النتائج 601 إلى 625 من 635

الموضوع: ابو علا كوفي شوب

أدوات الموضوع
- مشاهدة صفحة طباعة الموضوع


	14-04-2007 09:31 PM #601 samah الملف الشخصي مشاهدة المشاركات عضو مميز Array تاريخ التسجيل Jan 2007 الدولة العزازه المشاركات 573 صباحك زين ابوعلا 1/ حبوبتي أم شنقــنق في قعر البيت تنــنقــنق .... دي شنو ؟؟؟ والله كان ماخانتني الغربه دا نقاع الزير 2/ قاعدة في ديــوانه تأكل في مصــرانه ..... دي شنو دي لمه الجاز 3/ من تحت حيوان و من فوق أنسان و بي الجنبات حديد .... عرفتوه ؟؟ والله عاد ي قويه نطلب الاستعانه بودالماحي او اعطاء خيارات فتَحتَ جوابك الأوّل لقيتَك لسَّه يا وطني بتكتب بالعَمار والدم رد مع اقتباس


	15-04-2007 12:39 AM #602 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 سموحـــــة مشكورة على المحاولة و الإجتهاد عندك واحـــــــــــــــــدة بس صاح نقول يا ربي الجملة ديك عرفتي تردديها كويس و لا يفتح الله عموماً كان انتي ما عرفتي ناس مدنية دي ميييييييييييييييييييييييييييح أبيض يا لبن حل الواجب حبوبتي ام شنــنق في قعر البيت تنقــنق دي الباعوضة و في رواية اخري المطرة قاعدة في ديوانه و تأكل في مصرانه ( دي لمبة الجاز و انتي حليتيها صاااح ) من تحت حيوان و من فوق أنسان و بالجنبات حديد ( دا بتاع اللبن راكب في الحمار و رابط تمنات اللبن بالجنبة ) و الغلوتية دي عملناها مخصوص للحناكيش عشان يفهمو معانا شوية أهــا شنو ليك ما قلت ليك بتطلعي برة الشبكة !!!!! و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	15-04-2007 12:50 AM #603 samah الملف الشخصي مشاهدة المشاركات عضو مميز Array تاريخ التسجيل Jan 2007 الدولة العزازه المشاركات 573 من تحت حيوان و من فوق أنسان و بالجنبات حديد ( دا بتاع اللبن راكب في الحمار و رابط تمنات اللبن بالجنبة ) و الغلوتية دي عملناها مخصوص للحناكيش عشان يفهمو معانا شوية أهــا شنو ليك ما قلت ليك بتطلعي برة الشبكة !!!!! هههههههههههههههههههه والله جات في بالي لكن قلت ماللدرجه دي فعلا طلعتني بره الشبكه زيدنا من الشعر بيت لانو والله مافضل لي الا اتصل بي ابوي جننتني حقت سيد اللبن شديد لكن الحنكشه ماعندك ابوعلا فتَحتَ جوابك الأوّل لقيتَك لسَّه يا وطني بتكتب بالعَمار والدم رد مع اقتباس


	15-04-2007 06:42 AM #604 معتز حمدتو الملف الشخصي مشاهدة المشاركات عضو مميز Array تاريخ التسجيل Feb 2006 الدولة ودمدني - حي المدنيين المشاركات 412 المميز ابو علا والله مقرراتك صعبه لما غلط !!!!! وياريت مع الاسلئه الصعبه شوية دوبيت عشان غلبنا الرد نترنم مع الدوبيت . ابو علا العديل وفضيل في بيتُ ماهو بخيل وفي شعر ماهو كليل وفي فهمُ ماهو قليل رد مع اقتباس


	18-04-2007 11:08 PM #605 samah الملف الشخصي مشاهدة المشاركات عضو مميز Array تاريخ التسجيل Jan 2007 الدولة العزازه المشاركات 573 وينك يالزين ابوعلا فتَحتَ جوابك الأوّل لقيتَك لسَّه يا وطني بتكتب بالعَمار والدم رد مع اقتباس


	18-04-2007 11:53 PM #606 شبرقية الملف الشخصي مشاهدة المشاركات عضو برونزي Array تاريخ التسجيل Feb 2007 الدولة ارض المحنة المشاركات 808 ابو علا كان تدينا فرصة ليه حليت الواجب سريع نحن ماحناكيش لكن ساسموحة طلعتي....... محتاجة دروس خصوصية بكي ..........مابكي بكاه... حس الطائرات بكاه...يرجي المعجزات بكاه.... قدرتو تنتهي رد مع اقتباس


