بسم الله الرحمن الرحيم
السلام عليكم ورحمة الله تعالي وبركاتة ان شاء كل الاوقات تنعموا بالصحة والعافية
موضوع ظهر في الفترة الاخيرة الا وهو ظاهرة ترك الاعضاء للمنتدي بدون توضيح الاسباب
اي كانت وهل هي مع الادارة ام المشرفين ام معنا نحنا الاعضاء لا احد يدري حتي ما هي ؟؟
بالدارجي
يا شباب نحنا هنا بنتحاور وبنتبادل اطراف الحديث كل واحد فينا ما عارف التاني وين ولا قدر شنو ولا مكانتو الاجتماعية شنو المهم عضو وسجل معانا !!
طيب زي ما بدينا كدا مالو تعالوا ننتهي كدا انا مثلا عندي مشكلة مع المشرف فلان طال ما قدرتة عملتة بوست وودعتة فيهو الناس والله بامكاني اناقش مشكلتي دي بالطريقة السلمية
البترضي الله وترضيني والطرف التاني من غير ما اترك اي علاماااااااااات استفهام وراي
الكبير دا كيف ولا العاقل دا كيف؟؟ انا ما خصيت بالبوست دا حد معين لكن للعبرة والاعتبار
اي واحد عندو اي مشكلة يطرحا ونتداولة بما يرضي الطرفين والمشكلة وين انو حزفو لي مشاركة ولا غيرو دي ما مشكلة والله اكيد في اسباب ودواعي انا ما شايفا دعت الناس دي تحزف لي المشاركة دي ولا عندي مشكلة مع عضو او عضوة اسيب المنتدي وانا تارك وراي خرتميت علامة استفهام كلكم كدا ماشاء الله تتجهجهو ياربي انا عملتة ليهو شنو وانا عملتة ليهو شنو ؟ هسة في خلال اليومين دي اكتر من واحد نزل لينا بوست ساب المنتدي طيب ماكان احسن يزل لينا مشكلتو !! والناس تعرف الحاصل شنو والغلط وين والصاح وين وهو صاح ولا غلط ؟؟ تاكد تمام مهما كنت عضو جديد ولا قديم والله بتترك وراك اثر عشان كدا لو حبيت تمشي والله لا جاب دي اطرح مشكلتك قبل كل شيء واسبابها وما تطرح لينا وتمشي اتداول الحديث مع الناس لحدي ما تصل لي حل نقول مرضي لجميع الاطراف ما انتة وبس فالمنتدي يا اعضاء بيتداول مشكلة امة بي حالة ناهيك مشكلتك انتة فرد واحد وامر الجميع بيهمك زي ما امرك بيهم الجميع انا معاك عاتب لوم زي ما بيقولوا الما دارك ما لامك بس حتت انك تمشي تارك وراك مليون علامة استفهام دي ما مقبولة من اي عضو عشان ما اي زول يشك ويقعد يحاسب في نفسو يا الله دا ان غلطة علي الزول دا وتاني واحد بي هناك بيحاسب في نفسو بعد شوية الكل بيحاسب في نفسو مالاقين اي سبب في حقك فرجاء يا اعضاء لو لا سمح الله في مشكلة زي دي اتكررت الواحد يعرض المشكلة ويناقشها لي آخر نفس لحدي ما يتبين الابيض من الاسود .
فدمتم سالمين بكل ود من غير مشاكل وغضاضات
رد مع اقتباس
المشاركة الأصلية كتبت بواسطة مختار بازى
المفضلات