كشكول ود مدني

[عمك تنقو]

كان الله مدّ في العمر بنتقابل قريب انشاء الله في خريف او ( درت 2007م ) ده عشان البهائم بتكون شبعانة وسمينة واردبين الدخن قبال ما يسوسو احسن نمرق بيهم رحلة مع خرفان الدرت في جناين ابزيد جنبنا في حنتزب الجميلة
والله بنحلم بلقياكم ياصول وربنا يدي العافية .

[خالد أحمد الصول]

الشوق و اللهفه للقياكم أحبها لدرجة الوله... و طول الغياب و أم العيال ... اخشاهم لدرجة الرجفة ... أتمني أن أري من رأكم

[سامي ود العود]

دائما مدني وحكاياتها التي لاتنتهي والتي تجعل الواحد يعيش في زمن وردي حيث الناس الطيبة والالفة والمودة التي لاتنتهي وعليكم الله كترو من حكايات مدني

[معذة احمد علي]

بمناسبة جمعة الفار كان قاعد مع اصحابو في المزاد جمب بيت صحبو المقدم امير بمناسبة ترقيتو وكانو قاعدين في مصطبة جمب بيت امير وامير بحكي ليهم انو اشتري عربية وقال اشتريت لي عربية نضيفة بس دايرة مكنة ولساتك قام نطة جمعة الفار قال والله يامير مكنة ولساتك كان ربطهم في المسطبة دي كان مشت.

[سحابة صيف]

سلامات .....

أول حاجة...... أمير وصل رتبة مقدم ؟؟؟؟ لا حولااااااااا ... ماعارف أقول شنو ؟
الزمن مشى ونحنا كبرنا ؟ ولا الأمور في السودان بقت غريبة ؟؟؟

عن جمعه الفار ... من ألطف الناس ... وأشهد إني لم أسمعه ولا حتي سمعت عنه رواية فيها كلام سئ .... إنسان رائع تماماً .... ونقي وابيض (بالرغم من سواد لونه ) ...
صداقته مع أمير من بدري جداً .... ودائماً أتذكره في الشارع في عجلة أمير وجمعة مردوف قدامه وخالف رجله في ميزان العجلة .... والشارع كله ينادي فيهم أو يتكلم معاهم ... وهم أصحاب تعليقات ساخرة جداً. وبرضه دائماً في حفلات الديم باليل موجودين بكثرة ... جمعه أصبح جواز سفر لأمير في دخوله لمجتمع الديم ( وقتها صعب جداً تدخل بينهم وتصاحبهم ) .. وأمير جواز سفر ل جمعه لأولاد المزاد ..... والله أيام

[عمك تنقو]

الشوق و اللهفه للقياكم أحبها لدرجة الوله... و طول الغياب و أم العيال ... اخشاهم لدرجة الرجفة ... أتمني أن أري من رأكم

الاخ صول سودان حبيبنا الغالي وينك ياراجل
لو عايز تظهر
البس لينا اصفر أو اخضر .. عايزيين كتاباتك
يعني لازم عمك تنقو يكتب ...

[عمك تنقو]

دائما مدني وحكاياتها التي لاتنتهي والتي تجعل الواحد يعيش في زمن وردي حيث الناس الطيبة والالفة والمودة التي لاتنتهي وعليكم الله كترو من حكايات مدني

سامي نورت الكشكول وعايزين مشاركاتك عديل كده وشكرا للتواصل .

[عمك تنقو]

كتب معذة احمد علي

بمناسبة جمعة الفار كان قاعد مع اصحابو في المزاد جمب بيت صحبو المقدم امير بمناسبة ترقيتو وكانو قاعدين في مصطبة جمب بيت امير وامير بحكي ليهم انو اشتري عربية وقال اشتريت لي عربية نضيفة بس دايرة مكنة ولساتك قام نطة جمعة الفار قال والله يامير مكنة ولساتك كان ربطهم في المسطبة دي كان مشت.


وكتب سحابة صيف

سلامات .....