	21-04-2007 11:14 PM #607 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة معتز- حمدتو المميز ابو علا والله مقرراتك صعبه لما غلط !!!!! وياريت مع الاسلئه الصعبه شوية دوبيت عشان غلبنا الرد نترنم مع الدوبيت . ابو علا العديل وفضيل في بيتُ ماهو بخيل وفي شعر ماهو كليل وفي فهمُ ماهو قليل المتفرد روعةً و بهاء حمدتو آسف اذا تأخرت في الرد عليك و لكن مصايب الدنيا آآآخزين ماسكانا من إيدنا اليمين كان غلبتك الدراسة يا ود عشاي ما تخاف بنسجلك مستمع لي السنة الجاية تجي تدرس معانا عديل النم ما غالي عليك يا عشاي و تستاهل اكتبو فيك معلقة كاملة بس انت شوف لينا محل نعلقها فيهو عشاي الضيوف دايما بتوقد نارو فرتاق الصفوف يوم الرجال يتجارو في شينة و ملام قط ما بجيبو اخبارو ود عز الملوك العامرة ديمة ديارو في الجود و الكرم دايماً حميدة خصالو حافظ لي العهود تب ما بخون لي جارو حمدتو الاصيل مشكورة ديمة فعالو و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	21-04-2007 11:29 PM #608 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 درب السلامة للحول قريب الحول : السنة أي أن الطريق الذي يوصلك بأمان مهما بعد وطال زمنه أفضل من الطريق المختصر الذي قد يعرضك للمهالك و هو شبيه بالمثل الذي يقول في العجلة الندامة و في التأني السلامة ، فالعبرة بالخواتيم .. العود لو مافيهو شق ما بقول طق العود : الجزع أو القصن او الفرع طق : اسم صوت بمعني انه ليس هناك شي أو كلام ياتي من فراغ لابد ان يكون له اساس مبني عليه و هذا شبيه بالمثل ( مافي دخان بدون نار ) و هو دلاله على انه لكل شئ سبب البَرْدَانْ يْحَطِبْ البردان : من يشعر بالبرد يحطب : يحتطب أي يجمع الحطب أي أن الشخص الذي يشعر بالبرد عليه ان يجمع الحطب لكي يشعل النار و ينعم بالدفء و هذه دعوة لأن يهتم كل شخص بأموره الخاصة و يسعي في تحقيقها و يقابله المثل ( ما حك جلدك غير ظفرك فتولي انت جميع أمرك ) كان جريت جري الوحوش غير رزقك ما بتحوش. الوحوش : الحيوانات المفترسة تحوش : تحصل على الشئ أي مهما بلغت من السعي و الجهد في طلب الحاجات فأنك لا تحصل إلا على ما كتبه الله لك و هذه دلالة على أن الأرزاق مكتوبة و مقسمة من عند الله و لذلك اشار الشاعر حميد بقوله نحن عارفين الله أعظم و الرزق بنزل مقسم لي البجاهد و لي المعسم النـــية زاملة سيدها الزاملة : الدابة بمعني أن النية هي بمثابة المطية أو الدابة التي توصل سيدها الى مراده و مبتغاه و فيه اشارة الى الحديث ( إنما الأعمال بالنيات ) و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	21-04-2007 11:37 PM #609 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة samah من تحت حيوان و من فوق أنسان و بالجنبات حديد ( دا بتاع اللبن راكب في الحمار و رابط تمنات اللبن بالجنبة ) و الغلوتية دي عملناها مخصوص للحناكيش عشان يفهمو معانا شوية أهــا شنو ليك ما قلت ليك بتطلعي برة الشبكة !!!!! هههههههههههههههههههه والله جات في بالي لكن قلت ماللدرجه دي فعلا طلعتني بره الشبكه سموحة الصبوحة زمان قالوا في المثل ( كان ما الدقسات كانوا لعبنها البنات ) و المقصود الكشتينة بس هسي الظاهر لي البنات بقوا يعلبوا الكشتينة و حاجات تانية حامياني معليش يا الغالية و خيرها في غيرها اشخطي في الواطة جنبك و قولي وااااااااحـــد بدينا إن شاء الله مليـــنة و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	22-04-2007 03:50 AM #610 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 الواجب المنزلي رقم ( 3 ) قال يوسف ود عبشبيش من أهلك الشكرية لي آسيا بت اختو: أمرقى يا آسيا و برعيهو قرينك أمرقى و زغردى وشوفى الكتال بى عينك كان ما نحفلك شكره و نزيل غبينك تنقطع الشراكه الباقيه بينا وبينك 1/ أشرح معاني الكلمات الآتية برعيهو : قرينك : الكتال : نحفلك : غبينك : الشراكة : 2/ أكتب المعني العام للأبيات و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	22-04-2007 08:30 PM #611 معتز حمدتو الملف الشخصي مشاهدة المشاركات عضو مميز Array تاريخ التسجيل Feb 2006 الدولة ودمدني - حي المدنيين المشاركات 412 برعيهو : شجعيه قرينك :شبيهك ( اخوك ، زوجك ) الكتال : القتال ( ربما ما تكون الحرب ) نحفلك : نزيدك غبينك : ما يعتلج في الصدر الشراكة : الصله - الرابط الشفيف ابو علا شوق الشوق للشوق مشتاق ولمتابعات دروسك وبوستاتك اشواق ارتال ارتال رد مع اقتباس


