ملف خاص للإبحار في عالم الميك أب والجمال

[سوار الياسمين]

حبيباتي جميلات نواعم مدني

حبيت افتح ليكم ملف خاص بكل ما يخص عالم الميك اب

بدأً من تحضير البشرة إلى طريقة وضع الميك اب بجميع الخطوات وإنتهائاً بإزالة الميك اب

وكل ذلك بإستخدام الكريمات بمختلف الماركات أو عن طريق المنتجات الطبيعية

واتمنى للجميع الإستفادة

في الإستعداد للإجابة عن أي سؤال في مجال الميك أب أو خلافه

تحياتي للجميع

[مدناوية]

تسلمي ياسوارنا على الموضوع الرائع دا,,,


بس عليك الله بالخطوات التفصيلية عشان المطوفشين زي وكدا يعني يستفيدو,,,


ولكي جزيل الشكر مدام سوار الياسمين,,,


مشاققة على قولة أخوانا,,,
بتعرفي مدام سهير في مدني؟؟؟

[صباح]

الاخت الجميله سوار الياسمين

بحييك علي الموضوع الفعلا ممكن تستفيد منو المراه ,, اصلهم اليومين ديل جنهم ميك اب ,,

كدي نتابع ونوريك راينا بعدين بعد التجربه

علي فكره ,, ما تمشي تجيبي لينا اسماء ما نقدر نشتريها من الماركات او ما نلقاها في السوق

خلي وصفاتك دائما مبسطه وبسيطه ,,انت عارفه في السودان مع قدر ظروفك ده ما حنلقي جميع الكريمات.

[samah]

سوار تسلمي الموضوع هاااام..........سؤالي ياحبيبة........سامعه لي بكريم اسمو اغادير ..........النصيحة الحكت لي وشها يقول ياليل.........اها اديني خبرو..........بجربو وبعداك برسلو لي بت عشريه

[سوار الياسمين]

تسلمي ياسوارنا على الموضوع الرائع دا,,,


بس عليك الله بالخطوات التفصيلية عشان المطوفشين زي وكدا يعني يستفيدو,,,


ولكي جزيل الشكر مدام سوار الياسمين,,,


مشاققة على قولة أخوانا,,,
بتعرفي مدام سهير في مدني؟؟؟

نفوووووووحة

بالله طلعتي مطوفشة وميح قلتي لي

لا كان كدا باريني وشوفي حتوصلي لشنو

رد المشاققة: ما عندي علم بيها .

[سوار الياسمين]

الاخت الجميله سوار الياسمين

بحييك علي الموضوع الفعلا ممكن تستفيد منو المراه ,, اصلهم اليومين ديل جنهم ميك اب ,,

كدي نتابع ونوريك راينا بعدين بعد التجربه

علي فكره ,, ما تمشي تجيبي لينا اسماء ما نقدر نشتريها من الماركات او ما نلقاها في السوق

خلي وصفاتك دائما مبسطه وبسيطه ,,انت عارفه في السودان مع قدر ظروفك ده ما حنلقي جميع الكريمات.

صبووووووووحة منورة والله بطلتك الجميلة ده

وانشاء الله تستفيدو معاي

وما تخافو حأطرح ليكم جميع الماركات لجميع المستويات وكان قدرتى بجيب ليكم الاسعار كمان

ولا يهمكم من العين ده قبل ده

تحياتي

[سوار الياسمين]

سوار تسلمي الموضوع هاااام..........سؤالي ياحبيبة........سامعه لي بكريم اسمو اغادير ..........النصيحة الحكت لي وشها يقول ياليل.........اها اديني خبرو..........بجربو وبعداك برسلو لي بت عشريه

