قبل" يومين استدعانى المدير القبرصى وقال لى حيكون فى ترجمة فورية والكلاينت المرة دى امراة فرنسية وهىبالمناسبة شاركت ضمن مسابقة ملكة جمال فرنسا فخليك فى ترجمتك وما تفضحنا لانو نحن شركة عالمية وقال لى فيما معناهو اوعك تتكبكب وتتهابل
ومشينا يا سيدى الامانت ليك فندق جدة مرديان تسبقنى اشواقى
وقابلت المدير بتاعنا ومعاهو البنية الفرنساوية
شفتو نار الله
تشبه الليدى ديانا بس على اسمح]
البت تقول استحمت بلبن المراعى وجات
قعدت ابحلق فيها زى عوير امو
والمدير خايف من لسانى الفاكى لكن هو زاتو ضربتو ام هلا هلا
قال ليها دة رضا المترجم بتاعنا وهو متخصص انجليزى وفرنسى وهو سودانى
قالت ان احب السودانيين
قلن ليها انا انشاءالله اموت
قالت لى مبروك تاهل السودان لعانا
قلت ليها شكيت محنك على قول ود الطاهر
قالت لى ترجم لى بالفرنسى
قلت ليها لو دايرة اسبانى اترجم ليك
قعدت تضحك وانا ومديرى قعدنا نرجف
قلت ليها سمعت بعبد الله التعايشى
قالت لى خليفة المهدى
لمن انخلعت
قلت ليها شفت العرض القدمو لفكتوريا ملكة بريطانيا
قالت لى ما عارفة
قلت ليها
قال ليها اسلمى ونعرسوكى
قلت ليها انا شرحو
قالت لى الافارقة خطرين (ما عرفتها قاصدة شنو)
قالت لى عندى بوى فرند لكن دايرة اكرتو
اظنى عجبنها
الليلة بت دبلوك كان قرت البوست دة بتختنى فى الفندك
ومديرى يبلع فى ريقو ويحمر لى
برجع تلنى
رد مع اقتباس
المشاركة الأصلية كتبت بواسطة رضا حسن محمد
المفضلات