أوراق مهيرة

[مهيرة]

اتصلت بود مدني ليلة أمس لغرض ضروري والتلفون لا يرد ولا يرد ورنين ورنين وفي النهاية جاءتني بت أختي ودار الحوار التالي :
نها ازيك انتو ما بتسمعوا التلفون ؟
ابدا والله ياخالتو الموبايل بعيد شوية ونحن في أوضة التلفزيون !
طيب خير في شنو في التلفزيون ؟
بنتفرج علي ستار أكاديمي !
ستار أكاديمي فيهو شنو الليلة ؟
والله البنات التلاتة راحو رحلة والاولاد براهم!
طيب وانتو بتتفرجو علي الاولاد يابت !
لا ياخالتو بنتفرج علي برنامج الجمعة المعاد
طيب وتوقعاتك شنو ؟
شذا ياخالتو شذي بتفوز وتشوفي !
قفلت الخط !

وتنهدت تنهيدة عميقة وقلت في نفسي :

ياحليلنا يا التايــــــة !!

[مهيرة]

بتحكي لي التاية أنه حبوبتها قالت ليها يابتي زمان في قطر سمح سماحة السرور بنمشي من المناقل وبنركبوا من مدني للخرطوم لمحة عين !اسمه الوحدة ومرة من المرات جوا مدني وقطعوا التذكرة
وتحرك قطار الوحدة السريع وجاء مفتش التذاكر وسال حبوبة التاية التذكرة ياحاجة ؟
ناولته التذكرة وبعد تفحصها قال لها آسف ياجدة التذكرة ماللقطر ده .. ده القطر السريع !
أجي ياولدي ماتقول لسواقكم( يسوق براحة ) يخفف السرعة يعني

ياحليلنا يا التاية

[سواااح]

اوراق مهيرة
ويا له من توقيع حتما سنجد
اشياء هي تحمل بصمة مهيرة المتفردة
وحتما سنجد في رحابها نزهة جميلة وسياحة راقية
داخل اعماق دواخل مهيرة الاخري
مهيرة التي تحاول الان اجترار الذكري ولكن بقالب
يجمع بين الاحجية والطرفة والقصة واخريات
فقط الوعد لك مني مهيرة ان ابقي بالجوار
واتصفح اوراقك النضرة وفيها حتما ايضا
ساجدك كل ما عهدته فيك من شفافية وصدق ،،،

[اميمه عشريه]

هذه الصفحه الاولي من الاوراق ..... وسنعبر معك كل الصفحات ... فٍالينا بالتاليه ,,,,,,,,,,,

[مهيرة]

سواح كم تجدني مسرورة بهذا الاطراء والتشجيع
رغبت أن تكون (أوراق مهيرة) أحلام حب وتواصل وامتداد لكل
النواعم في هذا المنتدي ( مخضرم ) وذكريات تقف عند الضفتين
اكرر شكري وتقديري ومعك نتواصل ..

[مهيرة]

هذه الصفحه الاولي من الاوراق ..... وسنعبر معك كل الصفحات ... فٍالينا بالتاليه ,,,,,,,,,,,

أميمة :
نحلة عسل المنتدي
كيف يكون : معاك وسوار الياسمين ونور العيون وامل حياتي وبت الشبارقة وفدوي حسن ومدنية وبقية العقد من النواعم
لكم أنا فرحة بوجودي بين كوكبة النواعم ولما شفتك يا أميمة هذا الصباح :

قلبي بقّ نور
تتعدد الصور المفرحة بك وبنواعم المنتدي
كم سعيدة بوجودك في النواعم

[المسافر]

أختنا مهيرة
أجمل ما في أوراقك إنك طلّيتي علينا
بشكل مختلف عن ما تعودنا عليه
( الرسميات ) .
والجميل حقاً إنك طلعتي من الزمن
السمح برغم إنو الأمر مستحيل
يأتي من إمرأة ان تعترف بعصرها

فلكِ التحية والتقدير

تخريمة (1)
تقدمت أنا وبت الشبارقة بشكوى
عن موضوع المشرفين الجدد
وما إشتغلتي بالموضوع . . .
يعني نمشي نفتح بلاغ ولا شنو ؟

تخريمة (2)
الإخفاء ده لزوم المراقبات والمداهمات . . مش !!!!!!