ست السماحة كلها سماح

يا هلا بست الزين

واغادير ده مش عجيب رهييييييييييييييب عديل

ومكوناتو طبيعية مية بالمية

وعن تجربة كثير من الناس البعرفهم

بخلي ليك الوش حاااااااااااجة كدا ماشاء الله

وهو انواع على فكرة

في كريم اغادير لحب الشباب ومعاه الصابونة بتاعتو

الكريم بسعر 70 والصابونة 50 ريال وبتقعد مدة طويلة

وفي كريم أغادير لتفتيح لون البشرة ومعاه الصابونة

وعلى ما اعتقد نفس السعر

في البلدان التانية ما عندي خبر بكم

انشاء الله اكون افدتك ومستعدة لأي سؤال عندك

وتسلمي على المرور يا جميل

[سوار الياسمين]

حبيباتي نواعم مدني

اليوم حنبدأ في أول الخطوات للحصول على ميك اب صحيح وخالي من العيوب

اول الخطوات حتكون تحضير البشرة قبل وضع الميك اب: ـ

1. غسل الوجه مع الماء الدافئة بغسول الوجه مش بالصابون العادي لانو الغسول مابيعمل رغوة ولاكن بنظف بطريقة عميقة لانو الرغوة سبب في جفاف البشرة حتى لو كانت دهنية مما ينتج عنها ضهور القشرة في الوجه . ومنو ماركات كثير ( نيتروجينا / كلين اند كلير / دوف/ لوريال /اولاي) وجميع المنتجات ده متوفرة .

2. اذا كانت بشرتك بتعاني من القشرة بتجيبي منشفة وتنقعيها في موية دافية مايلة للحارة وتعصريها وتقومي تفركي بيها الوجه والرقبة بطريقة بسيطة بدون الدعك عشان ما تأذي البشرة .

3. بعد الغسيل بتجيبي كمية قليلة من الحليب المنظف من ماركة دوف مثلا واذا ما تواجد بتجيبي حليب عادي بس يكون بارد وبي قطنة تمسحي بيها على الوجه والرقبة وتتركيها لمدة دقيقة و تغسليها بماء بارد .والحليب بي ساعد انو يظهر البشرة نضرة وحتلاحظي ليها من اول مرة .

4. بعد كدا بتجيبي قطنة تبلليها بكمية كافية من التونك وهو انواع ( للبشرة الحساسة / العادية / الدهنية /الجافة ) من ماركات نيتروجينا / اولاي / دوف / لوريال / كلين اند كلير واذا ما توافر التونك بتجيبي ماء الورد وهو بيقوم بنفس الوظيفة للتونك بي ساعد على سداد مسام الوجه عشان يظل الميك اب اطول فترة ممكنة بدون ما تأذي البشرة .

بتقومي بمسح الوجه والرقبة جيدا وتتركيها من 4-5 دقائق عشان البشرة تتشربوا كويس.

وبي كدا يكون الوجه بقى جاهز عشان نبدا بوضع الميك اب عليه .

ملاحظة : اذا كنتي عايزة تعملي ماسك للوجه يفضل انك تعمليه قبل يوم او يومين من الخطوات السابقة لانو الماسك بيقوم بفتح مسام الوجه وده ما بيسمح للميك اب انو يدوم لفترة طويلة وحيدخل في مسام الوجه ممايسبب ليها البثور السوداء وظهور الحبوب .

اتمنى انكم استفدتوا من اول موضوع واستنوني في الموضوع القادم اولى خطوات وضع الميك اب.

تحياتي للجميع

[شبرقية]

ياراااااااااايع انت

من هس علي التطبق علي طوال

سوال كدا
منظف الروس السوداء من كلين اند كلير رايك فيه شنو

[سوار الياسمين]

ياراااااااااايع انت

من هس علي التطبق علي طوال

سوال كدا
منظف الروس السوداء من كلين اند كلير رايك فيه شنو

الروعة جايباها منك يا عسل

والمنظف ده زي قلتو وعادي هو والغسول واحد

لانو الرؤوس السوداء ما بتتنظف الا بطريقتين

الاولى : الملصقات الخاصة بإزالة الرؤوس السوداء لاكن ضروري جدا تعملي بعدها التونك عشان يقفل ليك المسام على الانف او على المنطقة الي جنب اللانف.