	22-04-2007 09:04 PM #612 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المجـــادعة في الشعر الشعبي من فنون الدوبيت المجادعة او ما يعرف أدبياً بالمساجلات الشعرية و هي ان يتبارى الشعراء في قول الشعر فيبتدر احدهم قولاً فيرد الآخر عليه بشعراً مثله في المعني او مشابه له في القافية و قد يتناوب الشعراء الحديث عن موضوع واحد من المواضيع التي تهمهم و ليس شرطاً ان تتم المجارة في الشعر في نفس المكان و الزمان فقد يقول احدهم شعراً في مناسبة ما فيسمع به شاعر أخر في مكان و زمان اخر فيرد على ابياته بأبيات مثلها تحمل نفس القافية أو تدور في نفس مضمون القصيدة قال الطيب و د ضحوية واصفاً حال الدنيا و تقلباتها مشجعاً و مصبرا لرفيقه طه الضرير يومأ فى السجن، ويومآ رقاد متحدر ويومــآ بالصــــفايح للبـــحر بنبدر القيــــد إن ظبط قط للقلِب ما بودر أطرى السمحه يا طه الضرير لا تودر هكذا حال الهمباتة فأنهم يوماً في السجن و يوم ينامون هادئين و يوماً اخر هو يوم السعد عندهم عندما يحصلون على مرادهم من الأبل فالقيد هنا بمعني الحبس اي انهم مهما طال حبسهم و شددت عليهم القيود فأن القلب ثابت على مبدأئه لا يتأثر بذلك و انهم يتحملون كل كذلك في سبيل إرضاء المحبوبة فرد عليه طه درق البازا جـاك زى السحابة الجارة حس اب جقرة والقربين صوقعن كارة أركز للتجيك اطرى ام حـــمد والسارة هنا يوصف الشاعر الحالة التي تصيبهم عندما يحلقهم اهل الأبل و ما يتخلل ذلك من حرب معهم و يحثهم على الثبات اكرما لتلك المحبوبة حتى تظل مكانتهم عندها في اعلى المقامات فقال الطيب باكل حارة ماضُقْ باردة ماك دارينى أســـعل منى رُبْعَاي البعرفوا قرينى حِسْ أب جقرة والقربين دوام بارينى انا خو السارة كان يبقى الكلام عانينى فرد الطيب في زهو بأن عيشته كلها صعاب فلم يعرف طريق اللين و العيش السهل فان كنت لا تدري بتلك الحالة فأسل مني ربعاي اي ربعي و اصدقائي فأنهم يعرفونني جيدا و من روائع المساجلات التي قرأتها قول شاعرنا الكبير الحاردلو في قصيدته التي يتغي بها استاذنا الفنان عبد الكريم الكابلي الزول السمح فات الكبار و القدرو كان شافوه ناس عبد الله كانوا يعزرو السبب الحماني العيد هناك احضرو درديق الشبيكي البنتوه فوق صدرو البيت الأخير يحكي قصة الزول السمح الذي منع شاعرنا الرقيق من السفر لحضور العيد مع اهله و أصحابه ناس عبد الله ففيه بيان لتلك المحبوبة صغيرة السن التي قد بدأت بعض البروز تظهر علي صدرها . و التبنيت في الأصل يستخدم في السيجة و يقصد به عمل نتؤاءت صغيرة بطرف الأصبع على صفحة الرمل فرد عليه الشاعر يوسف حسن عثمان بقوله كتاب القصيدة الليلة كلو و فترو دايرين يوصفوها الملكة اظن ما قدرو السبب الخلاني جمالا اتيه في ذكرو شفت ( الحار ) فتر و عصاهو شيطان شعرو بت انديرا غاندي المن سلالة نهرو كملت الجمال ورست معالمو و سحرو كلمة الحار : اشارة لشاعرنا الكبير الحاردلو فلك ان تسرح في هذا الجمال اللامتناهي في قول الحاردلو ( فات الكبار و القدرو ) أو تعرج على الجمال الهندي في إشارة لطيفة من شاعرنا يوسف في قوله ( بت انديرا غاندي المن سلالة نهرو ) و قول الحاردلو في موضع اخر يصف الساقية من عز نوما قامت لازمت لي انينها من كترت بكاها دموعها تروي جنينة هنا وصف دقيق و قمة في الروعة لحال الساقية و صوت