أول حاجة...... أمير وصل رتبة مقدم ؟؟؟؟ لا حولااااااااا ... ماعارف أقول شنو ؟
الزمن مشى ونحنا كبرنا ؟ ولا الأمور في السودان بقت غريبة ؟؟؟

عن جمعه الفار ... من ألطف الناس ... وأشهد إني لم أسمعه ولا حتي سمعت عنه رواية فيها كلام سئ .... إنسان رائع تماماً .... ونقي وابيض (بالرغم من سواد لونه ) ...
صداقته مع أمير من بدري جداً .... ودائماً أتذكره في الشارع في عجلة أمير وجمعة مردوف قدامه وخالف رجله في ميزان العجلة .... والشارع كله ينادي فيهم أو يتكلم معاهم ... وهم أصحاب تعليقات ساخرة جداً. وبرضه دائماً في حفلات الديم باليل موجودين بكثرة ... جمعه أصبح جواز سفر لأمير في دخوله لمجتمع الديم ( وقتها صعب جداً تدخل بينهم وتصاحبهم ) .. وأمير جواز سفر ل جمعه لأولاد المزاد ..... والله أيام


الاخوان والابناء /
معذة احمد علي وسحابة صيف :

هذا هو الزمن الجميل يتمثل في أمير وجمعة أولاد المزاد والديم المعروفين ولقد وقفت كثيرا
عند ركوبهم العجلة مردوفين ويشاغل فيهم الناس علي جانبي الطريق مع قفشات وطرائف
لا تنتهي الا بوصولهم المنازل .. حقا ايام جميلة واشكركم بشدة لهذا التواصل الرائع في الكشكول .

[خالد أحمد الصول]

في كلية المختبرات الطبية التابعة لجامعة الجزيرة و التي تقع في خاصرة ترب النصاري كانت تقبع شجرة زونيا عملاقة تحمل من الثمار أضعاف ما تحمله أشجار الحي السوداني و ثمارها كبيرة تتدلي من فروعها سهلة الطلوع و تتساقط الثمار الناضجة في دوائر حول الشجرة .. مما يجعل الريق يسيل إشتهاءا لتلك الثمار الحلوه النادرة إلا أن هناك مجنون يسكن تحت هذه الشجرة يدي (قرشو) و هو من المجانين الخطريين و الويل لك إذا قربت من مملكته فإنه قوي مفتول العضلات سريع الجري لا يقدر عليه إلا أسرع و أقوي أولاد جيلنا ... يكفي أن تقول له (قرشو ... قرش الضب) لتجد نفسك تجري أكثر من 5 كيلو في ماريثون جبار لاتقاء شره ... أما إذا أوقعك القدر في يده فعلي الدنيا السلام .. و أضافة الي الضرب المبرح فهناك سلاح مشهور به و هو العض ... سمعنا و نحن أطفال أنه قد عض عسكري في معصم اليد مكان الساعة فأخذ معه الجلد فصار العسكري من يومها يلبس الساعة ليضاري مكان العضه ... نواصل

[الزبير محمد عبدالفضيل]

طبعا مدني تحمل في داخلها الكثير والكثير والكثير من الناس الحلوين وكلامهم حلو ويضحك

ويشرح القلب ويفرح النفس

خاصه المنطقه الصناعيه صينية الصياغ برندات السوق الكبير بجانب محلات ابراهيم

رمضان السوق الجديد دكاكين أستاد مدني شاره اتجاه واحد عند شجرة السماسره للبيوت

والاراضي وهذه الامكان توجد فيها الضحكات والترويح عن النفس

[mahagoub]

واحنا صغار مع انى شاكى فى دى كنا فى خلوة شيخ الريح لحى السناهير وكان عندنا تسميع اخوكم كان صغير الحجم دخلت فى البرش وهو ملفوف الشيخ قال جيبوا سوسيو ده ومن ديك وعيك ولصق الاسم

[((أبــوعاذر))]

سنطه في كبير وفي صغير
انت قاصد ياتوواحد فيهم
وزراع الله يرحمه كان نكته
وعندي مواقف ليه في السعوديه مع عثمان شقي من دردق

[((أبــوعاذر))]