[سوار الياسمين]

المبدعة مهيرة

اوراق فريدة وجميلة زي ستها
واسلوبك الجديد جميل جدا عما تعودنا عليه (اسلوب الشويش عطية )
ويلا مستنيين تاخدينا لباقي الاوراق بفارغ الصبر

تحياتي ليك يا رائعة

[مهيرة]

[center]أختنا مهيرة
أجمل ما في أوراقك إنك طلّيتي علينا
بشكل مختلف عن ما تعودنا عليه
( الرسميات ) .
والجميل حقاً إنك طلعتي من الزمن
السمح برغم إنو الأمر مستحيل
يأتي من إمرأة ان تعترف بعصرها


center]

أخوي المسافر
فيك عبقرية تناسلت تحتها الظلال
وصدقني لقد سافرت مع معظم كتاباتك في المنتدي
ولا اخفي اعجابي بماتكتب في المنتدي
كل شيء سوف يكون واضح في المكان المناسب
ويبقي الود والحب في المنتدي

من الود والشكر اجزله لصراحتك المتناهية ووجودك في النواعم

[مهيرة]

المبدعة مهيرة

اوراق فريدة وجميلة زي ستها
واسلوبك الجديد جميل جدا عما تعودنا عليه (اسلوب الشويش عطية )
ويلا مستنيين تاخدينا لباقي الاوراق بفارغ الصبر

تحياتي ليك يا رائعة

شكرا لست الفرح وبيت النواعم
وانتي الرائعة بطلتك فينا

يدوم عليك العافية

[مهيرة]

الولد المراهق قروش ابوهو تملا البلد كلها اتعلق بالبنية السمحة ذات ال17 ربيعا (جا)لابوهو وقال ليهو تخطب لي البنية دي يا بابا !
- ياولد اصبر شوية وكمل دراستك لسه انت صغير
- لا يا ابوي انا عايز البت دي وخلاص كلام نهائي مع التهديد والوعيد بال........
خضع الاب ووافق علي الزواج عشان لقي الام وافقة مع الولد الدلوعة
تتم اجراءات الزواج ويسافرون شهر العسل بدولة اجنبية وفي جيبو اربعين الف دولار وينزل في فندق 7 نجوم لزوم الفشخرة وكان المهر حديث البلد كلها !
يصعد بها وتتعرج العروس في السلم ويمسكها بكلتا يديه ( لا ياحبيبتي اعملي حسابك ياروحي ما تتعوري )
وصلو الجناح في الفندق وطلبت اشياء خاصة بها ويخاطبها بالرقة نفسها ( انتي تطلبي عيوني )انا ماعايز اي دقيقةتروح مننا قولي حاجاتك كلها عشان اجيبها ليك انتي بس تأمري !
وتمر الأيام وينتهي شهر العسل وهم نازلين من الفندق وعلي نفس سلم المدخل ( تتمايل العروس ) ويصيح فيها
انتي مالك عمياء مابتشوفي !
وترد عليهو : عمي يعميك خلينا نوصل لو ما أوريك ليهو !
وفي مطار الخرطوم كل زول مشي علي بيتو مع العربات المستقبلة ليهم !
أم البنت : بري يايمة بتي مابترجع ليهو كان السماء انطبقت يقول ليها انتي عمياء لازم ويجي اعتذر قدامك !
نحن لاقينك وين البيت الرباك تقعدي فيهو
ابو الزوج من الناحية التانية :
آخ من الخسائر ياولدي ومش حرام تزيد عدد المطلقات واحدة !!!

( نعم هي لوحة تشير الي حالات مماثلة ولكنها واقع يعيشه البعض في بيئة معينة في البلد )
رأيكم شنو ؟؟؟

[نور العيون]

عزيزتي مهيره تسلمي على هذه المداخلات
و كده و بالنسبه لأمل حياتي هو رجل و ليس
انثى

[اميمه عشريه]

( نعم هي لوحة تشير الي حالات مماثلة ولكنها واقع يعيشه البعض في بيئة معينة في البلد )
رأيكم شنو ؟؟؟