الصرير الذي تحدثه عند دورانها اذ شبهه بالأنين كما شبه تدفق الماء من القواديس ( القواديس هي الجرادل التي تربط في الساقية و تعمل على غرف الماء من البحر ) بالدموع فرد عليه الشاعر يوسف حسن عثمان شايلة و لافة ديمه بشوف جيوبها ملانة كل ما تشيل كتير ما بتشكي من شيلانة كل ما اشوفا لافة بقول خلاص فايتانا و العجب العجيب بلقاها واقفة مكانا أما شاعرنا يوسف فقد شبه القودايس بالجيوب التعديل الأخير تم بواسطة abu_ola ; 23-04-2007 الساعة 12:50 AM و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	05-05-2007 09:46 PM #613 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة abu_ola الواجب المنزلي رقم ( 3 ) قال يوسف ود عبشبيش من أهلك الشكرية لي آسيا بت اختو: أمرقى يا آسيا و برعيهو قرينك أمرقى و زغردى وشوفى الكتال بى عينك كان ما نحفلك شكره و نزيل غبينك تنقطع الشراكه الباقيه بينا وبينك 1/ أشرح معاني الكلمات الآتية برعيهو : قرينك : الكتال : نحفلك : غبينك : الشراكة : 2/ أكتب المعني العام للأبيات يا جكاعة الخير مالكم غير حمدتو مافي واحد داير يحل الواجب دي الحالة انا قلت اساعدكم شوية في درجات الإختبارات بعدين و اخفف عليكم من هسي بس الظاهر انكم ما بتحبو المساعدة شبرقية وينك يا بت امي ما قلتي ما تحلوا الواجب انا بجي بحلوا مالك ليك إسبووووع ما جيتي و لا بتجي تحت تحت الواجب دا انا بلحو ليكم لاكين تاني بي رأي فيكم 1/ أشرح معاني الكلمات الآتية برعيهو : اجدليهو ( اجعليهو جدايل ) قرينك : تصغير قرنك و المقصود به ضفاير الشعر الكتال : القتال ( الحرب ) نحفلك : نحفك و المقصود نزيدك شكرا و فخرا غبينك : الغبن من الغبينة و هو ما يعتلج في النفس الشراكة : الصلة او الرابط و المقصود صلة الدم و الرابط الأسري 2/ أكتب المعني العام للأبيات في هذه الأبيات يدعو الشاعر أسيا بنت اخوو يقول ليها اخرجي يا اسيا و و اشهدي فراستنا و شجاعتنا و قوة عزيمتنا و صبرنا في الحرب و معرفتنا بفنون القتال و انثري شعرك تهياً و فخراً و زهوا فنحن قد عزمنا على جلب ما يسرك و يزيل ما اعتلج في نفسك من كدر و إلا فيحق لك ان تنفينا من القبيلة و النسب و لا تفتخري بنا و لا تذكري الصلة و الرابط الأسري الذي يربطنا و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	26-05-2007 09:33 PM #614 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 السلام عليكم يا طلاب المدرسة و يا أوليـــاء الأمور غايتو انتو الواحد كان غاب و لا مات عدييييل كده ما بتيجبوا خبرو و لا بتسألوا منو نقول يا ربي ديل طلاب شنو ديل ؟؟؟؟ عموماً كان ما دايرين تواصلوا تعليمكم و تفكوا حنكشتكم دي ادوني قروش الدروس الماضية و تاني العفو في العافية و الكوفي داي انا بسوي ليهو قبة من فوق و بقلبوا جامع أهاا بتجتو تصلوا و لا دي برضوا باااااااااص ؟؟؟؟ و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	27-05-2007 02:34 AM #615 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 وعليكم السلام ورحمة الله هي يا استاذ انت زاتك شكلك كدا متسيب واذا كان رب البيت بالدف ضاربا اكيد التلاميذ ح يكونوا زيه عموما العود احمد وفي انتظار بقية القروش هي قصدي الدروس كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح رد مع اقتباس