والثانية : انك تروحي لأخصائية تجميلية في احد مراكز التجميل وتكون متخصصة بتعمل ليك فيشل بزيل ليك الرؤوس السوداء.

وانتي وميزانتك يختي تختاري الطريقة الاولى ولا التانية .

وتسلمي على مرورك الشبه النسيم

[مدنيّة]

ابحري يابت بس اوعي من الغرق

[مهيرة]

حبيباتي نواعم مدني

اليوم حنبدأ في أول الخطوات للحصول على ميك اب صحيح وخالي من العيوب

اول الخطوات حتكون تحضير البشرة قبل وضع الميك اب: ـ

1. غسل الوجه مع الماء الدافئة بغسول الوجه مش بالصابون العادي لانو الغسول مابيعمل رغوة ولاكن بنظف

سوار كل الفرح والجمال
بوستك رائع كروعتك وهدية غالية
لأجمل ناس في السودان

بس الصابون العادي ده ممكن يكون :

( صابون عدة )
ياحليلنا يا التاية !

[مدناوية]

سوارنا ياعسلنا,,,
الله يديك ألف عافية ,,,
ماقصرتي تب,,,
يلا زيدينا,,, وإلى الأمام,,,
ومن اليوم وصاعداُ ,,,,

لا للغبشة,,, وهيا بنا نحو النعومة والأنوثة

[سوار الياسمين]

ابحري يابت بس اوعي من الغرق

مدوووووووون

ده بس الانتي فالحة فيهو

تعليقاتك المسيخة ده

[سوار الياسمين]

سوار كل الفرح والجمال
بوستك رائع كروعتك وهدية غالية
لأجمل ناس في السودان

بس الصابون العادي ده ممكن يكون :

( صابون عدة )
ياحليلنا يا التاية !

مهييييييييييرة المتألقة
يا خبر ابيض زي الحليب
منوووووورة والله شاهد يا مهيرة
والبوست ده هدية لكل زولة اندعكت في الشغل ونست حكحكة النسوان

ومعلومة اقولها ليك

شفتي صابون العدة بتاع السودان وبدون هظار
احسن من اي نوع صابون تاني
لانو نسبة الدهون فيه مرتفعة وما بسبب الجفاف
والمواد الكيماوية فيه قليلة بالنسبة لباقي انواع الصابون

كان راح ليك مكان الماركات امشي وانت مغمدة لصابون بلدنا الحبيب

وتسلمي مرة تانية على المرور الجميل

[شبرقية]

تسلمي ياست النواعم ياروعة
اها من هسه ماشي ارمي الشي داك
وبعد المتحانات دغري علي الصالون
ونجيكم بنيو لوك في كله

[سوار الياسمين]

سوارنا ياعسلنا,,,
الله يديك ألف عافية ,,,
ماقصرتي تب,,,
يلا زيدينا,,, وإلى الأمام,,,
ومن اليوم وصاعداُ ,,,,

لا للغبشة,,, وهيا بنا نحو النعومة والأنوثة

نفوحة الملفوحة

الله يعافيك حبيبتي

وانتو ابقو وراي وحتصلوا لنتيجة حلوة وترضيكم بإذن الله

[سوار الياسمين]

حبيباتي نواعم مدني

اليوم جبتى ليكم موضوع عن الوان البشرة المختلفة واي نوع مكي اب يليق عليها

البشـــــــــــــــــرة السمراء جدا
البيج الدافيء والبني الذهبي والنحاسي
والبرتقالي المائل قليلآ الى اللون البني:
هي الاختيارات المأمونة غير المجازفة للبشرة السوداء .
كوني اكثر جرأة بخلق اختلاف أشد عن طريق استعمال
الألوان الارجوانية الفاتحة (الليلكية او البنفسجية ) اللؤلؤية والألوان الزرقاء الزاهية...

تنويعات الألوان الرئيسية :

* الاساس:
برونزي لون البشرة الطبيعي.