هي اذن لوحه رسمت بآهات حاره وبألوان قاتمه لأحلام مغتصبه في معيه من الجهل والاستخفاف بحياة الاخرين ... ..هي اذن امرأه لم تجف (خمرتها) بعد ولم تمكنها الظروف من تقديم كل (كعكها وحلوياتها) لمن جاء يبارك ... هو اذن من سفح امال عراض بحياة جميله واستقرار منشود .. هم اذن كانو وراء ذلك الخراب الاعمي الي ضرت عصاه جذور مشكله معلقه بجذر العصب الخامس في النخاع الشوكي لمجتمعنا ... هي امرأه اقحمت بلا سبب جنته في احصائيات محزنه وارقام تسلسليه لبيوت هوت قبل ان تعلو سماء الدفء ولم تتوسد حب الاسره وتعاضد الافراد .. هي امرأه اجهضت فيها كل اجنه الاستقرار واستؤصل رحم الحب من مرارتها ..
كثيرون هم اولئك الذين لا يأبهون ... حمقي ايضا هؤلاء الذين يبيعون بناتهم ويقتتلون في اقتسام الغنائم .. ويتوارون عندما تدير لهم الحياه ظهر المجن وترجع ابنتهم مجرده حتي من خفي حنين .. مأساه مهيره مره ومظلمه ورطبه جدا هذه اللوحه ارجوك اخرجيني منها لاني اختنق ... اختنق ...

[مهيرة]

( نعم هي لوحة تشير الي حالات )

كثيرون هم اولئك الذين لا يأبهون ... حمقي ايضا هؤلاء الذين يبيعون بناتهم ويقتتلون في اقتسام الغنائم .. ويتوارون عندما تدير لهم الحياه ظهر المجن وترجع ابنتهم مجرده حتي من خفي حنين .. مأساه مهيره مره ومظلمه ورطبه جدا هذه اللوحه ارجوك اخرجيني منها لاني اختنق ... اختنق [/COLOR][/FONT][/B][/SIZE]...

يابت يا أميمة يا عشرية الله يخليك لينا مع الكلام الbig big ده
نقطة مهمة اختنقت فيها أميمة حول عدالة الاخلاق والافكار وثنائية أو ثلاثية الباطل بين الابن او الابنة والام والاب !!
تلك المادة أكبر مشوش وهادم للقيم النبيلة .

النفوس فارغة من الداخل ومملوءة بالسموم والوهم والتدليس في كل شيء .. حتي المرأة أصبحت سلعة عندهم !!

وأخيرا أميمة الغالية :

لم يبق شيء علي قدميه
عدا (وعل) جريح
في غابة محترقة

تصوري !!!

[samah]

اوراق مهيره....................اوراق مهيره..............اوراق حكايه.........ذيدينا

[مهيرة]

اوراق مهيره....................اوراق مهيره..............اوراق حكايه.........ذيدينا

سماح :

أفبهذا منحت الكلمة كبرياء
وصداها بلغ الجوزاء
وأثرت .. الخيل والليل .. عجاجا ونداء
لم اكن احمل قلمي الا سباقا بشوط الكلمة
ولا يبقي جزاء !!

شكرا لمرورك الجميل

[بت العزازة]

صبـــاح ورديّ


ياصاحبة الحرف العذب


والحضــــور المطرّز بألوان الـ .. شتــــاءْ



وراائعة أخرى


نُبحر بين حناياااااهااااا



لنقتطف أجمل المعاني



أيتها الشفافة اللماحة .


دمتِ بارتقاااء

يامراءة من نور

[مهيرة]

بت العزازة .. المعني والمبالغة في انحيازك وفي متن علاقتك بتراب الجزيرة والي اهلنا ناس العزازة العزاز .


فرحة بوجودك في البوست ومعجبة بتوقيعك في ايقاع حزين للام المفقودة :

(امى: ماكنت أعلم والرحيل يضمنا أني أوّدع مهجتي وحياااتي!!!

:أفـــ ــ ــتــ ــقـــ دك!!: )

تسلمي يارائعة

[مدناوية]

مهيرة يا روعة،،،
أوراقك رائعة ،،،، شدني عنوان أوراق مهيرة فدخلت ،،،،
فوجدتها رائعة مثل روعتك،،،
إنطلقي بنا إلى مزيد من الأوراق،،،


وربنا يديك ألف عافية،،،

وربنا يديم المعروف،،،

[مهيرة]

نفحات الصباح ياجارة
وصلتني نفحاتك الرقيقة
وسنواصل معا تلك الاوراق

نعم لك التحية ولكم ممنونة لهذا المرور الرائع

[امل حياتى]

عزيزتي مهيره تسلمي على هذه المداخلات
و كده و بالنسبه لأمل حياتي هو رجل و ليس
انثى

اولا" الشكر للاخت مهيرة على القلم المبدع والرائع دائما" ونتظر منك يا مهيرة حكاوى زمان

والشكر للاخت نور على الايضاحات تسلمو يا غاليين

[مهيرة]

