليك يا

حدك حدود الفال
سكه ومسار وطريق ...
لو زارتك عتمه
ليلك بزورو بريق ...
ولو عذبك مشوار
جنبك بتلقى رفيق ...
وبتفوتك الأحزان
موجك بهدى ويقيف ...
تسقى العطاشى ويبل
ريق الناسهو خريق



......

[hamad2]

لاحولة ولا قوة الا بالله
مبالغة لاكن جقمة