في موقف
حصل هنا في قطر مع ابو جقادو
في مطعم بتاع واحد اسمه ابوالخير
المطعم اسمه الفتامينات
ابو الخير ده بحب النقه
جاء ابو جقادو عاوز يشتري عشاء
معاه ضيوف
ابوالخير شبكوا ليك ونسه ساعه
كلها انا لما كنت في باريس ولما كنت في لندن
ولما مشيت استراليا
ابوجقادو زهج قالي اسمع انته ابو الخير والا ابوزنان

[((أبــوعاذر))]

زراع في جده كان الله يرحمه
وفي فخري شوقي الصيني قاعدين مع عثمان شقي
طبعا جده الشغل فيها صعب خاصه لو ما مقيم
الناس ديل اتازمت الظروف معاهم
وماعاوزين زراع يمشي منهم

قال ليهم اقعد شنو هنا الواحد لو فطر غداهو في خطر

[عمك تنقو]

لأعزاء :
خالد الصول لك التحية ولنا لقاء قريب انشاء الله
هيلمانتو أكبر من ضجة أخوي عزيز عيسي ده

وزير الدولة الزبير محمد عبد الفضيل :
لك التحية يارجل ياغالي وفعلا المحلات التي ذكرتها تطلع منها الطرفة والنكتة والناس الظراف دايما هناك
mahgoub طبعا مشتاق ليك كتير وطولت من الكشكول ياخوي منتظرني ولا شنو .. يعني نقدر نقول في الزمن داك فزيت من خلوة السناهير .

الرجل القيافة أبو عاذر كيفك .. بقصد سنطة بتاع الأهلي في زول غيروا كان بركب موتر من اللعيبة بس هو والاسيد تاني منو الا سمسر وده اكبر منهم ..
لكن أبو الزنان ما خطيرة

[عمك تنقو]

اتنين مساطيل واقفين بتفرجوا علي واحد واقع من الطابق العاشر .. واحد سأل التاني قال ليهو علاقة الزول الواقع ده بالعسل شنو ؟؟
داك حك راسو كده وقال ليهو والله سؤال غريب لكن الاتنين بتلحسوا

[mutasim]

التحيه للجميع حبيت اعيد الكشكول مره ثاني لانه به مواضيع شيقه وبه اعضاء فقدناهم ونرجو عودتهم للمنتدى ,,

[عوض علي بشير]

ابدااااااااااااااااااااااع عمو التنقو

[ALFATEH MSSRA]

حكاية ظريفة عن عمنا شيخ العرب طيب الله سراه
عندما توفى عمنا المبدع الفنان عثمان فرفشة كنا من ضمن الناس الذين ذهبوا للمقابر ووجدنا شيخ العرب هناك بدا الحفر وعند حضور الجثمان كان شيخ العرب بدا فى عمل ود اللحد قام واحد على مااذكر هو عمنا محمود حامد طياره قال لى شيخ العرب ده شنو وسع القبر شويه قام شيخ العرب قال ليهو انتو عايزين تدفنوه بى عوده::::::::::::::::::

[معز عبد المنعم]

قبل حوالى سبع سنوات إشترينا خروف الضحية وزارنا أحد أصدقاء شقيقى عثمان وسالنا إشتريتو الخروف بى كم فأخبره عثمان بالسعر وكان 165 ألف وهنا انفجر الرجل ضاحكاَ وهمس لعثمان " كان تكملوا عليها وتشترو أرض بالشرق" .

ود الماذون

تحياتي ود الماذون واخو الماذون
و في حي القبه كان هنالك رد اخر من العم / يعقوب موسي النور قال ليهو دا سعروا ولا سرعته

[مبارك عمر عباس]

حكى لى أحد الأصدقاء أنه كان برفقة والدته فى العمرة ، وأثناء الطواف على الكعبة وبمحاذاة مقام سيدنا إبراهيم عليه السلام أخذت الحاجة تدعو " ياسيدى الحسن " وهنا التفت صديقى لوالدته قائلاً :
ياحاجة البث من هنا مباشر
التحية للحاجة ولسادتنا المراغنة ولكل الخلفاء نفعنا الله بهم.

والله ابداع .

[الزونية]

في كلية المختبرات الطبية التابعة لجامعة الجزيرة و التي تقع في خاصرة ترب النصاري كانت تقبع شجرة زونيا عملاقة تحمل من الثمار أضعاف ما تحمله أشجار الحي السوداني و ثمارها كبيرة تتدلي من فروعها سهلة الطلوع و تتساقط الثمار الناضجة في دوائر حول الشجرة .. مما يجعل الريق يسيل إشتهاءا لتلك الثمار الحلوه النادرة إلا أن هناك مجنون يسكن تحت هذه الشجرة يدي (قرشو) و هو من المجانين الخطريين و الويل لك إذا قربت من مملكته فإنه قوي مفتول العضلات سريع الجري لا يقدر عليه إلا أسرع و أقوي أولاد جيلنا ... يكفي أن تقول له (قرشو ... قرش الضب) لتجد نفسك تجري أكثر من 5 كيلو في ماريثون جبار لاتقاء شره ... أما إذا أوقعك القدر في يده فعلي الدنيا السلام .. و أضافة الي الضرب المبرح فهناك سلاح مشهور به و هو العض ... سمعنا و نحن أطفال أنه قد عض عسكري في معصم اليد مكان الساعة فأخذ معه الجلد فصار العسكري من يومها يلبس الساعة ليضاري مكان العضه ... نواصل

الأخ الصول لك التحية ..ومشكور على المعلومة عن شجرة الزونية..والتي كنت أعتقد ان أهل مدني جميعاً يعرفونها لتواجدها المكثف في شارع النيل( قديماً ..ولاأدري هل مازال شجر الزونية موجوداً للآن)..
وأستغربت من تساؤل الكثيرين عن معنى إسمي عند دخولي المنتدى....
وأرى إن المعلومة موجودة هنا منذ العام 2007...

ولي عودة....

[عمك تنقو]

الاخوة الاعزاء :

معتصم
عوض علي البشير
الفاتح ناصر
معز عبد المنعم
مبارك عمر عباس
الزونية

شكرا للجميع لاحياء البوست وكل سنة وانتو طيبين .

[نخيل طيبة]

السلام عليكم ياجماعة وشكرا لصاحب البوست ...
انا حا ادخل كده من غير احم ولادستور
البوست جميل وعجبني .. وان شاء الله بشارك فيه بالعديد من المواقف
الطريفة والتي حدثت لافراد اسرتنا

في التمنينات كانت طبعا توجد في مدني مظاهرات والكل يعرف المظاهرات
ابوي واخوي تجار في السوق الكبير
وبجوا الطلبه بطلعوا الناس من الدكاكين اما يطلعوا معاهم اما يخربوا تجارتهم
ابوي اتوجه الى البيت بعد اغلاق الدكان واخوي طلع معاهم
ومن العبارات التي كانوا يرددونها لن يحكمنا البنك الدولي
والناس تردد فيها اخوي فجأة اتلفت وراءه لقي البوليس
طبعا هرش وقال بصوت عالي لن يحكمنا ابن بطوطه وتم يردد فيها هههههههههههه

[abbas hassan awad]

لقد نسى الإخوه الأعزاء اسماء بعض العائلات العريقة بمدنى والتى لها بصمات واضحة فى مختلف ضروب الحياة الإجتماعية والسياسية بمدينة مدنى الحبيبة وعلى سبيل المثال لا الحصر عائلة الحاج عوض حسن ابراهيم اول مقاول بمدينة مدنى وهو الذى قام ببناء كلية المعلمات وهو ايضا شيخ النجارين وصاحب اكبر دكان نجارة بصف ابوجهل الشهير ووالد المرجوم حسن العوض وهو من اوائل المهندسين السودانيين وكذلك عائلة المنشد وعميدها محمد المنشد صاحب احد القباب الاربعة بمدينة مدنى وهى قبة ودمدنى وقبة سعدابى وقبة ودكنان وجميع ال المنشد من الطائفة الأحمدية والشيخ احمد المنشد يدعى كل عام لمولد السيد احمد البدوى بطنطا وتكون حلقته هى الأكثر ازدحاما بالمريدين وهنالك كذلك عائلة عوضالله التى ينحدر منها المناضل عبدالقادر عوض الله والبطل خدورى والكابتن خالد ابولبدة وخفيف الظل( حبسوها) وهنالك الكثير من العوائل الأخرى سيرد ذكرها لاحقا انشاء الله