	29-05-2007 07:35 PM #616 samah الملف الشخصي مشاهدة المشاركات عضو مميز Array تاريخ التسجيل Jan 2007 الدولة العزازه المشاركات 573 ابوعلا والله منور المنتدي اجازة طويله لكن........ فتَحتَ جوابك الأوّل لقيتَك لسَّه يا وطني بتكتب بالعَمار والدم رد مع اقتباس


	18-06-2007 09:43 PM #617 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة samah ابوعلا والله منور المنتدي اجازة طويله لكن........ الغالية سماح دي اجازة لكل السنوات الماضية أها رجعنا تاني للدراسة و كلام الحبوبات بس يا ريتك تجــي و تشاركينا الإبداع و بالمناسبة دي في مدرسين جداد انا بحاول اقنعهم يجو يساعدوني في التدريس ، غايتو كان ديل رضوا يدرسوا يا بت امي بختكم بتنجحوا من أول حصة و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	18-06-2007 09:58 PM #618 صلاح ودالطاهر الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Jul 2004 الدولة مدني مواليد ودزرق السكن حالياً مايوطرف قرب مظلة خالده المشاركات 7,533 اه ياجنه كدي كم مره بجي بتاوق في الكوفي ده اه ان كنت قايلو بتاع بنادر اه يولد كدي ادني جبنه كاربه اصلو امس احلام بزرديات والمفكات اه ابوعلاء بضم العين بجيك صاد كدي نمشي نشوف الحشيان الحاصل فيها شنو اللهم صلي وسلم علي سيدنا محمد صلي الله عليه وسلم http://apps.facebook.com/mosshaf/?ref=bookmarks&count=0 احذر مقاربة اللئام فإنه**ينبيك عنهم في الأمور مجرب قوم إذا أيسرت كانوا إخوةوإذا تربت تفرقوا وتجنبوا اصبر على ريب الزمان فإنهبالصبر تدرك كل ما تتطلب ********************************* إني صحبت الناس ما لهـم عـدد --- وكنت أحسب إني قد ملأت يـدي لمـا بلـوت أخلائـي وجدتـهـم ---- كالدهر في الغدر لم يبقوا على أحد رد مع اقتباس


	19-06-2007 12:02 AM #619 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة صلاح ودالطاهر اه ياجنه كدي كم مره بجي بتاوق في الكوفي ده اه ان كنت قايلو بتاع بنادر اه يولد كدي ادني جبنه كاربه اصلو امس احلام بزرديات والمفكات اه ابوعلاء بضم العين بجيك صاد كدي نمشي نشوف الحشيان الحاصل فيها شنو ود الطاهر استاذ الأدب و النم في نغمو الجميل نرتاح و ننجم من شعر الغزل خلينا نتعلم و لي أدبو الجميل يا ريتنا لو نفهم مشكور يابا على الزيارة و نفخر بيك شديد و يا ريت يا عشاي تستقر معانا شوية و تدرس معانا الحناكيش ديل و ينوبك الأجر و الثواب و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	19-06-2007 01:25 AM #620 ابوالنور الملف الشخصي مشاهدة المشاركات مشرف منتدي النفاج Array تاريخ التسجيل Sep 2006 الدولة مدني المشاركات 6,658 ابو علا والله مشتاقين وحمد الله علي السلامه والبركه الشفناك طيب يا ربي انا وين sun shine رد مع اقتباس


	19-06-2007 01:31 AM #621 صلاح ودالطاهر الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Jul 2004 الدولة مدني مواليد ودزرق السكن حالياً مايوطرف قرب مظلة خالده المشاركات 7,533 اه مشيت لحاجه ام بليناه وقالت الروب بقوهو غباشه وهو مختوت في المشلعيب وتمشي تشيل الشب تختو في الزير يمكن ينقع كويس وتمشي جنب التكل تلق الدوكه اه شوف يمكن يكون الزير كراد وبعدك تمش تجيب المحركه وتخت فيها العيش عشان يبقي دراش اه بجيك صاد درسهم الكلام الملون اللهم صلي وسلم علي سيدنا محمد صلي الله عليه وسلم http://apps.facebook.com/mosshaf/?ref=bookmarks&count=0 احذر مقاربة اللئام فإنه**ينبيك عنهم في الأمور مجرب قوم إذا أيسرت كانوا إخوةوإذا تربت تفرقوا وتجنبوا اصبر على ريب الزمان فإنهبالصبر تدرك كل ما تتطلب ********************************* إني صحبت الناس ما لهـم عـدد --- وكنت أحسب إني قد ملأت يـدي لمـا بلـوت أخلائـي وجدتـهـم ---- كالدهر في الغدر لم يبقوا على أحد رد مع اقتباس