الباودر :
البرونزي الغامق المائل على البرتقالي او الدهبي

* ظلال العيون:

1-أزرق زاه وأرجواني فاتح لؤلؤي لوقع جريء زاه..
2-أحمر غامق والنحاسي الألوان الداكنة الدافئة (أي من تلك التي تتراوح بين الاصفر الى الأحمر الغامق ) تبدو حسنة المنظر دائمآ

* قلم الكحل:
اسود يعطي العيون شكلآ انيقآ متلألئآ

* الماسكارا:
سوداء لتبرز جمال العيون السوداء وتجنبي الماسكارا الملونة لانها حتدي طابع غريب على الشكل

* البلاشر:
1-أسمر مصفر (بني فاتح أو برتقالي مائل الى البني) لون لطيف وخفيف ويسهل وضعه....
2-أرجواني فاتح يلائم ظلال العيون الباستيل تمامآ

* الشفاة:
1-أحمر الشفاة الوردي الفاتح المائل الى البنفسجي
أي الأرجواني الفاتح أو الليلكي يبدو جميلآ مع ظلال العيون الزاهية او الباستيل
2-أحمر الشفاة النحاسي الداكن يعطي انطباعآ دافئآ لطيف


**********

البشرة السمراء )(افتح من البشرة الغامقة )
كملي جمال البشرة السمراء والشعر الداكن بالوان دافئة وداكنة
( أي من الاصفر الغامق والبرتقالي الى الاحمر الغامق)

مظهرها قوي ولكنه طبيعي الألوان البنفسجية الداكنة والوردية (البنبي)
الغانقة والالوان الزرقاء النفطية (اي الزرقاء المائلة الى الاسود)
هي بدائل غير تقليدية وتعطي تألقآ اضافيآ

تنويعات الألوان الأساسية:

* الاساس:
ذهبي ليماثل لون البشرة

الباودر:
بيج على دهبي او برتقالي

* ظلال العيون:
1-أشقر برتقالي محروق (برتقالي غامق مائل للنحاسي) يدعم العيون السوداء
2-وردي على بيج وأزرق غامق يعطي تألقآ اضافيآ

* قلم الكحل:
أسود فاحم

* الماسكارا:
أسود فاحم

* البلاشر:
1-وردي غامق منظرة مدهش على البشرة السمراء
2-أسمر مصفر لون دافيء داكن

* الشفاة:
1-وردي على بنفسجي (أرجواني متوسط أو غامق ) يعطي تحديدآ دراميآ زاهيآ
2-بيج هاديء لون رقيق يكسب الشفتين بهاء

*********

البشرة الخمرية (الصفراء)
صاحبات هذه البشرة من المحظوظات جدا لان جميع الالوان تكون متلائمة مع لون بشرتهم

* الاساس:
افتحة بدرجة من لون الوج الطبيعي

الباودر:
نفس درجة الوجه الطبيعي وهي درجة معروفة (NATURAL )

* ظلال العيون:
جمييييييييييييييييع الالوان بجميع الدرجات

* قلم الكحل:
أسود او بني او كحلي او زيتي

* الماسكارا:
أسود فاحم او بني او كحلي او زيتي

* البلاشر:
1- الوردي بجميع درجاته
2- البرتقالي بجميع درجاته معادا الداكن جدا منها

* الشفاة:
1-وردي بجميع درجاته
2-بنفسجي جميع الدرجات ويفضل الغامق
3-بيج بدرجاته الغامقة او الفاتحة
4- البني الدرجات الفاتحة
5- البرتقالي من الفاتح إلى النحاسي الغامق.

*********

البشرة البيضـــــــــــاء

ذوات البشرة البيضاء منظرهن رائع عند وضع ماكياجات بالوان دافئة
(أي اللون الأصفر الغامق الى الاحمر الغامق)
التي تدعم الوانهن القشدية الطبيعية لكن الالوان الزاهية تخلق تباينآ
(اختلافآ) مثيرآ واللون الازرق واللون البرونزي منظرهما رائع مع العيون الزرقاء,

تنويعات الألوان الأساسية :

* الاساس:
أصفر محمرخفيف ليماثل البشرة

الباودر :
البيج الفاتج جدا او البيج الزهري

* ظلال العيون:
1-بني غامق مدخن وبني متوسط ((ألوان دافئة طبيعية)
2-زيتوني غامق وأخضر لونان قويان ومنعشان

* قلم الكحل:
رمادي مائل الى البني الذهبي أو بني زيتوني غامق ذهبي
(يوضح الالوان الشقراء والذهبية في الشعر والبشرة

* الماسكارا:
بني غامق يعطي الرموش قوة ودفئآ بدون ان تبدو فظة

* البلاشر:
1-مشمشي اختيار معتدل يكسب الخدين بهاء
2-أسمر مصفر يحدد الوجنتين زيادة

* الشفاة:
1- بيج خفيف يدعم الشعر الذهبي والبشرة الذهبية الفاتحة
2- احمر طوبي ناجح جدآ مع ظلال العيون الخضراء
3- الزهري الفاتج جدا يضيف لمسة ناعمة على المظهر

انشاء الله يكون الموضوع عجبكم

يتبع .....

[بت المطامير]

اولا السلام عليكم
بنات بلدي كيفنكن
والله الميك اب ده ما شبهنا
خلونا في كركار حبوباتنا
احسن لو رجعناليهو والكريمات
دي والله غير السرطانات مافي
شئ احسن لينا نخلينا على طبيعتنا
يا نفحات يا اختي خليك دايشة احسن
في الزمن الكعب ده الله يسترنا

[salwa]

عسوووووووووووول

والله يا سوار انا يادووب فتحت موضوعك الليلة وبالجد حاجة قيمة شديد

وربنا يجيزيك خير

بقراه كله وبرجع ليك

تسلمي يا عسل

[مسافر]

السلام عليكم يا ام احمد اشوفك متصلة اديني اشارة اكلمك

[فتاة الربيع]

السلام عليكم يا نواعم مدنى الجميلة طبعا مواضيعكم تمام وما فيها كلام جد يعنى احييكم على المساعدات اللذيذة دى وبالاخص احب احيي الاخت سوار الياسمين على موضوع الميك اب العسل زيك وشكرا ليك كتيير وربنا يزيدك بس عندى سؤال ارجو انكم تساعدونى فيه اللهو عايزة اعرف مكياج العيون الصغيرة بالنسبة للبشرة السمراء على خمرى وعايزة خلطة لتنعيم الجسم طبيعية او صناعية(منتجات) وليكم خالص شكرى

[عفااااف]

ميرسي خالص ياستي لي كل المعلومـــــــــــــات دي وانشاء ربنا يديك العافيه بس لو سمحتي سؤال انا بعد ماعمل الميك اب وانتهي ويكون تمام واطلع بعد ربع ساعة كدي طوالي تلقي الوجه دهن شديد ولو مسحتوا بالمنديل بتروح البودره والحاجات كلها اعمل شنو

[لوليتا]

ســــــــلام
انا مشتركة جديد والليلة اول مرة اشوف موضوعك دة وشداني شديييد لاني مجنونة مكياج ...
عندي كم سؤال .. عندي مشكلة دايما مع الكحل انو بسيل وجربتا تقريبا كل الماركات وبرضو نفس المشكلة حلها شنو؟ .. انا عيوني متوسطة وعاوزة طريقة عشان اكبرا بالمكياج بس ما تقولي لي اعمل قلم ابيض جوة العين لاني جربتو وما عجبني..؟ السوال الاهم انا محجبة الحمد لله كيف يكون مكياجي راقي وانيق ومهذب بلاخص بليل في المناسبات؟
ومشكورة يا عسل
لوليتا

[moh_alnour]

يصنع الصانعون وردا ولكن وردة الروض لا تتضارع شكلا