النتائج 151 إلى 175 من 246

الموضوع: ود المطامير ... ضيف ساخن على الكرسي الساخن

أدوات الموضوع
- مشاهدة صفحة طباعة الموضوع


	03-02-2007 09:39 AM #151 ابوزيد محمد نور الملف الشخصي مشاهدة المشاركات زيارة الصفحة الرئيسية عضو برونزي Array تاريخ التسجيل Sep 2006 الدولة ودمدنى الفسم الاول المشاركات 681 ود المطامير لك التحية وانت على هذا الكرسى الجميل و بالله عليك طلع العندك كلوا ورين الحاصل عيك شنو وبطل المهاتره الكتيره ياحبييبنا وهاااااااااااااااااااااااااحن معككككككككككك abzeed@hotmail.com biloservices@hotmail.com رد مع اقتباس


	04-02-2007 12:45 AM #152 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة مثني ودالعيكوره اول التبادي : السلام عليكم....... احي اهل الجزيره الراااااائعين ابداً و احي اهل مدني في كل الدنيا لن اسرد فضائل الجزيره وناس الجزيره لان ذلك سيكون من نافلة القول(والعارف عزو مستريح). وتاني شي : انا صديق جديييييييييد لنج للمنتدي واول ما دخلت المنتديات لقبت ودالمطامير محكر في البنبر الحار... وبديت البورد من اولو لحدي ما وصلت لي هنا.... ودايركم تقبلوني صديق (وله برضو دايره واسطه) ، علي كلٍ دا عربون صداقه... بعض السعالات لود المطامير .... فكة حنك 1/ لديك قلمان احمر واسود فماذا تكتب بكل منهما؟ 2/ لو خيروك بين ان تفقد جميع حواسك الخمس ما عدا حاسة واحدة.. فأي واحدة ستختار ولماذا؟ 3/ اذا اكتشفت ان هناك صديق مقرب منك قد كذب عليك فكيف تتصرف معه؟؟ وهل تستمر في علاقتك معه؟ 4/ دق جرس الباب.. اسرعت الى الخارج ووجدت رضيع بجانب الباب مع ورقة ترجوك بان لا تأخذه الى احدى دور الرعاية... ماذا تفعل؟.. كيف تتصرف؟ مع عاكر مودتي............ ..................... مثني ود العيكوره........... وعليكم السلام ورحمة الله وبركاته وأهلاً وسهلاً بك أخ وصديق عزيز وغالى بين أهلك وأحبابك وسعيدين جداً بجيتك لنا ونورت المنتدى( وواسطتنا ) هى المحبه والإلفه والتآخى الحميد .. ود العيكوره العزيز إنت فى ديار .. 1 .. الكتابه بالقلم الأحمر .. مره مشيت جهاز شئون المغتربين فى إحدى إجازاتى النادره وكانت على ّ ضرائب أردب عيش عديل كدا أدخلت أوراقى لمديرة الضرائب عشان تنقص لى , ارجعوا لى الأوراق ولقيتها نقصت لى شويّه وأدخلتها تانى وأرجعوها تانى وهى نقصت لى ترمه بس والمره دى كان التوقيع بالقلم الأحمر فدخلت لها بنفسى وبدأت أصف لها الحال المايل فقالت لى .. لما حد يوقع لك بالقلم الأحمر معناها ( قرار نهائى بدون رجعه أبداً ) ومن يومها وأنا أى قرار نهائى أتخذه فى حياتى أكتبه بالقلم الأحمر .. الكتابه بالقلم الأسود .. ودا يا الحبيب أستخدمه للكتابه فى المآقى الواسعه , تكل العيون اللى تبلع ميه ذى ود المطامير أخوك دا , أولائك اللاتى هن فراشات حدائق القلب ولذا تجدنى أغمس ريشه يراعى فى سواد عيونهن وأخط لهن آهات الروح . 2 .. لو خيرونى أن أختار حاسه واحده وأفقد الباقى فأنى ح أختار البصر وذلك لأنى حينما أرى مشهد يمكننى أن أن أشم عبقه وأن أتذوق معناه وأسمع همس الحرف بين جنباته وألمس فيه كيانى .. ففى عرفى نعمة البصر تختزل كل الحواس . 3 .. لو إكتشفت أن صديقى قد كذب على ّ .. بتعذب شديد وعلى الطول أصارحه بكذبه على ّ ولكنى لا أخسره ولكن لو كررها معى ساعتها ح يظل صديقى ولكن ليس مقرب . وهذا طبعاً فى الآمور الجاده , أما اللأمور العاديه فلا ألقى لكذبته بال . 4 .. سؤالك الأخير أعجبنى جداً .. حتى لو وجدت المكتوب فى الورقه .. يرجى أخذه لدور الرعايه فأنا سوف أضمه إلى صدرى بحب وحنان ويصبح عندى ثلاث أولاد وبنت .. فيا عزيزى لأن الله تعالى غرس فينى حب للأطفال آلى حد الرعشه وقصصى معهم لا تعد ولا تحصى .. ومرحب بك ألف مرحب وتعال تانى وح تلقانى منتظرك بكل الأشواق . وشكراً لك . اللهم أجعل قبرى روضه من رياض الجنّه رد مع اقتباس


	04-02-2007 01:47 AM #153 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة ود البطــــانة الجنيَ الحسيس .. ود عم العــــريس الراجل التمام .. القدحو سبق السلام .. !! ويا ودالمطامير حرم حبابك .. وكيفنك وأخبار عقابك .. وندخل علي السؤالات .. وبسألك : * لو طلب منك أن ترسم لوحة لمن ترسمها ولماذا ؟؟ * لو سافرت للفضاء ماذا تحمل معك .. وبرضو لماذا ؟؟ * لو خيروك ما بين العيش في حي منهاتن الراقي في نيويورك .. والشرفة بركات .. من تختار وما هو تعليقك ؟؟ !! * لو خيروك أن تأخذ واحدة من هذه الأشياء .. نريد خيارك .. ؟؟ 1 / فلوس ضخمة 2/ فتأة جميلة جداً 3/ زهور فواحة وخليك قاعد .. جاينك تب .. !! ،،، ود البطــــانة البطانه .. تلك الربوع التى أهيم فيها عشقاً وحب لسماحتها وسماحة أها الطيبين , رجالاً عرفناهم بالجود والكرم والشهامه وأهلاً بك أخ عزيز وكريم وغالى ونمشى للسعالات .. لو رسمت لوحه ح أرسمها ( لشريكة حياتى ) لأنى قبلها لم تكن لى حياه وبعدها وجدت حياتى وعليه لها أرسم وأكتب وأغنى وأقول شعر كمان . 2 .. لو سافرت للفضاء ح أحمل معى عائلتى لأنى بهم أحيا وفوق فى الفضاء طبعاً إنت عارف مافى أكسجين . 3 .. لو خيرونى بالعيش فى منهاتن والشرفه بركات .. ح أختار الربوع التى ولدت فيها والدروب الضيقه التى تربيت فيها .. هازول أنا بيوتنا المقرمشه والعامله ذى البسكوت فى الشاى دى ما ببدلها بناطحات سحابهم , وحميرنا والكارو ولا الفورد حقهم , إحنا لو ما شمينا ريحة زرايب البقر بمسكنا وجع راس ولو ريحة الدعاش ما ملت صدورنا بنقعد نعطس اليوم كلو والكلام دا ما عشان (الكديس ما لحق العضم قال عفن ) لا بل ديل لحّاقين بعيد أفوتهم كيف ؟؟؟ . 4 .. الإختيار بين الفلوس الضخمه والفتاه الجميله والزهور الفواحه .. وأنا مغمض ح أختار( الفتاه الجميله ) لأن أخوك ( أخوك ريّاد بالحيييل ) ومال الدنيا كلو لا يساوى عندى إبتسامة حسناء والأزهار جميله ولكن مش أجمل من أزهار الحسناوات وأقول . ما هذا الأحمر المشقوق ؟ ... قالوا هذا فم وأنا لوهله حسبته ... ورده من لحم ودم .. وتعال لى تانى سريع يا الغالى فالبطانه هى منبع الروح . اللهم أجعل قبرى روضه من رياض الجنّه رد مع اقتباس


	04-02-2007 02:18 AM #154 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة حسن السيد ودالمطامير حبابك وحباب الشاف أحباب عندي سؤال وأحد لو سمحت ظروفك ود المطامير معزوم للعرس والحفلة قاجة والبنات هبطرش يعني دايرات عريس مش يهم معرس مو معرس المهم عريس في تلك الحالة عندك بدلة شيك ومعاها كل تبعاتة يعني كرفتة وجزمة خطيرة وفي نفس الوقت عند جلابية بيضة مكوية ها هنا ود المطامير بلبس شنو ؟؟؟ أشوفك في الكوشة يا عريس تحياتي ........... حسن السيد أهلاً بالحبيب حسن تحياتى الحاره لك . يا زول دا سؤال داير كباية شاى مصلحه .. أها بس كان تورينى مكان العرس وين ؟ ماهو فى أخت غاليه الله يرميها على خشيمها ولسانها المعوج يبقى عليهو البقى على لسان عمار إبنى قلبت المطامير متامير قالت علىّ ( أبو الدقيق ) إبقى لو العرس فى المطامير ح أختار الجلابيه وجنياتها ولو كان فى مدنى بلبس الحاجات التانيه القلت عليها .. بالمناسبه ذكرتنى .. أقسم بالله العظيم ومن حلف بالله ما خلى حاجه وأكون صادق معك أمام الله والحبايب دول . لما كنت ماشى أتزوج إشتريت بدله تقول يا ليل , ومعها شُفعها ناس الجزمه ومعهم الكارفته ( دا إسمها ) ؟ أها قلت لصاحب المحل أربضها لى وربطها وشلتها مربوطه جاهزه وبقيت خايف على الربطه تتخرب ولما وصلت السودان فى اليوم الواحد بشوفها كم مره عشان خايف يتسلط عليها واحد ويفرتقها وتبقى فضيحه فى حقى لو قلت لزول أربطها لى أها جا يوم العرس وزنقتها ليك فى الرقبه تمام وأخوك طلع عليهم ولا بيل جيست زاتو وتعال شوف قعد جمبى ود الشليقنا وقال لى _ هى دى أبوظبى سوت فيك كدى ؟ خلتك تربط التكه فى الرقبه . ؟!! وبقيت صغيرونى . وعليك الله قلت لى البنات هبطرش ؟ وبرضو ذكرتنى جكس حفلاتنا وبحكى ليك لما تجينى تانى ما تتأخر . اللهم أجعل قبرى روضه من رياض الجنّه رد مع اقتباس


	04-02-2007 02:58 AM #155 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة ود المطامير ماهو فى أخت غاليه الله يرميها على خشيمها ولسانها المعوج يبقى عليهو البقى على لسان عمار إبنى قلبت المطامير متامير قالت علىّ ( أبو الدقيق ) الحصل عليه شنو لسان عمااااار كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح رد مع اقتباس


	04-02-2007 03:07 AM #156 بنت الرفاعي الملف الشخصي مشاهدة المشاركات نائب المشرف العام Array تاريخ التسجيل Dec 2006 المشاركات 9,979 رجعنا ليك تاني.. أخبار أم عمرو شنو نحن لسة مستنينها؟! بالمناسبة أولادك في المدرسة كيف ؟ علِّمي نفسك ما تندهشي صدِّقي كل الما معقول!! ----------------------- سأبقى ماحييت بدار دنيا .. رفيقاً لا يخون ولا يجافي وأحفظ عهدكم في عمق قلبي .. ويروي ودكم نظم القوافي ويبقى دائماً هناك وإن (مرام) لتحقيقه. ----------------------------------------------- اللهم اغفر لوالدي، وارحمهما وأطل في عمريهما يارب العالمين. ----------------------------------------------- اللهم ارحمني برحمتك، واغفر لي يا مالك الغُفران، واجعل قبري روضة من رياضك، وأدخلني فسيح جناتك، يا رب العالمين. رد مع اقتباس


	04-02-2007 03:27 AM #157 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة Madanawi ود المطامير - ابو لسانين - ابو قلبين - ود ابو ظبي - من الاحد للربوع - عيان الهوى عندي ليك سؤال بالحيل محرقني. أولاد الشرق كل يوم زايدين ي المنتدي. أول حاجة بنرحب بيهم وتاني حاجة بقول ليك الوراهم درب الملجة والسوق الكبير وسينما الوطنية والاستبالية دا منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حبيبنا الغالى والله الأسماء اللى بتطلقها علىّ لو وزعوها على المطامير ح تكفيها وتذيد ولكن ( عيان الهوى ) دى كيفتنى كيف جد . لما ناس حكومة المنتدى جهجهونا فى الحرب رسلت ليهم ود الشليقان وهو تلاته يوم ينادى فى البوادى للإنضمام لجبهة الشرق أها كلهم ركبوا الحمير ويلا الكبرى وين ؟ ناس حاره تب , دا غير اللى فى الطريق وجايين كدارى لكن يا مدناوى , دخول الإستباليه صعبوهو كدى لشنو ؟ يا حليل زمان لما يكون عندنا زول ضارباهو ملاريا ونجيبوا المستشفى وننوم تحت الشدر ويخرجوه بعد كم يوم وبعد كم يوم يقع واحد تانى ونجى تانى وتدور الدايره لأن الباعوض يقرص العيان بتاعنا فى العنبر ويقول يطلع بره يشم هوا ويلقانا نحنا ويقرصنا وهكذا ولذلك منعو المبيت صح ؟ اللهم أجعل قبرى روضه من رياض الجنّه رد مع اقتباس


	04-02-2007 03:30 AM #158 مثني ودالعيكوره الملف الشخصي مشاهدة المشاركات عضو مجتهد Array تاريخ التسجيل Jan 2007 الدولة العيكوره المشاركات 181 شكراً جزيلاً يا ودالمطامير علي الرد... ثم اما قبل : هل يرجع من زمن جيتك حضور تاني وعلى ذكراك امل ممتد انا وانت وهديل الكون على لقيا وبياض خاطر ..... وهاك التلاته اسئله دي اتونس بيهن لحدي ما اجي 1/ اعطي لك مفتاح وقفل.. ماذا ستفعل بهما؟ 2/ صفة لا تحبها في ود المطامير.. ماهي وهل تفكر بالتخلص منها؟ كيف؟ 3/ ا فترض انك ركبت في آلة الزمن ورجعتا لورا.. اي سنة تختار؟ ولماذا؟ والعمير كان فيهو بقيه بنتشاوف مع عاكر مودتي ..... ............. مثني ودالعيكوره...... لا تجفل ... ولا تترك فرسك يجفل كم من فرس أجفل ،، القي فارسه تحت الارجل وأفتح خيمتك الواسعه إذا الليل تسلل ،، رد مع اقتباس


	04-02-2007 03:36 AM #159 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة ابوزيد محمد نور ود المطامير لك التحية وانت على هذا الكرسى الجميل و بالله عليك طلع العندك كلوا ورين الحاصل عيك شنو وبطل المهاتره الكتيره ياحبييبنا وهاااااااااااااااااااااااااحن معككككككككككك أهلاً وسهلاً بالحبيب الغالى وتسلم على الجيه الغاليه دى والكرسى جميل بيكم إنتم . عِلا لو طلعت اللى عندى كلو حق المواصلات أجيبو من وين ؟ ولو بطلت المهاتره ببقى أخرس وأبكم فأنا كتاب مفتوح يُقرأ صفحه صفحه .. اللهم أجعل قبرى روضه من رياض الجنّه رد مع اقتباس


	04-02-2007 03:40 AM #160 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة مدنيّة الحصل عليه شنو لسان عمااااار أنا عارفك ذكيه ذكاء متقد ما شاء الله إنتى بس قولى آميين . اللهم أجعل قبرى روضه من رياض الجنّه رد مع اقتباس


	04-02-2007 03:50 AM #161 Madanawi الملف الشخصي مشاهدة المشاركات فخر المنتديات Array تاريخ التسجيل Sep 2006 الدولة مدني المشاركات 3,544 المشاركة الأصلية كتبت بواسطة ود المطامير قالولك أنا فاتح فصل محو ( أمّيه ) ؟ باقى المويه فى زير ولأ حفير موية طييييييييييييييييين قلنا ليك قول ليها قعر الزير عكران وكان ما عرفت عكران طوالي نوديها مدرسة ست عيشة. إيه الدنــيا غيــــــر * لمة نــــــــاس في خيــــــر * أو ســـاعة حـــزن رد مع اقتباس


	04-02-2007 03:51 AM #162 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة moram رجعنا ليك تاني.. أخبار أم عمرو شنو نحن لسة مستنينها؟! بالمناسبة أولادك في المدرسة كيف ؟ كدا برضو تتأخرى قدر دا ؟ والليله مالك مستعجله كدا ؟ سحروك ؟ أم عمرو بخير وبتسلم عليك وهى مستنيه البص . أولادى فى المدرسه .. شجن .. ماشاء الله عليها طالعه لأمها ذكاء مدهش وشطاره جد عمرو .. التاريخ يعيد نفسه !! والله بشيلوه شيل ويرموهوا فى حافلة المدرسه ولما تتحرك الحافله يرمى الشنطه بالشباك ومعذب السواق والمشرفه والمدرسات عذاب شديد وكل يوم عامل فلم هندى للناس فى الشارع فى مواعيد الحافله هو يجرى والفريق كلو يجرى وراهو , ولما نقول ليهو أقعد ذاكر يقول بطنى واجعانى وأف عزر وعزر وغايتو الله يهديهو ويفك دربى . اللهم أجعل قبرى روضه من رياض الجنّه رد مع اقتباس


	04-02-2007 04:03 AM #163 بورتبيل الملف الشخصي مشاهدة المشاركات عضو فضي Array تاريخ التسجيل Jan 2007 الدولة بورتبيل المشاركات 1,897 يا مطاااااااااااااااااااااااااااااااااامممممممممممممم مممممممممييييييير اها ما قلتا ليا .. البكس الـ92 بعتوه بكم ..... والدكان حقكم كيف تحياتي ... للجميع في الشرفة هههههههههههههههههههههههههههههه واركز للبجيبها الريح تقيف انت ويشيلها الريح وابقي العاتي والدرب الوراك مسدود و شيل شيلتك بقيت للنص لاحلماً بجيب البر ولا حَدُوُدُ رد مع اقتباس


	04-02-2007 04:31 AM #164 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة مثني ودالعيكوره شكراً جزيلاً يا ودالمطامير علي الرد... ثم اما قبل : هل يرجع من زمن جيتك حضور تاني وعلى ذكراك امل ممتد انا وانت وهديل الكون على لقيا وبياض خاطر ..... وهاك التلاته اسئله دي اتونس بيهن لحدي ما اجي 1/ اعطي لك مفتاح وقفل.. ماذا ستفعل بهما؟ 2/ صفة لا تحبها في ود المطامير.. ماهي وهل تفكر بالتخلص منها؟ كيف؟ 3/ ا فترض انك ركبت في آلة الزمن ورجعتا لورا.. اي سنة تختار؟ ولماذا؟ والعمير كان فيهو بقيه بنتشاوف مع عاكر مودتي ..... ............. مثني ودالعيكوره...... شكراً جزيلاً على الأبيات الجميله وأهلاً بك على طول الخط . 1 .. المفتاح والقفل ح أقفل بيهو قداديم اللى لا شغل عندهم إلا سيرة الناس فمن الإفرازات السيئه للغربه كسودانيين بنأكل فى لحم بعض بصوره غريبه جداً جداً نهش جد , فبدل ما نكون أسره واحده النميمه ونقل النميمه قطعت الأوصال .. 2 .. سؤال حلو جداً .. بصراحه الصفه اللى لا أحبها فى ود المطامير هى إنو أنا صريح مع الناس أكثر من اللزوم فى تعاملى معهم ودا سبب لى مشاكل رهيبه حتى مع أهلى وكل من يعرفنى يعرف إنو لسانى متبرئ منى ولى فى ذلك مواقف لا تعد ولا تحصى , وفكرت كتير جداً فى التخلص منها وذلك بكتم مشاعرى وعض لسانى ولكن لسانى دائماً بكون أسرع من البرق فى الرد وأفتكر هذا الكرسى خير دليل على صراحتى وتعاملى مع من أحبهم بعفويه وتلقائه وشعارى فى الحياه ( الشفافيه والوضوح ) 3 .. لو رجع بى الزمن للوراء بختار العام 1998 ففيه تحقق أغلى وأجمل وأروع حلم فى حياتى وهو وضع يدى فى يد من أحببت ومعاً سرنا ونسير إنشاء الله فى دروب ( الريد ) إلى ما لا نهايه . و،ا فى إنتظار العكر الجميل دا . اللهم أجعل قبرى روضه من رياض الجنّه رد مع اقتباس


	04-02-2007 04:45 AM #165 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة Madanawi قلنا ليك قول ليها قعر الزير عكران وكان ما عرفت عكران طوالي نوديها مدرسة ست عيشة. والله يا حبيب قلبى تومتك مدنيه دى ليها حق تقد إمتحان شبارقه أجيها بهنى تجينى بهنى والحمد لله إنت جبتها ليها من الآخر عِلا الخوف تجى ناطه وتقول عكران مالو الزهجو منو ؟ ويا زول هى فى مدرسة عيشه كل فصل ح تقعد تلاته سنوات أحسن نوديها المطامير تقعد سنه رايك شنو ؟ اللهم أجعل قبرى روضه من رياض الجنّه رد مع اقتباس


	04-02-2007 05:08 AM #166 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة بورتبيل يا مطاااااااااااااااااااااااااااااااااامممممممممممممم مممممممممييييييير اها ما قلتا ليا .. البكس الـ92 بعتوه بكم ..... والدكان حقكم كيف تحياتي ... للجميع في الشرفة هههههههههههههههههههههههههههههه يا ود عمى والله مشتاق ليك موووت , عِلا عاد ما قلّبت علىّ المواجع تب ,, مره أدونى مكافأه وإشتريت بيها البكسى دا ,, تلاته وتمانين سيوبر والله ذى النحله وبعد كم سنه عمك قال عاوز يبيعو وإشتريتو منو أنا ذاتى وبعد إسبوع مشى باعو فى الخرطوم ,, ولحد هسى مش عارف باعو بكم . الدكان .. أها دا سبب المواجع ,, قبل ما أتزوج كنت برسل لأبوى شهرياً مبلغ محترم وهو يمشى يشترى البضاعه من مدنى ويجى يديّنها لناس الفريق ومعظمهم مدرسين يعنى رواتب مافى وهو يعصر علىّ وأنا أحوّل وهويجيب البضاعه ويديّن الدين المعدوم وأنا مسكت يدى لما لقيتها قربه مقدوده هدّت حيلى وضيعت على كمّ سنه سااى وبقيت أرسل له مصاريف شهريه لزوم البيت بس والدكان بقى يأكل من لحم مصارينو لحدما بقت رفوفو ذى بيت أبو الدنان . اللهم أجعل قبرى روضه من رياض الجنّه رد مع اقتباس


	04-02-2007 05:13 AM #167 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة ابوالنور ههههههههههههههههههههههههه إنت يا أبو النور دى أم أربعه وأربعين ؟ اللهم أجعل قبرى روضه من رياض الجنّه رد مع اقتباس