	19-06-2007 01:38 AM #622 ابوالنور الملف الشخصي مشاهدة المشاركات مشرف منتدي النفاج Array تاريخ التسجيل Sep 2006 الدولة مدني المشاركات 6,658 والبرّاق بَرَقْ .. مِنْ مِنّا جاب القِرّة شوف عيني الصِّقير بجناحو كَفَتْ الفِرّة تلقاها ام خدود الليلة مَرَقَتْ بَرّة مَرَقَتْ بَرّة .. مَرَقَتْ بَرّة تغلي مديدة الحِلْبة التَسَمِّن رِدْفَها السَمِنْ المبَسْتَرْ يانْكي والويقود بعيرات الدُّخان في العين وفي الفَشْفَاشْ يسوِّي عمايلو شِنْ فايدة مديدة الحلبة والويقود بشيلو اليانكي ؟؟ يا ابو السُّرة يا ربي انا وين sun shine رد مع اقتباس


	19-06-2007 04:05 AM #623 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 تعرف يا أبو السرة اخوي مديدة الحلبة دي هسي إلا تعملها بالفرن ما دام الياكني شال الويقود بس نقول الحناكيش ديل بعرفوا مديدة الحلبة و لا الويقود اها انت رأيك شنو في الجردقــة و المخبازة و أم حليبين و القاشيــت و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	19-06-2007 04:08 AM #624 HaSsOoN الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Jan 2005 الدولة الدوحه(قطر)-دردق المشاركات 1,199 سلام لي ارقي كوفي شوب ولي ارقي شخصيه عمنا ابو علا الغالي اشتقننا ليكم ياجماعه واشتقنا للقعدات الحنينه على جنبات الكوفي شوب ...طال غيابنا عنكم لظروف الدراسه وخفت عننا شويه قلنا نطل عليكم نمسيكم ونسلم عليكم ونطمن .....وياجماعه وين الجرسون ابراهيم اشتقنا ليو ......تقبلو تحياتي وان شاء الله الفتره دي نحاول انو نتواصل معاكم باذن الله فى ربيع الحب كنا نتساقى ونغنى نتناجى ونناجى الطير من غصن لغصن ثم ضاع الأمس منى وانطوى بالقلب حسرة.. اننا طيفان فى حلم سماوى سرينا واعتصرنا نشوة العمر ولكن ما ارتوينا انه الحب فلا تسأل ولا تعتب علينا كانت الجنة مأوانا فضاعت من يدينا ثم ضاع الامس منى وانطوى بالقلب حسرة ــــــــــــــــــــــــــــــــــــــــــــــــ اللــــــــه.......الـــوطن.......الهـــــلال رد مع اقتباس


	19-06-2007 04:17 AM #625 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة HaSsOoN سلام لي ارقي كوفي شوب ولي ارقي شخصيه عمنا ابو علا الغالي اشتقننا ليكم ياجماعه واشتقنا للقعدات الحنينه على جنبات الكوفي شوب ...طال غيابنا عنكم لظروف الدراسه وخفت عننا شويه قلنا نطل عليكم نمسيكم ونسلم عليكم ونطمن .....وياجماعه وين الجرسون ابراهيم اشتقنا ليو ......تقبلو تحياتي وان شاء الله الفتره دي نحاول انو نتواصل معاكم باذن الله الغالي حسون الشوق بحر و عليهو شوية من إعصار غونو وينك يا رائـــع متخفي عن الأنظار اشتقنا لي ضحكاتك و لا طلاتك البهية ما تحرمنا من الطلة يا راقي همسة : إبراهيم يا حبيب خلي شغلة الجرسون دي زمااااااااااااااان و دخل الحيكومة عديل و بقي مشرف المنتدي الثقافي و كلامو بقي من الموشحات الأندلسية و لي فوق و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 06:27 PM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني