كشكول ود مدني

[امير عبدالباقي]

الاخ عم تنقو
يجازي محنك قطعت مصاريني

[تومى]

والله حقيقى حاجة جميلة بس واصلو لانه دى سيره لذيذه وقفشات تخلى الواحد رغم همومو يضحك طبعاً زراع دوماً متصدر القفشات والنكات يعنى زمان كان ناس حمورى واسى زراع ماسك الجو براهو

[عمك تنقو]

معتز - حمدتو وابننا - أمير عبد الباقي والتومي لكم تحية خاصة من عمك تنقو للمشاركة ووجودكم داخل حوش ( مدني ))
اكرر التحية لكم

[hamad2]

تخلى الواحد رغم هموموا يضحك

[عمك تنقو]

لك الشكر والتقدير ابننا حمد مرفوع القوة 2

[hamad2]

اولاد عمي كلهم كاتبين حمدتو ما خلو لينا حاجة
عشان كده انا قالبا من زمان hamad2

[عمك تنقو]

قالوا في واحد مشبه ليهو واحد اسمو ( حمد ) قابلوا في حلواني في مدني ايام الحلونيات طبعا اسه بقت اكشاك وحلل وكبابي وبخور لطرد الضبان - المهم طلع الزول ما حمد لكن بشبه حمد صاحب الزول داك شديد واصر علي انه حمد ولازم يشرب حاجة مخلوطه ومعاها شاي اللبن ابو كبايتن كبيرة داك باللقيمات او الباسطة المهم صاحبنا رضخ لاسم حمد وضرب ليك الحاجات وانبسط تب وقعد اتونس مع الراجل المشبهو لي حمد وفي اثناء الونسة اكتشف الراجل انه فعلا غير حمد المقصود وانسحب من الحلواني بدون ات بشعر به المشبه بحمد وجاء الجرسون طالبا الحساب فقال له الحساب عند صاحبي العازمني ده فالتفت ولم يجده وبحث عنه فتأكد انه شرب المقلب !!
وقعد يحل في الصرة الواضع فيها الفلوس تحت السروال عادة العرب في المدن ويصيح مهتاجا محدثا نفسه :
وهو يمد للجرسون القروش

قلت ليك انا ما حمد !
تقول لي حمد !

هديه لابني Hamad2

[hamad2]

قالوا في واحد مشبه ليهو واحد اسمو ( حمد ) قابلوا في حلواني في مدني ايام الحلونيات طبعا اسه بقت اكشاك وحلل وكبابي وبخور لطرد الضبان - المهم طلع الزول ما حمد لكن بشبه حمد صاحب الزول داك شديد واصر علي انه حمد ولازم يشرب حاجة مخلوطه ومعاها شاي اللبن ابو كبايتن كبيرة داك باللقيمات او الباسطة المهم صاحبنا رضخ لاسم حمد وضرب ليك الحاجات وانبسط تب وقعد اتونس مع الراجل المشبهو لي حمد وفي اثناء الونسة اكتشف الراجل انه فعلا غير حمد المقصود وانسحب من الحلواني بدون ات بشعر به المشبه بحمد وجاء الجرسون طالبا الحساب فقال له الحساب عند صاحبي العازمني ده فالتفت ولم يجده وبحث عنه فتأكد انه شرب المقلب !!
وقعد يحل في الصرة الواضع فيها الفلوس تحت السروال عادة العرب في المدن ويصيح مهتاجا محدثا نفسه :
وهو يمد للجرسون القروش

قلت ليك انا ما حمد !
تقول لي حمد !

هديه لابني Hamad2

اديك الف عافية

[hamad2]

عمي التنقو رمضان كريم

[محمد عبد الله عبدالقادر]

بعد دخولنا لمدرسة مدني الثانوية وفي اول يوم دراسة جاء المسئول عن الفصل وكان استاذ عنتر استاذ مداة الاحياء وبدا ينده على الطلاب وكان معانا الاخ والصديق جعفر النميري الطيب وعندما وصل الى اسمه طلب منه ان يقف وكنا في آخر الفصل وقال ليهو باستخفاف ( بالله انت جعفر النميري!!) فما كان من اخونا جعفر وهو شخصية ظريفه وسريع البديهة رد عليه قائلاً ( وبالله انت عنتر!!!) فما كان من استاذ عنتر الاوطرد جعفر من اول لحظة وكان اول من يطرد من هذه الدفعه

[محمد عبد الله عبدالقادر]

في الصف الثاني بمدني الثانوية كان يجلس الى جانبي اخي العزيز محمد سعيد محمد فرح وكان ممثل الفصل داخل اتحاد المدرسة وتم توزيع اعلان لممثلي الاتحاد داخل الفصول لحضور اجتماع هام ( كما قيل في الاعلان) وكان الحصة حصة انجليزي مع الاستاذ الشبلي، فما كان من محمد سعيد الا وان قام واخذ كرسية وهم بالخروج من دون استئذان الاستاذ الذي اوقفه وسالة عن اسمة بالانجليزي What's your name فاجاب بسرعه ( موهمد ساييد) فضج الفصل بالضحك وغادر محمد الى الاجتماع

[عمك تنقو]

ذكريات جميلة جدا يا محمد ومن المؤكد ان هذه الفترة من اجمل ايام الصداقات والقفشات وبتاعت النميري رهييييييييييييييبة

[yasir]

استاذ كمال عباس واحد من الناس الساخرين جدا وهو جار ناس المرحوم عمنا صالح عيدابى فى المزاد.
قالوا فى واحد ضرب فى موبايل استاذ كمال الساعه خمسه صباحا الو منو معاى داك قال ليهو دا
تلفون اسماعيل ؟
استاذ كمال اتضايق من الزول الضارب ليهو خمسه صباحا وبعد دا كلو ضارب غلط قام قال ليهو ياخينا انا كمال لكن الله يسالك سيدنا اسماعيل ساعة جو يضبحوه توروه خمسه صباحا؟

[عمك تنقو]

هههههههههههههه

استاذ كمال لو قالو ليهو في الوقت ده في ( دافنة) موقفو شنو

شكرا استاذ ياسر .

[خالد أحمد الصول]

لا فض فوهكم أيها الاحباب و أنتم تدردشون بماضي هذه المدينة الحالمة توثقونه و تحفظونه هاديا للاجيال القادمة و هذا ديدن المحبين و المغرمين بمدينتهم و ناسها و رائحتها و عطرها و عرقها ... في مجانين المدينة أروع الحكايات و العبر و التي لا تتأتي إلا عند العباقرة!!!! فمن كان عنده دلوا في هذا المجال أحبتي أتمني أن يدلوه

[bakry kassala]

كل يوم الصباح لازم ادخل على الكشكول واضحك من قلبي مشكورين جدا كل الاخوان المشاركين في هذا البوست وخاصة عمنا تنقو وودالمأذون وامير عبدالباقي وحقيقة يا أمير كل يوم الجماعة ديل بقطعو مصاريني بالضحك
مع أمنياتي بدوام التواصل

وأدعو معي للمرحوم الاخ زراع بالرحمة والمغفرة
بكري كسلا

[عمك تنقو]

صباحاتك دايما بالخير ياابن كسلا الوريفة

[bakry kassala]

صباحاتك دايما بالخير ياابن كسلا الوريفة

تصدق يا عم تنقو إني من ابناء ودمدني ( دردق) - كما كان يشرفني ان أكون من أبناء كسلا الوريفة - و ربنا يسلمك لينا ( ودحنتوب ) لان هذا الكشكول حقيقة جميل

[امير عبدالباقي]

الاخوه الحبه
لكم كل الود والتقدير وانتم تورخون لنا قفشات ووجوه مدني العظام بس العاوزه منكم ماتنقطعو ياشباب وتذكرو لينا كل يوم قفشه ووجه من مدني لانه سوف تتحفظ للاجيال القادمه ويعتبر ليهم مرجع لتاريخ مدني
عم التنقو بكري كسلا محمد عبدالله حمتو 2 شكرا كثيرا لكم وانتم تبحرون في عالم مدني
الاخ ياسر لا تنقطع

[DANY]

قمة في الامتاع والظرافة وسرعه البديه لك الشكر عم تنقو علة هذه اللفته الحلوة منك

[عمك تنقو]

نكتة عجبتني أيام العيد :

ود العرب ( هدندوة ) سألوا أستاذ العربي في الحصة عن معني ( الدهشة )
فرد عليه : ولد الحمار يا أستاذ !!!

[عمك تنقو]

جلس صديقي ومحدثي امامي وكان قد غادر الي السودان نهائي بعد خدمة 30 سنة غربة انجز فيها وبحمد الله تعليم اولاده وزواج بعضهم والمنزل الوحيد الذي بناهو للاستقرار في السودان ..
كانت زيارته لنا مفاجأة وفي عيد الأضحي المبارك وحكي لي بانه طلع عنده ( رّيالة ) والريالة للذين لا يعرفونها هي اللعاب السائل تقال للرجل العوير ، يعني صاحبنا طلع راجل عوير ...
في عزومة غداء بالسودان عرض عليهو بيع سيارته بمبلغ مضاعف بعد معرفة سعرها الاصلي فسال لعاب صاحبنا وبعد الغدا مباشرة اتجهو نحو احد التجار الكبار المعروفين في امدرمان وطلع معرفة وهاك ياسلام وياراجل انت تجي البلد نهائي وماتكلمنا وسمعنا بيك والكلام ده عيب منك !
الراجل ختها في بطنوا بطيخة بااااااااااااردة - قام التاجر قال ليهو بعد ماشاف العربية الشيك بي اسمك ولا اسم واحد من الجماعة ديل وصاحبنا ما اخده شك وقاليهو باسم الجماعة ديل وركبوا( بو بو) مشوا لي بحري وهناك دخلوا بيت من ثلاثة طوابق وبعد السلام قالو ليهو نحن جاينك في خدمة - تفك لينا الشيك ده - ودي كمان معلومة جديده انا ذاتي عمكم تنقو ده اول مرة اسمعها وفك الشيك يدوك كاش باقل من سعر الشيك وذلك لضمان السيولة وحقك وبالفعل الراجل مسك الشيك وصاح قائلا - اللـــــه -
والله لو جيتوني قبلي ساعة كان لقيتو المبلغ فكيت بيهو شيك تاني !!
المهم رجعوا لتاجر امدرمان وناولوه الشيك وهنا صاحبنا خطف الشيك وقال للتاجر اكتب الشيك ده بي اسمي ! وفعلا كتب الشيك بي اسمهو بتاريخ مقدم بعد شهر واحد بس ؟
الشهر جا والتاني والتالت والادعاء العام والشرطة وفي النهاية اداهو لي واحد لمتابعة القضية وركب الطيارة وجا السلطنة وطول هذه المدة انا مقهي في صاحبي ..
قلت ليهو وبعدين ؟
قال لي بعدين المشكلة يوم استلمت الشيك ده كنت راكب عربية آخر موديل ورجعت البيت بي كرعي والشيك في جيبي ..
قلت ليهو وبعدين ؟
قال لي كنت دارع العمة في ظهري ودخلت البيت ما بشوف قامت أم العيال سألتني :
سجمي العربية وينها ؟
قلت ليها هس ! ولا كلمة قبلي ما اخنقك بالعمة دي !ّ!!

[عمك تنقو]

كان ذلك في الصيف قبل الماضي عندما استوقفني شيخ عجوز وانا في طريقي لحنتوب عند شارع النيل في مدني وركب بجانبي وكانت صحبته جميلة بالنسبة لي في صباح ذلك اليوم والغيوم ورزاز المطر وريحة المدينة تختلط بزيت السمسم والفول وزهر واشجار شارع النيل - وحدثني حديث ماضي حلو بكل مافيه من روائع ومواقف في التاريخ العملي والمهني والسياسي وقال لي ياولدي اسه انا لي 3 سنين مابركب بوكس ولا رقشة ولا حتي كارو الاّ الباص !
قلت ليهو طيب انت عشت العمر ده كلوا وشوف شباب الزمن ده بجري كيف بالرقشة والصالونات والعجلات ماخايفين انت خايف وحريص علي الدنيا عشان شنو ؟

ياولدي ديل ما ضاقو من طعم الدنيا حاجة لكن انا ضقتها !!

[أبوبكرحامد]

أثناء إجازتى بمدنى وداخل مكتب المرور دار جدل بين شرطى المرور وشاب فى مقتبل العمر ضبط يقود الركشة بدون رخصة ، فتم حجز الرقشة ، وبعد دفع الغرامة استلم الشاب أوراق ومفتاح الركشة ، عسكرى المرور سأله " أها كان سقتها تانى بقبضوك ، ماعندك زول اسوقا ليك " ، فرد عليه الشاب وهو يستشيط غضباً " ياخى ح ألزها ".

[على حسن]

انا من ابناء مدني بحب مدني وناس مدني