آسفة مكرر لك وللأخت نور العيون لخلط الأمور
وشكرا ليك للتوضيح
وفي انتظار ابداعاتك
تسلم لينا يا أمل حياتي

[سواااح]

الولد المراهق قروش ابوهو تملا البلد كلها اتعلق بالبنية السمحة ذات ال17 ربيعا (جا)لابوهو وقال ليهو تخطب لي البنية دي يا بابا !
- ياولد اصبر شوية وكمل دراستك لسه انت صغير
- لا يا ابوي انا عايز البت دي وخلاص كلام نهائي مع التهديد والوعيد بال........
خضع الاب ووافق علي الزواج عشان لقي الام وافقة مع الولد الدلوعة
تتم اجراءات الزواج ويسافرون شهر العسل بدولة اجنبية وفي جيبو اربعين الف دولار وينزل في فندق 7 نجوم لزوم الفشخرة وكان المهر حديث البلد كلها !
يصعد بها وتتعرج العروس في السلم ويمسكها بكلتا يديه ( لا ياحبيبتي اعملي حسابك ياروحي ما تتعوري )
وصلو الجناح في الفندق وطلبت اشياء خاصة بها ويخاطبها بالرقة نفسها ( انتي تطلبي عيوني )انا ماعايز اي دقيقةتروح مننا قولي حاجاتك كلها عشان اجيبها ليك انتي بس تأمري !
وتمر الأيام وينتهي شهر العسل وهم نازلين من الفندق وعلي نفس سلم المدخل ( تتمايل العروس ) ويصيح فيها
انتي مالك عمياء مابتشوفي !
وترد عليهو : عمي يعميك خلينا نوصل لو ما أوريك ليهو !
وفي مطار الخرطوم كل زول مشي علي بيتو مع العربات المستقبلة ليهم !
أم البنت : بري يايمة بتي مابترجع ليهو كان السماء انطبقت يقول ليها انتي عمياء لازم ويجي اعتذر قدامك !
نحن لاقينك وين البيت الرباك تقعدي فيهو
ابو الزوج من الناحية التانية :
آخ من الخسائر ياولدي ومش حرام تزيد عدد المطلقات واحدة !!!

( نعم هي لوحة تشير الي حالات مماثلة ولكنها واقع يعيشه البعض في بيئة معينة في البلد )
رأيكم شنو ؟؟؟

مهيرة ..

ايقاع يتسارع
يصاحبه صوت الدفوف
وشئ من رقص هيستري
وصياح مدعي الغناء كانه طبيب القبيلة
لا اعرف لماذا كتبت ذلك ولكنها حروف اتت
فخططتها لك .. هنا .. لا تساليني عن رابط
فنحن نشتكي الم ونذرف دمع
ولكن هناك من تيسرت له ظروف الحياة الرغدة
وهناك من يكافح من اجل لقمة العيش
يحلم بيوم ويكمل فيه نص دينه
وتجد اخرون ينثرون المال باسطين ايديهم كل البسط
ضاربين بالحائط كل التعاليم وكل الاعراف
كان الزواج هو لعبة ايام وتنتهي
وكثر في ايامنا هذه زواج الصغار
كل من يطلب ذلك يكون له
ليس معني ذلك اني اعارض الزواج لهم
بل العكس لكن ارجو ان يكون ذلك بعقلانية
فليس كل الحب صادقاً
وليس كل من طلب شيئاً يكون مدركا لمعناه
بابا عايز اتزوج .. بابا تاني يوم يزوجو
والساقية لسه مدورة ...
اسف اختي علي الاطالة ولكن هناك غصة .......

دمــــــــــــــــــــتي ،،

[مهيرة]

علي مهلك العزيز :
ســــــــواح

هناك الأرض أصبحت رطبة لمثل هؤلاء
وهناك من يستنشقون العذاب بغصة
في الرئتين

اسطورة البراءة انتهت !!

الأسي وحده ينمو في الدواخل !

أصوات هؤلاء طغت !

علي وجوه معتمة بالليل والنهار !

لك ودي علي علي بوستك الهائل جدا

[سوار الياسمين]

الرائعة مهيرة

صاحبة الكلمة الرنانة

جميل ما كتبتي

وسيكون اجمل ما سوف تكتبين

وتبعثيها لنا من خلال قلمك الشفاف

فلك مني جزيل الثناء

على هذا الابداع

ومنتظرين يا غالية ....