	04-02-2007 06:10 AM #168 الفارس البنفسجي الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Nov 2006 الدولة ودمدني - ودكنان المشاركات 4,621 يا جماعة انتو ود المطامير دا حي ؟ ولا أتلبت في البوست دا وبقى ما بنشاف ؟ ولا الحاصل شنو؟ رد مع اقتباس


	04-02-2007 07:04 AM #169 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة الفارس البنفسجي يا جماعة انتو ود المطامير دا حي ؟ ولا أتلبت في البوست دا وبقى ما بنشاف ؟ ولا الحاصل شنو؟ يا الحبيب تسأل منك العافيه وعسى ماشى أقص درب حصانك عشان نتبارز ذى كل مره . اللهم أجعل قبرى روضه من رياض الجنّه رد مع اقتباس


	04-02-2007 07:40 AM #170 المسافر الملف الشخصي مشاهدة المشاركات اللجنة الاستشارية Array تاريخ التسجيل Nov 2006 الدولة الأماكن كلها المشاركات 4,293 رجاءاً لا أمراً يا ناس ارحموا ود المطامير من الأسئلة العجيبة دي أرجوك أسألوه من الحاجات الأسرية وشغل المنزل بس ما في داعي للإحراجات . تخريمة : ويينك يا بتاع العدة ما قلت بتجي اليوم المضمار بتاع سباق الحصين تخليني أجي براااااااي . وكالعادة ولا حصان واحدة ولا حتى في العشرة الأوائل _________________________________________________ اللهم أنت ربي لا إله إلاأنت خلقتني وانا عبدك وأناعلى عهدك ووعدك مااستطعت،اعوذ بك من شر ما صنعت،أبوء لك بنعمتك علي وأبوء بذنبي فاغفر لي فإنه لايغفر الذنوب إلا أنت رد مع اقتباس


	04-02-2007 08:04 AM #171 ود المطامير الملف الشخصي مشاهدة المشاركات عضو ماسي Array تاريخ التسجيل Dec 2006 الدولة الشرفة بركات المشاركات 12,589 المشاركة الأصلية كتبت بواسطة المسافر رجاءاً لا أمراً يا ناس ارحموا ود المطامير من الأسئلة العجيبة دي أرجوك أسألوه من الحاجات الأسرية وشغل المنزل بس ما في داعي للإحراجات . تخريمة : ويينك يا بتاع العدة ما قلت بتجي اليوم المضمار بتاع سباق الحصين تخليني أجي براااااااي . وكالعادة ولا حصان واحدة ولا حتى في العشرة الأوائل والله يالحيب ويا عزيزى إجازة الإسبوع دا كانت كلها محن ومصائب والحمد لله أول شئ الموبايل إتسرق تانى شئ زجاج السياره الخلفى غيرتو قبل عشرة أيام وطار من السياره وأنا مسرع وربك ستر وأكبر الصعاب ( عمار ) رقد مستشفى . والسباق لو ما جيتك أنا ما ح تجيب شئ . اللهم أجعل قبرى روضه من رياض الجنّه رد مع اقتباس


	04-02-2007 02:47 PM #172 المكاشفى الملف الشخصي مشاهدة المشاركات عضو فضي Array تاريخ التسجيل Oct 2006 الدولة الزهراء - طابت الشيخ عبدالمحمود المشاركات 2,522 ود المطامييييييييييير الحبيب الغالى ودالناس الغاليييييييين كيفن حالك. الجماعه اتشبحووووووك بس عرفت متيخر كان بجى بسندك كيف الشرفه وناسها الرائعين باقى طولت منها كيف حال الناس من الفادنيه للحدبه ومن المستشفى لى عن فريق وراء برجع لك ........... كشه الدولى - حبيب الكل رد مع اقتباس


	04-02-2007 10:20 PM #173 Madanawi الملف الشخصي مشاهدة المشاركات فخر المنتديات Array تاريخ التسجيل Sep 2006 الدولة مدني المشاركات 3,544 المشاركة الأصلية كتبت بواسطة ود المطامير والله يالحيب ويا عزيزى إجازة الإسبوع دا كانت كلها محن ومصائب والحمد لله أول شئ الموبايل إتسرق تانى شئ زجاج السياره الخلفى غيرتو قبل عشرة أيام وطار من السياره وأنا مسرع وربك ستر وأكبر الصعاب ( عمار ) رقد مستشفى . والسباق لو ما جيتك أنا ما ح تجيب شئ . اولا يا ود المطامير سلامات لي ولدنا عمار وانشاء الله ما يشوف شر آميين. ثانيا انا بذكرك انه امؤمن مصاب وكمان كما قال صلى الله عليه وسلم أمر المؤمن كله خير له ان اصابته سرآء شكر وان أصابته ضرآء صبر. أو كما قال عليه الصلاة والسلام. إيه الدنــيا غيــــــر * لمة نــــــــاس في خيــــــر * أو ســـاعة حـــزن رد مع اقتباس


	04-02-2007 11:06 PM #174 حسن السيد الملف الشخصي مشاهدة المشاركات عضو جديد Array تاريخ التسجيل Jan 2007 الدولة البطانة = قرية ودالفوراوي المشاركات 53 المشاركة الأصلية كتبت بواسطة ود المطامير أهلاً بالحبيب حسن تحياتى الحاره لك . تمام وأخوك طلع عليهم ولا بيل جيست زاتو وتعال شوف قعد جمبى ود الشليقنا وقال لى _ هى دى أبوظبى سوت فيك كدى ؟ خلتك تربط التكه فى الرقبه . ؟!! وبقيت صغيرونى . . الله يجازي محنك يا والمتامير علي قوله ولدك عمار والله ضحكتة من جوة وضحكة صادقة والله يديك العافية ويكتر ليك التكك أقصد الكارفتات وعندي ليك سؤال ؟ ود المطامير دخل مستشفي علي حساب ما حصل ووجد حالتين في خطر شديد ولايمكنة غير أنقاذ حالة واحدة فقط بواسطة نقل دم والحالتين نفس الفصيلة التي تحملها 1// طفل لدية تخسر في الدم 2// شاب في ريعان شبابة حصل له حادث سيارة وفي نذيف شديد ما الحالة التي ينقذها ود المطامير ولماذا ولك تحياتي ....... حسن السيد ........ولي عودة أي حــاجة مــع الــزمن تـمـشـي تــكــبـر الا الشمعة لما تدور تفارق الليل تكون أصغر تنزل دمعة فوق دمعة ودموعة الحارة تتقطر انا المجبور علي الشمعة ادور أطفيها ما أقدر رد مع اقتباس


	05-02-2007 02:09 AM #175 بنت الرفاعي الملف الشخصي مشاهدة المشاركات نائب المشرف العام Array تاريخ التسجيل Dec 2006 المشاركات 9,979 معلش لكن تقول شنو مشاغل الدنيا وهو بنحاول ولو دقيقة نمر عليكم. عمار مالو سلامتو ومايشوف شر انشاءالله واسي بقى كيف؟؟ رايك شنو في التدخين وانت بتدخن ولا الله هاديك منو؟؟! سألوك عن صفة لاتحبها في نفسك وأنا حأعكس السؤال وحأسألك عن صفة بتحبها في نفسك وعاجباك..بمناسبة عاجباك دي انت من النوع العاجباه روحو ولا عادي ؟؟. نمشي ونرجع ليك تاني. علِّمي نفسك ما تندهشي صدِّقي كل الما معقول!! ----------------------- سأبقى ماحييت بدار دنيا .. رفيقاً لا يخون ولا يجافي وأحفظ عهدكم في عمق قلبي .. ويروي ودكم نظم القوافي ويبقى دائماً هناك وإن (مرام) لتحقيقه. ----------------------------------------------- اللهم اغفر لوالدي، وارحمهما وأطل في عمريهما يارب العالمين. ----------------------------------------------- اللهم ارحمني برحمتك، واغفر لي يا مالك الغُفران، واجعل قبري روضة من رياضك، وأدخلني فسيح جناتك، يا رب العالمين. رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 10:46 AM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني